ರೋಮ್ 8:38 - ಕೊಡವ ಬೈಬಲ್

³⁸ ಎನ್ನನೆ ಎಣ್ಣ್‌ಚೇಂಗಿ ಚಾವ್ ನಂಗಕ್ ಬಾತೇಂಗಿಯು, ಜೀವ ಕ್‍ಟ್ಟ್‌ವದಾಚೇಂಗಿಯು, ದೇವದೂತಂಗಳಾಚೇಂಗಿಯು, ದೆವ್ವ ಲೋಕತ್‍ರಯಿಂಗಳಾಚೇಂಗಿಯು, ಇಕ್ಕ ಆಯಂಡುಳ್ಳದಾಚೇಂಗಿಯು, ಬಪ್ಪಕುಳ್ಳ ವಿಷಯವಾಚೇಂಗಿಯು, ಏದ್ ಶಕ್ತಿಯಾಯಿತ್ಂಜತೇಂಗಿಯು,

ರೋಮ್ 8:38 ပူးပေါင်းရင်းမြစ်များ

ಯೋಹಾನ 10:28

ನಾನ್ ಅಯಿಂಗಕ್ ನಿತ್ಯ ಜೀವತ್‍ನ ತಪ್ಪಿ; ಅಯಿಂಗ ನಾಶ ಆಪದೇ ಇಲ್ಲೆ, ನಾಡ ಕೈಯಿಂಜ ದಾರ್ ಒಬ್ಬಂಗು ಅಯಿಂಗಳ ಬಲ್‍ಚಿತ್ ಎಡ್‌ತವಕ್ ಕಯ್ಯುಲೆ.

ರೋಮ್ 14:7

ನಂಗಡಲ್ಲಿ ಒಬ್ಬನು ತಾಂಗಾಯಿತ್ ಬದ್‍ಕ್‍ವದು ಇಲ್ಲೆ, ತಾಂಗಾಯಿತ್ ಚಾವದು ಇಲ್ಲೆ.

ರೋಮ್ 14:8

ನಂಗ ಬದ್‍ಕಿಯಂಡಿಂಜತೇಂಗಿ ಒಡೆಯಂಗಾಯಿತ್ ಬದ್‍ಕಿಯಂಡುಂಡ್. ನಂಗ ಚತ್ತತೇಂಗಿಯು ಒಡೆಯಂಗಾಯಿತ್ ಚತ್ತ್ ಪೋಪ; ಆನಗುಂಡ್, ನಂಗ ಬದ್‍ಕಿಯಂಡಿಂಜತೇಂಗಿಯು, ಚತ್ತತೇಂಗಿಯು ಒಡೆಯಂಗ್ ಕೂಡ್‍ನಯಿಂಗಳಾಯಿತುಂಡ್.

ರೋಮ್ 4:21

ದೇವ ವಾಗ್ದಾನ ಮಾಡ್‍ನದ್‍ನ ನೆರೆವೇರಿಚಿಡುವಕ್ ಅಂವೊಂಗ್ ಶಕ್ತಿ ಉಂಡ್‍ೕಂದ್ ನಿಶ್ಚಯವಾಯಿತ್ ನಂಬ್‍ಚಿ.

ರೋಮ್ 6:23

ಪಾಪತ್‍ರ ಸಂಬಳ ಚಾವ್; ದೇವಡ ಇನಾಮ್ ನಂಗಡ ಒಡೆಯನಾನ ಯೇಸು ಕ್ರಿಸ್ತನಗುಂಡ್ ಕ್‍ಟ್ಟ್‌ವ ನಿತ್ಯ ಜೀವ.

1 ಕೊರಿಂಥ 15:24

ಇದಾನ ಪಿಂಞ ಅಂತ್ಯಕಾಲ ಬಪ್ಪ, ಅಕ್ಕ ಕ್ರಿಸ್ತ, ಎಲ್ಲಾ ರಾಜ್ಯಬಾರತ್‍ನ, ಎಲ್ಲಾ ಅದಿಕಾರತ್‍ನ, ಎಲ್ಲಾ ಶಕ್ತಿಯಳ ನಾಶ ಮಾಡಿತ್, ಅಪ್ಪನಾನ ದೇವಕ್ ಒಪ್ಪ್‌ಚಿಡುವ.

2 ಕೊರಿಂಥ 11:14

ಇದ್ ಒಂದು ಆಶ್ಚರ್ಯ ಅಲ್ಲ, ಎನ್ನಂಗೆಣ್ಣ್‌ಚೇಂಗಿ, ಸೈತಾನ ಸಹ ಬೊಳಿರ ದೂತಂಡ ವೇಷತ್‍ನ ಇಟ್ಟಂಡುಂಡಲ್ಲ?

2 ಕೊರಿಂಥ 4:13

ನಾನ್ ನಂಬಿಯೆ, ಆನಗುಂಡ್ ತಕ್ಕ್ ಪರ್ಂದಂಡುಳ್ಳ್‌ೕಂದ್ ಒಳ್‍ದಿತುಳ್ಳನೆಕೆ, ನಂಗಳು ಆ ನಂಬಿಕೇರ ಆತ್ಮತ್‌ನ ಪಡ್ಂದಯಿಂಗಳಾಯಿತ್, ನಂಬಿಕೇರಗುಂಡ್ ತಕ್ಕ್ ಪರ್ಂದಂಡುಂಡ್.

ಎಫೆಸ 1:21

ಅಂವೊನ ಪರಲೋಕತ್‍ಲ್ ತಾಂಡ ಬಲ್‌ತೆ ಬರಿಲ್ ಅಳ್‌ಪಕ್ ಮಾಡ್‍ಚಿ.

ಕೊಲೊಸ್ಸೆ 1:16

ಎನ್ನಂಗೆಣ್ಣ್‌ಚೇಂಗಿ, ಅಂವೊನಗುಂಡ್ ದೇವ ಎಲ್ಲಾನ ಸೃಷ್ಟಿ ಮಾಡ್‍ಚಿ. ಪರಲೋಕತ್‍ಲ್ ಉಳ್ಳದು, ಬೂಲೋಕತ್‍ಲ್ ಉಳ್ಳದು, ಕಾಂಬಕುಳ್ಳದು, ಕಾಂಬಕಯ್ಯತದು, ರಾಜಂಗಳು, ರಾಜ್ಯಂಗಳು, ಏದ್ ಅದಿಕಾರವು, ಅದಿಕಾರಿಯಂಗಳು, ಇದೆಲ್ಲಾ ಅಂವೊಂಡ ಮೂಲಕ, ಅಂವೊಂಗಾಯಿತ್ ಸೃಷ್ಟಿ ಮಾಡ್‍ಚಿ.

ಕೊಲೊಸ್ಸೆ 2:15

ಆ ಶಿಲುಬೇಲ್, ಕ್ರಿಸ್ತ ಅಂವೊನ ಪುಡ್‍ಚಿ ಬೆಚ್ಚಿತ್ಂಜ ಎಲ್ಲಾ ಶಕ್ತಿನ, ದೆವ್ವತ್‍ರ ಅದಿಕಾರತ್‍ನ ಒರ್ ಶಕ್ತಿಯು ಇಲ್ಲತನೆಕೆ ಮಾಡಿರ್‌ತ್. ಅಂವೊ ಅದ್‍ನೆಲ್ಲಾ, ಅಂವೊಂಡ ಕೈಯಿಕ್ ಕ್‍ಟ್ಟ್‌ನನೆಕೆ ಎಲ್ಲಾಡ ಮಿಂಞ ಎಲ್ಲಾರು ಕಾಂಬನೆಕೆ ಅದ್‍ನೆಲ್ಲಾ ಕೊಂಡ್ ಬಂದಿತ್ ಶಿಲುಬೇರೆ ಮೇಲೆ ಅಯಿಂಗಳ ಗೆದ್ದತ್.

2 ತಿಮೊಥೆಯ 1:12

ಇದ್ಂಗಾಯಿತ್ ನಾನ್ ಇಕ್ಕ ಕಷ್ಟಪಟ್ಟಂಡ್ ಉಳ್ಳ. ಆಚೇಂಗಿ ನಾಕ್ ಞಾಣ ಆಪುಲೆ, ಎನ್ನಂಗೆಣ್ಣ್‌ಚೇಂಗಿ, ನಾನ್ ದಾಡ ಮೇಲೆ ನಂಬಿಕೆ ಬೆಚ್ಚಿತ್ ಉಂಡ್‍ೕಂದ್ ನಾಕ್ ಗೊತ್ತುಂಡ್. ನಾನ್ ಅಂವೊಂಡ ಪಕ್ಕ ಒಪ್ಪ್‌ಚಿಟ್ಟದ್‍ನ, ಅಂವೊ ಆ ದಿನಕತ್ತನೆ ಕಾಪಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್‍ೕಂದ್ ನಾನ್ ದೃಡವಾಯಿತ್ ನಂಬಿತುಳ್ಳ.

ಇಬ್ರಿಯ 11:13

ಈಂಗೆಲ್ಲಾ ದೇವ ವಾಗ್ದಾನ ಮಾಡ್‍ನದ್‍ನ ಪಡಯತೆ, ದೂರತ್‍ಲ್ ಅದ್‍ನ ನೋಟಿತ್, ನಂಬಿಕೇಲ್ ಮನಸ್ಸ್‌ಲ್ ಎಡ್‍ತಂಡ್, ಈ ಲೋಕತ್‍ಲ್ ಅಯಿಂಗಳ ಅನ್ಯ ಜನ ಪಿಂಞ ಜಾಗ ಇಲ್ಲತಯಿಂಗಾಂದ್ ಅರಿಕೆ ಮಾಡಿಯಂಡ್ ನಂಬಿಕೇಲ್ ಚತ್ತ್ ಪೋಚಿ.

1 ಪೇತ್ರ 3:22

ಅಂವೊ ಪರಲೋಕಕ್ ಪೋಯಿತ್, ದೇವಡ ಬಲ್‌ತೆ ಬರಿಲ್ ಅಳ್‌ತಿತ್ ಉಂಡ್; ದೇವದೂತಂಗ, ಅದಿಕಾರ, ಶಕ್ತಿ ಅಂವೊಂಡ ಅಡಿಲ್ ಅಡಕತ್‍ಲ್ ಉಂಡ್.