1 ATEPTAP PEETUUSYEK 21:17 - Bukuit Ne Tilil

¹⁷ Ki leenji Daudi Kamuktaindet, “Koma ko anee ne kong'atei ki iit piik? Aneendet ne koayai tengekto ak ayai kiit ne ya miising'. Ago koyai nee kechirechu? Ee Kamuktaindet ne Toroor, Kamuktaindennyu, asaain ale, ingobira eung'ung' ak kootap kwandanyu, ago matkebir piiguk eng' koroito.”

BUKUIT NE TILIIL Sireet ne Dutero Kanon

¹⁷ Ki leenji Daudi Kamuktaindet, “Koma ko anee ne kong'atei ki iit piik? Aneendet ne koayai tengekto ak ayai kiit ne ya miising'. Ago koyai nee kechirechu? Ee Kamuktaindet ne Toroor, Kamuktaindennyu, asaain ale, ingobira eung'ung' ak kootap kwandanyu, ago matkebir piiguk eng' koroito.”

BUKUIT NE TILIL

¹⁷ Ak kilenji Daudi Kamuktaindet, Koma ko ane ne kong’atei kiit bik? Anendet ne koayai tengekto ak ayai kit ne ya mising’; ago koyai nee kechirechu? Ee Jehovah, Kamuktaindennyu, asain ale, ingobira eung’ung’ ak gotab kwandanyu; ago mat kebir biguk eng’ koroito.

1 ATEPTAP PEETUUSYEK 21:17 ပူးပေါင်းရင်းမြစ်များ

TAUNET 44:33

Eng' nooto anyun, asaain ale chamwo atebi aek otwogindeng'ung', inyee kiptaiyandennyu, ageeregei weeri. Ago ingwo weeri kotogosta kobooto tupchosyekyik.

2 SAMUEL 12:10

Nguno anyun, komagoi istogei rotwetap chok eng' koong'ung' amu koisasa ak koimutu osotyotap Uriah Hitindet koek osotyondeng'ung'.

2 SAMUEL 24:1

Ki nereech kot kogeny Kamuktaindet ne Toroor agobo Israel, ak king'eetyi `Kamuktaindet ne Toroor Daudi kosich kabwaatet ne ya agobo icheek. Ki leenji anyun “Ui, iit Israel ak Judah.”

2 SAMUEL 24:17

Ye kingo keer `Daudi malaikaiyat ne kibarei piik, kong'alaalji Kamuktaindet ne Toroor `ineendet koleenji, “Keero, ki ayai tengekto, ki amaste, ago ki yai nee keechiirechu? Asaain ale, ingobira eung'ung' ak ingobir kootap kwandanyu.”

2 SAMUEL 7:8

Ara anyun, imwachini otwogindennyu Daudi ileenjini, kamwa Kamuktaindet ne Toroor ne po lugoosyek kole, Ki amutun eng' piutap keechiirek, eng' kayagetap keechiirek, si kobiit iegu pounindet eng' piikyuk ibou Israel.

1 LAITORINIK 22:17

Ki le Mikaia, “Ki ageer Israel tugul ko kaiyesta eng' tuloonook ko uu keechiirek che ma tinyei mestowot. Ak ki mwa Kamuktaindet ne Toroor kole, ‘Ma tinyei chuuto kiptaiyat; ingoweek chii tugul kwo koonnyi eng' kaalyeet.’ ”

1 ATEPTAP PEETUUSYEK 21:8

Ki leenji Daudi Kamuktaindet, “Ki ayai tengekto ne oo, amu ki ayai kii. Ago nguno asoomin ale iste tengektap otwogindeng'ung', amu ki ayai eng' perberyo ne oo.”

TIENWOGIKAL 44:11

Keyaech kegergeitu ak keechiirek che kienyei; ak ki iyestech kebe ye mi pororyosyek.

TIENWOGIKAL 51:14

Sarwo eng' ng'oogistap korotiik, ee Kamuktaindet, inyee Kamuktaindetap yetunennyu, ak kotyen kogasak kutinnyu agobo imandang'ung'.

TIENWOGIKAL 51:4

Ki ayaun tengekto inyeendet inyegei, ak ki ayai ne ya eng' taing'ung'. Ki ityin imanda ye ing'alaali, ak kotook lititindang'ung' ye irwoochi.

TIENWOGIKAL 74:1

Ee Kamuktaindet, amu nee si iwiirtech agoi? Amu nee si koiyenji nereegeguk keechiiregap akweeng'ung'?

KOMONG'U 20:5

ameng'uruukyi anan ioot icheek, amu anee Kamuktaindet ne Toroor Kamuktaindeng'ung', ko aa Kamuktaindet ne ama ng'etkong'. Ageerchini lagok tengektap kwanisyekwak agoi ibindap somok ak ne po ang'wan eng' icheek che wecho.

EZEKIEL 16:63

si kobiit ibwaat, ak itoptoben, ametwegu kogeny, amu kalilaneng'ung'; ye kanyoun kaat tuguuk tugul che ki iyai, mwaei Kiptaiyat Kamuktaindet ne Toroor.

JONAH 1:12

Ak ki leenji icheek, “Oganaba ak owiircha nyanjet; si kosiis nyanjet; amu angen ale kanyonjok usoononi oo miising' amu anee.”

ROMANIK 9:3

Amu kata amache ale king'wanita aneendet eng' Kristo agobo tupchosyekyuk, che piikyuk eng' poorto;

JOSHUA 22:18

Ago kaomaste rani eng' kasubet ne osubi Kamuktaindet ne Toroor? Amu kaongelelji Kamuktaindet ne Toroor rani, ko mutai konereekyin ineendet tuiyet komugul ne po Israel.

1 JOHANA 3:16

Kingen eng' niito chamyet, amu ki igoito saboondanyi agobo acheek: ak kanyool kigoite saboonwekyok agobo che kitupche.