ರೋಮ್ 9:32 - ಕೊಡವ ಬೈಬಲ್

³² ಎನ್ನಂಗೆಣ್ಣ್‌ಚೇಂಗಿ: ಅಯಿಂಗ ನಂಬಿಕೇರ ಮೂಲಕ ಅದ್‍ನ ತ್‍ೕಡತೆ, ನ್ಯಾಯಪ್ರಮಾಣತ್‍ರ ಕ್ರಿಯೆರ ಮೂಲಕ ಅದ್‍ನ ತ್‍ೕಡ್‍ನಗುಂಡ್ ಅಯಿಂಗಕ್ ಕ್‍ಟ್ಟಿತ್‌ಲ್ಲೆ; ಎನ್ನಂಗೆಣ್ಣ್‌ಚೇಂಗಿ, ತಡ್‍ಪ ಕಲ್ಲ್‌ರಗುಂಡ್ ಅದ್ಂಡಮೇಲೆ ಅಯಿಂಗ ಬುದ್ದತ್.

ರೋಮ್ 9:32 ပူးပေါင်းရင်းမြစ်များ

ಮತ್ತಾಯ 13:57

ಗೇನ ಮಾಡಿತ್ ಅಂವೊಂಡ ವಿಷಯತ್‍ಲ್ ಬೇಜಾರ್ ಮಾಡಿಯಂಡ್, ಅಂವೊ ಎಣ್ಣ್‌ವಾನ ಅಯಿಂಗಕ್ ನಂಬ್‍ವಕ್ ಕಯಿಂಜಿತ್‌ಲ್ಲೆ. ಯೇಸು ಅಯಿಂಗಳ ನೋಟಿತ್: ಒರ್ ಪ್ರವಾದಿಕ್ ತಾಂಡ ಊರ್ ಪಿಂಞ ಮನೆನ ಬುಟ್ಟಿತ್ ಬೋರೆ ಎಲ್ಲಾ ಜಾಗತ್‍ಲು ಮರ್ಯಾದಿ ಕ್‍ಟ್ಟ್‌ವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:23

ನಾಡ ಮೇಲೆ ಅನುಮಾನ ಇಲ್ಲತಂವೊ ಆಶೀರ್ವಾದ ಪಡ್ಂದವೋಂದ್ ಅಯಿಂಗಕ್ ಎಣ್ಣ್‌ಚಿ.

ರೋಮ್ 10:3

ಅಯಿಂಗ ದೇವಡಗುಂಡ್ ಕ್‍ಟ್ಟ್‌ವ ನೀತಿನ ತ್‍ೕಡತೆ, ಅಯಿಂಗಡ ಕ್ರಿಯೇರಗುಂಡ್ ಬಪ್ಪ ನೀತಿನ ಸ್ತಾಪನೆ ಮಾಡ್‌ವಕ್ ಪ್ರಯತ್ನ ಪಟ್ಟಂಡುಳ್ಳಾಂಗ್, ಅಯಿಂಗ ಅಯಿಂಗಳ ದೇವಡ ನೀತಿಕ್ ತಗ್ಗಿತ್ ಕೊಡ್‍ತಂಡಿಲ್ಲೆ.

ರೋಮ್ 11:11

ಅಕ್ಕ ನಾನ್ ಇನ್ನನೆ ಕ್‍ೕಪಿ: ಅಯಿಂಗ ಬುದ್ದ್ ಪೋಪಕಾಯಿತಾ ಮೀರ್‌ಚಿ? ಅನ್ನನೆ ಅಲ್ಲ, ಅಯಿಂಗ ಮೀರ್‌ನಗುಂಡ್ ಯೆಹೂದ್ಯ ಅಲ್ಲತಯಿಂಗಕ್ ರಕ್ಷಣೆ ಕ್‍ಟ್ಟ್‌ಚಿ, ಅನ್ನನೆ ಅಯಿಂಗಕ್ ಒಟ್ಟೆಕಿಚ್ಚ್ ಬರಂಡೂಂದ್ ಇನ್ನನೆ ಮಾಡ್‍ಚಿ.

ರೋಮ್ 4:16

ಆನಗುಂಡ್, ಬಾದ್ಯತೆ ಕೃಪೆಯಿಂಜ ಬಪ್ಪನೆಕೆ ಅದ್ ನಂಬಿಕೇರ ಮೂಲಕ ಬಾತ್; ನ್ಯಾಯಪ್ರಮಾಣಕ್ ಕೂಡ್‍ನ ಸಂತಾನಕಾರಂಗಕ್ ಮಾತ್ರ ಅಲ್ಲತೆ, ನಂಗ ಎಲ್ಲಾರ್‌ಕು ಅಪ್ಪನಾನ ಅಬ್ರಹಾಮಂಡ ನಂಬಿಕೇಕ್ ಕೂಡ್‍ನ ಎಲ್ಲಾ ಸಂತಾನಕಾರಂಗಕು ಆ ವಾಗ್ದಾನ ಕಂಡಿತವಾಯಿತ್ ಬಂದಂಡುಂಡ್.

1 ಕೊರಿಂಥ 1:23

ಆಚೇಂಗಿ ನಂಗ, ಶಿಲುಬೇಲ್ ಚತ್ತ ಕ್ರಿಸ್ತನ ಬೋದನೆ ಮಾಡಿಯಂಡುಂಡ್; ಆ ಬೋದನೆನ ಯೆಹೂದ್ಯಂಗ ನಂಬುವಕ್ ಕುಶಿಪಡುಲೆ, ಪಿಂಞ ಯೆಹೂದ್ಯಂಗ ಅಲ್ಲತ ಬೋರೆ ಜನ ಇದ್ ಪುಚ್ಚಿ ತಕ್ಕ್‌ರನೆಕೆ ಉಂಡ್‍ೕಂದ್ ಎಣ್ಣುವ.

1 ಪೇತ್ರ 2:6

ದೇವಡ ವಾಕ್ಯತ್‍ಲ್: ನೋಟಿ, ನಾನ್ ಗೊತ್ತ್ ಮಾಡ್‍ನ ಬೆಲೆಯುಳ್ಳ ಮೂಲೆಕಲ್ಲ್‌ನ ಚೀಯೋನ್‌ ಪಟ್ಟಣತ್‍ಲ್ ಬೆಚ್ಚಿಯೆ, ಅದ್ಂಡಮೇಲೆ ನಂಬಿಕೆ ಬೆಪ್ಪಂವೊ ಞಾಣ ಆಪುಲೇಂದ್ ಎಣ್ಣಿತುಂಡ್.

1 ಪೇತ್ರ 2:8

ಆ ಕಲ್ಲ್ ಮನುಷ್ಯಂಗಳ ತಡ್‍ಪಕು ಬೂವಕು ಮಾಡ್‌ವ ಬಂಡೆಯಾಯಿತ್ ಆಚಿ. ಅಯಿಂಗ ದೇವಡ ಉಪದೇಶಕ್ ಬಗ್ಗ್‌ಚಿಡತಗುಂಡ್ ಅದ್ ತಡ್‍ತಂಡುಂಡ್, ಅದ್ಂಗೇ ಅಯಿಂಗಳ ನೇಮಿಚಿಟ್ಟಯಿಂಗಳಾಯಿತುಂಡ್.