1 KORINTOEK 15:49 - Bukuit Ne Tilil

⁴⁹ Ak ko uu ye ki kiip itoondap chiitap ng'ung'unyek, ko tuun ki ibe itoondap chiitap kipsengwet agine.

BUKUIT NE TILIIL Sireet ne Dutero Kanon

⁴⁹ Ak ko uu ye ki kiip itoondap chiitap ng'ung'unyek, ko tuun ki ibe itoondap chiitap kipsengwet agine.

BUKUIT NE TILIL

⁴⁹ Ak ko u ye kigiib itondab chitab ng’ung’unyek, ko tun kiibe itondab chitab kipsengwet agine.

1 KORINTOEK 15:49 ပူးပေါင်းရင်းမြစ်များ

TAUNET 5:3

Ki tar Adam kenyiisyek pogol ak sosom kosich weeriit eng' kergeindonyi ak eng' itoondonyi, ak kiguure kainennyi Seth.

MATAYO 13:43

Iluu anyun che po imanda ko uu asiista eng' laitornatetap Kwandanywa. Ineendet ne tinyei iitiik, kogas.

ROMANIK 8:29

Amu Kamuktaindet ne kisip konai icheek, ko ineendet ne kisip kolewen icheek si kogergeit ak itoondap Weeriinnyi, si koek ne po tai eng' che tupcho che chaang':

2 KORINTOEK 3:18

Ago acheek tugul koboortoi toroornatetap Kiptaiyat ko uu ki oit eng' togoochikyok che ma tugootiin, kewalech eng' itoonooto kobunu toroornatet agoi toroornatet, ko uu ye punu Kiptaiyat ne Kabuuset ne Tiliil.

PILIPIK 3:21

ne tuun walei kileelit poortanyo ne po nyeraatyet, si kobiit kogergeit ak poortanyi ne po liilindo, eng' kamugonooto imuuchi koyai tuguuk tugul kogas iit ineendet.

1 JOHANA 3:2

Chamanichu, ki lagogap Kamuktaindet nguno, ak tomo keng'aany kiit ne tuun ki uu. Kingen keele, ye tuun kaging'aany ineendet, kegergeitu ak ineendet; amu tuun kigeere ko uu ole uu ineendet.