1 JOHANA 4:1 - Bukuit Ne Tilil

¹ Chamanichu, amoyan chii age tugul, ago otyem ng'aang'et age tugul, ngot ko punu Kamuktaindet; amu ki komong'ji ng'wony maotik che chaang' che po lembech.

BUKUIT NE TILIIL Sireet ne Dutero Kanon

¹ Chamanichu, amoyan chii age tugul, ago otyem ng'aang'et age tugul, ngot ko punu Kamuktaindet; amu ki komong'ji ng'wony maotik che chaang' che po lembech.

BUKUIT NE TILIL

¹ Chamanichu, amoyan tamirmiriet age tugul, ago otiem tamirmirik, ngo bo Jehovah: amu kigomong’ji ng’ony maotik che chang’ che bo lembech.

1 JOHANA 4:1 ပူးပေါင်းရင်းမြစ်များ

1 LAITORINIK 13:18

Ak ki leenji ineendet, “Aa maotyot agine ko uu inyee, ak kang'alaalwo malaikaiyat eng' ng'olyootap Kamuktaindet ne Toroor kole, ‘Imutu ineendet konyo koong'ung', si koamis ak koe peek.’ ” Ago ki mwachi lembech.

KALEWANAIK 14:15

Ne abusat koyani ng'olyoo age tugul, ago ne ng'oom ko keerei komyee ole wendi.

JEREMIA 14:14

Ago ki leenjo anyun Kamuktaindet ne Toroor, maoteni maotik lembechek eng' kainennyu. Ma ayookte icheek, ama ang'at icheek anan ang'alaalji. Maotenwok ng'ang'utyet ne po lembech, kobooto ng'oorset ak kiit ne po puch ak kaberberisyetap mugulelwekwak.

JEREMIA 23:16

Mwaei Kamuktaindet ne Toroor ne po lugoosyek kole, amoepchi iit ng'aleegap maotik che maotenwok; ineetook tangoita: mwaei ng'ang'utyet ne punu mugulelwekwak, ama ne mang'une kutitap Kamuktaindet ne Toroor.

JEREMIA 5:31

Maoteni maotik lembeita, ak pou tisiik ko uu mageetap maotinwekwak, ak chamei piikyuk koteep ko uu nooto. Ago oyae nee anyun eng' kagesunetap tuguuchuuto?

MARIKO 13:21

“Ak ngo leenjok chii eng' peetuusyechooto, ‘Ogeero! Mi Kristo oli!’ anan, ‘Ogeero! Miitei olo!’ ko mat oyan.

LUKA 12:57

“Kalya si morwoch okweegei agobo tuguuk che po imanda?

LUKA 21:8

Ak ki le, Oriipkei si ma kibeetook: amu tuun pwoonei piik che chaang' eng' kainennyu, koleen, Aa ineendet; ak, Kagoriik peetuusyek: amosup icheek.

POISYONIGAP CHE KIYOKTOI 17:11

Ak ki myachen pichu kosiir chooto po Thessalonike, amu kitaach ng'olyoot ak kocham miising' ak kosyachi siruutik peetuut age tugul, si kobiit konai ngo iman tuguuchu.

POISYONIGAP CHE KIYOKTOI 20:29

Angen ale ye kaawe komong'jok suik che koroomen, ama riiree akweet.

1 KORINTOEK 12:10

ak kigoochin age poisyonigap kamuget; ak age maonateet; ak age kabesyetap konunoigap Kabuuset: ak age kutusweek che teerchiin; ak age weeksetap kutusweek:

1 KORINTOEK 14:29

Ak ingong'alaalso maotik aeng'u anan ko somok; ingoguiyo alage.

1 THESSALONIKEK 5:20

amosas maonatosyek;

1 THESSALONIKEK 5:21

otyem tuguuk tugul; onam miising' nooto myee;

2 THESSALONIKEK 2:2

si motoptobense ochokyi eng' kabwaatutikwok anan oaragense, ngot ko eng' kabwaatut anan eng' ng'olyoo, anan eng' parweet ne oleen punwech, oleen kagoit peetuutap Kiptaiyat;

1 TIMOTEO 4:1

Ago mwaei Kabuuset ne Tiliil kotook, kole tuun eng' peetuusyek che pwoonei koistoegei alak kayaneet, koepchin iit tamirmirik che ibeeti piich ak kaneetisyosyek che po oik,

2 TIMOTEO 3:13

Ago tesoksei kiptengeginik ak keniik eng' yaityet, koberberisyei ak kiberberi.

2 PETERO 2:1

Ago ki piit maotik che po lembech ak icheek eng' kwenutap piik, ko uu ye ta kobiitu agine eng' kwenung'wong' kaneetigap lembech, che ibu eng' ung'oot pcheutigap ng'emisyet, koesyoi agot Kiptaiyat ne ki al icheek, kochokyin koipchingei ng'emisyet.

1 JOHANA 2:18

Lagochu, ni sait ne po let: ak ko uu ye ki ogas keele tuun nyoonei kirindoindetap Kristo, agot nguno ko kagobiit kirindoigap Kristo che chaang'; kingen eng' nooto keele niito sait ne po let.

1 JOHANA 2:7

Chamanichu, masirwok ng'atuutyet ne leel, ago ng'atuutyet ne po keny ne ki otinye kobooch taunet: ng'atuutyonooto po keny ko ng'olyoot ne ki ogas.

2 JOHANA 1:7

Amu ki komong'ji ng'wony keniik che chaang', icheek che mang'aanyei kole ki nyo Jeso Kristo eng' poorto. Niito ko kenindet, ak ko kirindoindetap Kristo.

3 JOHANA 1:11

Chamanani, amesup yaityet ago isup ne myee. Ineendet ne yaei ne myee ko po Kamuktaindet; ineendet ne yaei yaityo ko tomo kogeer Kamuktaindet.

NG'ANG'UTYET 2:2

Angen poisyoniguk, ak poisyeng'ung' ne nyigiis ak muitaeng'ung'. Angen ale memuuchi imuite agobo piik che yaacheen, ak kiityem icheek che kuuregei che kiyooktoi ago ma chooto, ak ki inai ile kiplembechonik.