1 SAMUEL 20:1 - Bukuit Ne Tilil

¹ Kimwei Daudi eng' Naiot eng' Ramah ak kwo komwa eng' taitap Jonathan kole, “Ki ayai nee? Nee tengektonyu? Nee chalwoktanyu eng' taitap kwandang'ung' si kocheeng'ei saboondanyu?”

BUKUIT NE TILIIL Sireet ne Dutero Kanon

¹ Kimwei Daudi eng' Naiot eng' Ramah ak kwo komwa eng' taitap Jonathan kole, “Ki ayai nee? Nee tengektonyu? Nee chalwoktanyu eng' taitap kwandang'ung' si kocheeng'ei saboondanyu?”

BUKUIT NE TILIL

¹ Ak kimwei Daudi eng’ Naiot eng’ Rama, ak konyo komwa eng’ taitab Jonatan, kole, Kiayai nee? Nee tengektanyu? Nee chalwoktanyu eng’ taitab kwandang’ung’, si kocheng’ei sobondanyu?

1 SAMUEL 20:1 ပူးပေါင်းရင်းမြစ်များ

TIENWOGIKAL 54:3

Amu kang'eetya toek che machei kogirinda, amu kogocheeng' icheek che koroomen saboondanyu; ma cham icheek konde Kamuktaindet tainnywa.

2 KORINTOEK 1:12

Amu kalasunennyo ko ni, paornateetap kabwaatennyo, keele ki kiteptoi tiliilindo ak atepto ne ma tinyei keniisyet, ne po Kamuktaindet, eng' ng'wony, ma eng' utaatyetap poorto ago eng' myeeindap Kamuktaindet, ak ne siirei miising' ko eng' komostang'wong'.

2 PETERO 2:9

ko ingen anyun Kiptaiyat kosar eng' yoomseet che iywei Kamuktaindet ak koriip che ma po imanda kot koit peetuutap kirwooget, si tuun kirwookyi.

1 JOHANA 3:21

Chamanichu, ngot koma irwokwech mugulelwekyok ketinye nyiganateet eng' taitap Kamuktaindet;

1 SAMUEL 12:3

Ang'ni anee! Obaoryanjo yaityo eng' taitap Kamuktaindet ne Toroor ak eng' taitap nenyi ne iilaat. Ki arebee ng'oo tennyi? Anan ki arebee ng'oo sigiryennyi? Anan ki aberber ng'oo? Ki aus ng'oo? Anan ki anam eng' eutap ng'oo tugun che po asoya si atuge konyekyuk? Ngo mi aweekwok.”

1 SAMUEL 19:1

Ki ng'alaalji `Saulo Jonathan weeriinnyi kobooto otwogikyik tugul koleenji kobar Daudi.

1 SAMUEL 19:18

Kimwei anyun Daudi, kochilil ak kwo ole mi Samuel eng' Ramah. Ki wo komwachi tuguuk tugul che ki yachi ineendet Saulo. Yeityo koba tuwai ak Samuel koba komeny Naiot.

1 SAMUEL 20:2

Koleenji Jonathan, “Ingolooit nooto, memee; keero, ma yaei abba kiy ne oo anan ne ming'in, ama iboorwo. Amu nee si koung'ena Abba kiito? Ma uu nooto.”

1 SAMUEL 20:32

Kowolji `Jonathan kwandanyi Saulo koleenji, “Kibarei amu nee? Koyai nee?”

1 SAMUEL 24:11

Kogeny, ee, keero abba keer walitap ngoryeeng'ung' ne mi eunnyu! Katil walitap ngoryeeng'ung' ak ma abariin, nai anyun ak igeer ile ma tinye yaityet anan ko pistoet eng' eunekyuk ak tomo ayaun tengek agot nganda icheeng'e saboondanyu ibar.

1 SAMUEL 24:12

Ingooiyech Kamuktaindet ne Toroor, ak ingoyooktoiwo Kamuktaindet ne Toroor mugetuut eng' inyee, ago ma parin eunnyu.

1 SAMUEL 24:17

Ki mwachi `laitoryat Daudi koleenji, “Ii po iman isiira, amu kaiyaiywo ne myee, ago ki ayaun ne ya.

1 SAMUEL 24:9

Koleenji `Daudi Saulo, “Amu nee si igas ng'aleegap piik, che mwaei kole, ‘Cheeng'ei Daudi koyaun kiy ne ya?’

1 SAMUEL 26:18

Amu nee si kosubot `kiptaiyandennyu otwogindennyi? Koayai nee? Anan nee yaityet ne mi eunekyuk?