1 KORINTOEK 9:24 - Bukuit Ne Tilil

²⁴ Mongen ole icheeget che ibelegei eng' labatet korwaei tugul, ago agenge ne nyooru konunet? Orwai anyun, si onyooru.

BUKUIT NE TILIIL Sireet ne Dutero Kanon

²⁴ Mongen ole icheeget che ibelegei eng' labatet korwaei tugul, ago agenge ne nyooru konunet? Orwai anyun, si onyooru.

BUKUIT NE TILIL

²⁴ Mongen ole icheget che ibelegei eng’ labatet koruaei tugul, ago agenge ne nyoru konunet? Oruai anyun, si onyoru.

1 KORINTOEK 9:24 ပူးပေါင်းရင်းမြစ်များ

TIENWOGIKAL 19:5

ko uu sandet ne mang'une koonnyi, ak kobaibai ko uu chii ne kiim ne labati eng' kabeletapkei.

AMDOINDET 9:11

Ki aweege ak ageer eng' kurereetap asiista, ale, ma po kabeletapkei che chepchep, ama po lugeet che kiimeen, ama po amitwogik che utaatiin, ama po mogornatosyek piigap naet, ama chamaatiin piik che utaatiin; ago ityin icheek tugul sainnywa ak peetuunywa.

JEREMIA 12:5

Ngot ko ki orwai ak piik che punei keelyek, ak kigogoonin ing'et, Ko tos imuktoi ano anyun obargei ak paraisisyek? Agot ngot itebye eng' chametapkei eng' emetap kaalyeet, iyae nee anyun ye kanyi peek Jordan miising'?

HOSEA 12:10

Ki ang'alaalji maotik, ak ki ates ng'ang'utik; ak ki aboisyee kalewenaik eng' poisyetap maotik.

ROMANIK 6:16

Mongen ole, ineendet ne ogoochinigei oegu otwogik agoi kasetap iit, ko oo otwogigap ineendet ne ogase iit; ngo po tengekto agoi meet, anan ngo po kasetap iit agoi imanda?

1 KORINTOEK 9:13

Tos mongen ole icheeget che poisyei agobo tuguuk che tiliileen koamei tuguuk che po Hekaluut, ak icheeget che riibei kaptisisyet kotinyei kebebertanywa kobooto kaptisisyet?

1 KORINTOEK 9:23

Ak ayae tuguuk tugul amu logoiywek che myach, si kobiit anyoor yamdaet eng' chooto.

1 KORINTOEK 9:26

Alabati anyun ko uu nooto, ma ko uu ne tinyei saget, ayae anyun kabeletapkei ko uu nooto, ma ko uu chii ne pirei ola puch:

GALATYEK 2:2

Ak ki atogoste eng' ng'ang'utyet; ak ki atetyi icheek logoiywek che myach che aamdooti eng' kwenutap Pororyosyek, ago eng' ung'oot eng' icheeget che taagunotiin, si ma egu, eng' oor age tugul, ne alabati puch, anan ne kialabat puch.

GALATYEK 5:7

Ki orwae komyee; ng'oo ne koraanyak si mogas iit imanit?

PILIPIK 2:16

oboortoi ng'olyootap saboondo; si kobiit anyoor ne alasunegei eng' peetuutap Kristo, ale ki ma alabat puch anan aboisye puch.

PILIPIK 3:12

Ma keele ki anyooru, ama keele ki aegu ne ititaat: ago agiiljinigei tai, si kobiit anam nooto ne ki igoochi Kristo Jeso konamena.

PILIPIK 3:14

Agiiljinigei tai, ait ole pooch melekto ne po kuuretap parak ne po Kamuktaindet eng' Kristo Jeso.

KOLOSAIK 2:18

Amat korebenak chii melektang'wong' eng' ooreet ne machei ineendet, ne po kaming'inetapkei ak kalasunetap malaikaisyek, ak kogimitegei tuguuk che ki kogeer, ak komenee kabwaatutikyik che po poorto,

HEBRANIK 12:1

Nooto anyun, amu kiyiemenech pooldet ne oo ne po paorinik eng' komoswek tugul, ongeiste nyigiisindo age tugul, ak tengekto ne isip konamech, ak ongerwai eng' muitaet eng' kabeletapkei ne ki kinde tainnyo,

JAKOBO 1:12

Paibai chiito ne muitoi eng' yoomseet: amu ye kagoterteer, kotaachei kuutweet ne po saboondo, ne ki iarorchi Kiptaiyat icheek che chamei ineendet.

NG'ANG'UTYET 3:11

Anyoone achogu; nam miising' nooto itinye, si ma rebenen chii kuutweeng'ung'.