ರೋಮ್ 9:4 - ಕೊಡವ ಬೈಬಲ್

⁴ ಅಯಿಂಗ ಇಸ್ರಾಯೇಲ್ ಜನ; ಮಕ್ಕಕುಳ್ಳ ಹಕ್ಕ್ ಅಯಿಂಗಡದೇ, ದೇವಡ ಮಹಿಮೇನೆ ಅಯಿಂಗಕೇ ಕಾಂಬ್‍ಚಿಟ್ಟತ್; ಅಯಿಂಗಕೇ ಒಪ್ಪಂದ ಮಾಡ್‍ಚಿ, ಅಯಿಂಗಕೇ ನ್ಯಾಯಪ್ರಮಾಣತ್‍ನ ಕೊಡ್‍ತತ್; ಅಯಿಂಗಕೇ ಆರಾದನೆ ಮಾಡ್‌ವ ಬಾಗ್ಯತ್‍ನ ಕೊಡ್‍ತತ್ ಪಿಂಞ ಅಯಿಂಗಕೇ ದೇವಡ ವಾಗ್ದಾನವು ಕ್‍ಟ್ಟ್‌ಚಿ.

ರೋಮ್ 9:4 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 15:18

ಅನ್ನನೆ ಆ ದಿವಸತ್‌ಲ್‌ ಯೆಹೋವ ಅಮ್ರಾಮಂಡ ಕೂಡೆ ಒಪ್ಪಂದ ಮಾಡಿತ್: ಐಗ್ತುಪ ದೇಶತ್‌ರ ಪೊಳೆಯಿಂಜ ಪುಡ್‌ಚಿತ್‌ ಯೂಫ್ರೇಟೀಸ್ ಬಲ್ಯ ಪೊಳೆಕತ್ತನೆಕ್‌ ಉಳ್ಳ ಎಲ್ಲಾನ ಪಿಂಞ

ಆದ್ಯತ್‌ರ ಪುಸ್ತಕ 17:10

ನಾಕು ನೀಕು, ನೀಡ ಬಯ್ಯ ಬಪ್ಪ ನೀಡ ಮಕ್ಕಡ ಸಂತಾನಕು ಮಾಡುವಕುಳ್ಳ ನಾಡ ಒಪ್ಪಂದ ಎಂತ ಎಣ್ಣ್‌ಚೇಂಗಿ, ನಿಂಗಡಲ್ಲಿ ಉಳ್ಳ ಪ್ರತಿಯೊರ್‌ ಕ್‌ಣ್ಣ ಮಕ್ಕಕು ಸುನ್ನತಿ ಮಾಡಿಚಿಡಂಡು.

ಆದ್ಯತ್‌ರ ಪುಸ್ತಕ 17:2

ನಾನ್, ನೀಕು ನಾಕು ಮದ್ಯತ್‌ಲ್‌ ನಾಡ ಒಪ್ಪಂದತ್‌ನ ದ್ರಡಮಾಡಿತ್, ನಿನ್ನ ಬಲ್ಯ ಸಂತಾನವಾಯಿತ್‌ ಮಾಡುವೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 17:7

ನೀಕು ನೀಡ ಬಯ್ಯ ಬಪ್ಪ ನೀಡ ಮಕ್ಕಡ ಸಂತಾನಕು ನಾನ್‌ ಯೆಹೋವನಾನ ದೇವನಾಯಿತ್‌ಪ್ಪಕಾಯಿತ್‌ ನಾಕು ನೀಕು, ನೀಡ ಬಯ್ಯ ಬಪ್ಪ ಮಕ್ಕಡ ಸಂತಾನತ್‌ರ ಮದ್ಯತ್‌ಲ್, ನಾಡ ಒಪ್ಪಂದತ್‌ನ ನಿತ್ಯ ಒಪ್ಪಂದವಾಯಿತ್‌ ಸ್ತಾಪನೆ ಮಾಡುವಿ.

ಆದ್ಯತ್‌ರ ಪುಸ್ತಕ 32:28

ಅಕ್ಕ ಆ ಮನುಷ್ಯ: ನೀನ್‌ ದೇವಡ ಕೂಡೆಯು ಮನುಷ್ಯಂಡ ಕೂಡೆಯು ಪೋರಾಡಿತ್‌ ಗೆದ್ದಗುಂಡ್, ನೀಡ ಪೆದ ಇಂಞು ಮಿಂಞಕ್‌ ಯಾಕೋಬಾಂದ್‌ ಇಕ್ಕತೆ ಇಸ್ರಾಯೇಲ್‌ಾಂದ್‌ ಇಪ್ಪಾಂದ್‌ ಎಣ್ಣ್‌ಚಿ.

ಮತ್ತಾಯ 21:33

ಇಕ್ಕ ಈ ಕಥೇರ ರೂಪತ್‍ನ ಕ್‍ೕಳಿ: ಒರ್ ಎಜಮಾನ ದ್ರಾಕ್ಷಿ ಪಣ್ಣ್‌ರ ತೋಟ ಮಾಡ್‍ಚಿ. ತೋಟತ್‍ರ ಸುತ್ತ್‌ಲ್‌ ಬೇಲಿ ಇಟ್ಟತ್. ದ್ರಾಕ್ಷಿರಸ ಮಾಡ್‌ವಕ್ ಉಳ್ಳ ಒರ್ ಕುಂಡ್‌ನ ಸಹ ಎಡ್‍ತಿತ್, ಆಂಡ ಪಕ್ಕತ್‍ಲ್ ಒರ್ ಕಾಕೂಡ್ ಕೆಟ್ಟ್‌ಚಿ. ಪಿಂಞ ಅಂವೊ, ಆ ತೋಟತ್‍ನ ವಾರಕಾರಂಗಕ್ ಕೊಡ್‌ತಿತ್ ದೂರ ದೇಶಕ್ ಪೋಚಿ.

ಯೋಹಾನ 1:17

ಮೋಶೇರ ಮೂಲಕ ನ್ಯಾಯಪ್ರಮಾಣ ಕ್‍ಟ್ಟ್‌ಚಿ; ಕೃಪೆಯು, ಸತ್ಯವು ಯೇಸು ಕ್ರಿಸ್ತಂಡ ಮೂಲಕ ಕ್‍ಟ್ಟ್‌ಚಿ.

ಯೋಹಾನ 1:47

ನತಾನಯೇಲ ಯೇಸುರ ಪಕ್ಕ ಬಪ್ಪಕ, ಯೇಸು ಅಂವೊನ ನೋಟಿತ್: ನೋಟಿ, ಇಂವೊ ಏದ್ ಕಪಟವು ಇಲ್ಲತ ನೇರಾನ ಇಸ್ರಾಯೇಲಾಂದ್ ಎಣ್ಣ್‌ಚಿ.

ಅಪೊಸ್ತಲ 2:39

ಈ ದೇವಡ ವಾಗ್ದಾನ, ನಿಂಗಕು, ನಿಂಗಡ ಮಕ್ಕಕು, ನಂಗಡ ಒಡೆಯನಾನ ದೇವ ಕಾಕುವ ದೂರತ್‍ಲ್ ಉಳ್ಳ ಎಲ್ಲಾ ಜನಕು ಉಂಡ್‍ೕಂದ್ ಎಣ್ಣ್‌ಚಿ.

ರೋಮ್ 3:2

ಅಯಿಂಗ ಯೆಹೂದ್ಯಂಗಳಾಯಿತ್ ಉಳ್ಳಾಂಗ್ ಎಲ್ಲಾ ರೀತಿಲ್ ಅಯಿಂಗ ಬಲ್ಯಂಗಳಾಯಿತ್ ಉಂಡ್. ಎಲ್ಲಾಕಿಂಜ ಮುಕ್ಯವಾಯಿತ್ ದೇವಡ ವಾಕ್ಯ ಅಯಿಂಗಡ ಪಕ್ಕ ಒಪ್ಪ್‌ಚಿಟ್ಟಿತ್ಂಜತ್.

ರೋಮ್ 8:15

ಅನ್ನನೆ, ಪುನಃ ಬೊತ್ತಿಯಂಡ್ ಇಪ್ಪಕ್ ಅಡಿಯಾಳುವಡ ಪವಿತ್ರಾತ್ಮತ್‍ನ ಪಡಯತೆ, ಅಪ್ಪಾ ಪಪ್ಪಾಂದ್ ಕಾಕ್‌ವಕುಳ್ಳ ಮಕ್ಕಡ ಹಕ್ಕ್‌ರ ಆತ್ಮತ್‌ನ ನಿಂಗ ಪಡ್ಂದಿರ.

ರೋಮ್ 9:6

ದೇವಡ ವಾಕ್ಯ ನೆರೆವೇ‍ರತೆ ಪೋಚೀಂದ್ ಎಣ್ಣುವಕ್ಕಾಗ, ಇಸ್ರಾಯೇಲ್ ವಂಶತ್‌ಲ್ ಪುಟ್ಟ್‌ನಯಿಂಗ ಎಲ್ಲಾರು, ನೇರಾನ ಇಸ್ರಾಯೇಲ್ ಜನ ಅಲ್ಲ.

2 ಕೊರಿಂಥ 11:22

ಅಯಿಂಗ ಇಬ್ರಿಯರಾ? ನಾನು ಇಬ್ರಿಯನೇ. ಅಯಿಂಗ ಇಸ್ರಾಯೇಲರ? ನಾನು ಇಸ್ರಾಯೇಲನೇ. ಅಯಿಂಗ ಅಬ್ರಹಾಮಂಡ ಸಂತಾನಕಾರಂಗಳಾ? ನಾನು ಅಬ್ರಹಾಮಂಡ ಸಂತಾನಕಾರನೇ.

ಗಲಾತ್ಯ 3:16

ದೇವ ಅಬ್ರಹಾಮಂಗು ಅಂವೊಂಡ ಸಂತಾನಕಾರಂಗಕು ವಾಗ್ದಾನ ಮಾಡ್‍ಚಿ. ಅಂವೊಂಡ ಸಂತಾನಕಾರಂಗಕ್‍ೕಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತ್‌ಲ್ಲೆ. ವಾಗ್ದಾನ ಅಂವೊಂಡ ಮೋಂವೊಂಗ್‍ೕಂದ್ ಎಣ್ಣ್‌ನಗುಂಡ್ ಆ ಸಂತಾನಕಾರ ಒಬ್ಬನೇ; ಅಂವೊ ಯೇಸು ಕ್ರಿಸ್ತನೇ.

ಎಫೆಸ 2:12

ಅಕ್ಕ ನಿಂಗ ಕ್ರಿಸ್ತಂಡಲ್ಲಿ ಕೂಡತಯಿಂಗಳಾಯಿತ್, ಇಸ್ರಾಯೇಲ್ ರಾಜ್ಯಕ್ ಕೂಡತಯಿಂಗಳಾಯಿತ್, ದೇವಡ ಒಪ್ಪಂದತ್‍ರ ವಾಗ್ದಾನಕ್ ಕೂಡತಯಿಂಗಳಾಯಿತ್, ನಿರೀಕ್ಷೆ ಇಲ್ಲತಯಿಂಗಳಾಯಿತ್, ಈ ಲೋಕತ್‍ಲ್ ದೇವ ಇಲ್ಲತಯಿಂಗಳಾಯಿತ್ ಬದ್‌ಕಿಯಂಡಿಂಜಿರಾಂದ್ ಗೇನ ಬೆಚ್ಚೊಳಿ.

ಇಬ್ರಿಯ 9:1

ಆದ್ಯವಾಯಿತ್ ಕ್‍ಟ್ಟ್‌ನ ಒಪ್ಪಂದತ್‍ಲ್, ಆರಾದನೆ ಎನ್ನನೆ ಮಾಡಂಡೂಂದ್ ಉಳ್ಳ ಪದ್ದತಿ ಪಿಂಞ ಆರಾದನೆಕಾಯಿತ್ ಈ ಲೋಕತ್‍ಲ್ ಪವಿತ್ರವಾನ ಜಾಗ ಇಂಜತ್.

ಇಬ್ರಿಯ 9:10

ಇನ್ನನೆ ಮಾಡ್‌ವ ವಿಷಯವೆಲ್ಲ, ಪುದಿಯದಾಯಿತ್ ಬದ್‍ಲಾಪ ಕಾಲಕತ್ತನೆ ಮಾಡ್‌ವಕಾಯಿತ್ ಕ್‍ಟ್ಟ್‌ನ, ತಿಂಬಕ್ ಕುಡಿಪಕ್ ಉಳ್ಳ ಪದ್ದತಿರನೆಕೆ ಓರೋರ್ ವಿಷಯಕ್ ಕತ್ತ್‌ವಕು, ತಡೀರ ಪದ್ದತಿಯು ಅಲ್ಲತೆ ಬೋರೆ ಒಂದು ಇಲ್ಲೆ.

ಇಬ್ರಿಯ 9:3

ಪಿಂಞ ಪಡಿರ ಬಟ್ಟೆ ಇಂಜತ್. ಅದ್ಂಡ ಬಯ್ಯ ದಂಡನೆ ಕೋಂಬರೆ ಇಂಜತ್. ಅದ್ಂಗ್ ಅತಿಪವಿತ್ರವಾನ ಸ್ತಳಾಂದ್ ಪೆದ.

ಇಬ್ರಿಯ 9:5

ಅದ್ಂಡ ಕೊಡಿಲ್ ಮಹಿಮೆ ದುಂಬ್‍ನ ದಂಡ್ ಕೆರೂಬಿಯಂಗಳ ನಿಪ್ಪ್‌ಚಿಟ್ಟಿತ್, ಕರುಣೆರ ಜಾಗಕ್ ನೆಳ ಕೊಡ್‍ತಂಡಿಂಜತ್; ಇದ್ಂಡ ವಿಷಯವೆಲ್ಲ ವಿವರಿಚಿಡ್‌ವಕ್ ಇಕ್ಕ ಕಯ್ಯುಲೆ.

ಇಬ್ರಿಯ 9:6

ಇನ್ನನೆ ಗುಡಾರ ತಯಾರಾಯಂಡಿಪ್ಪಕ, ಯಾಜಕಂಗ ಆರಾದನೆರ ನೇಮತ್‍ನ ನೆರೆವೇರಿಚಿಡುವಕಾಯಿತ್ ಆದ್ಯ ಕೋಂಬರೇಕ್ ದಿನಾಲು ಪೋಯಂಡ್ ಇಂಜತ್.