ರೋಮ್ 9:17 - ಕೊಡವ ಬೈಬಲ್

¹⁷ ಅದಲ್ಲತೆ, ನಾಡ ಶಕ್ತಿನ ನೀಡಲ್ಲಿ ಕಾಂಬಿಚಿಡುವಕ್ ಪಿಂಞ ನಾಡ ಪೆದ ಇಡೀ ಲೋಕತ್‍ಲ್ ಪಬ್ಬ್‌ಚಿಡ್‌ವಕಾಯಿತ್ ನಿನ್ನ ನಾನ್ ರಾಜನಾಯಿತ್ ನೇಮಿಚಿಟ್ಟಿಯೇಂದ್ ದೇವ ಐಗುಪ್ತಂಡ ರಾಜನಾನ ಫರೋಹನಂಡ ಪಕ್ಕ ಎಣ್ಣ್‌ನದಾಯಿತ್ ದೇವಡ ವಾಕ್ಯತ್‍ಲ್ ಒಳ್‍ದಿತುಂಡ್.

ರೋಮ್ 9:17 ပူးပေါင်းရင်းမြစ်များ

ಎಸ್ತೆರ್‌ 4:14

ನೀನ್‌ ಇಂತಾ ಸಮಯತ್‌ಲ್‌ ಮುಂಡೆತೆ ಇಂಜತೇಂಗಿ, ಯೆಹೂದ್ಯ ಜನಕ್‌ ಸಹಾಯವು ಬುಡುಗಡೆಯು ಬೋರೆ ಬರಿಯಿಂಜ ಬಪ್ಪ; ಅಕ್ಕ ನೀನ್‌ ಪಿಂಞ ನೀಡ ಅಪ್ಪಂಡ ಮನೆಕಾರಳು ನಾಶ ಆಯಿಪೋಪಿರ. ದಾರ್‌ಕ್‌ ಗೊತ್ತ್, ಈ ಸಂದರ್ಪತ್‌ ಸಹಾಯ ಮಾಡ್‌ವಕಾಯಿತೇ ನೀನ್‌ ಈ ರಾಣಿ ಸ್ತಾನಕ್‌ ಬಂದಿತಿಕ್ಕೂಂದ್‌ ಎಣ್ಣ್‌ವಕ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 16:4

ಯೆಹೋವ ಎಲ್ಲಾನ ತಾಂಗಾಯಿತ್‌ ಸೃಷ್ಟಿ ಮಾಡ್‌ಚಿ. ದುಷ್ಟನ ಸಹ ಕ್‍ೕಡ್‌ರ ದಿವಸಕಾಯಿತ್‌ ಉಂಟ್‌ಮಾಡ್‌ಚಿ.

ಯೋಹಾನ 17:26

ನೀನ್ ನಾಡಲ್ಲಿ ಮಾಡ್‍ನ ಪ್ರೀತಿ ಅಯಿಂಗಡಲ್ಲಿ ಇಪ್ಪಕಾಯಿತ್ ಪಿಂಞ ನಾನ್ ಅಯಿಂಗಡಲ್ಲಿ ಇಪ್ಪಕಾಯಿತ್ ನೀಡ ಪೆದತ್‍ನ ಅಯಿಂಗಕ್ ನಾನ್ ಗೊತ್ತ್ ಮಾಡಿಯೆ; ಅನ್ನನೆ ಇಂಞು ಮಾಡಿಯಂಡ್ ಇಪ್ಪಿ ಎಣ್ಣಿಯಂಡ್ ಪ್ರಾರ್ಥನೆ ಮಾಡ್‍ಚಿ.

ರೋಮ್ 11:4

ದೇವ ಅಂವೊಂಗ್ ಎಂತ ಉತ್ತರ ಕೊಡ್‌ತತ್‍ೕಂದ್ ಗೊತ್ತುಂಡಲ್ಲ? ಬಾಳಂಡ ವಿಗ್ರಹಕ್ ಮೊಣಕಾಲ್ ಇಡತ ಏಳಾಯಿರ ಜನತ್‍ನ ನಾಕಾಯಿತ್ ಬಾಕಿ ಬೆಚ್ಚಿಯೇಂದ್ ಎಣ್ಣ್‌ಚಿ.

ಗಲಾತ್ಯ 3:22

ಆಚೇಂಗಿ ಈ ಬೂಲೋಕ ಪಾಪತ್‍ರ ಶಕ್ತಿಕ್ ಅಡಿಮೆಯಾಯಿತುಂಡ್‍ೕಂದ್ ದೇವಡ ವಾಕ್ಯ ಎಣ್ಣಿಯಂಡುಂಡ್. ಆಂಗ್ ಯೇಸು ಕ್ರಿಸ್ತಂಡ ಮೇಲೆ ಬೆಪ್ಪ ನಂಬಿಕೇರಗುಂಡ್ ವಾಗ್ದಾನ ಮಾಡ್‍ನ ಆಶೀರ್ವಾದ ಅಂವೊಂಡ ಮೇಲೆ ನಂಬಿಕೆ ಬೆಪ್ಪಯಿಂಗಕ್ ಮಾತ್ರ ಕ್‍ಟ್ಟ್‌ವ.

ಗಲಾತ್ಯ 3:8

ಇದ್‍ಲ್ಲತೆ, ದೇವ ನಂಬಿಕೇರಗುಂಡ್ ಯೆಹೂದ್ಯ ಅಲ್ಲತೆ ಬೋರೆ ಜನಳ ನೀತಿವಂತಯಿಂಗಳಾಯಿತ್ ಮಾಡ್‌ವಾಂದ್ ದೇವಡ ವಾಕ್ಯ ಮಿಂಞಲೇ ಗೊತ್ತ್ ಮಾಡ್‍ಚಿ. ಆನಗುಂಡ್ ದೇವ ಅಬ್ರಹಾಮಂಗ್ ನೀಡಗುಂಡ್ ಲೋಕತ್‍ರ ಎಲ್ಲಾ ಜಾತಿಯಕ್ ಆಶೀರ್ವಾದ ಕ್‍ಟ್ಟ್‌ವಾಂದ್ ಮಿಂಞಲೇ ಈ ನಲ್ಲ ಸುದ್ದಿನ ಎಣ್ಣ್‌ಚಿ.

ಗಲಾತ್ಯ 4:30

ಆಚೇಂಗಿ ಇದ್ಂಡ ವಿಷಯತ್ ದೇವಡ ವಾಕ್ಯ ಎಂತ ಎಣ್ಣುವ? ಅಡಿಯಾಳಾಯಿತಿಂಜ ಪೊಣ್ಣ್‌ರಗುಂಡ್ ಪುಟ್ಟ್‌ನಂವೊ ಸ್ವಂತ ಪೊಣ್ಣ್‌ನಗುಂಡ್ ಪುಟ್ಟ್‌ನಂವೊಂಡನೆಕೆ ಹಕ್ಕ್‌ದಾರನಾಯಿತ್‌ಪ್ಪುಲೆ; ಆನಗುಂಡ್ ಅಡಿಯಾಳಾಯಿತಿಂಜ ಪೊಣ್ಣ್ ಪಿಂಞ ಅವಡ ಮೋಂವೊನ ಪೊರಮೆ ತಳ್ಳೀಂದ್ ಎಣ್ಣುವ.