ರೋಮ್ 8:4 - ಕೊಡವ ಬೈಬಲ್

⁴ ಪಾಪತ್‍ರ ಗುಣ ಕಾಟಿತಪ್ಪ ಬಟ್ಟೇಲ್ ನಂಗ ನಡ್‍ಕತೆ, ಪವಿತ್ರಾತ್ಮ ಕಾಟಿತಪ್ಪ ಬಟ್ಟೇಲ್ ನಡ್‍ಪ ನಂಗಕ್, ನ್ಯಾಯಪ್ರಮಾಣತ್‍ರ ನೀತಿ ನೆರೆವೇರುವನೆಕೆ ದೇವ ಇನ್ನನೆ ಮಾಡ್‍ಚಿ.

ರೋಮ್ 8:4 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:6

ಅಯಿಂಗ ದಂಡಾಳು ದೇವಡ ಎಲ್ಲಾ ಕಾನೂನ್ ಪ್ರಕಾರ, ಆಜ್ಞೆರ ಪ್ರಕಾರ ನೀತಿವಂತಯಿಂಗಳಾಯಿತ್, ಏದ್ ಮನುಷ್ಯನು ಕುತ್ತ ಪರಿಯುವಕ್ ಕಯ್ಯತ ಬದ್‍ಕ್‍ನ ಬದ್‍ಕಿಯಂಡ್ ಇಂಜತ್.

ರೋಮ್ 2:26

ಇದ್‍ಲ್ಲತೆ, ಸುನ್ನತಿ ಮಾಡತಯಿಂಗ ನ್ಯಾಯಪ್ರಮಾಣ ಎಣ್ಣುವ ಪ್ರಕಾರ ನಡ್ಂದತೇಂಗಿ, ಸುನ್ನತಿ ಮಾಡತ ಅಯಿಂಗ, ಸುನ್ನತಿ ಮಾಡ್‍ನನೆಕೆ ಆಪಲ್ಲ?

ರೋಮ್ 3:31

ಅನ್ನನೆ ಆಚೇಂಗಿ, ನಂಬಿಕೇರಗುಂಡ್ ನ್ಯಾಯಪ್ರಮಾಣತ್‍ನ ನಂಗ ಅಲ್ಲಗೆಳೆಯುವದಾ? ಅನ್ನನೆ ಅಲ್ಲ, ನ್ಯಾಯಪ್ರಮಾಣತ್‍ನ ನಂಗ ಸ್ತಿರಪಡ್‌ತಿಯಂಡುಂಡ್.

2 ಕೊರಿಂಥ 10:2

ನಂಗ ತಡೀರ ಪ್ರಕಾರ ನಡ್‌ಂದಂಡುಂಡ್‍ೕಂದ್ ಗೇನ ಮಾಡ್‌ವ ಚೆನ್ನ ಜನಡ ವಿಷಯತ್, ನಾನ್ ಕಠಿಣವಾಯಿತ್ ಇಕ್ಕಂಡೂಂದ್ ಗೇನ ಮಾಡಿಯಂಡುಳ್ಳ. ನಾನ್ ನಿಂಗಡ ಪಕ್ಕ ಬಪ್ಪಕ, ಅನ್ನನೆ ಕಠಿಣ ಗುಣತ್‍ನ ದೈರ್ಯವಾಯಿತ್ ಕಾಂಬ್‍ಚಿಡುವಕ್ ಬಟ್ಟೆ ಮಾಡಿ ಕೊಡ್‍ಕತೀಂದ್ ನಿಂಗಳ ಬೋಡುವಿ.

2 ಕೊರಿಂಥ 10:3

ನಂಗ ಈ ತಡೀಲ್ ಇಂಜತೇಂಗಿಯು, ತಡೀಲ್ ಯುದ್ದ ಮಾಡ್‌ವನೆಕೆ ನಂಗ ಮಾಡುಲೆ.

ಗಲಾತ್ಯ 5:16

ಆನಗುಂಡ್, ನಾನ್ ನಿಂಗಕ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ, ಪವಿತ್ರಾತ್ಮ ಕಾಟುವ ಬಟ್ಟೇಲ್ ನಿಂಗ ನಡ್ಂದೋಳಿ, ಅಕ್ಕ ನಿಂಗಡ ಶರೀರತ್‍ಲ್ ಉಳ್ಳ ಪಾಪತ್‍ರ ಗುಣ ನಿಂಗಳ ನಡ್‍ತುವಕ್ ಬುಡುಲೆ.

ಕೊಲೊಸ್ಸೆ 1:22

ಆಚೇಂಗಿ, ಇಕ್ಕ ಅಂವೊ ತಾಂಡ ಮೋಂವೊ ತಡೀಲ್ ಚತ್ತ್ ಪೋನಗುಂಡ್ ನಿಂಗಡ ಕೂಡೆ ಇಂಜ ವಿರೋದತ್‍ನ ಕಳೆಂದಿತ್ ಸಮಾದಾನ ಮಾಡಿತ್, ಅಂವೊಂಡ ಸನ್ನಿದಾನತ್‍ಲ್ ನಿಂಗಳ ಪವಿತ್ರವಾನಯಿಂಗಳಾಯಿತ್, ಒರ್ ತಪ್ಪಿಲ್ಲತಯಿಂಗಳಾಯಿತ್, ಒರ್ ಕುತ್ತ ಇಲ್ಲತಯಿಂಗಳಾಯಿತ್ ಅರ್ಪಿಚಿಡ್‌ವಕ್ ಇನ್ನನೆ ಮಾಡ್‍ಚಿ.

ಇಬ್ರಿಯ 12:23

ಅಲ್ಲತೆ ಪರಲೋಕತ್‍ಲ್ ಪೆದ ಒಳ್‍ದಿತುಳ್ಳ ದೇವಡ ಆದ್ಯ ಮಕ್ಕಡ ಸಬೆರ ಪಕ್ಕವು, ಎಲ್ಲಾಡ ದೇವಾನಾಯಿತುಳ್ಳ ನ್ಯಾಯಾದಿಪತಿರ ಪಕ್ಕವು, ಪೂರ್ತಿಯಾಯಿತ್ ನೀತಿವಂತಯಿಂಗಳಾಯಿತುಳ್ಳ ಆತ್ಮತ್‍ರ ಪಕ್ಕವು,

1 ಯೋಹಾನ 3:2

ಪ್ರೀತಿರ ಮಕ್ಕಳೇ, ಇಕ್ಕ ನಂಗ ದೇವಡ ಮಕ್ಕಳಾಯಿತುಂಡ್. ಆಚೇಂಗಿ ಇಂಞು ಮಿಂಞಕ್ ನಂಗ ಎನ್ನನೆ ಇಪ್ಪಾಂದ್ ಅಂವೊ ಎಣ್ಣಿತ್‌ಲ್ಲೆ. ಆಚೇಂಗಿ ಕ್ರಿಸ್ತ ಪ್ರತ್ಯಕ್ಷ ಆಪಕ ನಂಗಳು ಅಂವೊಂಡನೆಕೆ ಇಪ್ಪಾಂದ್ ನಂಗಕ್ ಗೊತ್ತುಂಡ್, ಎನ್ನಂಗೆಣ್ಣ್‌ಚೇಂಗಿ ಅಂವೊ ಪ್ರತ್ಯಕ್ಷ ಆಪಕ ಅಂವೊ ಉಳ್ಳನೆಕೆ ನಂಗ ಅಂವೊನ ಕಾಂಬ.

ಯೂದ ಒಳ್‍ದ್‍ನ ಕಾಗದ 1:24

ತಾಂಡ ಮಹಿಮೆಯುಳ್ಳ ಪ್ರಸನ್ನತ್‌ಲ್ ಬಲ್ಯ ಕುಶೀಲ್ ಒರ್ ತಪ್ಪು ಇಲ್ಲತಯಿಂಗಳಾಯಿತ್ ನಿಂಗಳ ಬೂವತನೆಕೆ ನಿಪ್ಪ್‌ಚಿಡ್‍ವಕ್ ಶಕ್ತಿಯುಳ್ಳಂವೊನು,

ಪ್ರಕಟನೆ 14:5

ಅಯಿಂಗಡ ತಕ್ಕ್‌ಲ್ ಕಪಟತನ ಇಂಜಿತ್ತ್‌ಲ್ಲೆ; ದೇವಡ ಸಿಂಹಾಸನತ್‍ರ ಮಿಂಞತ್ ಒರ್ ಕುತ್ತವು ಇಲ್ಲತಯಿಂಗಳಾಯಿತುಂಡ್.