ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:15 - ಕೊಡವ ಬೈಬಲ್

¹⁵ ದೇವಡ ಮಕ್ಕಳಾಯಿತ್ ಹೃದಯತ್‍ಲ್ ಶುದ್ದವಾಯಿತುಳ್ಳಯಿಂಗಕ್ ಎಲ್ಲಾ ಶುದ್ದವಾಯಿತ್‌ಪ್ಪ. ಆಚೇಂಗಿ, ಹೃದಯತ್‍ಲ್ ಅಶುದ್ದವಾಯಿತ್ ದೇವಡ ಮೇಲೆ ನಂಬಿಕೆ ಬೆಕ್ಕತಯಂಗಕ್ ಏದು ಶುದ್ದವಾಯಿತ್ ಇಪ್ಪುಲೆ. ಅಯಿಂಗಡ ಬುದ್ದಿ ಪಿಂಞ ಮನಸಾಕ್ಷಿ ಅಶುದ್ದವಾಯಿತೇ ಇಪ್ಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:15 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 21:4

ಚೊಕ್ಕ್‌ಲ್‌ ನೋಟ್‌ವ ಕಣ್ಣು, ಆಂಗಾರತ್‌ರ ಹೃದಯ, ದುಷ್ಟಂಡ ಬೊಳ್‌ಚ ಎಲ್ಲಾ ಪಾಪ ಮಾಡ್‌ವಕ್‌ ಬಟ್ಟೆ ಕಾಟುವ.

ಜ್ಞಾನತ್‌ರ ಪಡಿಮ 30:12

ತಂಗಡ ಹೊಲಸನ ಕತ್ತತೆ, ತಾಂಗಳೇ ಶುದ್ದ ಆನಯಿಂಗಾಂದ್‌ ಎಣ್ಣುವಯಿಂಗಳು ಉಂಡ್.

ಮತ್ತಾಯ 15:18

ಆಚೇಂಗಿ ಬಾಯಿಂಜ ಬಪ್ಪದ್, ಹೃದಯತ್‍ಲ್ ಎಂತ ಉಂಡೋ ಅದೇ ಪೊರಮೆ ಬಪ್ಪ; ಅದೇ ಮನುಷ್ಯನ ಅಶುದ್ದ ಮಾಡ್‌ವ.

ಅಪೊಸ್ತಲ 10:15

ಅದ್ಂಗ್: ದೇವ ಶುದ್ದಮಾಡ್‍ನಾನ ನೀನ್ ಅಸಹ್ಯಾಂದ್ ಗೇನ ಮಾಡ್‌ವಕ್ಕಾಗಾಂದ್ ದಂಡನೆ ಕುರಿ ಅಂವೊಂಗ್ ಆ ವಾಣಿ ಕ್‍ೕಟತ್.

ರೋಮ್ 14:14

ಏದ್ ಆಹಾರವು ಅದಾಯಿತೇ ಅಶುದ್ದ ಆಯಿತಿಪ್ಪುಲೇಂದ್ ಒಡೆಯನಾನ ಯೇಸುರಲ್ಲಿ ಗೊತ್ತಾಯಿತ್ ದೃಡವಾಯಿತ್ ನಂಬುವಿ; ಏದಾಚು ಒರ್ ಆಹಾರ ವಸ್ತುನ ಅಶುದ್ದಾಂದ್ ಒಬ್ಬ ಗೇನ ಮಾಡ್‍ಚೇಂಗಿ, ಅಂವೊಂಗ್ ಅದ್ ಅಶುದ್ದವಾಯಿತ್‌ಪ್ಪ.

ರೋಮ್ 14:20

ಆಹಾರ ವಿಷಯಕಾಯಿತ್ ದೇವಡ ಕ್ರಿಯೇನ ಪಾಳ್ ಮಾಡತಿ. ಎಲ್ಲಾ ಆಹಾರವು ಶುದ್ದವಾನದ್; ಆಚೇಂಗಿಯು, ಬೋರೆ ಒಬ್ಬ ಬುದ್ದ್‌ಪೋಪಕ್ ಕಾರಣವಾಯಿತ್ ಅಂವೊ ತಿಂದತೇಂಗಿ, ಅದ್ ಅಂವೊಂಗ್ ಕುತ್ತವಾಯಿತ್‌ಪ್ಪ.

ರೋಮ್ 14:23

ಒಬ್ಬ ಅನುಮಾನತ್‍ಲ್ ತಿಂದತೇಂಗಿ, ಅಂವೊಂಗ್ ತೀರ್ಪ್ ಕ್‍ಟ್ಟ್‌ವ; ಎನ್ನಂಗೆಣ್ಣ್‌ಚೇಂಗಿ, ಅಂವೊ ಅದ್‍ನ ನಂಬಿಕೆಯಿಂಜ ತಿಂದಂಡಿಲ್ಲೆ. ನಂಬಿಕೇರ ಆದಾರ ಮೇಲೆ ಬರತದ್ ಎಲ್ಲಾ ಪಾಪವೇ.

1 ಕೊರಿಂಥ 10:23

ಎಂತ ಬೋಂಡ್‍ಚೇಂಗಿಯು ಮಾಡ್‌ವಕ್ ನಂಗಕ್ ಹಕ್ಕ್ ಉಂಡ್, ಆಚೇಂಗಿ ನಂಗ ಮಾಡ್‌ವದೆಲ್ಲ ನಂಗಕ್ ಸಹಾಯ ಆಪುಲೆ. ಎಂತ ಬೋಂಡ್‍ಚೇಂಗಿಯು ಮಾಡ್‌ವಕ್ ನಂಗಕ್ ಹಕ್ಕ್ ಉಂಡ್, ಆಚೇಂಗಿ ನಂಗ ಮಾಡ್‌ವದೆಲ್ಲ, ಬೋರೆಯಿಂಗ ದೇವಡಲ್ಲಿ ಬೊಳಿಯುವಕ್ ಸಹಾಯ ಮಾಡುಲೆ.

1 ಕೊರಿಂಥ 10:25

ಯರ್ಚಿ ಅಂಗಡಿಲ್ ಮಾರ್‌ವ ಎಂತ ಬೋಂಡ್‍ಚೇಂಗಿಯು ನಿಂಗ ತಿಂಬಕಾಯಿತ್ ಎಡ್‍ಪಕ್ ಕಯ್ಯು; ಅದ್ಂಡ ವಿಷಯತ್ ನಿಂಗಡ ಮನಸಾಕ್ಷಿರಗುಂಡ್ ಒಂದು ಕ್‍ೕಪಕ್ ಪೋಕತಿ.

1 ಕೊರಿಂಥ 10:31

ಆನಗುಂಡ್ ನಿಂಗ ತಿಂಬದಾಚೇಂಗಿಯು, ಕುಡಿಪದಾಚೇಂಗಿಯು, ಎಂತ ಮಾಡ್‌ವದಾಚೇಂಗಿಯು, ನಿಂಗ ಮಾಡ್‌ವ ಕಾರ್ಯ ದೇವಡ ಮಹಿಮೆಕಾಯಿತ್ ಮಾಡಂಡು.

1 ಕೊರಿಂಥ 8:7

ಆಚೇಂಗಿಯು, ಈ ವಿಷಯತ್‍ರ ಅರಿವ್ ಎಲ್ಲಾರ್‌ಕು ಇಲ್ಲೆ. ಚೆನ್ನ ಜನ ಇಕ್ಕಲು ವಿಗ್ರಹಕ್ ಜೀವ ಉಂಡ್‍ೕಂದ್ ಗೇನ ಮಾಡಿಯಂಡ್, ವಿಗ್ರಹಕ್ ಅರ್ಪಿಚಿಟ್ಟ ಕೂಳ್‌ನ ತಿಂದಂಡುಂಡ್, ಅಯಿಂಗಡ ಮನಸಾಕ್ಷಿ ಬಲಹೀನವಾಯಿತ್ ಉಳ್ಳಾಂಗ್ ಅದ್ ಅಶುದ್ದವಾಯಿತುಂಡ್.

1 ತಿಮೊಥೆಯ 6:5

ಅಯಿಂಗಡ ಮನಸ್ಸ್ ಪಾಳಾಯಿತ್, ಎಕ್ಕಾಲು ಜಗಳ ಮಾಡ್‌ವ. ಅಯಿಂಗಡ ಹೃದಯತ್ಂಜ ಸತ್ಯತ್‍ನ ಎಡ್‍ತ್‍ರ್‌ತ್. ಅಯಿಂಗ ದುಡ್ಡ್ ಮಾಡ್‌ವಕಾಯಿತ್ ಅಯಿಂಗಳ, ದೇವಡ ಬಕ್ತಂಗಳಾಯಿತ್ ಕಾಂಬ್‍ಚಿಡ್‍ವ.

ಇಬ್ರಿಯ 10:22

ಆನಗುಂಡ್, ದೇವಡ ಪಕ್ಕ, ನೇರಾನ ಹೃದಯ ಉಳ್ಳಯಿಂಗಳಾಯಿತ್, ನಂಬಿಕೇರ ಪೂರ್ತಿ ನಿಶ್ಚಯ ಉಳ್ಳಯಿಂಗಳಾಯಿತ್ ಪೋಕ. ನಂಗಡ ಪಾಳಾಯಿ ಪೋನ ಮನಸಾಕ್ಷಿನ ಕಳೆಂದಿತ್ ಶುದ್ದ ಆಪಕಾಯಿತ್ ಕ್ರಿಸ್ತಂಡ ಚೋರೆನ ತಳಿಚತ್, ಶುದ್ದವಾನ ನೀರ್‌ಲ್ ನಂಗಡ ತಡೀನ ಕತ್ತ್‌ನಯಿಂಗಳಾಯಿತ್ ಪೋಕ.

ಇಬ್ರಿಯ 12:15

ದಾರ್ ಒಬ್ಬನು ದೇವಡ ಕೃಪೇನ ಕಳೆಂದ್ ಪೋಕತನೆಕೆ, ಏದ್ ಒರ್ ವಿಷವುಳ್ಳ ಬೇರೂ ಮೊಳಕೆ ಬುಟ್ಟಿತ್, ಜಗಳ ಉಂಟ್ ಮಾಡಿ ದುಂಬ ಜನ ಪಾಳಾಯಿ ಪೋಕತನೆಕೆ ನೋಟಿಯೊಳಿ.

ಇಬ್ರಿಯ 9:14

ಅನ್ನನೆ ಆಚೇಂಗಿ, ನಿತ್ಯ ಆತ್ಮತ್‍ರಗುಂಡ್, ಅಂವೊನ ಅಂವೊನಾಯಿತೇ ಒರ್ ಕುತ್ತವು ಇಲ್ಲತ ಬಲಿಯಾಯಿತ್ ದೇವಕ್ ಅರ್ಪಿಚಿಟ್ಟ ಕ್ರಿಸ್ತಂಡ ಚೋರೆ, ಜೀವವಾಯಿತುಳ್ಳ ದೇವಕ್ ಸೇವೆ ಮಾಡ್‌ವಕ್ ನಿಂಗಡ ಮನಸಾಕ್ಷಿನ ಪಾಪತ್‍ರ ಕ್ರಿಯೇಯಿಂಜ ಶುದ್ದ ಮಾಡ್‍ವದ್ ಎಚ್ಚಕ್ ನಿಶ್ಚಯವಾಯಿತುಂಡ್.