ರೋಮ್ 8:5 - ಕೊಡವ ಬೈಬಲ್

⁵ ಪಾಪತ್‍ರ ಗುಣ ಕಾಟಿತಪ್ಪ ಬಟ್ಟೇಲ್ ನಡ್‍ಪಯಿಂಗ ಪಾಪತ್‍ರ ಗುಣತ್‍ಲ್ ಗೇನ ಮಾಡಿಯಂಡುಂಡ್; ಆಚೇಂಗಿ, ಪವಿತ್ರಾತ್ಮ ಕಾಟಿತಪ್ಪ ಬಟ್ಟೇಲ್ ನಡ್‍ಪಯಿಂಗ ದೇವಡ ಆತ್ಮತ್‍ರನೆಕೆ ಗೇನ ಮಾಡಿಯಂಡುಂಡ್.

ರೋಮ್ 8:5 ပူးပေါင်းရင်းမြစ်များ

ಮಾರ್ಕ 8:33

ಯೇಸು ಪುನಃ ತಿರಿತ್ ತಾಂಡ ಶಿಷ್ಯಂಗಡ ಪಕ್ಕ ನೋಟಿತ್ ಪೇತ್ರನ ಬಜ್ಜತ್. ನಾಡ ಬಯ್ಯಕ್ ಪೋ ಸೈತಾನೇ, ನೀನ್ ದೇವಡ ಚಿತ್ತತ್‍ರನೆಕೆ ಗೇನ ಮಾಡತೆ, ಮನುಷ್ಯಂಗಡ ಚಿತ್ತತ್‍ರನೆಕೆ ಗೇನ ಮಾಡ್‌ವಿಯಾಂದ್ ಅಂವೊನ ಚಾಕ್‍ಚಿ.

ಯೋಹಾನ 3:6

ತಡೀರ ಮೂಲಕ ಪುಟ್ಟ್‌ವದ್ ತಡೀರ ಜೀವವಾಯಿತ್‌ಪ್ಪ, ಆಚೇಂಗಿ, ಪವಿತ್ರಾತ್ಮತ್‍ರ ಮೂಲಕ ಪುಟ್ಟ್‌ವದ್ ದೇವಡ ಆತ್ಮವಾಯಿತಿಪ್ಪ.

ರೋಮ್ 8:9

ದೇವಡ ಆತ್ಮ ನಿಂಗಡೊಳ್‌ಲ್ ಇಂಜತೇಂಗಿ, ನಿಂಗ ಪಾಪತ್‍ರ ಗುಣ ಎಣ್ಣ್‌ವನೆಕೆ ಮಾಡ್‌ವಯಿಂಗಳಾಯಿತ್ ಇಪ್ಪುಲೆ, ದೇವಡ ಆತ್ಮ ಎಣ್ಣ್‌ವನೆಕೆ ಮಾಡ್‌ವಯಿಂಗಳಾಯಿತ್ ಇಪ್ಪಿರ; ಕ್ರಿಸ್ತಂಡ ಆತ್ಮ ಇಲ್ಲತಂವೊ ಕ್ರಿಸ್ತಂಗ್ ಕೂಡ್‍ನಂವೊ ಅಲ್ಲ.

1 ಕೊರಿಂಥ 15:48

ಬೂಮಿರ ಮಣ್ಣಿಂಜ ಬಂದ ಆದಾಮ ಏದ್ ತರ ತಡೀಲ್ ಇಂಜತೋ, ಅನ್ನನೆ ಎಲ್ಲಾ ಮುನುಷ್ಯಂಗಡ ತಡಿಯು ಉಂಡ್. ಪರಲೋಕತ್‍ರ ಮನುಷ್ಯಂಡ ತಡಿ ಎನ್ನನೆ ಉಂಡೋ ಅದೇ ತರ ಪರಲೋಕತ್‍ಲ್ ಉಳ್ಳಯಿಂಗಳು ಇಪ್ಪ.

1 ಕೊರಿಂಥ 2:14

ದೇವಡ ಆತ್ಮ ಇಲ್ಲತ ಮನುಷ್ಯ, ದೇವಡ ಆತ್ಮತ್‍ರ ವಿಷಯತ್‍ನ ಸ್ವೀಕಾರ ಮಾಡುಲೆ. ದೇವಡ ವಿಷಯವೆಲ್ಲ ಅಂವೊಂಗ್ ಪುಚ್ಚಿ ತಕ್ಕ್‌ರನೆಕೆ ಇಪ್ಪ. ಅಂವೊಂಗ್ ಅದ್‍ನ ಅರ್ಥ ಮಾಡ್‌ವಕ್ ಕಯ್ಯುಲೆ. ಎನ್ನಂಗೆಣ್ಣ್‌ಚೇಂಗಿ ಆತ್ಮೀಯವಾಯಿತ್ ಉಳ್ಳಯಿಂಗಕ್ ಮಾತ್ರ ಪವಿತ್ರಾತ್ಮ ಎಣ್ಣ್‌ವದ್ ಅರ್ಥ ಆಪ.

2 ಕೊರಿಂಥ 10:3

ನಂಗ ಈ ತಡೀಲ್ ಇಂಜತೇಂಗಿಯು, ತಡೀಲ್ ಯುದ್ದ ಮಾಡ್‌ವನೆಕೆ ನಂಗ ಮಾಡುಲೆ.

ಗಲಾತ್ಯ 5:17

ಮನುಷ್ಯಂಡ ಪಾಪತ್‍ರ ಗುಣ ಪವಿತ್ರಾತ್ಮಕ್ ವಿರೋದವಾಯಿತು, ದೇವಡ ಆತ್ಮ ಮನುಷ್ಯಂಡ ಪಾಪತ್‍ರ ಗುಣಕ್ ವಿರೋದವಾಯಿತು ಪೋರಾಡಿಯಂಡುಂಡ್. ನಿಂಗ ಮಾಡಂಡೂಂದ್ ಉಳ್ಳದ್‍ನ ಮಾಡ್‌ವಕ್ ಕಯ್ಯತನೆಕೆ ಈ ದಂಡು ಶತ್ರುವಳಾಯಿತುಂಡ್.

ಎಫೆಸ 5:9

ಬೊಳಿರ ಫಲ, ಎಲ್ಲಾ ನಲ್ಲ ಗುಣತ್‍ಲ್, ನೀತಿಲ್ ಪಿಂಞ ಸತ್ಯತ್‍ಲ್ ಇಪ್ಪ.

2 ಪೇತ್ರ 2:10

ಎಲ್ಲಾಕಿಂಜ, ಅಯಿಂಗಡ ಸ್ವಂತ ಮೋಸವಾನ ಲೈಂಗಿಕ ಪಾಪತ್‍ರ ಗುಣತ್‍ರ ಆಸೆರನೆಕೆ ಬದ್‍ಕ್‍ವಕ್ ಬಗ್ಗ್‌ಚಿಟ್ಟಿತ್ ನಡ್ಂದಂಡ್, ಒಡೆಯಂಡ ಅದಿಕಾರತ್‍ನ ಅಲ್ಲಗೆಳೆಯುವಯಿಂಗಕ್ ಕಂಡಿತವಾಯಿತ್ ಇನ್ನನೆ ಮಾಡ್‌ವ. ಈಂಗ, ದಾರ್ ಎಣ್ಣ್‌ಚೇಂಗಿಯು ತಗ್ಗಿತ್‌ ನಡ್‌ಕತಯಿಂಗಳು, ಆಂಗಾರಿಯಳು, ದೇವಡ ಸನ್ನಿದಾನತ್‍ಲ್ ಪರಲೋಕತ್‍ಲ್ ಮಹಿಮೆ ಪಡ್ಂದಯಿಂಗಳ ದೂಷಣೆ ಮಾಡ್‌ವಕ್ ಪೋಡಿಯಿಲ್ಲತಯಿಂಗಳು ಆಯಿತುಂಡ್.