ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:12 - ಕೊಡವ ಬೈಬಲ್

¹² ಕ್ರೇತ ದ್ವೀಪತ್‍ರ ಜನ, ಎಕ್ಕಾಲು ಪೊಟ್ಟ್ ಪರಿಯುವಯಿಂಗ. ದುಷ್ಟ ಮೃಗತ್‍ರನೆಕೆ ಮೋಸ ಮಾಡ್‌ವಯಿಂಗ ಪಿಂಞ ಹೊಟ್ಟೆಬಾಕೆ ಸೋಮಾರಿಯಂಗಾಂದ್, ಕ್ರೇತ ದ್ವೀಪಕ್ ಕೂಡ್‍ನ ಅಯಿಂಗಡ ಒರ್ ಪ್ರವಾದಿ ಅಯಿಂಗಡ ವಿಷಯತ್‍ನ ಇನ್ನನೆ ಎಣ್ಣಿತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:12 ပူးပေါင်းရင်းမြစ်များ

ಅಪೊಸ್ತಲ 17:28

ದೇವಡ ಮೂಲಕವೇ ನಂಗ ಬದ್‍ಕಿಯಂಡ್, ಪೋಯಂಡ್ ಬಂದಂಡ್ ಉಂಡ್. ನಂಗ ದೇವಡ ಮಕ್ಕಾಂದ್ ನಿಂಗಡ ಒರ್ ಕವಿಯೇ ಒಳ್‍ದಿತುಂಡ್.

ಅಪೊಸ್ತಲ 2:11

ಕ್ರೇತ್ಯಯಿಂಗಳೂ ಪಿಂಞ ಅರಬಿ ದೇಶತಯಿಂಗಳಾನ ನಂಗಡ ನಂಗಡ ಬಾಷೆಲ್ ಈಂಗ ದೇವ ಮಾಡ್‍ನ ಅದ್ಬುತ ಕಾರ್ಯತ್‍ನ ತಕ್ಕ್ ಪರಿವಾನ ಕ್‍ೕಟಂಡುಂಡಲ್ಲಾಂದ್ ಎಣ್ಣ್‌ಚಿ.

ಅಪೊಸ್ತಲ 27:12

ಆ ಹಡಗ್ ನಿಪ್ಪ್‌ಚಿಡುವ ಸ್ತಾನ, ಕುಳ್‌ರ್ ಕಾಲತ್‍ಲ್ ಒಳಿಯುವಕ್ ಅನುಕೂಲವಾಯಿತ್ ಇಲ್ಲತೆಗುಂಡ್, ಆ ಜಾಗತ್‍ನ ಬುಟ್ಟಿತ್, ಅಲ್ಲಿಂಜ ಫೊಯಿನಿಕೆ ಎಣ್ಣುವ ಜಾಗಕ್ ಪೋಪಕ್ ಕಯ್ಯುವೇಂಗಿ ಅಲ್ಲಿಕ್ ಎತ್ತಿತ್ ಅಲ್ಲಿ ಒಳಿಯಂಡೂಂದ್ ದುಂಬ ಜನ ಎಣ್ಣ್‌ನಗುಂಡ್ ಅನ್ನನೆ ತೀರ್ಮಾನ ಮಾಡ್‍ಚಿ. ಆ ಜಾಗ ತೆಕ್ಕ್-ಪಡ್‍ಞಾರ್ ದಿಕ್ಕ್ ಪಿಂಞ ಬಡಕ್-ಪಡ್‍ಞಾರ್ ದಿಕ್ಕ್‌ನ ನೋಟಿತ್ ಇಂಜ ಕ್ರೇತ ದ್ವೀಪತ್‍ರ ಒರ್ ಹಡಗ್ ಸ್ತಾನವಾಯಿತ್ಂಜತ್.

ಅಪೊಸ್ತಲ 27:13

ತೆಕ್ಕ್ ದಿಕ್ಕ್‌ಂಜ ಗಾಳಿ ಮೆಲ್ಲೆ ಬೀಜಿಯಂಡ್ ಇಂಜಗುಂಡ್, ಅಯಿಂಗ ಗೇನಮಾಡ್‍ನನೆಕೆ ಎಲ್ಲಾ ಚಾಯಿ ಆಯಂಡುಂಡ್‍ೕಂದ್ ಗೇನ ಮಾಡಿತ್, ನಂಗೂರತ್‍ನ ಮೆಲ್ಲೆ ಕೊಡಿಕ್ ಬಲ್‍ಚಿತ್, ಅಲ್ಲಿಂಜ ಕ್ರೇತ ದ್ವೀಪತ್‍ರ ಕರಾವಳಿರ ಪಕ್ಕ ಪೋಚಿ.

ಅಪೊಸ್ತಲ 27:7

ಬಿರ್‌ಗಾಳಿ ನಂಗಳ ಮಿಂಞಕ್ ಪೋಪಕ್ ಬುಡತಗುಂಡ್, ದುಂಬ ದಿವಸ ನಿದಾನವಾಯಿತ್ ಕಷ್ಟತ್‍ಲ್ ಕ್ನೀದ ಪಟ್ಟಣಕ್ ಎದ್‍ರಾಯಿತ್ ಬಂದಿತ್, ಗಾಳಿ ಬಂದಂಡುಳ್ಳ ದಿಕ್ಕ್‌ಂಜ ಕ್ರೇತ ದ್ವೀಪತ್‍ರ ಆಬರಿಕ್ ಪೋಯಿತ್ ಸಲ್ಮೋನೆ ಊರ್‌ಕ್ ಮಿಂಞ ಬಾತ್.

ರೋಮ್ 16:18

ಅನ್ನನೆ ಉಳ್ಳಯಿಂಗ, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಗ್ ಸೇವೆ ಮಾಡತೆ, ಅಯಿಂಗಡ ಕೆಲಕಾಯಿತ್ ಸೇವೆ ಮಾಡಿಯಂಡುಂಡ್. ಅಯಿಂಗ ಅಯಿಂಗಡ ಮದುರವಾನ ತಕ್ಕ್‌ನ ಪರ್ಂದಿತ್ ಪಿಂಞ ಕುಶಿಪಡ್‌ತ್‌ವನೆಕೆ ತಕ್ಕ್ ಪರ್ಂದಿತ್, ಒಂದು ಅರಿಯತ ಜನಡ ಹೃದಯತ್‍ನ ವಂಚನೆ ಮಾಡ್‌ವಯಿಂಗಳಾಯಿತುಂಡ್.

ಫಿಲಿಪ್ಪಿ 3:19

ಕೆಲತ್‍ರ ಇಚ್ಛೆಯೇ ಅಯಿಂಗಡ ದೇವ. ಅಯಿಂಗಕ್ ಞಾಣ ಆಪಕುಳ್ಳ ವಿಷಯತ್ ಅಯಿಂಗ ಬಡಾಯಿ ಮಾಡಿಯಂಡುಳ್ಳಗುಂಡ್ ಅಯಿಂಗಳೇ ಪಾಳಾಯಿ ಪೋಪ. ದೇವನ ಗೊತ್ತಿಲ್ಲತಯಿಂಗ ಗೇನ ಮಾಡಿಯಂಡುಳ್ಳನೆಕೆ ಈಂಗಳು ಗೇನ ಮಾಡಿಯಂಡುಂಡ್.

1 ತಿಮೊಥೆಯ 4:2

ಈಂಗ, ಕಪಟತನತ್‍ಲ್ ಪೊಟ್ಟ್ ಪರ್ಂದಂಡ್, ತಂಗಡ ಮನಸಾಕ್ಷಿ ತಿತ್ತ್‌ಲ್ ಬೆಂಜಿಪೋನನೆಕೆ,

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:5

ನಂಗ ಕ್ರೇತ ದ್ವೀಪತ್‍ಲ್ ಮಾಡಿಯಂಡಿಂಜ ದೇವಡ ಸೇವೇನ ಪೂರ್ತಿಮಾಡ್‌ವಕಾಯಿತು, ನಾನ್ ನೀಕ್ ಎಣ್ಣ್‌ನನೆಕೆ ಪಟ್ಟಣತ್ಂಜ ಪಟ್ಟಣಕ್ ಸಬೆರ ಪೆರಿಯಯಿಂಗಳ ನೇಮಿಚಿಡ್‌ವಕಾಯಿತು ನಾನ್ ನಿನ್ನ ಅಲ್ಲಿ ಬುಟ್ಟಿತ್ ಬಂದಿಯೆ.

2 ಪೇತ್ರ 2:12

ಆಚೇಂಗಿ, ಈ ಕಳ್ಳ ಬೋದನೆ ಮಾಡ್‌ವಯಿಂಗ ಅಯಿಂಗಕ್ ಗೊತ್ತಿಲ್ಲತ ವಿಷಯತ್‍ಲ್ ದೇವ ದೂಷಣೆ ಎಣ್ಣಿಯಂಡುಂಡ್. ಈಂಗ ಮುಠಾಳರನೆಕೆ ಉಳ್ಳ ಪ್ರಾಣಿಯರನೆಕೆ, ಬುದ್ದಿಯಿಲ್ಲತ ಸೂನ್ಯ ಮೃಗತ್‍ರನೆಕೆ, ಪುಡ್‌ಚಿತ್ ಪಾಳಾಪಕಾಯಿತೇ ಪುಟ್ಟ್‌ನಯಿಂಗ. ಮೃಗತ್‍ರನೆಕೆ ಈಂಗಳು ಪಾಳಾಯಿ ಪೋಪ.

2 ಪೇತ್ರ 2:15

ಈಂಗ ಸರಿಯಾನ ಬಟ್ಟೇನ ಬುಟ್ಟಿತ್, ತಪ್ಪ್‌ಚಿಟ್ಟಿತ್, ಬೆಯೋರ ಎಣ್ಣ್‌ವಂವೊಂಡ ಮೋಂವೊನಾನ ಬಿಳಾಮ ಎಣ್ಣ್‌ವಂವೊಂಡ ಬಟ್ಟೇಲ್ ನಡ್‌ಂದಯಿಂಗ; ಈ ಬಿಳಾಮ ಅನೀತಿರ ಸಂಪಾದೆನೆಲ್ ಕುಶಿಪಟ್ಟತ್.