ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:13 - ಕೊಡವ ಬೈಬಲ್

¹³ ನೀಕ್ ಕಯ್ಯುವಚ್ಚಕ್ ವಕೀಲನಾನ ಜೇನ ಪಿಂಞ ಅಪೊಲ್ಲೋಸಂಗ್ ಒರ್ ಕೊರತೆಯು ಇಲ್ಲತೆ ಅಯಿಂಗಡ ಪ್ರಯಾಣಕ್ ಬೋಂಡಿಯಾನ ಎಲ್ಲಾ ವ್ಯವಸ್ತೆನ ಮಾಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:13 ပူးပေါင်းရင်းမြစ်များ

ಮತ್ತಾಯ 22:35

ಅಯಿಂಗಡಡೆಲ್ ನ್ಯಾಯಪ್ರಮಾಣತ್‍ರ ಶಾಸ್ತ್ರಿ ಒಬ್ಬ, ಯೇಸುನ ಪುಡಿಪಕಾಯಿತ್ ಈ ಪ್ರಶ್ನೆ ಕ್‍ೕಟತ್:

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:25

ಯೇಸುರ ಮೇಲೆ ತಪ್ಪ್ ಕಂಡ್‌ಪುಡಿಪಕಾಯಿತ್ ನ್ಯಾಯಪ್ರಮಾಣತ್‍ರ ಶಾಸ್ತ್ರಿ ಒಬ್ಬ: ಉಪಾದ್ಯನೇ, ನಿತ್ಯ ಜೀವ ಕ್‍ಟ್ಟ್‌ವಕ್ ನಾನ್ ಎಂತ ಮಾಡಂಡೂಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:45

ನ್ಯಾಯಪ್ರಮಾಣತ್‍ರ ಶಾಸ್ತ್ರಿ ಒಬ್ಬ, ನೀನ್ ಇನ್ನನೆ ಎಣ್ಣಿತ್ ನಂಗಳ ಞಾಣ ಕೆಡ್‍ತಿಯಂಡುಳ್ಳಿಯಾಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:52

ನ್ಯಾಯಪ್ರಮಾಣತ್‍ರ ಶಾಸ್ತ್ರಿಯಳೇ ನಿಂಗಕ್ ಅಯ್ಯೋ! ದೇವಡ ಜ್ಞಾನತ್‍ನ ಎಣ್ಣಿ ಕೊಡ್‍ಪ ಪಡಿರ ಬೀತ್‌ಕೈನ ನಿಂಗ ಬೆಚ್ಚಂಡುಳ್ಳಿರ, ನಿಂಗಳು ಅದ್ಂಡ ಒಳ್‍ಕ್ ಪೋಪುಲೆ, ಪೋಪಯಿಂಗಳ ಸಹ ನಿಂಗ ಪೋಪಕ್ ಬುಡುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:3

ನ್ಯಾಯಪ್ರಮಾಣತ್‍ರ ಶಾಸ್ತ್ರಿಯಳ ಪಿಂಞ ಫರಿಸಾಯಳ ಯೇಸು ನೋಟುವಂಜಿ: ಸಬ್ಬತ್ ದಿವಸತ್‍ಲ್ ವಾಸಿ ಮಾಡ್‍ವದ್ ನ್ಯಾಯಪ್ರಮಾಣತ್‍ರ ಪ್ರಕಾರ ನ್ಯಾಯಾನ ಇಲ್ಲೆಯಾಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:30

ಆಚೇಂಗಿ ಫರಿಸಾಯಂಗ ಪಿಂಞ ನ್ಯಾಯಪ್ರಮಾಣತ್‍ರ ಶಾಸ್ತ್ರಿಯಂಗ, ದೇವಕ್ ಬಗ್ಗಿತ್ ನಡ್‍ಪಕ್ ಒತ್ತತೆ, ಯೋಹಾನನಗುಂಡ್ ದೀಕ್ಷಾಸ್ನಾನ ಎಡ್‌ಪ ಆಲೋಚನೆನ ಅಲ್ಲಗೆಳೆದ್‌ಚಿ.

ಅಪೊಸ್ತಲ 15:3

ಸಬೆರ ಜನ ಅಯಿಂಗಳ ಅಯಿಚ ಪಿಂಞ, ಅಯಿಂಗ ಫೊಯಿನಿಕೆ ಪಿಂಞ ಸಮಾರ್ಯ ಸೀಮೆರ ಬಟ್ಟೇಲ್ ಪೋಯಂಡಿಪ್ಪಕ, ಯೆಹೂದ್ಯ ಅಲ್ಲತ ಬೋರೆ ಜನಳು ದೇವಡ ಪಕ್ಕ ಬಂದ ಸಂಗತಿನ, ಅಯಿಂಗಡ ಬಟ್ಟೇಲ್ ಕಂಡ ಯೇಸುನ ನಂಬ್‍ನಯಿಂಗಕ್ ವಿವರವಾಯಿತ್ ಎಣ್ಣ್‌ಚಿ. ಅಯಿಂಗ ಇದ್‍ನ ಕ್‍ೕಪಕ ದುಂಬ ಕುಶಿಪಟ್ಟತ್.

ಅಪೊಸ್ತಲ 18:24

ಆ ಸಮಯತ್‍ಲ್, ಅಲೆಕ್ಸಾಂದ್ರಿಯ ಪಟ್ಟಣತ್‍ಲ್ ಪುಟ್ಟ್‌ನ ಅಪೊಲ್ಲೋಸ ಎಣ್ಣ್‌ವ ಒರ್ ಯೆಹೂದ್ಯ ಎಫೆಸ ಪಟ್ಟಣಕ್ ಬಾತ್. ಅಂವೊ ಚಾಯಿ ಓದಿತುಳ್ಳಂವೊನಾಯಿತು, ಯೆಹೂದ್ಯಂಗಡ ದೇವಡ ವಾಕ್ಯತ್‍ನ ಚಾಯಿ ಗೊತ್ತುಳ್ಳಂವೊನಾಯಿತು ಇಂಜತ್.

ಅಪೊಸ್ತಲ 19:1

ಅಪೊಲ್ಲೋಸ ಕೊರಿಂಥ ಪಟ್ಟಣತ್‍ಲ್ ಇಪ್ಪಕ, ಪೌಲ ಅಲ್ಲಿಂಜ ಮುಕ್ಯ ಬಟ್ಟೇಲ್ ಪ್ರಯಾಣ ಮಾಡತೆ, ಊರ್‌ರ ಬಟ್ಟೇಲ್ ಪ್ರಯಾಣ ಮಾಡಿತ್ ಎಫೆಸ ಪಟ್ಟಣಕ್ ಎತ್ತ್‌ಚಿ. ಅಲ್ಲಿ, ಯೇಸುನ ನಂಬ್‍ನ ಚೆನ್ನ ಜನಳ ಕಂಡತ್.

ಅಪೊಸ್ತಲ 21:5

ಆಚೇಂಗಿ, ಹಡಗ್ ಅಲ್ಲಿಂಜ ಪೊರಡ್‌ವ ಸಮಯ ಬಪ್ಪಕ, ಅಯಿಂಗೆಲ್ಲಾರು ಪೊಣ್ಣ್ ಮಕ್ಕಡ ಕೂಡೆ ಪಟ್ಟಣತ್‍ರ ಕಡೇಕತ್ತನೆ ನಂಗಡ ಕೂಡೆ ಬಾತ್. ನಂಗ ಕಡಕರೆಲ್ ಮೊಣಕಾಲ್ ಇಟ್ಟಿತ್ ಪ್ರಾರ್ಥನೆ ಮಾಡ್‍ಚಿ.

ಅಪೊಸ್ತಲ 28:10

ಅಯಿಂಗೆಲ್ಲರು ನಂಗಳ ಬಾರಿ ಚಾಯಿ ಉಪಚಾರ ಮಾಡ್‍ನದ್ ಅಲ್ಲತೆ ನಂಗ ಅಲ್ಲಿಂಜ ಪೊರಡ್‍ವಕ, ನಂಗಡ ಪ್ರಯಾಣಕ್ ಬೋಂಡಿಯಾನ ಎಲ್ಲಾನ ಕೊಂಡ್‌ಬಂತ್ ಹಡಗ್‍ಲ್ ಬೆಚ್ಚತ್.

ರೋಮ್ 15:24

ನಾನ್ ಸ್ಪೇನ್ ದೇಶಕ್ ಪ್ರಯಾಣ ಮಾಡ್‌ವಕ, ನಿಂಗಡ ಪಕ್ಕ ಬಂದಿತ್, ಚೆನ್ನ ಸಮಯ ನಿಂಗಡ ಕೂಡೆ ಒಳಿಂಜಿತ್, ಕುಶೀಲ್ ಇಂಜಿತ್, ನಿಂಗಡ ಸಹಾಯತ್‍ಲ್ ಪೊರಟಿತ್ ಪೋಪಕ್ ಸಮಯ ಕ್‌ಟ್ಟೂಂದ್ ನಂಬಿಕೇಲ್ ಉಳ್ಳ.

1 ಕೊರಿಂಥ 16:11

ಆನಗುಂಡ್ ದಾರೂ ಅಂವೊನ ಕೀಳಾಯಿತ್ ಕಾಂಗತಿ. ಅಂವೊ ನಾಡ ಪಕ್ಕ ಬಪ್ಪಕ್, ನಿಂಗ ಅಂವೊನ ಸಮಾದಾನತ್‍ಲ್ ಅಯಿಚಿರಿ. ಬಾಕಿ ತಮ್ಮಣಂಗಡ ಕೂಡೆ ಅಂವೊ ಇಲ್ಲಿ ಬಪ್ಪಾಂದ್ ನಾನ್ ಪಾರಕಾತಂಡುಂಡ್.

1 ಕೊರಿಂಥ 16:12

ತಮ್ಮಣನಾನ ಅಪೊಲ್ಲೋಸ ಬೋರೆ ತಮ್ಮಣಂಗಡ ಕೂಡೆ ನಿಂಗಡ ಪಕ್ಕ ಬಂತ್ ನಿಂಗಳ ಕಾಂಗಂಡೂಂದ್ ಅಂವೊನ ನಾನ್ ದುಂಬ ಬೋಡಿಯಂಡಿಯೆ; ಆಚೇಂಗಿ. ಅಂವೊಂಗ್ ಇಕ್ಕ ಅಲ್ಲಿ ಬಪ್ಪಕ್ ಮನಸ್ಸಿಲ್ಲೆ, ಅಂವೊಂಗ್ ಎಕ್ಕ ಸಂದರ್ಪ ಕ್‍ಟ್ಟುವ ಅಕ್ಕ ಬಪ್ಪ.