ರೋಮ್ 8:8 - ಕೊಡವ ಬೈಬಲ್

⁸ ಆನಗುಂಡ್, ಪಾಪತ್‍ರ ಗುಣ ಎಣ್ಣ್‌ವನೆಕೆ ನಡ್‍ಪಯಿಂಗಕ್ ದೇವನ ಕುಶಿ ಪಡ್‍ತ್‍ವಕ್ ಕಯ್ಯುಲೆ.

ರೋಮ್ 8:8 ပူးပေါင်းရင်းမြစ်များ

ಮತ್ತಾಯ 3:17

ಅಕ್ಕ, ಪರಲೋಕತ್ಂಜ ಒರ್ ವಾಣಿ: ಇಂವೊ ನಾಡ ಕೊದಿರ ಮೋಂವೊ, ಇಂವೊಂಡ ಮೇಲೆ ನಾಕ್ ದುಂಬ ಕುಶಿ ಉಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 3:3

ಅಂವೊಂಗ್ ಯೇಸು: ಒಬ್ಬ ಪುನಃ ಪುಟ್ಟತೆ ಪೋನಕ ಅಂವೊ ದೇವಡ ರಾಜ್ಯತ್‍ನ ಕಾಂಬಕ್ ಕಯ್ಯುಲೇಂದ್ ನೇರಾಯಿತು ನೇರಾಯಿತು ನಾನ್ ನೀಕ್ ಎಣ್ಣುವೀಂದ್ ಉತ್ತರ ಕೊಡ್‍ತತ್.

ಯೋಹಾನ 8:29

ನನ್ನ ಅಯಿಚಂವೊ ನಾಡ ಕೂಡೆ ಉಂಡ್, ಅಂವೊಂಗ್ ಕುಶಿ ಆಪದ್‍ನ ನಾನ್ ಎಕ್ಕಾಲು ಮಾಡ್‌ವಗುಂಡ್ ಅಂವೊ ನನ್ನ ಎಕ್ಕಾಲು ಒಂಟಿಯಾಯಿತ್ ಬುಟ್ಟಿತ್‌ಲ್ಲೇಂದ್ ಎಣ್ಣ್‌ಚಿ.

ರೋಮ್ 1:21

ಅಯಿಂಗ ಎಲ್ಲಾರ್‌ಕು ದೇವ ದಾರ್‍ೕಂದ್ ಗೊತ್ತುಂಡೇಂಗಿಯು, ಅಯಿಂಗ ಅಂವೊಂಗ್ ಕೊಡ್‍ಪಕುಳ್ಳ ಮಹಿಮೆನ ಕೊಡ್‌ತಂಡು ಇಲ್ಲೆ, ಅಂವೊಂಗ್ ವಂದನೆ ಎಣ್ಣಿಯಂಡು ಇಲ್ಲೆ. ಆಂಡ ಬದ್‍ಲ್ ಅಯಿಂಗಡ ಗೇನಯೆಲ್ಲ ವ್ಯರ್ತವಾಯಿತುಂಡ್. ಅಯಿಂಗಡ ಮನಸ್ಸ್ ಇರ್‌ಟಾಯಿತ್ ಉಂಡ್.

ರೋಮ್ 7:5

ನಂಗ ನಂಗಡ ಪಾಪತ್‍ರ ಗುಣಕ್ ಅಡಿಯಾಳಾಯಿತಿಪ್ಪಕ, ನ್ಯಾಯಪ್ರಮಾಣತ್‍ರಗುಂಡ್ ಎದ್ದಿತ್ ಬಂತ್ ಪಾಪತ್‍ರ ಇಚ್ಛೆ, ಚಾವ್‍ರ ಫಲ ತಪ್ಪನೆಕೆ, ನಂಗಡ ತಡೀರ ಬಾಗತ್‍ಲ್ ಕ್ರಿಯೆ ಮಾಡ್‍ಚಿ.

ರೋಮ್ 8:9

ದೇವಡ ಆತ್ಮ ನಿಂಗಡೊಳ್‌ಲ್ ಇಂಜತೇಂಗಿ, ನಿಂಗ ಪಾಪತ್‍ರ ಗುಣ ಎಣ್ಣ್‌ವನೆಕೆ ಮಾಡ್‌ವಯಿಂಗಳಾಯಿತ್ ಇಪ್ಪುಲೆ, ದೇವಡ ಆತ್ಮ ಎಣ್ಣ್‌ವನೆಕೆ ಮಾಡ್‌ವಯಿಂಗಳಾಯಿತ್ ಇಪ್ಪಿರ; ಕ್ರಿಸ್ತಂಡ ಆತ್ಮ ಇಲ್ಲತಂವೊ ಕ್ರಿಸ್ತಂಗ್ ಕೂಡ್‍ನಂವೊ ಅಲ್ಲ.

1 ಕೊರಿಂಥ 7:32

ನಿಂಗ ಒರ್ ಬೇಜಾರವು ಇಲ್ಲತಯಿಂಗಳಾಯಿತ್ ಬದ್‍ಕಂಡೂಂದ್ ನಾನ್ ಇನ್ನನೆ ಕುಶೀಲ್ ಎಣ್ಣ್‌ವಿ. ಮಂಗಲ ಕಯಿಕತ ಮನುಷ್ಯ, ಒಡೆಯನ ಎನ್ನನೆ ಇಂಞು ಕುಶಿ ಪಡ್‍ತ್‍ವಕ್ ಕಯ್ಯೂಂದ್ ಒಡೆಯಂಡ ವಿಷಯತ್‍ನ ಗೇನ ಮಾಡಿಯಂಡಿಪ್ಪ.

ಫಿಲಿಪ್ಪಿ 4:18

ನಾಕ್ ಬೋಂಡಿಯಚ್ಚಕು ಅದ್ಂಗಿಂಜ ಜಾಸ್ತಿಯಾಯಿತು ಕ್‍ಟ್ಟ್‌ಚೀಂದ್ ಎಣ್ಣ್‌ವಿ. ನಿಂಗ ಅಯಿಚ ಇನಾಮ್‍ನ ಎಪಫ್ರೋದೀತನಿಂಜ ಎಡ್‍ತಂಡಿಯೆ. ಅದ್ ದೇವಡ ಮಿಂಞತ್ ದೇವಕ್ ಕೊಡ್‌ಪ ಸುಗಂದ ವಾಸನೆಯಾಯಿತು ಅಂವೊಂಡ ಪ್ರೀತಿರ ಅರ್ಪಣೆಯಾಯಿತು ಉಳ್ಳಾಂಗ್ ನಾಕ್ ತೃಪ್ತಿಯಾಚಿ.

ಕೊಲೊಸ್ಸೆ 1:10

ಅಕ್ಕ, ನಿಂಗ ಒಡೆಯಂಗ್ ಯೋಗ್ಯವಾನ ಬದ್‍ಕ್ ಬದ್‌ಕಿತ್, ಎಲ್ಲಾ ರೀತಿಲ್ ಅಂವೊನ ಕುಶಿ ಪಡ್‍ತಿತ್, ಎಲ್ಲಾ ತರತ್‍ರ ನಲ್ಲ ಕೆಲಸತ್‌ರ ಫಲತ್‍ನ ಕೊಡ್‌ತಿತ್, ದೇವನ ಗೊತ್ತಾಪಕುಳ್ಳ ಅಂವೊಂಡ ಬುದ್ದಿಲ್ ಬೊಳಿವಿರ.

ಕೊಲೊಸ್ಸೆ 3:20

ಮಕ್ಕಳೇ, ನಿಂಗ ಎಲ್ಲಾ ವಿಷಯತ್‍ಲು ನಿಂಗಡ ಅಪ್ಪವ್ವಂಗಕ್ ತಗ್ಗಿತ್ ನಡ್‌ಕಂಡು. ಇನ್ನನೆ ಮಾಡ್‍ಚೇಂಗಿ, ದೇವ ದುಂಬ ಕುಶಿ ಪಡುವ.

1 ಥೆಸಲೊನೀಕ 4:1

ನಂಗಡ ಅಣ್ಣತಮ್ಮಣಂಗಳೇ, ಆಕೀರಾಯಿತ್ ನಾನ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ: ದೇವನ ಕುಶಿಪಡ್‌ತ್‌ವಕಾಯಿತ್ ನಿಂಗ ಎನ್ನನೆಯೆಲ್ಲಾ ಬದ್‍ಕಂಡೂಂದ್ ನಂಗ ಎಣ್ಣಿತಂದದ್‍ನ ನಿಂಗ ಸ್ವೀಕಾರ ಮಾಡ್‍ನನೆಕೆ, ಇಂಞು ಅದ್‍ಲ್ ದುಂಬ ಬೊಳಿಯುವಕ್ ಒಡೆಯನಾನ ಯೇಸುರಗುಂಡ್ ನಿಂಗಳ ಬೋಡಿತ್, ನಿಂಗಕ್ ಬುದ್ದಿ ಎಣ್ಣಿಯಂಡ್ ಉಂಡ್.

ಇಬ್ರಿಯ 13:16

ಅದಲ್ಲತೆ, ನಲ್ಲದ್ ಮಾಡ್‌ವಕು, ದಾನದರ್ಮ ಮಾಡ್‌ವಕು ಮರ್ಂದ್ ಪೋಕತಿ; ಇನ್ನನೆ ಮಾಡ್‌ವ ಬಲೀಲ್ ದೇವ ಕುಶಿಪಡ್‍ವಂವೊನಾಯಿತುಂಡ್.

ಇಬ್ರಿಯ 13:21

ಯೇಸುರ ಮೂಲಕ ತಾಂಡ ಮಿಂಞತ್ ಕುಶಿಯುಳ್ಳದ್‍ನ, ನಿಂಗಡ ಮದ್ಯತ್‍ಲ್ ಮಾಡಿತ್, ನಿಂಗ ಅಂವೊಂಡ ಚಿತ್ತತ್‍ರನೆಕೆ ಮಾಡ್‌ವಕ್, ನಿಂಗಳ ಎಲ್ಲಾ ತರತ್‍ರ ನಲ್ಲ ಕ್ರಿಯೇರಗುಂಡ್ ಪೂರ್ತಿ ಮಾಡಿತ್ ಬಲಪಡ್‍ತಡ್; ಅಂವೊಂಗ್ ಎಕ್ಕಾಲು ಮಹಿಮೆ ಬರಡ್. ಆಮೆನ್.

1 ಯೋಹಾನ 3:22

ನಂಗ ದೇವಡ ಆಜ್ಞೆರ ಪ್ರಕಾರ ನಡ್‌ಂದಿತ್, ದೇವಕ್ ಕುಶಿಯಾನ ಕೆಲಸತ್‍ನ ಮಾಡ್‌ವಗುಂಡ್ ದೇವಡ ಪಕ್ಕ ಎಂತ ಬೋಡ್‍ಚೇಂಗಿಯು, ದೇವ ಅದ್‍ನ ನಂಗಕ್ ತಪ್ಪ.