ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:15 - ಕೊಡವ ಬೈಬಲ್

¹⁵ ನಾಡ ಪಕ್ಕ ಉಳ್ಳ ಎಲ್ಲಾರು ನೀಕ್ ಪ್ರೀತಿರ ವಂದನೆ ಎಣ್ಣಿಯಂಡುಂಡ್. ದೇವಡ ಮೇಲೆ ಉಳ್ಳ ನಂಬಿಕೇಲ್ ನಂಗಳ ಪ್ರೀತಿ ಮಾಡ್‌ವಯಿಂಗಕ್ ವಂದನೆ ಎಣ್ಣ್. ದೇವಡ ಕೃಪೆ ನಿಂಗ ಎಲ್ಲಾಡ ಕೂಡೆ ಇರಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:15 ပူးပေါင်းရင်းမြစ်များ

ಮತ್ತಾಯ 5:47

ನಿಂಗ ನಿಂಗಡ ಸ್ನೇಹಿತಂಗಡ ಕೂಡೆ ಮಾತ್ರ ಕುಶೀಲ್ ಇಂಜತೇಂಗಿ, ನಿಂಗಕು, ಬೋರೆಯಿಂಗಕು ಎಂತ ವೆತ್ಯಾಸ? ದೇವನ ಗೊತ್ತಿ‌ಲ್ಲತಯಿಂಗಳೂ ಅನ್ನನೆ ಮಾಡ್‌ವಲ್ಲ?

ಅಪೊಸ್ತಲ 20:34

ನಿಂಗಕ್ ಗೊತ್ತುಳ್ಳನೆಕೆ, ನಾಕ್ ಪಿಂಞ ನಾಡ ಕೂಡೆ ಇಂಜಯಿಂಗಕ್ ಬೋಂಡಿಯಾನದ್‍ನೆಲ್ಲ ಎಡ್‍ಪಕ್ ನಾಡ ಸ್ವಂತ ಕೈಯಿಂಜಲೇ ಕೆಲಸ ಮಾಡಿಯೆ.

1 ಕೊರಿಂಥ 16:23

ಒಡೆಯನಾನ ಯೇಸುರ ಕೃಪೆ ನಿಂಗಡ ಕೂಡೆ ಇರಡ್.

ಗಲಾತ್ಯ 5:6

ನಂಗಡ ನಂಬಿಕೆ ಯೇಸು ಕ್ರಿಸ್ತಂಡ ಮೇಲೆ ಇಂಜತೇಂಗಿ, ಸುನ್ನತಿ ಮಾಡಿತ್ಂಜತೇಂಗಿಯು, ಮಾಡತ ಇಂಜತೇಂಗಿಯು, ಅದ್ ಒಂದು ಲೆಕ್ಕ ಆಪುಲೆ. ಅದ್ಂಡ ಬದ್‍ಲಾಯಿತ್ ನಂಬಿಕೇಲ್, ಪ್ರೀತಿರಗುಂಡ್ ನಂಗ ಮಾಡ್‌ವ ಕಾರ್ಯವೇ ಮುಕ್ಯವಾನದ್.

ಕೊಲೊಸ್ಸೆ 4:18

ಪೌಲನಾನ ನಾನ್, ನಾಡ ಕೈಯಿಂಜಲೇ ಒಳ್‍ದಿತ್ ನಿಂಗಕ್ ಈ ವಂದನೆ ಎಣ್ಣ್‌ವಿ. ನಾನ್ ಸೆರಮನೇಲ್ ಕೈದಿಯಾಯಿತ್ ಕೆಟ್ಟ್‌ಲ್ ಇಪ್ಪದ್‍ನ ಗೇನ ಬೆಚ್ಚೊಳಿ. ಕೃಪೆ ನಿಂಗಡ ಕೂಡೆ ಇರಡ್.

1 ತಿಮೊಥೆಯ 1:2

ದೇವಡ ನಂಬಿಕೇಲ್ ನಾಡ ನೇರಾನ ಮೋಂವೊನಾನ ತಿಮೊಥೆಯಂಗ್ ಒಳ್‍ದ್‍ವ ಕಾಗದ ಇದ್. ನಂಗಡ ಅಪ್ಪನಾನ ದೇವಡಯಿಂಜಲು, ನಂಗಡ ಒಡೆಯನಾನ ಯೇಸು ಕ್ರಿಸ್ತಡಿಂಜಲು ಕೃಪೆ, ಕರುಣೆ ಪಿಂಞ ಸಮಾದಾನ ಕ್‍ಟ್ಟಡ್.

1 ತಿಮೊಥೆಯ 1:5

ಈ ಆಜ್ಞೆರ ಉದ್ದೇಶ ಎಂತ ಎಣ್ಣ್‌ಚೇಂಗಿ, ಶುದ್ದವಾನ ಹೃದಯತ್‍ಲ್, ನಲ್ಲ ಮನಸಾಕ್ಷಿಲ್, ಕಪಟ ಇಲ್ಲತ ನಂಬಿಕೆಯಿಂಜ ಬಪ್ಪ ನೇರಾನ ಪ್ರೀತಿಲ್ ದುಂಬಿತಿರಂಡೂಂದ್ ಎಣ್ಣ್‌ವದೇ.

2 ತಿಮೊಥೆಯ 4:22

ಒಡೆಯನಾನ ಯೇಸು ಕ್ರಿಸ್ತ ನೀಡ ಆತ್ಮತ್‍ರ ಕೂಡೆ ಇರಡ್. ದೇವಡ ಕೃಪೆ ನೀಡ ಕೂಡೆ ಇರಡ್.

ಇಬ್ರಿಯ 13:25

ಕೃಪೆ ನಿಂಗಡ ಎಲ್ಲಾಡ ಕೂಡೆ ಇಕ್ಕಡ್. ಆಮೆನ್.

3 ಯೋಹಾನ 1:1

ಮೂಪನಾನ ನಾನ್, ನೇರಾಯಿತ್ ಪ್ರೀತಿಚಿಡುವ ಪ್ರಿಯ ಗಾಯಂಗ್ ಒಳ್‍ದ್‍ವದ್ ಎಂತ ಎಣ್ಣ್‌ಚೇಂಗಿ,