ರೋಮ್ 8:9 - ಕೊಡವ ಬೈಬಲ್

⁹ ದೇವಡ ಆತ್ಮ ನಿಂಗಡೊಳ್‌ಲ್ ಇಂಜತೇಂಗಿ, ನಿಂಗ ಪಾಪತ್‍ರ ಗುಣ ಎಣ್ಣ್‌ವನೆಕೆ ಮಾಡ್‌ವಯಿಂಗಳಾಯಿತ್ ಇಪ್ಪುಲೆ, ದೇವಡ ಆತ್ಮ ಎಣ್ಣ್‌ವನೆಕೆ ಮಾಡ್‌ವಯಿಂಗಳಾಯಿತ್ ಇಪ್ಪಿರ; ಕ್ರಿಸ್ತಂಡ ಆತ್ಮ ಇಲ್ಲತಂವೊ ಕ್ರಿಸ್ತಂಗ್ ಕೂಡ್‍ನಂವೊ ಅಲ್ಲ.

ರೋಮ್ 8:9 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:13

ಕಪಟಿಯಾನ ನಿಂಗ, ನಿಂಗಡ ಮಕ್ಕಕ್ ನಲ್ಲ ಇನಾಮ್‍ನ ಕೊಡ್‍ಪಕ್ ಗೊತ್ತಿಪ್ಪಕ, ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪ, ಅಂವೊಂಡ ಪಕ್ಕ ಬೋಡ್‌ವಯಿಂಗಕ್ ಪವಿತ್ರಾತ್ಮತ್‍ನ ತಪ್ಪದ್ ಎಚ್ಚಕ್ ನೇರ್‍ೕಂದ್ ಎಣ್ಣ್‌ಚಿ.

ಯೋಹಾನ 14:17

ಅಂವೊ ಸತ್ಯತ್‍ರ ಆತ್ಮ. ಈ ಲೋಕತ್‍ರ ಜನಕ್ ಅಂವೊ ಕ್‍ಟ್ಟುಲೆ, ಎನ್ನಂಗೆಣ್ಣ್‌ಚೇಂಗಿ, ಅಯಿಂಗ ಅಂವೊನ ಕಂಡಿತು ಇಲ್ಲೆ, ಗೊತ್ತಾಯಿತು ಇಲ್ಲೆ. ಆಚೇಂಗಿ ನಿಂಗಕ್ ಅಂವೊ ದಾರ್‍ೕಂದ್ ಗೊತ್ತುಂಡ್, ಎನ್ನಂಗೆಣ್ಣ್‌ಚೇಂಗಿ, ಅಂವೊ ನಿಂಗಡ ಕೂಡೆ ವಾಸ ಮಾಡಿಯಂಡ್ ನಿಂಗಡಲ್ಲಿ ಉಂಡ್.

ಯೋಹಾನ 14:23

ಯೇಸು ಅಂವೊಂಗ್: ನಾಡ ಮೇಲೆ ಪ್ರೀತಿ ಉಳ್ಳಂವೊ, ನಾಡ ತಕ್ಕ್‌ರ ಪ್ರಕಾರ ನಡ್‍ಪ, ನಾಡ ಅಪ್ಪ ಅಂವೊನ ಪ್ರೀತಿಚಿಡ್‍ವ. ನಂಗ ಬಂದಿತ್ ಅಂವೊಂಡ ಕೂಡೆ ವಾಸ ಮಾಡ್‌ವ.

ಯೋಹಾನ 3:34

ಅಂವೊನ ದೇವ ಅಯಿಚತ್, ಆನಗುಂಡ್‌ ದೇಡಡ ತಕ್ಕ್ ಪರಂದಂಡುಂಡ್. ದೇವ ಅಂವೊಂಗ್ ತಾಂಡ ಆತ್ಮತ್‌ನ ಅಳ್‌ಪಕ್ ಕಯ್ಯತಚ್ಚಕ್ ಕೊಡ್‌ತಿತುಂಡ್.

ಯೋಹಾನ 3:6

ತಡೀರ ಮೂಲಕ ಪುಟ್ಟ್‌ವದ್ ತಡೀರ ಜೀವವಾಯಿತ್‌ಪ್ಪ, ಆಚೇಂಗಿ, ಪವಿತ್ರಾತ್ಮತ್‍ರ ಮೂಲಕ ಪುಟ್ಟ್‌ವದ್ ದೇವಡ ಆತ್ಮವಾಯಿತಿಪ್ಪ.

ಅಪೊಸ್ತಲ 16:7

ಅಯಿಂಗ ಮೂಸ್ಯ ಸೀಮೆರ ಪಕ್ಕ ಬಂದಿತ್ ಅಲ್ಲಿಂಜ ಬಿಥೂನ್ಯ ಎಣ್ಣುವ ಪಟ್ಟಣಕ್ ಪೋಪಕ್ ಪ್ರಯತ್ನಪಟ್ಟತ್. ಅಲ್ಲಿಯು ಸಹ ಯೇಸುರ ಆತ್ಮ ಅಯಿಂಗಳ ಪೋಪಕ್ ಬುಟ್ಟಿತ್‌ಲ್ಲೆ.

ರೋಮ್ 7:5

ನಂಗ ನಂಗಡ ಪಾಪತ್‍ರ ಗುಣಕ್ ಅಡಿಯಾಳಾಯಿತಿಪ್ಪಕ, ನ್ಯಾಯಪ್ರಮಾಣತ್‍ರಗುಂಡ್ ಎದ್ದಿತ್ ಬಂತ್ ಪಾಪತ್‍ರ ಇಚ್ಛೆ, ಚಾವ್‍ರ ಫಲ ತಪ್ಪನೆಕೆ, ನಂಗಡ ತಡೀರ ಬಾಗತ್‍ಲ್ ಕ್ರಿಯೆ ಮಾಡ್‍ಚಿ.

ರೋಮ್ 8:1

ಆನಗುಂಡ್, ದೇವ ಅಂವೊನ ನಂಬತಯಿಂಗಕ್ ತಪ್ಪ ಶಿಕ್ಷೆ, ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಉಳ್ಳಯಿಂಗಕ್ ತಪ್ಪುಲೆ.

ರೋಮ್ 8:11

ಅದಲ್ಲತೆ, ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟಂವೊಂಡ ಆತ್ಮ ನಿಂಗಡ ಒಳ್‍ಲ್ ವಾಸಮಾಡಿಯಂಡಿಂಜತೇಂಗಿ, ಕ್ರಿಸ್ತ ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟಂವೊ, ನಿಂಗಡಲ್ಲಿ ವಾಸ ಮಾಡಿಯಂಡುಳ್ಳ ತಾಂಡ ಆತ್ಮತ್‍ರಗುಂಡ್ ಚತ್ತ್ ಪೋಪಕುಳ್ಳ ನಿಂಗಡ ತಡೀನ ಸಹ ಎಪ್ಪ್‌ಚಿಡುವ.

ರೋಮ್ 8:2

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಯೇಸುರಲ್ಲಿ ಉಳ್ಳ ಐಕ್ಯತ್‍ಲ್ ನಂಗಕ್ ಜೀವ ತಪ್ಪ ಪವಿತ್ರಾತ್ಮತ್‍ರ ಕಾನೂನ್, ನನ್ನ ಪಾಪ ಪಿಂಞ ಚಾವ್‍ರ ಕಾನೂನಿಂಜ ಬುಡುಗಡೆ ಮಾಡ್‍ಚಿ.

1 ಕೊರಿಂಥ 15:23

ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಪ್ಪದ್, ಕ್ರಮವಾಯಿತ್ ಆಪ, ನಂಗೆಲ್ಲಾ ಅಯಿಂಗಯಿಂಗಡ ಕ್ರಮತ್‍ಲ್ ಒಬ್ಬಂಗ್ ಬಯ್ಯ ಒಬ್ಬನಾಯಿತ್ ಏವ, ಈ ವಿಷಯತ್‍ಲ್ ದೇವ, ಕ್ರಿಸ್ತನ ಆದ್ಯವಾಯಿತ್ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿ. ಅನ್ನನೆ ಕ್ರಿಸ್ತ ಪುನಃ ಬಪ್ಪಕ, ದೇವ, ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತ್ ಚತ್ತ್ ಪೋನಯಿಂಗಳ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿಡುವ.

1 ಕೊರಿಂಥ 3:16

ನಿಂಗ ದೇವಡ ಆಲಯವಾಯಿತ್ ಉಳ್ಳೀರಾಂದೂ, ನಿಂಗಡ ಹೃದಯತ್‍ಲ್ ದೇವಡ ಆತ್ಮ ವಾಸ ಮಾಡಿಯಂಡ್ ಉಂಡ್‍ೕಂದು ನಿಂಗಕ್ ಗೊತ್ತ್‌ಲ್ಲೆಯಾ?

1 ಕೊರಿಂಥ 6:17

ಆಚೇಂಗಿ ಒರ್ ಮನುಷ್ಯ ಕ್ರಿಸ್ತಂಡ ಕೂಡೆ ಕೂಡ್‌ನಕ, ಅಂವೊ ಕ್ರಿಸ್ತಂಡ ಆತ್ಮತ್‍ರ ಕೂಡೆ ಒಂದಾಯಿತ್‌ಪ್ಪ.

1 ಕೊರಿಂಥ 6:19

ನಿಂಗಡ ತಡಿ ಪವಿತ್ರಾತ್ಮ ವಾಸ ಮಾಡ್‌ವ ಆಲಯವಾಯಿತ್ ಉಂಡ್‍ೕಂದು, ಪವಿತ್ರಾತ್ಮತ್‍ನ ನಿಂಗಕ್ ದೇವ ಕೊಡ್‍ತತ್‍ೕಂದು ನಿಂಗಕ್ ಗೊತ್ತ್‌ಲ್ಲೆಯಾ? ಆನಗುಂಡ್ ನಿಂಗ ನಿಂಗಕ್ ಸ್ವಂತ ಅಲ್ಲ.

2 ಕೊರಿಂಥ 10:7

ನಿಂಗ ಪೊರಮೆ ಕಾಂಬ ಕೋಲತ್‍ನ ಮಾತ್ರ ನೋಟಿಯಂಡುಳ್ಳಿರ? ಒಬ್ಬ ತಾನ್ ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಉಳ್ಳ್‌ಂದ್ ನಂಬಿಯಂಡಿಂಜತೇಂಗಿ, ಅಂವೊ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಇಪ್ಪನೆಕೆ, ನಂಗಳು ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಅಂವೊ ಅಂವೊಂಡಲ್ಲಿ ಗೇನಮಾಡಡ್.

2 ಕೊರಿಂಥ 6:16

ದೇವಡ ಆಲಯಕು ವಿಗ್ರಹಕು ಎಂತ ಐಕ್ಯ? ನಂಗಳೇ ಜೀವವಾಯಿತುಳ್ಳ ದೇವಡ ಆಲಯವಾಯಿತುಂಡಲ್ಲ! ನಾನ್ ಅಯಿಂಗಡ ಮದ್ಯತ್‍ಲ್ ವಾಸ ಮಾಡಿತ್, ನಡ್ಂದಂಡ್, ನಾನ್ ಅಯಿಂಗಡ ದೇವನಾಯಿತು, ಅಯಿಂಗ ನಾಡ ಜನವಾಯಿತು ಇಪ್ಪಾಂದ್ ದೇವ ಎಣ್ಣಿತುಂಡ್.

ಗಲಾತ್ಯ 4:6

ನಂಗ ದೇವಡ ಮಕ್ಕಳಾನಗುಂಡ್, ದೇವ ಅಂವೊಂಡ ಮೋಂವೊಂಡ ಆತ್ಮತ್‌ನ ನಂಗಡ ಹೃದಯತ್‍ಲ್ ಅಯಿಚಿತ್, ಅಂವೊನ ಪ್ರೀತಿರ ಅಪ್ಪಾ ಪಪ್ಪಾಂದ್ ಕಾಕ್‍ವನೆಕೆ ಮಾಡ್‍ಚಿ.

ಗಲಾತ್ಯ 5:24

ಯೇಸು ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಎಣ್ಣ್‌ವಯಿಂಗೆಲ್ಲಾ, ಅಯಿಂಗಡ ಪಾಪತ್‍ರ ಗುಣತ್‍ನ, ಅದ್ಂಡ ಆಸೆ ಪಿಂಞ ಇಚ್ಛೆನೆಲ್ಲಾ ಶಿಲುಬೇಲ್ ಇಟ್ಟಿತ್‌ಪ್ಪ.

ಎಫೆಸ 1:13

ನಿಂಗಕ್ ರಕ್ಷಣೆ ತಪ್ಪ ಕ್ರಿಸ್ತಂಡ ನೇರಾನ ನಲ್ಲ ಸುದ್ದಿ ನಿಂಗಡ ಪಕ್ಕ ಬಪ್ಪಕ, ಅದ್‍ನ ಕ್‍ೕಟಿತ್ ನಿಂಗಳು ಸಹ ನಂಬಿತುಳ್ಳಿರ. ಅದ್‍ನ ನಿಂಗ ನಂಬ್‌ವಕ, ಅಂವೊ ವಾಗ್ದಾನ ಮಾಡ್‍ನ ಪವಿತ್ರಾತ್ಮತ್‍ರಗುಂಡ್, ಅಂವೊಂಡಲ್ಲಿ ನಿಂಗ ಅಂವೊಂಗ್ ಸ್ವಂತವಾನಯಿಂಗಾಂದ್ ಉಳ್ಳ ಮುದ್ರೆನ ಪಡ್ಂದಿತುಳ್ಳಿರ.

ಎಫೆಸ 2:22

ಅಂವೊಂಡ ಮೇಲೆ ನಿಂಗಳು, ಆತ್ಮತ್‍ರಗುಂಡ್ ದೇವ ವಾಸ ಮಾಡ್‌ವ ಜಾಗವಾಯಿತ್ ಕೂಟಾಯಿತ್ ಕೆಟ್ಟಿಯಂಡ್ ಬಂದಂಡುಳ್ಳಿರ.

ಎಫೆಸ 3:17

ನಂಬಿಕೇರ ಮೂಲಕ ಕ್ರಿಸ್ತ ನಿಂಗಡ ಹೃದಯತ್‍ಲ್ ವಾಸಮಾಡಂಡೂಂದು ಪ್ರಾರ್ಥನೆ ಮಾಡ್‌ವಿ. ನಿಂಗ ಪ್ರೀತಿಲ್ ಬೇರೂರಿತ್, ಸ್ತಿರವಾಯಿತ್ ನಿಕ್ಕಂಡೂಂದು,

ಫಿಲಿಪ್ಪಿ 1:19

ನಿಂಗಡ ಪ್ರಾರ್ಥನೆ ಪಿಂಞ ಯೇಸು ಕ್ರಿಸ್ತಂಡ ಆತ್ಮತ್‍ರ ಸಹಾಯತ್‍ಲ್ ನಾಡ ಬುಡ್‌ಗಡೆಕ್‌ ಬಟ್ಟೆ ಆಪಾಂದ್ ನಾಕ್ ಗೊತ್ತುಂಡ್.

2 ತಿಮೊಥೆಯ 1:14

ನೀಡ ಪಕ್ಕ ಒಪ್ಪ್‌ಚಿಟ್ಟಿತುಳ್ಳ, ಆ ನಲ್ಲ ಸತ್ಯತ್‍ನ, ನಂಗಡ ಒಳ್‍ಲ್ ವಾಸ ಮಾಡ್‌ವ ಪವಿತ್ರಾತ್ಮನಗುಂಡ್ ಅದ್‍ನ ಕಾಪಾಡ್.

1 ಪೇತ್ರ 1:11

ಅಯಿಂಗಡಲ್ಲಿ ಇಂಜ ಕ್ರಿಸ್ತಂಡ ಆತ್ಮ, ಕ್ರಿಸ್ತಂಗ್ ಬಪ್ಪಕುಳ್ಳ ಕಷ್ಟತ್‍ನ ಪಿಂಞ ಅದ್‍ನಗುಂಡ್ ಬಯ್ಯ ಬಪ್ಪ ಮಹಿಮೆನ ಮಿಂಞಲೇ ಎಣ್ಣುವಕ, ಏದ್ ಕಾಲತ್‍ಲ್ ಇನ್ನನೆಲ್ಲ ಆಪಾ, ಆ ಕಾಲತ್‍ಲ್ ಎಂತೆಲ್ಲಾ ಆಪಾಂದ್ ಸಹ ಪಡಿಚಂಡಿಂಜತ್.

1 ಯೋಹಾನ 3:24

ಅಂವೊಂಡ ಆಜ್ಞೆರ ಪ್ರಕಾರ ನಡ್‌ಪಂವೊ, ದೇವಡ ಕೂಡೆ ಇಪ್ಪ, ದೇವನು ಅಂವೊಂಡ ಕೂಡೆ ಇಪ್ಪ. ಅಂವೊ ನಂಗಡ ಕೂಡೆ ಉಂಡ್‍ೕಂದ್ ಉಳ್ಳದ್ ಅಂವೊ ನಂಗಕ್ ಕೊಡ್‍ತ ಪವಿತ್ರತ್ಮಾತ್ಂಜಲೇ ನಂಗಕ್ ಗೊತ್ತಾಪ.

1 ಯೋಹಾನ 4:13

ದೇವ ನಂಗಕ್ ಅಂವೊಂಡ ಆತ್ಮತ್‌ನ ತಂದಿಯತ್, ಅದ್ಂಗಾಯಿತ್ ನಂಗ ದೇವಡಲ್ಲಿ ಉಂಡ್‍ೕಂದು, ದೇವ ನಂಗಡಲ್ಲಿ ಉಂಡ್‍ೕಂದು ಗೊತ್ತಾಪ.

1 ಯೋಹಾನ 4:4

ಆಚೇಂಗಿ ನಾಡ ಪ್ರೀತಿರ ಮಕ್ಕಳೇ, ನಿಂಗ ದೇವಡ ಪಕ್ಕ ಕೂಡ್‌ನಯಿಂಗಳಾಯಿತ್ ಉಳ್ಳಗುಂಡ್, ಅಯಿಂಗಳ ಗೆದ್ದಿತುಳ್ಳಿರ. ಎನ್ನಂಗೆಣ್ಣ್‌ಚೇಂಗಿ ನಿಂಗಡ ಒಳ್‍ಲ್ ಉಳ್ಳ ಆತ್ಮ ಈ ಲೋಕತ್‍ರ ಜನಡ ಆತ್ಮಕಿಂಜ ಶಕ್ತಿವಂತಂವೊನಾಯಿತುಂಡ್.

ಪ್ರಕಟನೆ 13:8

ಈ ಲೋಕತ್‍ರ ಸುರುಯಿಂಜ, ಮಿಂಞಲೇ ಬಲಿಯಾಯಿತ್ ಇಂಜ ಕೊರಿಕುಟ್ಟಿಯಾನವೊಂಡ ಜೀವತ್‍ರ ಪುಸ್ತಕತ್‍ಲ್ ಪೆದ ಒಳ್‌ದಿತಿಲ್ಲತ ಎಲ್ಲಾರು ಆ ಮೃಗತ್‍ನ ಆರಾದನೆ ಮಾಡ್‌ವ.

ಪ್ರಕಟನೆ 20:15

ಜೀವ ಪುಸ್ತಕತ್‍ಲ್ ಪೆದ ಒಳ್‍ದಿತ್ ಇಲ್ಲತಯಿಂಗಳಾಯಿತ್ ದಾರ್ ಉಂಡೋ ಅಯಿಂಗಳೆಲ್ಲ ತಿತ್ತ್‌ರ ಕಡಲ್‍ಕ್ ಚಾಡಿರ್‌ತ್.