ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:15 - ಕೊಡವ ಬೈಬಲ್

¹⁵ ಇದ್‍ನೆಲ್ಲಾ ನೀನ್ ಅಯಿಂಗಕ್ ಬೋದನೆ ಮಾಡಿತ್, ಎಲ್ಲಾ ಅದಿಕಾರತ್‍ಲ್ ಎಚ್ಚರ ಮಾಡ್ ಪಿಂಞ ಪುರ್‌ಡ್ ಕೊಡ್. ದಾರೂ ನೀಡ ಅದಿಕಾರತ್‍ನ ಅಲ್ಲಗೆಳೆಯುವನೆಕೆ ಬುಡತೆ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:15 ပူးပေါင်းရင်းမြစ်များ

ಮತ್ತಾಯ 7:29

ಎನ್ನಂಗೆಣ್ಣ್‌ಚೇಂಗಿ ಯೇಸು, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡನೆಕೆ ಬೋದನೆ ಮಾಡತೆ, ಅದಿಕಾರ ಉಳ್ಳಂವೊನನೆಕೆ ಬೋದನೆ ಮಾಡ್‍ಚಿ.

ಮಾರ್ಕ 1:22

ಜನ ಅಂವೊ ಮಾಡ್‌ವ ಬೋದನೆನ ಕ್‍ೕಟಿತ್, ಆಶ್ಚರ್ಯ ಪಟ್ಟತ್. ಇಂವೊ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಡನೆಕೆ ಬೋದನೆ ಮಾಡತೆ, ಅದಿಕಾರ ಉಳ್ಳಯಿಂಗಡನೆಕೆ ಬೋದನೆ ಮಾಡ್‌ವಾಂದ್ ಎಣ್ಣ್‌ಚಿ.

ಮಾರ್ಕ 1:27

ಅಲ್ಲಿ ಇಂಜ ಎಲ್ಲಾ ಜನಳು ಆಶ್ಚರ್ಯಪಟ್ಟಿತ್: ಇದ್ ಎಂತ? ಈ ಪುದಿಯ ಬೋದನೆ ಎಂತದ್? ಅಂವೊ ಅದಿಕಾರತ್‍ಲ್ ಕೂಳಿಯಳ ಪೊರಮೆ ಪೋಪಕ್ ಆಜ್ಞೆ ಮಾಡ್‌ವ, ಅದೂ ಅಂವೊಂಡ ತಕ್ಕ್‌ನ ಕ್‍ೕಪಲ್ಲಾಂದ್ ಅಯಿಂಗಡ ಒಳ್‌ಲೇ ತಕ್ಕ್ ಪರ್‌ದಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:36

ಅಲ್ಲಿ ಇಂಜ ಎಲ್ಲಾ ಜನಳು ಆಶ್ಚರ್ಯಪಟ್ಟಿತ್, ಇದ್ ಏದ್ ತರತ್‍ರ ತಕ್ಕ್! ಅದಿಕಾರತ್‍ಲ್ ಪಿಂಞ ಶಕ್ತಿಲ್ ಕೂಳಿಯಳ ಪೊರಮೆ ಪೋಪಕ್ ಆಜ್ಞೆ ಮಾಡ್‌ವ, ಕೂಳಿಯಳು ಪೊರಮೆ ಪೋಪಲ್ಲಾಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದಂಡ್ ಇಂಜತ್.

1 ಕೊರಿಂಥ 16:11

ಆನಗುಂಡ್ ದಾರೂ ಅಂವೊನ ಕೀಳಾಯಿತ್ ಕಾಂಗತಿ. ಅಂವೊ ನಾಡ ಪಕ್ಕ ಬಪ್ಪಕ್, ನಿಂಗ ಅಂವೊನ ಸಮಾದಾನತ್‍ಲ್ ಅಯಿಚಿರಿ. ಬಾಕಿ ತಮ್ಮಣಂಗಡ ಕೂಡೆ ಅಂವೊ ಇಲ್ಲಿ ಬಪ್ಪಾಂದ್ ನಾನ್ ಪಾರಕಾತಂಡುಂಡ್.

1 ತಿಮೊಥೆಯ 5:20

ಅನ್ನನೆ ಅಂವೊ ಪಾಪ ಮಾಡಿಯಂಡೇ ಇಂಜತೇಂಗಿ, ಅಲ್ಲಿ ಉಳ್ಳಯಿಂಗಕ್ ಪಾಪ ಮಾಡ್‌ವಕ್ ಪೋಡಿ ಬಪ್ಪನೆಕೆ ಎಲ್ಲಾಡ ಮಿಂಞತ್ ಅಂವೊನ ಎಚ್ಚರ ಮಾಡ್.

2 ತಿಮೊಥೆಯ 4:2

ಅನುಕೂಲವಾನ ಸಮಯತ್‍ಲು, ಅನುಕೂಲಯಿಲ್ಲತ ಸಮಯತ್‍ಲು ನಲ್ಲ ಸುದ್ದಿನ ಬೋದನೆ ಮಾಡ್‌ವಕ್ ತಯಾರಾಯಿತ್ ಇರ್; ತ್‍ೕರ ತಾಳ್ಮೆಯಿಂಜ, ಅಯಿಂಗ ಮಾಡ್‍ನ ತಪ್ಪ್‌ನ ಎಣ್ಣಿ ಕೊಡ್‌ತಿತ್, ಕಂಡನೆ ಮಾಡಿತ್, ಪುರ್‌ಡ್ ಕೊಡ್‌ತಿತ್ ಎಚ್ಚರವಾಯಿತ್ ಬೋದನೆ ಮಾಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:13

ಇನ್ನನೆ ಅಂವೊ ಎಣ್ಣ್‌ನದ್ ಸತ್ಯವಾಯಿತುಂಡ್. ಆನಗುಂಡ್ ಅಯಿಂಗಳ ಜೋರ್ ಮಾಡಿತ್, ಅಯಿಂಗಡ ನಂಬಿಕೇನ ಸ್ತಿರಪಡ್‍ತ್.

1 ಪೇತ್ರ 4:11

ಒಬ್ಬ ಬೋದನೆ ಮಾಡ್‌ವದಾಚೇಂಗಿ, ಅಂವೊ ಚಾಯಿತೆ ದೇವಡ ವಾಕ್ಯತ್‍ರ ಪ್ರಕಾರ ಬೋದನೆ ಮಾಡಂಡು. ಒಬ್ಬ ಸೇವೆ ಮಾಡ್‌ವದಾಚೇಂಗಿ ದೇವ ಅಂವೊಂಗ್ ಕೊಡ್‍ತಿತುಳ್ಳ ಶಕ್ತಿರನೆಕೆ ಮಾಡಂಡು, ಅಕ್ಕ ನಿಂಗ ಎಂತ ಮಾಡ್‍ಚೇಂಗಿಯು, ಯೇಸು ಕ್ರಿಸ್ತಂಡ ಮೂಲಕ ದೇವಕ್ ಮಹಿಮೆ ಕ್‍ಟ್ಟುವನೆಕೆ ಮಾಡ್‌ವಕಾಪ. ಅಂವೊಂಗ್ ಎಕ್ಕಾಲು ಮಹಿಮೆ, ಶಕ್ತಿ ಬರಡ್. ಆಮೆನ್.