1 TIMOTEO 3:3 - Bukuit Ne Tilil

³ ne ma kimaiya, ne ma pirisyei; ago ne tala, ne ma chii ne po pooryot, ne ma chamei silingisyek;

BUKUIT NE TILIIL Sireet ne Dutero Kanon

³ ne ma kimaiya, ne ma pirisyei; ago ne tala, ne ma chii ne po pooryot, ne ma chamei silingisyek;

BUKUIT NE TILIL

³ ne ma kimaiya, ne ma birisiei; ago ne tala, ne ma chi ne bo boriot, ne machamei siling’isiek;

1 TIMOTEO 3:3 ပူးပေါင်းရင်းမြစ်များ

KALEWANAIK 1:19

Uu nooto ortinwegap age tugul ne kipkeiyat agobo kelunet; rebei saboonwegap piik.

KALEWANAIK 15:27

Inyalili koonnyi `ineendet ne kipkeiyat agobo kelunaik, ago sabei ineendet ne wechei asoya.

AMDOINDET 7:8

Kaigai kagesunetap kiy kosiir taunennyi; kaigai ne muitoi eng' muguleldonyi kosiir ne meenei.

ISAIAH 28:1

Pwo eng' chepkuletap menoteet ne po kibogitinigap Ephraim, ak eng' taapteet ne resei ne po karaaranindap laitornatennyi, ne mi metitap atebweet ne akwai ne po icheek che ki koterter divaik!

ISAIAH 28:7

Ago ki kochiliil chuuto ak icheek amu divaik, ak ki komaasta amu maiyek; ki kochiliil tisiindet ak maotyot amu maiyek, ki komaaluuch divaik icheek, ki komaasta amu maiyek; ichiliili eng' ng'ang'utyet, ibutos eng' kirwooget.

JEREMIA 6:13

Amu kobooch ne ming'in agoi ne oo eng' icheek, ko tinyei age tugul keyandiit, ak kobooch maotyot agoi tisiindet, ko yaei kaberberisyet age tugul.

JEREMIA 8:10

Agoochini anyun piik alak osotikwak, ak agoochi mbareenikwak piik che namei kobunji, amu kobooch ne ming'in agoi ne oo, kotinyei age tugul kasetap myat, ak yaei age tugul kaberberisyet kobooch maotyot agoi tisiindet.

EZEKIEL 44:21

Ama eei tisiindet age tugul divaik ye wendi seremut ne po oriit.

ATEPTAP LAWIK 10:9

“Amat iee divain anan maiyo alak tugul inyee ak weeriiguk ye obendi emait ne kituiyechin, si mobegu. Egu niito ng'atuutyet ne po agoi eng' ibinwekwok tugul.

MIKAH 2:11

Ngot komwa lembech chiito ne wendoti eng' usoonet ak lembechek, kole amaotenun agobo divaik ak maiyek; koegu ineendet maotyotap pichu.

MIKAH 3:11

Irwoochi kandoik amu tuguuk che kigoigoisye ak ineetisyei tisiik amu melekto, ak kong'orsei maotikyik amu silingisyek: nganda uu nooto kotiegei Kamuktaindet ne Toroor ak koleen, Tos ma mi Kamuktaindet ne Toroor kwenunnyo? Ma mi yaityet ne nyoonjinech.

MIKAH 3:5

Mwaei Kamuktaindet ne Toroor ko uu ni agobo maotik che igoochin piikyuk ko leel; kowaaktos koleen, kaalyeet, ye tinyei icheek kiy ne amei, yeityo koyai lugeet koyachi che ma tinyei kiy ne indoi kuut.

MALAKI 1:10

Kaigai onde chii ne kerei kurgotik si molaal maat eng' kaptisisyennyu puch! Ma paibai eng' okweek agot kitigin, amataache kagoochinet ne punu eunekwok, mwaei Kamuktaindet ne Toroor ne po lugoosyek.

MATAYO 21:13

Ki leenji icheek, “Siraat keele, ‘Kiguure koonnyu kootap saaet,’ ago kaowal koek kebeneetap rebiik.”

POISYONIGAP CHE KIYOKTOI 20:33

Ma agase myat fedha che po chii age tugul, anan thahabu, anan ngoroik.

ROMANIK 16:18

Amu icheeget che uu chooto, ko maotei Kiptaiyandennyo Kristo, ago otei mootinwekwak; ak kong'alei mugulelwegap che libwoben eng' ng'aleekwak che tangusen ak che po chemwaigutnateet.

EPESOEK 5:18

Amat obogitye eng' maiyek, che ibu mageet ne ya, ago ingonyiiak Kabuuset ne Tiliil;

1 THESSALONIKEK 5:14

Ak kitigoonok, che kitupche, keele oteechi che ma riibei che ki king'at, ocher che nyogooren, otoret che nyalulyotin, omuite ak piik tugul.

1 TIMOTEO 3:8

Ko uu nooto kiboitinigap kaniset kanyool kotebi eng' teegisto, ma che po ng'elyebwek aeng', ama che pogitos, ama che kasei myat agobo silingisyek;

2 TIMOTEO 3:2

Amu egu piik che chamegei icheegei, che chamei silingisyek, che ichaugei, che mendos, che poisyee chemerereet, che ingeleljin sigiikwak, che ma tinyei kongoi, che ma tiliileen,

TITO 1:11

che kanyool keger kutusweekwak; che itarng'aanyi ko komugul, koneeti tuguuk che kama konyolu amu mogornateetap teweernateet.

TITO 1:7

Amu kanyolji riibindetap kaniset koek chii ne ma tinyei leluut, ineendet ne riibindetap poisyetap Kamuktaindet; ma ne isubi magennyi, ne ma sip konereechi, ne ma kimaiya, ne ma pirisyei, ne ma ting'ee keiyandit mogornateetap teweernateet;

TITO 2:3

ko uu nooto chebyosok che kagoeegitu, ingoek che teegot eng' atebosyekwak, che ma kataamik, anan che rategei eng' divaik che chaang', kaneetik che po tuguuk che myach;

TITO 3:2

amat komwa kiy ne ya agobo chii age tugul, amat koek piich che po pooryot, ingoek che talaen, koboorchin piik tugul mutyonet tugul.

HEBRANIK 13:5

Oegu che ityagatin eng' chametap silingisyek; ingoyamak tuguuk che otinye; amu ki komwa ineendet kole, “Ma koi abagaakteen, ma koi ameteen.”

JAKOBO 4:1

Punu ano lugoosyek ak pooryosyek eng' kwenung'wong'? Ma punu maguutikwok che poortos eng' kebeberwekwok?

1 PETERO 5:2

oyage akweetap Kamuktaindet ne miitei kwenung'wong', otononji, ama eng' pirchinet, ago oyage eng' chameet, eng' Kamuktaindet; ama eng' mageetap keljinet ne murwoon, ago oyage eng' chameet ne oo;

2 PETERO 2:3

Ak kocheeng'jingei poroteet eng' okweek eng' ng'aleegap ng'aalseet amu kasennywa ne po myat: che ma igaegei kirwoogennywa kobooch keny, ama ruei ng'emisyennywa.

JUDA 1:11

Pwo eng' icheek! Amu ki isup ooreetap Kain, ak kogoochigei mastaetap Balaam komach melekto, ak kilusyo eng' ngelelnatetap Kora.

NG'ANG'UTYET 1:9

Aa Johana, tupcheng'wong' ak ko aa ne kiyamdoi tugul nyalilda ak laitornatet ak muitaet eng' Jeso, ki ami emet ne ki ikween peek ne kiguure Patmo amu ng'olyootap Kamuktaindet ak paornateetap Jeso.

1 SAMUEL 8:3

Ma pendate weeriikyik ortinwekyik, ago kimasta kosup mogornateet eng' ooreet ne ya. Kitaach asoya ak komaas kirwooget.