1 KORINTOEK 12:27 - Bukuit Ne Tilil

²⁷ Nguno anyun, okweek ko oo poortap Kristo, ak oo kebeberwegap poroto, age tugul eng' okweek.

BUKUIT NE TILIIL Sireet ne Dutero Kanon

²⁷ Nguno anyun, okweek ko oo poortap Kristo, ak oo kebeberwegap poroto, age tugul eng' okweek.

BUKUIT NE TILIL

²⁷ Nguno anyun, okwek ko o bortab Kristo, ak o kebeberwekab boroto, age tugul eng’ okwek.

1 KORINTOEK 12:27 ပူးပေါင်းရင်းမြစ်များ

ROMANIK 12:5

ko uu nooto eng' acheek che ki chaang', kiborto agenge eng' Kristo, ak ki kebeberta age tugul ne po age.

1 KORINTOEK 1:2

kisirchini kanisetap Kamuktaindet ne miitei Korinto, icheek che ki kitabaan eng' Kristo Jeso, che ki kiguur koek che tiliileen, kobooto tugul che kuurei kainetap Kiptaiyandennyo Jeso Kristo eng' komosta age tugul, Kiptaiyannyo ak ko nenywa.

1 KORINTOEK 10:17

Amu acheek che ki piik che chaang', ko ki magatyat agenge, poorto agenge: amu ki ame acheek tugul magatyat agenge.

1 KORINTOEK 12:12

Amu ko uu ye agenge poorto, ak kotinyei kebeberwek che chaang', ak kebeberwek tugul che po poorto, agot ngo chaang', ko poorto agenge; ko uu nooto agine Kristo.

1 KORINTOEK 12:26

Ak ngo nyalili kebeberta agenge, konyalildos kebeberwek tugul kobooto nooto; anan ngegonyiti kebeberta agenge, koboiboitu kebeberwek tugul kobooto nooto.

1 KORINTOEK 6:15

Tos mongen ole poorwekwok ko kebeberwegap Kristo? Ara anyun aiste kebeberwegap Kristo, ak ayai koek kebeberwegap chepkugoniot? Achicha, ma uu nooto.

EPESOEK 1:23

nooto ko poortanyi, nyiietap ineendet ne inyiiti tugul eng' tugul.

EPESOEK 4:12

si koyai che tiliileen koek che ititaatiin, agobo poisyetap otisyet, agobo teekseetap poortap Kristo,

EPESOEK 5:23

Amu manong'otyot ko metitap osotyot, ko uu Kristo agine ne metitap kaniset, ineendet yetindetap poorto.

EPESOEK 5:30

amu ki kebeberwek che po poortanyi.

KOLOSAIK 1:18

Ak ineendet metitap poorto, nooto kaniset: ineendet taunet, taunindetap che ki mong' eng' che ki pek; si kobiit koek ne oo eng' tuguuk tugul.

KOLOSAIK 1:24

Abaibai anyun nguno eng' nyalilwogikyuk agobo okweek, ak anyiiti eng' komostanyu nooto ne rarunoot agobo nyalilwogigap Kristo eng' poortanyu agobo poortanyi, nooto kaniset;

KOLOSAIK 2:19

ama namei komyee Metit, ne nyoorunee poorto tugul teset eng' teset ne punu Kamuktaindet, ko kagonyoor tugul, ak konamatkei eng' kebeberwek ak tigitik.