ರೋಮ್ 8:6 - ಕೊಡವ ಬೈಬಲ್

⁶ ಪಾಪತ್‍ರ ಗುಣ ಕಾಟಿತಪ್ಪ ಬಟ್ಟೇಲ್ ನಡ್‍ಕಂಡೂಂದ್ ಉಳ್ಳ ಗೇನ, ನಂಗಳ ಆತ್ಮೀಯ ಚಾವ್‍ಕ್ ಬಲ್‍ಚಂಡ್ ಪೋಪ; ಆಚೇಂಗಿ, ದೇವಡ ಆತ್ಮ ಕಾಟಿತಪ್ಪ ಬಟ್ಟೇಲ್ ನಡ್‍ಕಂಡೂಂದ್ ಉಳ್ಳ ಗೇನ ನಂಗಳ ನೇರಾನ ಜೀವಕ್ ಪಿಂಞ ಸಮಾದಾನ ಉಳ್ಳ ಬದ್‍ಕ್‍ಕ್ ನಡ್‍ತಿಯಂಡ್ ಪೋಪ.

ರೋಮ್ 8:6 ပူးပေါင်းရင်းမြစ်များ

ಯೋಹಾನ 14:27

ಸಮಾದಾನತ್‍ನ ನಿಂಗಕ್ ಬುಟ್ಟಿತ್ ಪೋಪಿ, ನಾಡ ಸಮಾದಾನತ್‍ನೇ ನಿಂಗಕ್ ತಪ್ಪಿ; ಈ ಲೋಕ ತಪ್ಪ ಪ್ರಕಾರ ನಾನ್ ನಿಂಗಕ್ ತಪ್ಪುಲೆ. ನಿಂಗಡ ಹೃದಯ ಬೇಜಾರ್ ಪಡತೆ, ಗಾಬರಿ ಆಕತೆ ಇರಡ್.

ಯೋಹಾನ 14:6

ಅಂವೊಂಗ್ ಯೇಸು: ನಾನೇ ಬಟ್ಟೇಯು, ಸತ್ಯವು, ಜೀವವುವಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ. ನಾಡ ಮೂಲಕ ಅಲ್ಲತೆ ದಾರೂ ನಾಡ ಅಪ್ಪಂಡ ಪಕ್ಕ ಬಪ್ಪಕ್ ಕಯ್ಯುಲೆ.

ಯೋಹಾನ 17:5

ಇಕ್ಕ, ಅಪ್ಪಾ! ಈ ಲೋಕ ಸೃಷ್ಟಿ ಆಪಕ್ ಮಿಂಞಲೇ ನಾಕ್ ನೀಡ ಪಕ್ಕ ಇಂಜ ಮಹಿಮೇರಗುಂಡ್ ಇಕ್ಕ ನೀನ್ ನೀಡಲ್ಲಿ ನಾಕ್ ಮಹಿಮೆ ಕ್‍ಟ್ಟುವನೆಕೆ ಮಾಡ್.

ರೋಮ್ 13:14

ಆಚೇಂಗಿ, ತಡೀರ ಮೋಹಕಾಯಿತ್ ತಡೀನ ನೋಟತೆ, ಒಡೆಯನಾನ ಯೇಸು ಕ್ರಿಸ್ತನ ಇಟ್ಟೊಳಿ.

ರೋಮ್ 14:17

ಎನ್ನಂಗೆಣ್ಣ್‌ಚೇಂಗಿ, ದೇವಡ ರಾಜ್ಯ ತಿಂಬದು ಕುಡಿಪದು ಅಲ್ಲ, ಅದ್ ನೀತಿಯು, ಸಮಾದಾನವು ಪವಿತ್ರಾತ್ಮತ್‍ರಗುಂಡ್ ಕ್‍ಟ್ಟ್‌ವ ಕುಶಿಯು ಆಯಿತುಂಡ್.

ರೋಮ್ 5:1

ಇನ್ನನೆ, ನಂಗ ನಂಬಿಕೆಯಿಂಜ ನೀತಿವಂಯಿಂಗಳಾನಗುಂಡ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ನಂಗಕ್ ದೇವಡ ಪಕ್ಕ ಸಮಾದಾನ ಕ್‍ಟ್ಟ್‌ಚಿ.

ರೋಮ್ 5:10

ನಂಗ ದೇವಕ್ ವಿರೋದಿಯಂಗಳಾಯಿತಿಪ್ಪಕ, ಅಂವೊಂಡ ಮೋಂವೊಂಡ ಚಾವ್‍ರಗುಂಡ್ ವಿರೋದತ್‍ನ ನೀಕಿತ್ ಸಮಾದಾನತ್‍ನ ಕೊಂಡ್ ಬಾತೇಂಗಿ, ವಿರೋದತ್‍ನ ನೀಕಿತ್ ಸಮಾದಾನ ಕ್‍ಟ್ಟ್‌ನ ಪಿಂಞ ಅಂವೊಂಡ ಜೀವತ್‍ರ ಮೂಲಕ ಬಚಾವಾಪದ್ ಎಚ್ಚಕ್ ಕಂಡಿತ.

ರೋಮ್ 6:21

ಆ ಕಾಲತ್‍ಲ್ ನಿಂಗಕ್ ಎಂತ ಲಾಬ ಕ್‍ಟ್ಟ್‌ಚಿ? ಅದ್‍ನ ಗೇನ ಮಾಡ್‌ವಕ, ಇಕ್ಕ ಅವಮಾನವಾಯಿತುಂಡ್. ಅದ್ಂಡ ಪ್ರತಿಫಲ ಚಾವ್.

ರೋಮ್ 6:23

ಪಾಪತ್‍ರ ಸಂಬಳ ಚಾವ್; ದೇವಡ ಇನಾಮ್ ನಂಗಡ ಒಡೆಯನಾನ ಯೇಸು ಕ್ರಿಸ್ತನಗುಂಡ್ ಕ್‍ಟ್ಟ್‌ವ ನಿತ್ಯ ಜೀವ.

ರೋಮ್ 7:11

ಅದ್ ಎನ್ನನೆ ಎಣ್ಣ್‌ಚೇಂಗಿ, ಪಾಪಕ್ ಕಾನೂನ್‍ರಗುಂಡ್ ಬಟ್ಟೆ ಕ್‍ಟ್ಟಿತ್, ನನ್ನ ವಂಚನೆ ಮಾಡಿತ್, ನನ್ನ ಚತ್ತನೆಕೆ ಮಾಡಿರ್‌ತ್.

ರೋಮ್ 7:5

ನಂಗ ನಂಗಡ ಪಾಪತ್‍ರ ಗುಣಕ್ ಅಡಿಯಾಳಾಯಿತಿಪ್ಪಕ, ನ್ಯಾಯಪ್ರಮಾಣತ್‍ರಗುಂಡ್ ಎದ್ದಿತ್ ಬಂತ್ ಪಾಪತ್‍ರ ಇಚ್ಛೆ, ಚಾವ್‍ರ ಫಲ ತಪ್ಪನೆಕೆ, ನಂಗಡ ತಡೀರ ಬಾಗತ್‍ಲ್ ಕ್ರಿಯೆ ಮಾಡ್‍ಚಿ.

ರೋಮ್ 8:13

ಪಾಪತ್‍ರ ಗುಣತ್‍ಲ್ ನಿಂಗ ಬದ್‍ಕಿಯಂಡ್ ಇಂಜತೇಂಗಿ, ನಿಂಗ ಚತ್ತ್ ಪೋಪಿರ; ಪವಿತ್ರಾತ್ಮತ್‍ರಗುಂಡ್ ತಡೀರ ಕ್ರಿಯೇನ ನಿಂಗ ಪಾಳ್ ಮಾಡ್‍ಚೇಂಗಿ, ನಿಂಗ ಬದ್‍ಕ್‍ವಿರ.

ರೋಮ್ 8:27

ದೇವಡ ಚಿತ್ತತ್‍ರನೆಕೆ ಪವಿತ್ರಾತ್ಮ ದೇವಡ ಮಕ್ಕಕಾಯಿತ್ ಬೋಡಿಯಂಡುಳ್ಳಾಂಗ್, ಹೃದಯತ್‍ನ ನೋಟಿಯಂಡುಳ್ಳ ದೇವಕ್, ಪವಿತ್ರಾತ್ಮತ್‍ರ ಗೇನ ಎಂತ್‍ೕಂದ್ ಗೊತ್ತುಂಡ್.

ರೋಮ್ 8:7

ಅದ್ ಎನ್ನನೆ ಎಣ್ಣ್‌ಚೇಂಗಿ, ನಂಗಡ ಪಾಪ ಗುಣತ್‍ರ ಗೇನ, ದೇವಕ್ ವಿರೋದವಾಯಿತ್ ಕ್ರಿಯೆ ಮಾಡ್‌ವ; ಆ ಪಾಪತ್‍ರ ಗುಣ ನ್ಯಾಯಪ್ರಮಾಣಕ್ ಬಗ್ಗ್‌ಚಿಡುಲೆ, ಬಗ್ಗಿಚಿಡ್‌ವಕ್ ಕಯ್ಯುವುದು ಇಲ್ಲೆ.

ಗಲಾತ್ಯ 5:22

ಪವಿತ್ರಾತ್ಮತ್‍ರ ಫಲ ಎಂತ ಎಣ್ಣ್‌ಚೇಂಗಿ, ಪ್ರೀತಿ, ಸಂತೋಷ, ಸಮಾದಾನ, ಸಹಿಸುವ ಶಕ್ತಿ, ಕರುಣೆ, ನಲ್ಲರಿಕೆ, ನಂಬಿಕೆ,

ಗಲಾತ್ಯ 6:8

ತಾಂಡ ಸ್ವಂತ ಆಸೇನ ತೃಪ್ತಿ ಪಡ್‍ತ್‍ವಕಾಯಿತ್ ಮಾತ್ರ ಬದ್‍ಕ್‍ವಯಿಂಗ ಪಾಪ ಗುಣತ್‍ರ ಫಲವಾನ ಚಾವ್‍ನ ಕೊಯ್ಯುವ. ಆಚೇಂಗಿ ದೇವಡ ಆತ್ಮತ್‌ನ ಕುಶಿಪಡ್‍ತುವಕಾಯಿತ್ ಬದ್‍ಕ್‍ವಯಿಂಗ ಪವಿತ್ರಾತ್ಮ ತಪ್ಪ ನಿತ್ಯ ಜೀವತ್‍ನ ಕೊಯ್ಯುವ.