ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:6 - ಕೊಡವ ಬೈಬಲ್

⁶ ದೇವ ನಂಗಡ ರಕ್ಷಕನಾನ ಯೇಸು ಕ್ರಿಸ್ತಂಡ ಮೂಲಕ ನಂಗಕ್ ಅಂವೊಂಡ ಪವಿತ್ರಾತ್ಮತ್‍ನ ದಾರಾಳವಾಯಿತ್ ಕೊಡ್‌ತಿತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:6 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:23

ನಾಡ ಎಚ್ಚರ ತಕ್ಕ್‌ಕ್‌ ಕೆಮಿ ಕೊಡಿ; ಇದಾ, ನಾಡ ಆತ್ಮತ್‌ನ ನಾನ್‌ ನಿಂಗಡ ಮೇಲೆ ಬೂಕಿತ್, ನಾಡ ತಕ್ಕ್‌ ನಿಂಗಕ್‌ ಗೊತ್ತಾಪನೆಕೆ ಮಾಡುವಿ.

ಯೋಹಾನ 1:16

ಅಂವೊಂಡ ಪೂರ್ತಿಯಾನ ಕೃಪೆಯಿಂಜ ನಂಗಕೆಲ್ಲ ಕೃಪೇರ ಮೇಲೆ ಕೃಪೆ ಕ್‍ಟ್ಟ್‌ಚಿ.

ಯೋಹಾನ 16:7

ಆಚೇಂಗಿ, ನಾನ್ ನಿಂಗಕ್ ಒರ್ ಸತ್ಯ ಎಣ್ಣಿ ತಪ್ಪಿ: ನಾನ್ ಪೋಪದ್ ನಿಂಗಕ್ ಪ್ರಯೋಜನವಾಪ, ಎನ್ನಂಗೆಣ್ಣ್‌ಚೇಂಗಿ, ನಾನ್ ಪೋಕತ ಪೋನಕ ಆಲೋಚನೆ ತಪ್ಪ ಪವಿತ್ರಾತ್ಮ ನಿಂಗಡ ಪಕ್ಕ ಬಪ್ಪ್‌ಲೆ. ನಾನ್ ಪೋಚೇಂಗಿ, ಅಂವೊನ ನಿಂಗಡ ಪಕ್ಕ ಅಯಿಪಿ.

ಯೋಹಾನ 4:10

ಅಕ್ಕ ಯೇಸು ಅವಕ್: ದೇವಡ ದಾನ ನೀಕ್ ಗೊತ್ತಾಯಿತ್, ನಾಕ್ ಕುಡಿಪಕ್ ನೀರ್ ತಾಂದ್ ಕ್‍ೕಟಂವೊ ದಾರ್‍ೕಂದ್ ನೀಕ್ ಗೊತ್ತ್‌ಂಜತೇಂಗಿ, ನೀನೇ ಅಂವೊಂಡ ಪಕ್ಕ ಕ್‍ೕಟಿತ್‌ಪ್ಪಿಯ, ಅಂವೊ ನೀಕ್ ಜೀವತ್‍ರ ನೀರ್‌ನ ಕೊಡ್‍ತಿತ್‌ಪ್ಪಾಂದ್ ಎಣ್ಣ್‌ಚಿ.

ಯೋಹಾನ 7:37

ಆ ನಮ್ಮೆರ ಮುಕ್ಯ ದಿವಸವಾನ ಕಡೆ ದಿವಸತ್, ಯೇಸು ನಿಪ್ಪಂಜಿ ಜೋರಾಯಿತ್: ದಾರ್‌ಕ್ ಬಾಯರಿಕೆಯಾಯಿತ್ ಉಂಡೋ ಅಂವೊ ನಾಡ ಪಕ್ಕ ಬಂತ್ ಕುಡಿಕಡ್.

ಅಪೊಸ್ತಲ 10:45

ಯೊಪ್ಪ ಪಟ್ಟಣತ್ಂಜ ಪೇತ್ರಂಡ ಕೂಡೆ ಬಂದಿತ್ಂಜ ಸುನ್ನತಿ ಮಾಡ್‍ನ ಯೇಸುನ ನಂಬ್‍ನ ಯೆಹೂದ್ಯಂಗ, ಯೆಹೂದ್ಯಂಗ ಅಲ್ಲತಯಿಂಗಡ ಮೇಲೆ ಸಹ ದೇವ, ಪವಿತ್ರಾತ್ಮಂಡ ವರತ್‍ನ ಕೊಡ್‍ತಿತ್ತುಂಡ್‍ೕಂದ್ ಕಂಡಿತ್ ಆಶ್ಚರ್ಯ ಪಟ್ಟತ್.

ಅಪೊಸ್ತಲ 2:33

ಅಂವೊನ ದೇವ ತಾಂಡ ಬಲ್‌ತೆ ಬರಿಲ್ ಅಳ್‍ಪ್‍ಚಿಟ್ಟಿತ್, ದೇವ ವಾಗ್ದಾನ ಮಾಡ್‍ನನೆಕೆ ಪವಿತ್ರಾತ್ಮನ ಅಯಿಪಕ್ ಅದಿಕಾರ ಕೊಡ್‍ತತ್. ನಿಂಗ ಇಕ್ಕ ನೋಟಿಯಂಡ್, ಕ್‍ೕಟಂಡ್ ಉಳ್ಳನೆಕೆ, ಅಂವೊ ನಂಗಡ ಮೇಲೆ ಪವಿತ್ರಾತ್ಮತ್‍ನ ಬೂಕಿತುಂಡ್.

ರೋಮ್ 2:4

ಅಥವ, ನಿಂಗ ಪಶ್ಚಾತಾಪ ಪಟ್ಟಿತ್ ದೇವಡ ಕಡೇಕ್ ಬಪ್ಪಕ್ ದೇವಡ ದಯೆ ನಿಂಗಳ ಕಾಕಿಯಂಡ್ ಉಂಡ್‍ೕಂದ್ ಗೊತ್ತಿಲ್ಲತೆ, ದೇವಡ ದಾರಾಳವಾಯಿತುಳ್ಳ ದಯೆ, ಸಯಿಸುವ ಗುಣ ಪಿಂಞ ತಾಳ್ಮೆ ಇನ್ನತಾನ ಐಶ್ವರ್ಯತ್‍ನ ಅಲ್ಲಗೆಳೆಯುವಿರ?

ರೋಮ್ 5:5

ಈ ನಿರೀಕ್ಷೆ ನಂಗಳ ನಿರಾಶೆ ಮಾಡುಲೆ, ಎನ್ನಂಗೆಣ್ಣ್‌ಚೇಂಗಿ, ನಂಗಕ್ ತಂದಿತುಳ್ಳ ಪವಿತ್ರಾತ್ಮತ್‍ರಗುಂಡ್ ದೇವಡ ಪ್ರೀತಿ ನಂಗಡ ಹೃದಯತ್‍ಲ್ ಬೂಕಿತುಂಡ್.

ರೋಮ್ 8:2

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಯೇಸುರಲ್ಲಿ ಉಳ್ಳ ಐಕ್ಯತ್‍ಲ್ ನಂಗಕ್ ಜೀವ ತಪ್ಪ ಪವಿತ್ರಾತ್ಮತ್‍ರ ಕಾನೂನ್, ನನ್ನ ಪಾಪ ಪಿಂಞ ಚಾವ್‍ರ ಕಾನೂನಿಂಜ ಬುಡುಗಡೆ ಮಾಡ್‍ಚಿ.

ಎಫೆಸ 3:8

ದೇವಡ ಮಕ್ಕಡಲ್ಲಿ ಎಲ್ಲಾಡಕಿಂಜ ಚೆರಿಯಂವೊನಾನ ನಾಕ್, ಕ್ರಿಸ್ತಂಡ ಲೆಕ್ಕ ಮಾಡ್‌ವಕ್ ಕಯ್ಯತಚ್ಚಕ್ ಉಳ್ಳ ಐಶ್ವರ್ಯತ್‍ನ ಯೆಹೂದ್ಯಂಗಲ್ಲತ ಜನಕ್ ಅರಿಚಿಡುವಕುಳ್ಳ ಈ ಕೃಪೆ ನಾಕ್ ಕ್‍ಟ್ಟ್‌ಚಿ.

ಎಫೆಸ 4:2

ಎಲ್ಲಾ ತಾಳ್ಮೆಲ್, ಶಾಂತಿಲ್, ಪೊರುಮೇಲ್, ಪ್ರೀತಿನಗುಂಡ್ ಒಬ್ಬನ ಒಬ್ಬ ಸಹಿಸಿಯಂಡ್ ಇರಿ.

1 ತಿಮೊಥೆಯ 6:17

ಈ ಲೋಕತ್‍ಲ್ ಐಶ್ವರ್ಯತ್‍ಲ್ ಉಳ್ಳಯಿಂಗ ಗರ್ವತ್‍ಲ್ ಇಕ್ಕತನೆಕೆ ಪಿಂಞ ಸ್ತಿರಯಿಲ್ಲತ ಅಯಿಂಗಡ ಐಶ್ವರ್ಯತ್‍ರ ಮೇಲೆ ನಂಬಿಕೆ ಬೆಕ್ಕತನೆಕೆ ಅಯಿಂಗಕ್ ಆಜ್ಞೆ ಮಾಡ್. ಅದ್ಂಡ ಬದ್‍ಲ್, ನಂಗ ಅನುಬವಿಚಿಡ್‍ವಕ್, ಎಲ್ಲಾ ನಲ್ಲದ್‍ನ ನಂಗಕ್ ಪೂರ್ತಿಲ್ ಕೊಡ್‍ಪ ಜೀವವುಳ್ಳ ದೇವಡ ಮೇಲೆ ನಂಬಿಕೆ ಬೆಪ್ಪಕ್ ಎಚ್ಚರ ಮಾಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:4

ತಕ್ಕ ಸಮಯತ್‍ಲ್ ನಂಗಡ ರಕ್ಷಕನಾನ ದೇವಡ ಆಜ್ಞೆರ ಪ್ರಕಾರ ನಾಕ್ ಒಪ್ಪ್‌ಚಿಟ್ಟ ಬೋದನೆರಗುಂಡ್ ಅಂವೊಂಡ ತಕ್ಕ್‌ನ ಕಾಂಬ್‍ಚಿಟ್ಟತ್.