2 ATEPTAP PEETUUSYEK 21:16 - Bukuit Ne Tilil

¹⁶ Ki ing'eet Kamuktaindet ne Toroor nereeknatetap Philistik ak ne po Arabuuk che menyei ole neegitee Ethiopik kobargei ak Jehoram.

BUKUIT NE TILIIL Sireet ne Dutero Kanon

¹⁶ Ki ing'eet Kamuktaindet ne Toroor nereeknatetap Philistik ak ne po Arabuuk che menyei ole neegitee Ethiopik kobargei ak Jehoram.

BUKUIT NE TILIL

¹⁶ Ak kiing’eet Jehovah nereknatetab Pilistik ak ne bo Marabuk che menyei ole negite Etiopik, kobargei ak Jeoram:

2 ATEPTAP PEETUUSYEK 21:16 ပူးပေါင်းရင်းမြစ်များ

2 SAMUEL 24:1

Ki nereech kot kogeny Kamuktaindet ne Toroor agobo Israel, ak king'eetyi `Kamuktaindet ne Toroor Daudi kosich kabwaatet ne ya agobo icheek. Ki leenji anyun “Ui, iit Israel ak Judah.”

1 LAITORINIK 11:11

Ki leenji anyun `Kamuktaindet ne Toroor Solomon, “Amu koiyai kii, ama iriip kayomisennyu ak ng'atuutikyuk che ki ang'atiin, arebenen iman laitornatet ak agoochi otwogindeng'ung'.

1 LAITORINIK 11:14

Ki ing'eetyi `Kamuktaindet ne Toroor Solomon puunyoot, Hadad Edomindet, ki po iyoteetap laitoryat eng' Edom.

1 LAITORINIK 11:23

Ki ing'eetyi `Kamuktaindet ineendet puunyoot age, Reson weeriitap Eliada, ne kiga mwee kiptaiyandennyi Hadadeser laitoryatap Soba.

2 ATEPTAP PEETUUSYEK 17:11

Ki ipchi Philistiik alak Jehoshaphat kagoochinoik ak fedha koek aisuruut, kigetyi Arabuuk ak icheek akwotisyegap keechiirek, mengichik eliphuusyek tisap ak pogol tisap, ak kwesik eliphuusyek tisap ak pogol tisap.

2 ATEPTAP PEETUUSYEK 22:1

Ki inde piik che ki menyei Jerusalem Ahasia weeriinnyi ne ming'in koek laitoryat kogeer ineendet: amu ki par kweanet ne kigabwa nganaseet kobooto Arabuuk, weeriik tugul che eecheen. Ara ki laitoran anyun Ahasia weeriitap Jehoram eng' Judah.

2 ATEPTAP PEETUUSYEK 26:7

Kitoret `Kamuktaindet ineendet kobargei ak Philistiik, ak kobargei ak Arabuuk che ki menyei Gur-baal, kobooto Meunik.

2 ATEPTAP PEETUUSYEK 33:11

Komutyi anyun `Kamuktaindet ne Toroor icheek kiptainigap lugeet ne po laitoryatap Assyria che ki imut Manasseh ko rataat eng' nyororosyek ak mugurek, ak komut ineendet kwo Babilon.

EZRAH 1:1

Eng' kenyiit ne po tai ne po Cyrus laitoryatap Persia, si kobiit kosulda ng'olyootap Kamuktaindet ne Toroor ne ki mwa eng' kutitap Jeremiah, ko ki ichirchir `Kamuktaindet ne Toroor Cyrus laitoryatap Persia komwaita eng' laitornatennyi tugul ak kosiir kole:

EZRAH 1:5

Ki ng'eetyo anyun che eecheen eng' kandoigap kooriigap kwanisyek che po Judah ak Benjamin ak tisiik, kobooto Lawiik, ak tugul che ki ing'eet Kamuktaindet saboonwekwak kotogosta koba koteech kootap Kamuktaindet ne Toroor ne mi Jerusalem.

JOEL 3:5

Amu ko uu ye ki oip fedhaisyekyuk ak thahabusyekyuk, ak oip tuguukyuk che korooron miising' koba hekalusyekwok;

AMOS 1:6

Mwaei Kamuktaindet ne Toroor kole: Ma aweechi pireet ne abire Gaza amu pistaosyekyik somok, ee agot ang'wan; amu ki imut piik tugul koek luulenik, si kogoito koba Edom.

AMOS 3:6

Tos kiguutei iryageet eng' nganaseet, ama iyweis piik? Tos nyoonjin yaityet nganaseet, ama iyookyi Kamuktaindet ne Toroor?

1 SAMUEL 26:19

Nooto anyun asoomin ale, ingogas `kiptaiyandennyu laitoryat ng'aleegap otwogindennyi. Ngot ko Kamuktaindet ne Toroor ne ki ing'eetin iyaiywo ne ya, ko ingotaach ineendet kagoochinet. Ago ngot ko weeriigap piik, ko ingoek icheek che chubootiin eng' taitap Kamuktaindet ne Toroor. Amu kagoona icheek rani si ma ki namgei ak pororyetap Kamuktaindet ne Toroor koleen, ‘Ui ioot kamuktaik alak.’