1 ATEPTAP PEETUUSYEK 12:38 - Bukuit Ne Tilil

³⁸ Ki pwa Hebron chuuto tugul eng' muguleldo ne ititaat che icheeget ko piigap lugeet, che ki imuuchi kong'eet lugeet. Ki pwa icheek yooto si koyai Daudi koek laitoryat koboi Israel tugul. Piik tugul che ki ng'et ak icheek che po Israel ko ki tinyei mageet agenge koyai Daudi koek laitoryat.

BUKUIT NE TILIIL Sireet ne Dutero Kanon

³⁸ Ki pwa Hebron chuuto tugul eng' muguleldo ne ititaat che icheeget ko piigap lugeet, che ki imuuchi kong'eet lugeet. Ki pwa icheek yooto si koyai Daudi koek laitoryat koboi Israel tugul. Piik tugul che ki ng'et ak icheek che po Israel ko ki tinyei mageet agenge koyai Daudi koek laitoryat.

BUKUIT NE TILIL

³⁸ Kibwa Hebron chuto tugul eng’ muguleldo ne igesunotgei che icheget ko bikab luget, che kiimuchi kong’eet luget, koyai Daudi koek laitoriat koboi Israel tugul, ak bik tugul che king’et che bo Israel ko kitinyei maget agenge koyai Daudi koek laitoriat.

1 ATEPTAP PEETUUSYEK 12:38 ပူးပေါင်းရင်းမြစ်များ

1 LAITORINIK 11:4

Amu kingo osit Solomon, komaas osotikyik muguleldanyi koosup kanamonikwak, ak ki ma kogesunotkei eng' Kamuktaindet ne Toroor Kamuktaindennyi, ko uu kiit ne ki uu muguleldap Daudi kwandanyi.

1 LAITORINIK 8:61

Ingoek anyun mugulelwekwok che ititaatiin eng' Kamuktaindet ne Toroor, Kamuktaindennyo, obendate ng'atuutikyik, ak oriip etanutikyik, ko uu rani.”

2 LAITORINIK 20:3

“Ee Kamuktaindet ne Toroor, asaain ale, ibwaat ole ki atepte eng' imanda eng' taing'ung', ak eng' muguleldo ne ititaat, ak ayai ne myee eng' taing'ung'.” Ak ki riir Hezekiah eng' ng'wanindo.

1 ATEPTAP PEETUUSYEK 12:33

Che po Zebulun, ko ki ek eliphuusyek konom che ki imuuchi komanda koba lugeet, che ingen koborisye kariik alak tugul che po lugeet, che ki imuuchi kong'at lugeet, ak ki tinyei muguleldo ne pekyinot.

1 ATEPTAP PEETUUSYEK 12:37

Ak eng' pitoniin eng' Jordan, ne po piigap Reuben, piigap Gad ak ne po kebebertap pororyetap Manasseh, che ki tinyei kariik alak tugul che po pooryeet che yaei lugeet, ko ki mi piik eliphuusyek pogolu agenge ak tiptem.

1 ATEPTAP PEETUUSYEK 12:39

Ki tebi icheek eng' yooto ak Daudi peetuusyek somok, koamisyei ak koeisei, amu kiga chopchi tuguuk tupchosyekwak.

2 ATEPTAP PEETUUSYEK 30:12

Ki mi kogeny eutap Kamuktaindet Judah si kogoochi icheek muguleldo agenge koyai ng'atuutyetap laitoryat ak pounik eng' ng'olyootap Kamuktaindet ne Toroor.

TIENWOGIKAL 101:2

Atebye komyee eng' ng'omnateet eng' ooreet ne ititaat. Ee, inyonjino au? Awendotee muguleldo ne ititaat eng' koonnyu.

TIENWOGIKAL 110:3

Chamdogei piiguk eng' peetuutap kimnateng'ung': eng' karaaranindap tiliilindo, ye machei koeech. Itinye rewootap ming'inateng'ung'.

EZEKIEL 11:19

Ak agoochi icheek muguleldo agenge, ak ande icheek sabeet ne leel; ak aiste muguleldap koita eng' poorwekwak, ak agoochi icheek muguleldo ne po panyeek: