1 ATEPTAP PEETUUSYEK 28:20 - Bukuit Ne Tilil

²⁰ Ki leenji `Daudi Solomon weeriinnyi, “Kimitu nyiganitu, ak iyai poisyet. Meiywei anan itoptoben, amu mi kobooten Kamuktaindet ne po Toroornatet, ineendet Kamuktaindennyu. Mabagaaktoin anan kometen agoi kogeskei poisyet tugul ne po otisyetap kootap Kamuktaindet ne Toroor.

BUKUIT NE TILIIL Sireet ne Dutero Kanon

²⁰ Ki leenji `Daudi Solomon weeriinnyi, “Kimitu nyiganitu, ak iyai poisyet. Meiywei anan itoptoben, amu mi kobooten Kamuktaindet ne po Toroornatet, ineendet Kamuktaindennyu. Mabagaaktoin anan kometen agoi kogeskei poisyet tugul ne po otisyetap kootap Kamuktaindet ne Toroor.

BUKUIT NE TILIL

²⁰ Ak kilenji Daudi Solomon werinnyi, Kimitu nyiganitu, ak iyai: ameiywei, anan itoptoben: amu mi koboten Jehovah Kamuktaindet, inendet Kamuktaindennyu: mabagaktoin, anan kometen agoi kogesgei boisiet tugul ne bo otisietab gotab Jehovah.

1 ATEPTAP PEETUUSYEK 28:20 ပူးပေါင်းရင်းမြစ်များ

1 LAITORINIK 6:38

Ki igeskei koot kobooto kebeberwekyik tugul eng' kenyiitap taman ak agenge eng' arawetap Bul, nooto ko arawetap sisiit, ak ko uu tugul che kiga king'at agobo koyooto. Ki teech anyun koyooto eng' kenyiisyek tisap.

1 ATEPTAP PEETUUSYEK 22:13

Ibore anyun, ngot iriip ak iyai kosupkei ak ng'atuutik ak kirwoogutik che ki iyomis `Kamuktaindet ne Toroor Musa agobo Israel. Kimitu ak nyiganitu. Meiywei anan itoptoben.

1 ATEPTAP PEETUUSYEK 28:10

Riipkei anyun; amu ki kolewenin Kamuktaindet ne Toroor iteech koot ne po ole-tiliil. Kimitu anyun ak iteech.”

2 ATEPTAP PEETUUSYEK 19:11

Keero, poiywok Amariah tisiindet ne oo eng' tuguuk tugul che po Kamuktaindet ne Toroor; ak koboiywok Sebadia weeriitap Ishmael, pounindetap kootap Judah eng' tuguuk tugul che po laitoryat, ak egu Lawiik kiptainik eng' taing'wong'. Oboisye eng' nyiganateet, ak kotebi Kamuktaindet ne Toroor kobooto ineendet ne yaei ne myee.”

EZRAH 10:4

Ng'eet anyun; amu neng'ung' ng'olyoondoniito ak kimi, kobooten ara nyiganitu ak iyai.”

ISAIAH 41:10

ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

ISAIAH 41:13

Amu aname eung'ung' ne po tai, anee Kamuktaindet ne Toroor Kamuktaindeng'ung', aleenjinin, Meiywei; atoretiin.

HAGGAI 1:13

Ki ng'alaal anyun Haggai, ne ki iyooktoi Kamuktaindet ne Toroor, komwachi piik ng'aleegap Kamuktaindet ne Toroor koleenji: Mwaei Kamuktaindet ne Toroor kole “Ami kobootok.”

HAGGAI 2:4

Nyiganitu, ee Zerubabel,’ mwaei Kamuktaindet ne Toroor. ‘Nyiganitu, ee Joshua weeriitap Jehosadak tisiindet ne oo. Onyiganitu okweek piik tugul che po emet,’ mwaei Kamuktaindet ne Toroor, ‘ak oboisye; amu ami kobootok,’ mwaei Kamuktaindet ne Toroor ne po lugoosyek.

ROMANIK 8:31

Kimwae nee anyun eng' tuguuchuuto? Ngo mi Kamuktaindet komostanyo, ko ng'oo ne kirindaech?

1 KORINTOEK 16:13

Oriipse, olumdegei miising' eng' kayaneet, otebi ko uu murenik, ogimegitu.

NG'ATUTIK 31:6

Ogimegitu, onyiganitu, amoiywei anan oaragense amu icheek. Amu wendi Kamuktaindet ne Toroor Kamuktaindeng'ung' kobooten ago ma metoin ineendet ama pagaaktoin.”

NG'ATUTIK 4:31

Amu Kamuktaindet ne Toroor Kamuktaindeng'ung' ko Kamuktaindet ne Toroor ne po rireenet ma metoin, anan kowong'un anan koutye kayomisetap kwanisyeguk ne ki iyasyechi.

HEBRANIK 13:5

Oegu che ityagatin eng' chametap silingisyek; ingoyamak tuguuk che otinye; amu ki komwa ineendet kole, “Ma koi abagaakteen, ma koi ameteen.”