1 SAMUEL 17:26 - Bukuit Ne Tilil

²⁶ Ki ng'alaalji `Daudi piik che kitonondos eng' ye mi ineendet koleenji, “Kiyachin nee chiito ne parei Philistindoni ak koisto teweernatani eng' Israel? Amu ng'oo Philistindoni ma kimuratan kot koreeny lugosyegap Kamuktaindet ne sabei?”

BUKUIT NE TILIIL Sireet ne Dutero Kanon

²⁶ Ki ng'alaalji `Daudi piik che kitonondos eng' ye mi ineendet koleenji, “Kiyachin nee chiito ne parei Philistindoni ak koisto teweernatani eng' Israel? Amu ng'oo Philistindoni ma kimuratan kot koreeny lugosyegap Kamuktaindet ne sabei?”

BUKUIT NE TILIL

²⁶ Ak king’alalji Daudi bik che kitonondos eng’ ye mi inendet, kolenji, Kiyachin nee chito ne barei Pilistindoni, ak koisto tewernatani eng’ Isrtael? Amu ng’o Pilistindoni ma kimuratan, kot koreny lugosiekab Kamuktaindet ne sobei?

1 SAMUEL 17:26 ပူးပေါင်းရင်းမြစ်များ

2 LAITORINIK 19:4

Abeere imuuchi kogas Kamuktaindet ne Toroor Kamuktaindeng'ung' ng'aleek tugul che po Rabsake, ne kagoyok `laitoryatap Assyria kiptaiyandennyi, konyo kochot Kamuktaindet ne sabei, ak koger kong' ng'aleek che kagas Kamuktaindet ne Toroor Kamuktaindeng'ung'. Ara anyun saa agobo piik che ng'etunotiin.”

2 ATEPTAP PEETUUSYEK 32:17

Ki sir kogeny paronok kole kochurachur Kamuktaindet ne Toroor, Kamuktaindetap Israel, ak komwa che yaach agobo ineendet, kole, “Ko uu ye ma sar kamuktaigap pororyosyegap emotinwek piikwak eng' eunnyu, koma saru agine Kamuktaindetap Hezekiah piikyik eng' eunnyu.”

NEEMIA 5:9

Ki amwa kogeny ale kiit ne oyae koma myee. Tos ma nyoljinok obendate kaiyweisyetap Kamuktaindennyo si kogiring'da chotisyetap pororyosyek che puunikyok?

TIENWOGIKAL 44:13

Kegoonech keegu che iteweeri piikyok che po kok, sasech ak kororechinech icheeget che mi komoswekyok.

TIENWOGIKAL 74:18

Ibwaat niito, ee Kamuktaindet ne Toroor, ile, ki kogerin kong' puunyoot, ak ki chup piik che abusotiin kaineng'ung'.

TIENWOGIKAL 79:12

Ak iyaakyi pororyosyek che neegiteenech konyil tisap eng' tegetikwak Kerennywa po kong', ne kigerin kong', inyee, ee Kiptaiyat.

ISAIAH 37:23

Ak ng'oo ne ki ichot ak ichup? Ak ng'oo ne ki ibolji ak injurur? Nooto ko Ineendet ne Tiliil ne po Israel.

JEREMIA 10:10

Ago Kamuktaindet ne Toroor ko Kamuktaindet ne Toroor ne po iman; ineendet ko Kamuktaindet ne Toroor ne sabei, ak ko laitoryat ne po koigeny. Bbotani ng'wony amu nereegekyik, amaimuuchi komuita pororyosyek eng' nereegekyik.

JEREMIA 9:25

Mwaei Kamuktaindet ne Toroor kole, “Pwoonei peetuusyek, che tuun abire tugul che ki kimuratan eng' kamuratanennywa ne ma kamuratanet, chooto abire ko:

JEREMIA 9:26

Misiri, Judah, Edom, ak lagogap Ammon, kobooto Moab ak tugul che piori metowekwak, che menyei surkwen. Amu ma imuratanotiin pororyosyek tugul ama imuratanotiin mugulelwegap koot tugul ne po Israel.”

EZEKIEL 28:10

Imee eng' meosyegap che ma kimuratan eng' eutap toek: amu kaamwa ng'olyoondoniito, mwaei Kiptaiyat Kamuktaindet ne Toroor.

DANIEL 5:23

Ago ki ietkei obelgei ak Kiptaiyat ne po kipsengwet; ak kogeip tereenigap koonnyi kobwa taing'ung', ak kooee divaik, inyee ak kiptainiguk, osotiguk ak chebaigeiniguk; ak koilasu kanamonigap fedha, ak che po thahabu, che po sugunwet, che po kariik, che po keetiik, ak che po koik, che ma keertoi, ama kastoi, amaingen kiy. Ama itoroor Kamuktaindet ne tinyei kabuseng'ung' eng' eunnyi, ak chechiik ortinweguk tugul.

DANIEL 6:27

Ityachi ak kosaru, yaei kaboorunoik ak kwang'utik eng' kipsengwet ak ng'wony; ineendet ne kogosar Daniel eng' kimnateetap ng'etuunyik.”

DANIEL 9:16

Ee Kiptaiyat, asaain ale ko uu eng' imandang'ung' tugul ko ingoistoegei nereegeguk ak nereegeguk che ng'woneen, nganaseng'ung' Jerusalem, tulweeng'ung' ne tiliil; amu tengekwogikyok ak amu yaitwogigap kwanisyekyok ko ki koek Jerusalem kobooto piiguk che kichotei eng' tugul che miitei komoswek tugul.

JOEL 2:19

Ak ki wolji `Kamuktaindet ne Toroor piikyik koleenji, ogeero, ayookwok peek ak divaik ak mwanik, ak obiyong'se eng' chooto: amayaok kogeny oegu che kichotei eng' pororyosyek:

NG'ATUTIK 5:26

Chii ng'oo eng' piik tugul ne ki kas kutitap Kamuktaindet ne sabei kong'alaali eng' maat ko uu ye ki kigas ak kosap?

1 THESSALONIKEK 1:9

Amu icheeget che iboortoi agobo acheek ole ki kibwanunde oldang'wong'; ak ko uu ye ki oweekyigei Kamuktaindet olakte kanamonik, si kobiit oot Kamuktaindet ne sabei ak ko ne po iman,

JOSHUA 3:10

Ki testai Joshua kole, “Onae eng' ni ole mi kwenung'wong' Kamuktaindet ne sabei, ak oonei ineendet eng' taing'wong' ne matiny Kanaanik, Hitik, Hibik, Perisik, Girgasik, Amorik ak Jebusik.

1 JOHANA 5:20

Ak kingen keele kigonyo Weeriitap Kamuktaindet, ak ki kogoonech kaguiyet, si kobiit kenai ineendet ne po iman, ak kemi eng' ineendet ne po iman, eng' Weeriinnyi Jeso Kristo. Niito ko Kamuktaindet ne po iman, ak saboondap koigeny.

1 SAMUEL 11:2

Ak ki leenji `Nahas Amonindet icheek, “Ayae arorutyonooto kobootok eng' ng'olyoondoni ale kebalu konyekwok tugul che po tai si ande koek teweernateet eng' Israel tugul.”

1 SAMUEL 14:6

Ki leenji `Jonathan murenooto ki ipchin kariikyik che po lugeet, “Nyoo kelande keebe ole mi lugeetap chu ma kimuratan, abeere imuuchi kotoretech Kamuktaindet ne Toroor amu ma mi kiy ne etee Kamuktaindet ne Toroor kosar eng' che chaang' anan ko eng' che ng'ering'.”

1 SAMUEL 17:10

Ki le Philistindonooto, “Areenye lugosyegap Israel ra, ogoono chiito si kobiit kebarge.”

1 SAMUEL 17:30

Kiwelelgei kotokyigei chiito age ak komwa ko uu atkai. Ki wolji `piik ineendet kogeny ko uu tai.

1 SAMUEL 17:36

Ki par otwogindeng'ung' tyong'ichooto tuwai, ng'etundo ak magalaluut. Igeitu anyun Philistindoniito ma kimuratan age eng' icheek, amu kogoreeny lugosyegap Kamuktaindet ne sabei.

1 SAMUEL 31:4

Eng' yooto, koleenji anyun `Saulo chiito ne ki ipchin kariikyik, “Ng'usu rotweng'ung' po chok ak itoorena, si ma pwa pichu ma kimuratan, kotoora, ak kogengeniena.” Ago ma cham chiito ne ki ipchin kariikyik, amu ki iywei kot. Ara ki inem anyun Saulo rotwennyi po chok ak kobutyi.