1 KORINTOEK 1:18 - Bukuit Ne Tilil

¹⁸ Amu perberyo ng'olyootap kimurtoiyot eng' icheeget che lustos; ago eng' acheek che kisaru ko kimnateetap Kamuktaindet.

BUKUIT NE TILIIL Sireet ne Dutero Kanon

¹⁸ Amu perberyo ng'olyootap kimurtoiyot eng' icheeget che lustos; ago eng' acheek che kisaru ko kimnateetap Kamuktaindet.

BUKUIT NE TILIL

¹⁸ Amu berberindo ng’olyotab kimurtoiyot eng’ icheget che lustos; ago eng’ achek che kisoru ko kimnatetab Jehovah.

1 KORINTOEK 1:18 ပူးပေါင်းရင်းမြစ်များ

POISYONIGAP CHE KIYOKTOI 13:41

‘Ogeero, okweek saasiik, okwong'ye ak olusye; Amu ayae poisyet eng' peetuusyekwok, poisyet ne ma koi oyan matiny, agot ngo mwaiwok chii.’ ”

POISYONIGAP CHE KIYOKTOI 17:18

Ak ki tuiyo kobooto ineendet alak che po ng'amotigap Epikurio ak Stoiko. Ak kole alak, “Mwaei nee kipchang'alaini?” Kole alak, “Uu kabartaindet ne po kamuktaik che teer.” Ki mwa ng'aleechu amu ki amdoi agobo Jeso ak ng'eetyeet.

POISYONIGAP CHE KIYOKTOI 17:32

Ye kingo kas anyun agobo ng'eetyeetap che ki pek, kochombil alage; ago ki le alak, “Ta kegasun niito peetuut age.”

POISYONIGAP CHE KIYOKTOI 2:47

kolasu Kamuktaindet ak ki poiboi piik tugul agobo icheek. Ak eng' peetuut age tugul ko ki tesyin `Kiptaiyat icheek piik chooto ki nyooru sorunet.

ROMANIK 1:16

Ma lilanjini anyun logoiywek che myach; amu niito ko kimnateetap Kamuktaindet ne koonu yetunet eng' age tugul ne iyani; eng' Yahudyot korook ak eng' Yunanindet agine.

1 KORINTOEK 1:21

Amu eng' utaatyet ne po Kamuktaindet koma nai ng'wony Kamuktaindet eng' utotyennyi, ki cham Kamuktaindet kosar icheeget che iyani, eng' perberyo ne po ng'olyoot ne ki amdoi.

1 KORINTOEK 15:2

kisaruunenok chooto ak icheek; eng' ng'aleek che ki aamwok, ngot onam komyee, ngot ko ki ma oyan puch.

1 KORINTOEK 2:14

Ma taachei chiito ne mi eng' atebeetap poorto tuguuk che po Kabuusetap Kamuktaindet: amu perberyo eng' ineendet; ak temenee koobeesyo tuguuchooto, amu naoksei eng' toretetap Kabuuset.

1 KORINTOEK 2:2

Amu ki abegechi ale ma mache anai kiy age tugul eng' kwenung'wong' kobatee Jeso Kristo, ineendet ne ki kigartaat.

1 KORINTOEK 3:19

Amu ng'omnateet ne po ng'wonyuni ko perberyo eng' Kamuktaindet. Amu ki kisir keele, “Ineendet ne namei che utaatiin eng' ng'aalseennywa;”

1 KORINTOEK 4:10

Ki che perberen acheek amu Kristo, ago oo utaatiin eng' Kristo; kinyalulyotin acheek, ago oo kiimeen; otinye teegisto okweek, ago ma teechech chii.

2 KORINTOEK 10:4

(amu kariigap lugeennyo koma po poorto, ago tinyei kamuget eng' taitap Kamuktaindet koluul irimosyek);

2 KORINTOEK 4:3

Ago ngo tugootiin logoiywekyok che myach, ko tugootiin eng' icheek che lustos:

1 THESSALONIKEK 1:5

keele ki ma pwonjok logoiywekyok che myach eng' ng'olyoot kityo, ago eng' kimnateet agine, ak eng' Kabuuset ne Tiliil ak eng' naet ne ongen inne; ko uu ye ongen ole ki kipiik che uu nee eng' taing'wong' agobo okweek.

2 THESSALONIKEK 2:10

kobooto keniisyet tugul che ma po imanda agobo icheek che lustos; amu ma taach chamyetap imanit, si kobiit kesar.

HEBRANIK 12:2

kegeere Jeso ne kandoindet ak ko kawong'unindet ne po kayaneet, ne kimuita eng' kimurtoiyot amu poiboiyet ne ki kinde tainnyi, ak kosas kalilanet, ak ki kotebee eutap tai ne po ng'echereetap laitornatet ne po Kamuktaindet.

HEBRANIK 4:12

Amu sabei ng'olyootap Kamuktaindet, ak kogim, ak ko ng'atip kosiir rotwetap chok ne ng'atiben komoswek tuwai, ak kotoorei agoi koobeesyo saboondo ak sabeet, ak ole tuiyechin kawek ak amseet, ak chepchep koguiyo kabwaatutik ak magutigap muguleldo.