1 KORINTOEK 7:33 - Bukuit Ne Tilil

³³ ago ineendet ne ki kotunis kochirchirenjin tuguuk che po ng'wony, ole imuuchi kobaibaita osotyonnyi.

BUKUIT NE TILIIL Sireet ne Dutero Kanon

³³ ago ineendet ne ki kotunis kochirchirenjin tuguuk che po ng'wony, ole imuuchi kobaibaita osotyonnyi.

BUKUIT NE TILIL

³³ ago inendet ne kigotunis kochirjirenjin tuguk che bo ng’ony, ole imuchi kobaibaita osotiondennyi.

1 KORINTOEK 7:33 ပူးပေါင်းရင်းမြစ်များ

LUKA 12:22

Ki leenji anyun kasubikyik, Nooto anyun amwaiwok ale, Amogereer met agobo sabeeng'wong', eng' tuguuk che oame; anan agobo poorwekwok, eng' tuguuk che olaachi.

LUKA 14:20

Kole age, ‘Kaatunisye, nooto anyun ma muuchi anyo.’

JOHANA 10:13

Mweei ineendet ne otwogin amu otwogin koma mage kiy keechiirek.

1 KORINTOEK 7:3

Ingogoochi manong'otyot osotyonnyi ko uu ye nyoljin: ak ko uu nooto agine osotyot eng' manong'otyot.

1 KORINTOEK 7:32

Amu amache ale otyagage eng' kaimutik. Ineendet ne ma itunis kochirchirenjin tuguuk che po Kiptaiyat, ole imuuchi kobaibaita Kiptaiyat:

1 KORINTOEK 7:34

Ak mi teerchinet agine eng' osotyot ak pergeiyat. Ineendet ne ma kitun kochirchirenjin tuguugap Kiptaiyat, si koek ne tiliil eng' poorto ak eng' saboondo; ago ineendet ne ki kitun kochirchirenjin tuguugap ng'wony, ole imuuchi kobaibaita manong'otyondennyi.

KOLOSAIK 3:19

Manong'otaichu, ocham osotikwok, amogoochi ng'wanindo.

1 TIMOTEO 5:8

Ago ngo ma riibei chii piikyik, ak che siirei ko che po koonnyi, ko kagoesyo kayaneet, ak ko ya kosiir chiito ne ma iyan.

1 PETERO 3:7

Okweek manong'otaichu, otebi ko uu nooto kobooto osotikwok eng' ng'omnateet, ogoochini kwondo teegisto, amu ineendet ko nyalulat eng' muren, ko uu ye tuun onyooru tugul myeeindap saboondo; si ma kiger saautikwok.