ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:12 - ಕೊಡವ ಬೈಬಲ್

¹² ನಾನ್ ನೀಡ ಪಕ್ಕ ಅರ್ತೆಮನ ಎಣ್ಣ್‌ವಂವೊನ ಪಿಂಞ ತುಖಿಕ ಎಣ್ಣ್‌ವಂವೊನ ಅಯಿಪಕ, ನೀನ್ ನಿಕೊಪೊಲಿ ಎಣ್ಣುವ ಪಟ್ಟಣಕ್ ನಾಡ ಪಕ್ಕ ಬಪ್ಪಕ್ ಪ್ರಯತ್ನಪಡ್; ಎನ್ನಂಗೆಣ್ಣ್‌ಚೇಂಗಿ, ಕುಳ್‌ರ್ ಕಾಲತ್‍ಲ್ ನಾನ್ ಅಲ್ಲಿ ಇಪ್ಪಕ್ ಗೇನ ಮಾಡಿಯೆ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:12 ပူးပေါင်းရင်းမြစ်များ

ಅಪೊಸ್ತಲ 20:4

ಪೌಲಂಡ ಕೂಡೆ, ಬೆರೋಯ ಪಟ್ಟಣತ್‍ರ ಪಿರಸಂಡ ಮೋಂವೊನಾನ ಸೋಪತ್ರ ಎಣ್ಣ್‌ವಂವೊನು, ಥೆಸಲೊನೀಕ ಪಟ್ಟಣತ್‍ರ ಅರಿಸ್ತಾರ್ಕ ಪಿಂಞ ಸೆಕುಂದ ಎಣ್ಣುವಯಿಂಗಳು, ದೆರ್ಬೆ ಪಟ್ಟಣತ್‍ರ ಗಾಯನ ಪಿಂಞ ತಿಮೊಥೆಯ ಎಣ್ಣುವಯಿಂಗಳು, ಆಸ್ಯ ಸೀಮೆರ ತುಖಿಕನ ಪಿಂಞ ತ್ರೊಫಿಮ ಎಣ್ಣುವಯಿಂಗಳು ಆಸ್ಯ ಸೀಮೆಕತ್ತನೆ ಪೋಚಿ.

1 ಕೊರಿಂಥ 16:6

ಒರ್ ಸಮಯ ನಾನ್ ನಿಂಗಡ ಕೂಡೆ ಚೆನ್ನ ಕಾಲ ಒಳಿಯುವಿ, ಕಯ್ಯುವೇಂಗಿ ಕುಳ್‌ರ್ ಕಾಲತ್‍ಲ್‌ ನಿಂಗಡ ಕೂಡೆ ಒಳಿಯುವಿ. ಅಕ್ಕ ನಿಂಗ, ನಾನ್ ಪೋಪಕುಳ್ಳ ಪ್ರಯಾಣಕ್ ಬೋಂಡಿಯಾನ ಸಹಾಯ ಮಾಡ್‌ವಕ್ ಕಯ್ಯು.

ಎಫೆಸ 6:21

ನಾನ್ ಎನ್ನನೆ ಉಂಡ್‍ೕಂದು, ನಾನ ಎಂತ ಮಾಡಿಯಂಡುಳ್ಳ್‌ಂದು, ನಂಗಡ ಪ್ರೀತಿರ ತಮ್ಮಣನು ಒಡೆಯಂಡಲ್ಲಿ ನಂಬಿಕಸ್ತನು ಆಯಿತುಳ್ಳ ಸೇವಕನಾನ ತುಖಿಕ ನಿಂಗಕ್ ಚಾಯಿತೆ ಎಣ್ಣಿ ತಪ್ಪ.

ಕೊಲೊಸ್ಸೆ 4:7

ಪ್ರೀತಿರ ತಮ್ಮಣ ತುಖಿಕ, ನಿಂಗಕ್ ನಾಡ ವಿಷಯತ್‌ನೆಲ್ಲ ಎಣ್ಣಿ ತಪ್ಪ. ಅಂವೊ ನಂಬಿಕಸ್ತನಾನ ಸೇವಕನು, ನಂಗಡ ಕೂಡೆ ಒಡೆಯಂಡ ಸೇವೆ ಮಾಡ್‍ವಂವೊನಾಯಿತು ಉಂಡ್.

2 ತಿಮೊಥೆಯ 4:12

ನಾನ್ ತುಖಿಕನ ಎಫೆಸಕ್ ಅಯಿಚಿಯೆ.

2 ತಿಮೊಥೆಯ 4:21

ಕುಳ್‌ರ್ ಕಾಲ ಬಪ್ಪಾಂಗ್ ಮಿಂಞ ಇಲ್ಲಿ ಬಪ್ಪಕ್ ಪ್ರಯತ್ನಪಡ್. ಯುಬೂಲ, ಪೊದೆಯ, ಲೀನ ಎಣ್ಣ್‌ವಂವೊನು, ಕ್ಲೌದ್ಯ ಪಿಂಞ ಎಲ್ಲಾ ಅಣ್ಣತಮ್ಮಣಂಗ ನಿನ್ನ ಕ್‍ೕಟತ್.

2 ತಿಮೊಥೆಯ 4:9

ತಿಮೊಥೆಯ, ಆಪಚ್ಚಕ್ ನಾಡ ಪಕ್ಕ ಬೆರಿಯ ಬಪ್ಪಕ್ ಪ್ರಯತ್ನಪಡ್.