1 KORINTOEK 12:28 - Bukuit Ne Tilil

²⁸ Ak kigonde Kamuktaindet alak eng' kaniset, che po tai ko che kiyooktoi, che po aeng' ko maotik, che po somok ko kaneetik, yeityo ko kwang'utik, yeityo ko konunoigap kasaabet, toretosyek, kandoinatosyek, ak kutusweek che teerchiin.

BUKUIT NE TILIIL Sireet ne Dutero Kanon

²⁸ Ak kigonde Kamuktaindet alak eng' kaniset, che po tai ko che kiyooktoi, che po aeng' ko maotik, che po somok ko kaneetik, yeityo ko kwang'utik, yeityo ko konunoigap kasaabet, toretosyek, kandoinatosyek, ak kutusweek che teerchiin.

BUKUIT NE TILIL

²⁸ Ak kigonde Jehovah alak eng’ kaniset, che bo tai ko che kiyoktoi, che bo aeng’ ko maotik, che bo somok ko konetik, yeityo ko kwong’utik, yeityo ko konunoikab kasoobet, toretosiek, kandoinatosiek, ak kutuswek che terotin.

1 KORINTOEK 12:28 ပူးပေါင်းရင်းမြစ်များ

KAITOSYEK 11:17

Achoorugei anyoone keng'alaal ak inyee eng' olooto, ak anemunenen kebebertap kabuuset ne miten inyee ak ande pichooto. Yeityo kogesen icheek mileetap piik kobooten si ma igeseni inyegei.”

MARIKO 16:17

Ak isubi kaboorunoichu icheek che iyani: oonei oik eng' kainennyu; ak kong'alaali ng'alaalet ne leel;

LUKA 6:14

Simion, ne kiguure kainennyi ne po aeng' Petero, ak Andrea ng'eetap kamet, ak Jakobo ak Johana, ak Philipu ak Bartolomayo,

POISYONIGAP CHE KIYOKTOI 11:27

Ki choorgei anyun maotik eng' peetuusyechooto eng' Jerusalem kobwa Antiok.

POISYONIGAP CHE KIYOKTOI 20:28

Oriipkei anyun okweeget, kobooto akweet tugul, ne ki koonok Kabuuset ne Tiliil oegu riibiik, obai kanisetap Kamuktaindet, ne ki ale korotiikyik.

1 KORINTOEK 10:32

Amonach Yahudik anan Yunanik, anan kanisetap Kamuktaindet:

1 KORINTOEK 12:18

Ago nguno ko ki konde Kamuktaindet kebeberwek, age tugul eng' icheek, eng' poorto, ko uu ye ki cham ineendet.

1 KORINTOEK 12:29

Tos tugul ko che kiyooktoi? Tos tugul ko maotik? Tos tugul ko kaneetik? Tos tugul ko yaigap kwang'utik?

1 KORINTOEK 12:30

Tos tinyei tugul konunoigap kasaabet? Tos ng'alaali tugul kutusweek che teerchiin? Tos iweechi tugul kutusweek?

1 KORINTOEK 14:2

Amu ineendet ne ng'alaali eng' kutit ne ma kigasei koma ng'alaaljin piik, ago Kamuktaindet; amu ma kasei chii; ago mwaei ung'ootik eng' Kabuuset.

1 KORINTOEK 14:4

Ineendet ne ng'alaali eng' kutit koteechegei ineegei; ago ineendet ne amdoi koteechei kaniset.

1 KORINTOEK 14:5

Amakwok anyun okweek tugul ong'alaal eng' kutusweek, ago ne siirei ko oamde: ak oo ineendet ne amdoi kosiir ineendet ne ng'alaali eng' kutusweek, kobatee koweech, si kobiit koteegak kaniset.

EPESOEK 2:20

Kigeteechak eng' lumdaetap che kiyooktoi ak maotik, Kristo Jeso ineendet ko koita ne oo ne po luuita;

EPESOEK 3:5

ne ki ma kiboorchi weeriigap piik eng' ibinwek alak ko uu ye kageng'aang'ji nguno che kiyooktoi chechiik che tiliileen ak maotik eng' Kabuuset ne Tiliil;

1 TIMOTEO 5:17

Ingiityi poisyek che pou komyee, teegisto konyil aeng', ne siirei ko icheek che yaei poisyet ne nyigiis ne po ng'olyoot ak kaneetisyet.

HEBRANIK 13:17

Ogas iit che indoiywok, ak oming'inityige icheek: amu riipsei agobo saboonwekwok, ko uu che tuun tetu agobo poisyennywa; si kobiit koyai poisyoniito eng' poiboiyet, ama eng' arageneet: amu magelwok kiy eng' nooto.

HEBRANIK 13:24

Ogat tugul che indoiywok, ak tugul che tiliileen. Igatok che po Italy.