1 KORINTOEK 9:17 - Bukuit Ne Tilil

¹⁷ Amu ye ayai ni eng' magennyu aneege, atinye melekto: ago ngo ma po magennyu aneege, atinye riipseet ne ki kiyanwa.

BUKUIT NE TILIIL Sireet ne Dutero Kanon

¹⁷ Amu ye ayai ni eng' magennyu aneege, atinye melekto: ago ngo ma po magennyu aneege, atinye riipseet ne ki kiyanwa.

BUKUIT NE TILIL

¹⁷ Amu ye ayai ni eng’ magennyu anege, atinye melekto: ago ngo ma bo magennyu anege, atinye ripset ne kigiyanwa.

1 KORINTOEK 9:17 ပူးပေါင်းရင်းမြစ်များ

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

1 ATEPTAP PEETUUSYEK 29:14

Ago aa ng'oo anee, ak nee piikyuk, kot kimuuch kigoite eng' chamyet ko uu ni? Punun tuguuk tugul, ak kagigoonin tuguuguk.

1 ATEPTAP PEETUUSYEK 29:5

che po thahabu agobo tuguugap thahabu, ak che po fedha agobo tuguugap fedha, ak che po poisyet age tugul che yaei musogik. Ng'oo anyun ne chamei kotabaanjigei Kamuktaindet ne Toroor eng' peetuuni?”

1 ATEPTAP PEETUUSYEK 29:9

Ki poiboitu anyun piik, amu ki igoito eng' chamyet, amu ki igoochi Kamuktaindet ne Toroor eng' muguleldo ne igesunotkei. Ki paibait agine Laitoryat Daudi eng' poiboiyet ne oo.

NEEMIA 11:2

Ki iberuur piik murenik tugul che ki igoitogei eng' chamyet komeny Jerusalem.

ISAIAH 6:8

Ki agas kutitap Kiptaiyat koleen, “Ayookte ng'oo, ak ng'oo ne wendi agobo acheek?” Ki ale anyun, “Ami yu! Iyookto.”

JEREMIA 20:9

Ak ngot amwa ale, Ma mwaei kiy agobo ineendet, anan ang'alaal eng' kainennyi, kobiit anyun eng' muguleldanyu ko uu maat ne lalei eng' kawekyuk, ak ang'et eng' muitaet, ak ma muuchi asiis.

EZEKIEL 3:14

Koganaba anyun kabuusetap Kamuktaindet, ak komuta oldo age; ak ki awe eng' ng'wanindo, eng' nereegegap saboondanyu, ak kichiila eutap Kamuktaindet ne Toroor eng' kimnateet.

JONAH 1:3

Ago king'eet Jona koleen komwechi Tarsis komwee Kamuktaindet ne Toroor. Ki choortagei kwo Joppa ak konyoor meeliit ne wendi Tarsis. Ki igoito anyun tuguuk che yamegei ak panda ak kolaany meeliit kobooto alak kole koba tugul Tarsis, komwee Kamuktaindet ne Toroor.

MALAKI 1:10

Kaigai onde chii ne kerei kurgotik si molaal maat eng' kaptisisyennyu puch! Ma paibai eng' okweek agot kitigin, amataache kagoochinet ne punu eunekwok, mwaei Kamuktaindet ne Toroor ne po lugoosyek.

MATAYO 10:41

Ineendet ne taachei maotyo eng' kainetap maotyo konyooru melektap maotyo; ak ineendet ne taachei chii ne po iman eng' kainetap chiito ne po iman konyooru melektap chiito ne po iman.

MATAYO 24:25

Ogeero, kaasip amwaiwok.

LUKA 12:42

Kole anyun Kiptaiyat, Ng'oo anyun riibindet ne kiyani ak ko ng'oom, ne indoi kiptaiyandennyi kotononji koonnyi, ak kogoochi amitwogikwak che yamei eng' peetuut ne makyin?

JOHANA 4:36

Ineendet ne kesei kotaachei melekto, ak koyumi logoek che po saboondap koigeny; si koboiboitu tuwai ne koolei ak ne kesei.

1 KORINTOEK 3:14

Ngo tebi poisyetap chii age tugul ne ki teech paragunnyi, kotaachei ineendet melekto.

1 KORINTOEK 3:8

Nooto anyun, ineendet ne koolei ak ineendet ne ibisi ko agenge: ago tuun nyooru age tugul melektanyi ineegei ko uu poisyennyi.

1 KORINTOEK 4:1

Ingoitech anyun chii kole ki kiboitinigap Kristo, ak riibiik che po ung'ootigap Kamuktaindet.

1 KORINTOEK 9:16

Amu ngaamde logoiywek che myach, koma tinye kiy ne alasunegei; amu kanyool ayai ko uu nooto; Pwo eng' anee ngot koma amde logoiywek che myach.

1 KORINTOEK 9:18

Nee anyun melektanyu? Nooto ko ni, ye aamdoi logoiywek che myach, ayae logoiywechooto myach koek ne ma pooto melekto, si ma poisyee kamugennyu miising' eng' logoiywek che myach.

2 KORINTOEK 8:12

Amu ngo choboot kabwaatetap chii, ko taachaksei ko uu ye tinyei chii, ma ko uu ye ma tinyei.

GALATYEK 2:7

Ago ye kingo keer icheek kole ki kigoono ariip logoiywek che myach agobo icheeget che ma kimuratani, ko uu Petero agine eng' che kimuratani

KOLOSAIK 1:25

ak, ki kiyaa agobo nooto aek kiboityot, eng' tononjinetap Kamuktaindet ne ki kigoono amu okweek, si ayai ng'olyootap Kamuktaindet kosulda,

1 THESSALONIKEK 2:4

ago ko uu ye ki koyanwech Kamuktaindet keegu che tononjin logoiywek che myach, keng'alaali ko uu nooto; ma ko uu che iboiboiti piik, ago Kamuktaindet ne tyemei mugulelwekyok.

PILEMON 1:14

ago ma amach ayai kiy kotom agas kiit ne ibwaati; si ma pun myeeindong'ung' torchinet, ago chamdaeng'ung'.