2 ATEPTAP PEETUUSYEK 14:14 - Bukuit Ne Tilil

¹⁴ Ki par nganasook tugul che ki mi ole neegitee Gerar, amu ki nyoonji icheek kamuisetap Kamuktaindet ne Toroor. Ki nam icheek tuguuk eng' nganasook tugul; amu kimi parunenik che chaang' nganasochooto.

BUKUIT NE TILIIL Sireet ne Dutero Kanon

¹⁴ Ki par nganasook tugul che ki mi ole neegitee Gerar, amu ki nyoonji icheek kamuisetap Kamuktaindet ne Toroor. Ki nam icheek tuguuk eng' nganasook tugul; amu kimi parunenik che chaang' nganasochooto.

BUKUIT NE TILIL

¹⁴ Ak kibar nganasok tugul che kimi ole negite Gerar; amu kinyonji ichek kamuisetab Jehovah: ak kinam tuguk eng’ nganasok tugul; amu kimi barunenik che chang’ nganasochato.

2 ATEPTAP PEETUUSYEK 14:14 ပူးပေါင်းရင်းမြစ်များ

TAUNET 35:5

Ak ye kibendi anyun, ko ki tebee kamuisetap Kamuktaindet nganasook che ki mi ole neegitee icheeget, ak ma isup icheek weeriigap Jakobo.

1 LAITORINIK 15:23

Poisyonik tugul che ng'etunotiin che po Asa, kimnateennyi tugul, tuguuk tugul che ki yai ak nganasook che ki teech, kotos ma ki sirchi kitabuutap ateptap peetuusyek ne po laitorinigap Judah? Eng' peetuusyegap osindanyi, ko ki nam myando keelyekyik.

2 LAITORINIK 7:16

Ki manda piik koba konam tuguugap nganaseetap piigap Syria. Ki kialdae anyun keruutik muut che po peek che ng'ootiin che tambululeen shekelit agenge, ak ki kialdae keruutik taman che po baale shekelit agenge, ko uu ng'olyootap Kamuktaindet ne Toroor.

2 ATEPTAP PEETUUSYEK 14:15

Ki par kogeny kaptugusyek, ak kokweri keechiirek ng'iisyat ak tambeesik. Yeityo koweek koba Jerusalem.

2 ATEPTAP PEETUUSYEK 17:10

Ki ibutyi `kamuisetap Kamuktaindet ne Toroor laitornatosyek tugul che po emotinwek che ki mi tabanwegap Judah, kot ko mata kobookyi Jehoshaphat.

2 ATEPTAP PEETUUSYEK 20:25

Kingo nyo Jehoshaphat kobooto piikyik konam tuguuk, konyoor eng' kwenunnywa tuguuk ng'iisyat che po mogornateet ak ngoroik, tuguuk che po kamanuutik che eecheen, che kibut eng' pichooto koipchigei, che kitemenee kola. Ki tar peetuutap somok koibei parunenichooto, amu ki chaang' kot.

2 ATEPTAP PEETUUSYEK 20:29

Ki nam kaiyweisyet ne iywei Kamuktaindet laitornatosyek tugul che po emotinwek, ye kingo kas kole ki par Kamuktaindet ne Toroor puunigap Israel.

Kitabuutap JOB 15:21

Mi itiikyik tuugeetap kamuisosyek; ibookyin ineendet `luulindet eng' peetuusyekyik che po poroteet.

TIENWOGIKAL 68:12

Mweei laitorinigap lugoosyek, mweei: Ak kopchei kwondo ne ng'etu eng' kaa parunenik,

ISAIAH 31:9

Ak komwei rwandennyi amu kamuiset, ak kotoptobenso pounikyik amu songolyet ne kageer,” mwaei Kamuktaindet ne Toroor ne mi maannyi Zion, ak komi maannyi ne oo Jerusalem.

ISAIAH 33:23

Kagitustus porooniguk; ma imuuch kogimit kelutap toloitap melinnywa, ma imuuch koiito angeetap meeliit. Kipcheak anyun parunenigap tuguuk che chaang' che ki kiluul; ki nam che ing'waldos parunenik.

ROMANIK 8:37

Ago, ki katerterik kot kosiir eng' tuguuchu tugul eng' ineendet ne ki chamech.

NG'ATUTIK 2:25

Atau ra agoochini koiywein ak koaragenso agobo inyee piik che miitei kurereet tugul ne po kipsengwet komugul che ta kogasei ng'aleeguk. Potandos ak konyoor ng'wanindo amu inyee.’ ”

JOSHUA 2:24

Ak ki leenji `pichooto Joshua, “Iman ki konde Kamuktaindet ne Toroor emet tugul eunekyok, ak ko ne siirei nooto, kobegu kowoi piigap emonooto eng' tainnyo.”

JOSHUA 5:1

Ye kingo kas laitorinik tugul che po Amorik che ki mi komostap cherongo eng' Jordan, ak laitorinik tugul che po Kanaanik che ki neegitee nyanjetap Mediterenian kole ki yai `Kamuktaindet ne Toroor aineetap Jordan koyaam eng' taitap piigap Israel kot kolandae, kobek mugulelwekwak kot ko mata kong'et nyiganateet eng' icheek amu piigap Israel.

KIRUOGIK 14:19

Ki nyoonji ineendet `Kabuusetap Kamuktaindet ne Toroor eng' kimnateet, ak kichoortagei kwo Askelon, ki par piik sosom che po pichooto ak koip parunenikwak ak ki igoochi ngoroik che kiwalawali, icheek che ki iboor tangochonooto. Ak kinereech kot ineendet ak kitogosta kwo kootap kwandanyi.

1 SAMUEL 14:15

Ki piit potanet eng' nganaseet, eng' emet ak eng' piik tugul. Ki potan lugeet kobooto luulik ak icheek; ak ki potan ng'wony, kot koit kobiit potanet ne oo miising'.