ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:5 - ಕೊಡವ ಬೈಬಲ್

⁵ ನಂಗ ಕ್ರೇತ ದ್ವೀಪತ್‍ಲ್ ಮಾಡಿಯಂಡಿಂಜ ದೇವಡ ಸೇವೇನ ಪೂರ್ತಿಮಾಡ್‌ವಕಾಯಿತು, ನಾನ್ ನೀಕ್ ಎಣ್ಣ್‌ನನೆಕೆ ಪಟ್ಟಣತ್ಂಜ ಪಟ್ಟಣಕ್ ಸಬೆರ ಪೆರಿಯಯಿಂಗಳ ನೇಮಿಚಿಡ್‌ವಕಾಯಿತು ನಾನ್ ನಿನ್ನ ಅಲ್ಲಿ ಬುಟ್ಟಿತ್ ಬಂದಿಯೆ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:5 ပူးပေါင်းရင်းမြစ်များ

ಅಪೊಸ್ತಲ 11:30

ಅನ್ನನೆ ಅಯಿಂಗ, ಎಲ್ಲಾನ ಕೂಟಿತ್, ಬಾರ್ನಬ ಪಿಂಞ ಸೌಲಂಡ ಕೂಡೆ, ಯೆರೂಸಲೇಮ್‍ಲ್ ಉಳ್ಳ ಸಬೆರ ಪೆರಿಯಯಿಂಗಕ್ ಈ ಸಹಾಯತ್‍ನ ಕೊಡ್‌ತಿತ್ ಅಯಿಚತ್.

ಅಪೊಸ್ತಲ 14:23

ಇದ್‍ಲ್ಲತೆ ಓರೋರ್ ಸಬೇಲು ಪೆರಿಯಯಿಂಗಳ ನೇಮಿಚಿಟ್ಟಿತ್, ಪಟ್ಟಣಿ ನಿಂದಿತ್ ಪ್ರಾರ್ಥನೆ ಮಾಡಿತ್, ಅಯಿಂಗ ನಂಬ್‍ನ ದೇವಡ ಕೈಕ್ ಅಯಿಂಗಳ ಒಪ್ಪ್‌ಚಿಟ್ಟತ್.

ಅಪೊಸ್ತಲ 2:11

ಕ್ರೇತ್ಯಯಿಂಗಳೂ ಪಿಂಞ ಅರಬಿ ದೇಶತಯಿಂಗಳಾನ ನಂಗಡ ನಂಗಡ ಬಾಷೆಲ್ ಈಂಗ ದೇವ ಮಾಡ್‍ನ ಅದ್ಬುತ ಕಾರ್ಯತ್‍ನ ತಕ್ಕ್ ಪರಿವಾನ ಕ್‍ೕಟಂಡುಂಡಲ್ಲಾಂದ್ ಎಣ್ಣ್‌ಚಿ.

ಅಪೊಸ್ತಲ 27:12

ಆ ಹಡಗ್ ನಿಪ್ಪ್‌ಚಿಡುವ ಸ್ತಾನ, ಕುಳ್‌ರ್ ಕಾಲತ್‍ಲ್ ಒಳಿಯುವಕ್ ಅನುಕೂಲವಾಯಿತ್ ಇಲ್ಲತೆಗುಂಡ್, ಆ ಜಾಗತ್‍ನ ಬುಟ್ಟಿತ್, ಅಲ್ಲಿಂಜ ಫೊಯಿನಿಕೆ ಎಣ್ಣುವ ಜಾಗಕ್ ಪೋಪಕ್ ಕಯ್ಯುವೇಂಗಿ ಅಲ್ಲಿಕ್ ಎತ್ತಿತ್ ಅಲ್ಲಿ ಒಳಿಯಂಡೂಂದ್ ದುಂಬ ಜನ ಎಣ್ಣ್‌ನಗುಂಡ್ ಅನ್ನನೆ ತೀರ್ಮಾನ ಮಾಡ್‍ಚಿ. ಆ ಜಾಗ ತೆಕ್ಕ್-ಪಡ್‍ಞಾರ್ ದಿಕ್ಕ್ ಪಿಂಞ ಬಡಕ್-ಪಡ್‍ಞಾರ್ ದಿಕ್ಕ್‌ನ ನೋಟಿತ್ ಇಂಜ ಕ್ರೇತ ದ್ವೀಪತ್‍ರ ಒರ್ ಹಡಗ್ ಸ್ತಾನವಾಯಿತ್ಂಜತ್.

ಅಪೊಸ್ತಲ 27:13

ತೆಕ್ಕ್ ದಿಕ್ಕ್‌ಂಜ ಗಾಳಿ ಮೆಲ್ಲೆ ಬೀಜಿಯಂಡ್ ಇಂಜಗುಂಡ್, ಅಯಿಂಗ ಗೇನಮಾಡ್‍ನನೆಕೆ ಎಲ್ಲಾ ಚಾಯಿ ಆಯಂಡುಂಡ್‍ೕಂದ್ ಗೇನ ಮಾಡಿತ್, ನಂಗೂರತ್‍ನ ಮೆಲ್ಲೆ ಕೊಡಿಕ್ ಬಲ್‍ಚಿತ್, ಅಲ್ಲಿಂಜ ಕ್ರೇತ ದ್ವೀಪತ್‍ರ ಕರಾವಳಿರ ಪಕ್ಕ ಪೋಚಿ.

ಅಪೊಸ್ತಲ 27:21

ಅಯಿಂಗ ದುಂಬ ದಿವಸ ಕೂಳ್ ಒಂದು ತಿಂಗತೆ ಇಪ್ಪಕ, ಪೌಲ ಅಯಿಂಗಡ ಮದ್ಯತ್‍ಲ್ ಎದ್ದ್ ನಿಂದಿತ್: ಜನಳೇ, ಕ್ರೇತ ದ್ವೀಪತ್ಂಜ ಪೊರಡತೆ ಈ ಕಷ್ಟ ನಷ್ಟನೆಲ್ಲ ಆಕತನೆಕೆ ನಿಂಗ ನಾಡ ತಕ್ಕ್‌ನ ಕ್‍ೕಪಕಿಂಜತ್.

ಅಪೊಸ್ತಲ 27:7

ಬಿರ್‌ಗಾಳಿ ನಂಗಳ ಮಿಂಞಕ್ ಪೋಪಕ್ ಬುಡತಗುಂಡ್, ದುಂಬ ದಿವಸ ನಿದಾನವಾಯಿತ್ ಕಷ್ಟತ್‍ಲ್ ಕ್ನೀದ ಪಟ್ಟಣಕ್ ಎದ್‍ರಾಯಿತ್ ಬಂದಿತ್, ಗಾಳಿ ಬಂದಂಡುಳ್ಳ ದಿಕ್ಕ್‌ಂಜ ಕ್ರೇತ ದ್ವೀಪತ್‍ರ ಆಬರಿಕ್ ಪೋಯಿತ್ ಸಲ್ಮೋನೆ ಊರ್‌ಕ್ ಮಿಂಞ ಬಾತ್.

1 ಕೊರಿಂಥ 11:34

ನಿಂಗ ಒಕ್ಕಚೆ ಕೂಡಿ ಬಪ್ಪದ್, ನಿಂಗಡ ನ್ಯಾಯತೀರ್ಪ್‌ಕ್ ಕಾರಣ ಆಪದ್ ಬೋಂಡ. ಒಬ್ಬಂಗ್ ಕೆಲ ಪಯಿಚತೇಂಗಿ ಅಂವೊ ಅಂವೊಂಡ ಮನೆಲ್ ಉಂಡಿತ್ ಬರಡ್. ಬೋರೆ ವಿಷಯತ್‍ನ ನಾನ್ ನಿಂಗಡ ಪಕ್ಕ ಬಪ್ಪಕ ಸರಿ ಮಾಡ್‌ವಿ.

1 ಕೊರಿಂಥ 14:40

ಎಲ್ಲಾನ ಚಾಯಿತೆ ಕ್ರಮವಾಯಿತ್ ಮಾಡಿ.

1 ಕೊರಿಂಥ 4:17

ಇದ್ಂಗಾಯಿತೇ ನಾನ್ ನಾಡ ಪ್ರೀತಿರ ಮೋಂವೊನು, ಒಡೆಯಂಗ್ ಸತ್ಯವುಳ್ಳಂವೊನು ಆಯಿತುಳ್ಳ ತಿಮೊಥೆಯನ ನಿಂಗಡ ಪಕ್ಕ ಅಯಿಚಂಡುಳ್ಳ. ನಾನ್ ಎಲ್ಲಾ ಜಾಗತ್‍ಲ್ ಎಲ್ಲಾ ಸಬೇಲ್ ಬೋದನೆ ಮಾಡ್‌ವನೆಕೆ, ಕ್ರಿಸ್ತ ಯೇಸುರಲ್ಲಿ ಉಳ್ಳ ನಾಡ ಬದ್‍ಕ್‍ರ ವಿಷಯತ್‍ನ ನಿಂಗಕ್ ಜ್ಞಾಪಕ ಮಾಡ್‌ವಿ.

ಕೊಲೊಸ್ಸೆ 2:5

ನಾನ್ ನಿಂಗಡ ಕೂಡೆ ತಡೀಲ್ ಇಲ್ಲತ ಪೋಚೇಂಗಿಯು, ನಾಡ ಆತ್ಮತ್‍ಲ್ ನಿಂಗಡ ಕೂಡೆ ಉಳ್ಳ. ನಿಂಗ ಎನ್ನನೆ ಬದ್‍ಕಂಡುವೊ ಅನ್ನನೆ ನಿಂಗ ಬದ್‍ಕಿಯಂಡ್ ಉಳ್ಳಾಂಗು, ಕ್ರಿಸ್ತಂಡ ಮೇಲೆ ಉಳ್ಳ ನಿಂಗಡ ನಂಬಿಕೆ ದೃಡವಾಯಿತ್ ಉಳ್ಳಾಂಗು ನಾನ್ ದುಂಬ ಕುಶಿಪಟ್ಟಂಡುಳ್ಳ.

1 ತಿಮೊಥೆಯ 1:3

ನಾನ್ ಮಕೆದೋನ್ಯಕ್ ಪೋಯಂಡಿಪ್ಪಕ, ನೀನ್ ಎಫೆಸತ್‍ಲ್ ಇಪ್ಪಂಜಿ, ಕಳ್ಳ ಬೋದನೆ ಮಾಡ್‌ವಯಿಂಗ ಇಂಞು ಮಿಂಞಕ್ ಅದ್‍ನ ಮಾಡತನೆಕೆ ನೀನ್ ಅಯಿಂಗಳ ಎಚ್ಚರ ಮಾಡಂಡೂಂದ್ ನಾನ್ ನೀಕ್ ಒತ್ತಾಯ ಮಾಡ್‍ನ.

2 ತಿಮೊಥೆಯ 2:2

ಎಚ್ಚಕೋ ಸಾಕ್ಷಿರ ಮಿಂಞತ್, ನಾನ್ ಮಾಡ್‍ನ ಬೋದನೇನೆಲ್ಲ ಕ್‍ೕಟ ನೀನ್, ಅದ್‍ನ, ಬೋರೆಯಿಂಗಕ್ ಪಡಿಪ್‍ಚಿಡ್‍ವಕ್ ಯೋಗ್ಯವಾನ ನಂಬಿಕಸ್ತಂಡ ಪಕ್ಕ ಒಪ್ಪ್‌ಚಿಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:12

ಕ್ರೇತ ದ್ವೀಪತ್‍ರ ಜನ, ಎಕ್ಕಾಲು ಪೊಟ್ಟ್ ಪರಿಯುವಯಿಂಗ. ದುಷ್ಟ ಮೃಗತ್‍ರನೆಕೆ ಮೋಸ ಮಾಡ್‌ವಯಿಂಗ ಪಿಂಞ ಹೊಟ್ಟೆಬಾಕೆ ಸೋಮಾರಿಯಂಗಾಂದ್, ಕ್ರೇತ ದ್ವೀಪಕ್ ಕೂಡ್‍ನ ಅಯಿಂಗಡ ಒರ್ ಪ್ರವಾದಿ ಅಯಿಂಗಡ ವಿಷಯತ್‍ನ ಇನ್ನನೆ ಎಣ್ಣಿತುಂಡ್.