1 SAMUEL 25:26 - Bukuit Ne Tilil

²⁶ Ara anyun kiptaiyandennyu, ko uu ye sabei Kamuktaindet ne Toroor ak ko uu ye sabei saboondang'ung', ak ko uu ye kietenen Kamuktaindet ne Toroor si metumde korotiik, si meyaaktochigei mugetuut eng' eung'ung', ko ingoigei puuniguk Nabal ak icheek che cheeng'jin yaityet kiptaiyandennyu.

BUKUIT NE TILIIL Sireet ne Dutero Kanon

²⁶ Ara anyun kiptaiyandennyu, ko uu ye sabei Kamuktaindet ne Toroor ak ko uu ye sabei saboondang'ung', ak ko uu ye kietenen Kamuktaindet ne Toroor si metumde korotiik, si meyaaktochigei mugetuut eng' eung'ung', ko ingoigei puuniguk Nabal ak icheek che cheeng'jin yaityet kiptaiyandennyu.

BUKUIT NE TILIL

²⁶ Ara anyun kiptaiyandennyu, ko u ye sobei Jehovah, ak ko u ye sobei sobondang’ung’, ak ko u ye kietenen Jehovah si metumde korotik, si meyaaktochigei mugetut eng’ eung’ung’, noto anyun, ingoigei buniguk Nabal, ak ichek che cheng’jin yaitiet kiptaiyandennyu.

1 SAMUEL 25:26 ပူးပေါင်းရင်းမြစ်များ

TAUNET 20:6

Ak ki mwachi anyun `Kamuktaindet ineendet eng' karwotitoet, koleenji, “Wei, angen ale ki iyai ko uu ni eng' muguleldo ne po iman. Agot anee ko ki aeetenen si meyaiywo tengek. Nooto anyun amu nee si ma achamun itwaa ineendet.

2 SAMUEL 18:32

Ki teebe `laitoryat Kusindet koleenji, “Chamegei nerananooto Absalom?” Ak ki wolji Kusindet kole, “Ingoigei puunigap kiptaiyandennyu laitoryat, ak piik tugul che ng'eetyinin kole kobarin, kiit ne kaigei nerananooto.”

2 LAITORINIK 2:2

Ki leenji `Elijah Elisha, “Asoomin ale, tebi eng' yu; amu kagoyookta Kamuktaindet ne Toroor awo agoi Bethel.” Ago ki le Elisha, “Ko uu ye sabei Kamuktaindet ne Toroor ak ko uu ye sabei saboondang'ung', koma metoin.” Kochoortagei anyun Bethel.

2 LAITORINIK 4:6

Kingo nyi tereenik tugul, koleenji weeriinnyi, “Ibwa tereet age.” Ago ki leenji ineendet, “Ma komi tereet age.” Ki siis anyun mwaita mata korong'kei.

TIENWOGIKAL 44:3

Amu ma nam emet eng' rotonikwak po chok, ama sar icheek `eunekwak; ago eung'ung' ineegei ne po tai, ak lapkeiyetap togeng'ung', ko ki icham icheek.

KALEWANAIK 31:12

Yachin ne myee osotyonnyi ineendet, ma yachin ne ya eng' peetuusyek tugul che po osotyondonooto.

JEREMIA 29:22

ak komwaei luulenik tugul che po Judah che mi Babilon, eng' chubisyet kole, ingoyain Kamuktaindet ne Toroor iige Zedekiah ak Ahab, che ki peel laitoryatap Babilon eng' ma;

DANIEL 4:19

Ki toptoben anyun ne matya Daniel, ne ki kiguure Belteshazzar, ak kiim ineendet kabwaatutikyik. Ki mwachi `laitoryat ineendet koleenji, “Beltesasar, amat ingoiimin karwotitoet, anan ko kaarorennyi.” Kowol Belteshazzar kole, ingobunji karwotitoet icheek che wechin, ak ingobunji kaarorennyi puuniguk!

HEBRANIK 10:30

Amu kingen ineendet ne ki komwa kole, “Nenyu yaaktaetap mugetuut, anee ne ayaaktoi.” Ak kogeny, “Tuun irwookyin `Kiptaiyat piikyik.”

1 SAMUEL 1:26

Ak ki mwa kwonyooto kole, “Ee kiptaiyandennyu, ko uu ye isabe, ko aa kwonyo kitononi eng' yu kimi, asaae Kamuktaindet ne Toroor.

1 SAMUEL 2:9

Riibei keelyegap piik che iywei ineendet, ago yaei kiptengeginik kolusyo eng' imenindo. Amu ma eng' kimnon si kobelis chii.

1 SAMUEL 20:16

Ki yai anyun `Jonathan arorutyet kobooto kootap Daudi kole, Tuun mage Kamuktaindet ne Toroor kioto eunegap puunigap Daudi.”

1 SAMUEL 20:3

Ak ki iyasyo Daudi kogeny kole, “Ingen kwandang'ung' komyee kole ichamoo; nooto amu nee asi koleenjigei, ‘Amat konai Jonathan kiito si ma aragen.’ Ago iman ko uu ye sabei Kamuktaindet ne Toroor, ak ko uu ye sabei saboondang'ung' agine, komi kakwautyet agenge kityo eng' kwenunnyu ak meet.”

1 SAMUEL 22:3

Ki wo eng' olooto `Daudi kwo Mispe ne po Moab ak koleenji laitoryatap Moab, “Asoomin ale chamji abba ak kamennyu kobwa otebi tugul agoi anai kiit ne yaiywo Kamuktaindet.”

1 SAMUEL 25:25

Asaain kiptaiyandennyu ale mat iit kipyaitwani ile kiy, amu ko uu kiit ne uu kainennyi, ko uu nooto ineendet. Kainennyi ko Nabal, ak tinyei abusnateet. Ma ageer anee cheptong'ung' ne otwogindet murenjoto po kiptaiyandennyu che kigeyagu.

1 SAMUEL 25:39

Ye kingo kas `Daudi kole kagome Nabal kole, “Iberuurot Kamuktaindet ne Toroor ne ki korwookyinewa Nabal agobo chubeet ne ki chubo ak kieetee otwogindennyi yaityet. Ki weekyi Kamuktaindet ne Toroor metitap Nabal yaityennyi ne ki yai.” Yeityo koyookto `Daudi keng'alaalji Abigail si komut koek osotyonnyi.

1 SAMUEL 26:10

Yeityo kole `Daudi, “Ko uu ye sabei Kamuktaindet ne Toroor, kobarei `Kamuktaindet ne Toroor ineendet anan koityi peetuunnyi ne meei anan kwo lugeet kwo komechi olooto.