1 PETERO 3:4 - Bukuit Ne Tilil

⁴ ago ingoek chiito ne ung'aat ne tinyei muguleldo ne po sabeet, ne tinyei lelesta ne ma ng'emaksei, ne tala ak kosiisei, ne eng' taitap Kamuktaindet ko po kamanuutyet ne oo.

BUKUIT NE TILIIL Sireet ne Dutero Kanon

⁴ ago ingoek chiito ne ung'aat ne tinyei muguleldo ne po sabeet, ne tinyei lelesta ne ma ng'emaksei, ne tala ak kosiisei, ne eng' taitap Kamuktaindet ko po kamanuutyet ne oo.

BUKUIT NE TILIL

⁴ ago ingoek chito ne ung’at ne bo muguleldo, eng’ lelesta ne ma ng’emaksei ne bo tamirmiriet, ne tala ak kosisei, ne eng’ taitab Jehovah ko bo kamanutiet ne o.

1 PETERO 3:4 ပူးပေါင်းရင်းမြစ်များ

TIENWOGIKAL 131:2

Ki abirge iman ak agoochi saboondanyu kosiis; ko uu lakweet ne kaluge kamet, uu saboondanyu lakweet ne kagiluge.

TIENWOGIKAL 147:6

Tiiei Kamuktaindet ne Toroor che iming'inegei; ago chooru kiptengeginik kobwa ng'wony.

TIENWOGIKAL 149:4

Amu paibai Kamuktaindet ne Toroor eng' piikyik; igororoni eng' yetunet che iming'inegei.

TIENWOGIKAL 25:9

Indochin che talaen eng' kirwooget; ak ineeti che talaen ooreennyi.

TIENWOGIKAL 45:13

Tinyei cheptap laitoryat teegisto miising' eng' ko; ki kinapchi ngoroikyik thahabu.

TIENWOGIKAL 51:6

Keero, imache imanit eng' kebeberwek che po oriit; ko uu nooto ineeta utaatyet eng' ole ung'aat.

ISAIAH 11:4

ago irwooksechin kibananook eng' imanda, ak koger kong' che talaen che po ng'wony eng' imanda: ak kobir ng'wonyuni eng' kirokto ne po kutinnyi, ak kobare kiptengeginik kabusennyi.

ISAIAH 29:19

Tesei kogeny poiboiyennywa eng' Kamuktaindet ne Toroor, piik che iming'inegei, ak koboiboitune piik che ponoon, Ineendet ne Tiliil ne po Israel.

ISAIAH 57:15

Amu mwaei ko uu ni Ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

ISAIAH 61:1

Mi kobooto Kabuuset ne Tiliil ne po Kiptaiyat Kamuktaindet ne Toroor; amu ki ila Kamuktaindet ne Toroor si kobiit aamji logoiywek che myach che nyerootiin; ki koyookta anyaa che ilyotiin mugulelwek, si kobiit aamji luulenik katyaget, ak kityaach che ratotiin.

JEREMIA 51:59

Ni ng'olyoot ne king'atyi maotyot Jeremiah Seraiah weeriitap Neriah, weeriitap Maseia, ye kibendi Babilon kobooto Zedekiah, laitoryatap Judah eng' kenyiitap ang'wan ne po laitornatennyi. Ki riibindet ne oo Seraiah eng' kootap laitoryat.

MATAYO 11:29

Otiiny kaat choginnyu ak oneetenage; amu aa tala ak aming'inige eng' muguleldo: si osich kamuung'et eng' saboonwekwok.

MATAYO 21:5

“Omwachi cheptap Zion, Keero, nyoonjinin Laitoryandeng'ung', tala, ak kobunu sigiryet, ak moitap sigiryet, parnotyot.”

MATAYO 23:26

Inyee Pharisaindet ne koraat! Itiliil korook kigombet oriit, si kobiit kotiliiliit parak agine.

MATAYO 5:5

Poiboen che talaen, amu tuun punjin ng'wony.

LUKA 11:40

Okweek che oo perber, ineendet ne kiyaei saang' koma ne kiyaei oriit agine?

LUKA 16:15

Ak ki leenji, “Okweget che omyeeitige eng' taitap piik; ago ingen Kamuktaindet mugulelwekwok: amu kiit ne itoroori piik ko wegot miising' eng' taitap Kamuktaindet.”

ROMANIK 1:23

ak kowal toroornatetap Kamuktaindet ne ma ng'emaksei kogergeit ak itoondap chiito ne ng'emaksei, ak ne po toriitik, ak tyong'ik che po keelyek ang'wan, ak tuguuk che ichuutegei.

ROMANIK 2:29

ago Yahudyot ineendet ne Yahudyot eng' oriit; ak kamuratanet ko nooto po muguleldo, eng' saboondo, ma eng' sireet; ne kalasunennyi koma po piik, ago po Kamuktaindet.

ROMANIK 6:6

kingen ni, keele ki kigartaat chiinyo ne po keny kobooto ineendet, si kong'emak poortap tengek, si mata koratech tengekto kogeny.

ROMANIK 7:22

Amu abaibai eng' Ng'atuutyetap Kamuktaindet eng' chiito ne po oriit:

2 KORINTOEK 10:1

Asoomok anyun anee Paulo eng' talasyet ak mutyonetap Kristo, anee ne ming'in ye ami kobootok eng' kwenung'wong', ago ye ma mi kobootok atinye nyiganateet:

2 KORINTOEK 4:16

Nooto anyun, mameech mugulel; ago agot ngo ng'emak chiinyo ne po parak, kewalei chiinyo ne po oriit kileeliti peetuut age tugul.

GALATYEK 5:23

kaming'inetapkei, riibetapkei: ma mi ng'atuutyet ne eesyoi chuuto.

EPESOEK 4:2

eng' kaming'inetapkei tugul ak mutyonet, kobooto muitaet, omuitochinigei eng' chamyet;

KOLOSAIK 3:12

Nooto anyun, amu oo lewenaigap Kamuktaindet che tiliileen ak ko oo chamanik, olaach muguleldo ne po rireenetapkei, talasyet, kaming'inetapkei, mutyonet, ak muitaet;

KOLOSAIK 3:3

Amu ki obegu, ak ki kiuny saboonwekwok kobooto Kristo eng' Kamuktaindet.

1 THESSALONIKEK 4:11

ak oneetkei otebi eng' mutyonet, ak oyai poisyonikwok, ak oboisyee eunekwok, ko uu ye ki king'atak;

2 THESSALONIKEK 3:12

Ago king'ate ak kiteechini che uu chooto eng' Kiptaiyat Jeso Kristo, keele kobois eng' mutyonet, ak koam amitwogikwak.

1 TIMOTEO 2:2

agobo laitorinik ak tugul che tinyei pounateet; si kobiit ketebee kaalyeet ak mutyonet eng' kayweet ne kiywei Kamuktaindet ak teegisto.

2 TIMOTEO 2:25

ne kere kong' eng' mutyonet icheek che kirindoi; tamangap kogoochi Kamuktaindet icheek siguunet ne po naetap imanit,

TITO 3:2

amat komwa kiy ne ya agobo chii age tugul, amat koek piich che po pooryot, ingoek che talaen, koboorchin piik tugul mutyonet tugul.

JAKOBO 1:21

Eng' nooto anyun omete simdo tugul ak chaang'indap yaitwogik, otaach eng' mutyonet ng'olyoot ne ki kimin, ne imuuchi kosar saboonwekwok.

1 PETERO 1:23

amu kigesichok kogeny, ma eng' kesweek che ng'emaksei ago eng' che ma ng'emaksei, eng' ng'olyootap Kamuktaindet, ne sabei ak kotebyei.

1 PETERO 3:15

ago ogonyit Kristo koek Kiptaiyat ne tiliil eng' mugulelwekwok: ak oegu che chobootiin kotugul owolji chii tugul ne teebenok ng'olyoo agobo kamang'unet ne miitei eng' okweek, ago eng' talasyet ak kaiyweisyet:

1 SAMUEL 16:7

Ago ki leenji `Kamuktaindet ne Toroor Samuel, “Amat igeer togeennyi anan ko kooindap tononennyi, amu kaeesye ineendet. Ma keerei Kamuktaindet ne Toroor ko uu ye keerei piik. Keerei piik itoondo, ago keerei Kamuktaindet ne Toroor muguleldo.”