ರೋಮ್ 8:37 - ಕೊಡವ ಬೈಬಲ್

³⁷ ನಂಗ, ನಂಗಳ ಪ್ರೀತಿಮಾಡ್‌ವಂವೊಂಡ ಮೂಲಕ ನಂಗಕ್ ಬಪ್ಪ ಇದ್‍ನೆಲ್ಲ, ಪೂರ್ತಿಯಾಯಿತ್ ಗೆದ್ದಂಡುಂಡ್.

ರೋಮ್ 8:37 ပူးပေါင်းရင်းမြစ်များ

ಯೋಹಾನ 16:33

ನಿಂಗಕ್ ನಾಡಲ್ಲಿ ಸಮಾದಾನ ಇಕ್ಕಂಡೂಂದ್ ನಾನ್ ನಿಂಗಕ್ ಇದ್‍ನೆಲ್ಲಾ ಎಣ್ಣಿಯೆ. ಲೋಕತ್‍ಲ್ ನಿಂಗಕ್ ಕಷ್ಟ ಉಂಡ್ ಆಚೇಂಗಿಯು ದೈರ್ಯತ್‍ಲ್ ಇರಿ; ನಾನ್ ಲೋಕತ್‍ನ ಗೆದ್ದಿಯೇಂದ್ ಎಣ್ಣ್‌ಚಿ.

ರೋಮ್ 8:35

ಕಷ್ಟತ್‍ಲ್ ಇಂಜತೇಂಗಿಯು, ನೊಂಬಲತ್‍ಲ್ ಇಂಜತೇಂಗಿಯು, ಹಿಂಸೆ ಬಾತೇಂಗಿಯು, ಕೆಲ ಪಯಿಚಂಡ್ ಇಂಜತೇಂಗಿಯು, ಬಟ್ಟೆ ಇಲ್ಲತೆ ಇಂಜತೇಂಗಿಯು, ಅಪಾಯ ಬಾತೇಂಗಿಯು, ಬಾಳ್ ಕತ್ತಿ ನಂಗಕ್ ವಿರೋದವಾಯಿತ್ ಬಾತೇಂಗಿಯು, ಕ್ರಿಸ್ತಂಡ ಪ್ರೀತಿಯಿಂಜ ನಂಗಳ ಬೋರೆ ಮಾಡ್‌ವಂವೊ ದಾರ್?

1 ಕೊರಿಂಥ 15:54

ಮಣ್ಣ್‌ಕ್ ಬುದ್ದಿತ್ ಪಾಳಾಯಿಪೋಪಕಿಂಜ, ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಯಿಂಗಡ ತಡಿ ಎಕ್ಕಾಲು ಚಾವ್ ಇಲ್ಲತ ತಡಿಕ್ ಬದ್‍ಲಾಪಕ, ಚಾವ್ ಒಮ್ಮಕೆ ಪಾಳಾಯಿ ಪೋಚಿ, ಜಯ ಬಾತ್ ಎಣ್ಣುವ ದೇವಡ ವಾಕ್ಯ ಪೂರ್ತಿಯಾಪ.

1 ಕೊರಿಂಥ 15:57

ನಂಗಡ ಒಡೆಯನಾನ ಯೇಸು ಕ್ರಿಸ್ತನಗುಂಡ್ ನಂಗಕ್ ಎಕ್ಕಾಲು ಜಯ ತಪ್ಪ ದೇವನ ನಂಗ ಕೊಂಡಾಡನ.

2 ಕೊರಿಂಥ 12:19

ನಂಗ ಯೋಗ್ಯವಾನಯಿಂಗಾಂದ್ ಕಾಂಬ್‍ಚಿಡುವಕಾಯಿತ್ ಇನ್ನನೆ ತಕ್ಕ್ ಪರ್ಂದಂಡುಳ್ಳ್ಂದ್ ಗೇನಮಾಡಿಯಡುಳ್ಳಿರಾ? ದೇವಡ ಮಿಂಞತ್ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ತಕ್ಕ್ ಪರ್ಂದಂಡುಳ್ಳ. ನಾಡ ಪ್ರೀತಿರ ಜನಳೇ, ನಿಂಗ ಬಕ್ತಿಲ್ ಬೊಳಿಯುವಕಾಯಿತೇ ಇದ್‍ನೆಲ್ಲಾ ಮಾಡಿಯಂಡುಳ್ಳ.

2 ಕೊರಿಂಥ 12:9

ಅದ್ಂಗ್ ಅಂವೊ: ನಾಡ ಕೃಪೆ ನೀಕ್ ಮದಿ, ಬಲಹೀನವಾನ ಸಮಯತ್‍ಲ್ ನಾಡ ಬಲ ನೀಕ್ ಪೂರ್ತಿಯಾಯಿತ್ ಕ್‌ಟ್ಟುವಾಂದ್ ಎಣ್ಣ್‌ಚಿ. ಆನಗುಂಡ್ ಕ್ರಿಸ್ತಂಡ ಶಕ್ತಿ ನಾಡಲ್ಲಿ ನಿಪ್ಪಕಾಯಿತ್, ನಾಡ ಬಲಹೀನವಾನ ವಿಷಯತ್‍ಲ್ ನಾನ್ ದುಂಬ ಕುಶೀಲ್ ಹೊಗಳಿಯಂಡುಳ್ಳ.

2 ಕೊರಿಂಥ 2:14

ಆಚೇಂಗಿ, ಕ್ರಿಸ್ತಂಡಲ್ಲಿ ಎಕ್ಕಾಲು ನಂಗಕ್ ಜಯ ಕ್‍ಟ್ಟ್‌ವನೆಕೆ ಮಾಡಿತ್, ಎಲ್ಲಾ ಜಾಗತ್‍ಲು ನಂಗಡ ಮೂಲಕ ಅಂವೊನ ಅರಿವಕುಳ್ಳ ಬುದ್ದಿ ಎಣ್ಣುವ ಸುಗಂದ ವಾಸನೆನ ಪಬ್ಬ್‌ಚಿಡ್‌ವ ದೇವಕ್ ವಂದನೆ.

ಗಲಾತ್ಯ 2:20

ನಾನ್ ಕ್ರಿಸ್ತಂಡ ಕೂಡೆ ಶಿಲುಬೇಲ್ ಚತ್ತ್ ಪೋಯೆ. ಆಚೇಂಗಿ, ಬದ್‍ಕಿಯಂಡುಂಡ್; ಇಂಞು ಮಿಂಞಕ್ ನಾನ್ ಅಲ್ಲ, ಕ್ರಿಸ್ತನೇ ನಾಡ ಒಳ್‍ಲ್ ಬದ್‍ಕ್‍ವ; ನಾನ್ ಇಕ್ಕ ತಡೀಲ್ ಬದ್‍ಕಿಯಂಡುಳ್ಳದ್ ಎನ್ನನೆ ಎಣ್ಣ್‌ಚೇಂಗಿ, ನಾಡ ಮೇಲೆ ದುಂಬ ಪ್ರೀತಿ ಬೆಚ್ಚಿತ್, ತಾಂಡ ಜೀವತ್‍ನ ಒಪ್ಪ್‌ಚಿಟ್ಟ ದೇವಡ ಮೋಂವೊಂಡ ಮೇಲೆ ಉಳ್ಳ ನಂಬಿಕೇಲ್ ಬದ್‍ಕಿಯಂಡುಂಡ್.

ಎಫೆಸ 5:2

ಕ್ರಿಸ್ತ ನಂಗಳ ಪ್ರೀತಿ ಮಾಡಿತ್, ನಂಗಕಾಯಿತ್, ದೇವಕ್ ಎನ್ನನೆ ಅಂವೊನನೇ ಒರ್ ಸುಗಂದ ವಾಸನೆರ ಕಾಣಿಕೆಯಾಯಿತು, ಬಲಿಯಾಯಿತು ಒಪ್ಪ್‌ಚಿಟ್ಟತೋ ಅನ್ನನೆ ನಿಂಗಳು ಸಹ ಪ್ರೀತಿಲ್ ನಡ್‌ಕಂಡು.

2 ಥೆಸಲೊನೀಕ 2:16

ನಂಗಡ ಒಡೆಯನಾನ ಯೇಸು ಕ್ರಿಸ್ತನು, ನಂಗಡ ಮೇಲೆ ಪ್ರೀತಿ ಬೆಚ್ಚಿತ್ ನಂಗಡ ಹೃದಯತ್‍ಲ್ ನಿತ್ಯ ಒತ್ತಾಸೆನೆ, ಕುಶೀರ ನಿರಿಕ್ಷೇನ, ನಂಗಕ್ ಕೃಪೆಯಾಯಿತ್ ದಾನಮಾಡ್‍ನ ಅಪ್ಪನಾನ ದೇವನು,

1 ಯೋಹಾನ 4:10

ನೇರಾನ ಪ್ರೀತಿ ಎಂತ ಎಣ್ಣ್‌ಚೇಂಗಿ, ನಂಗ ದೇವಡ ಮೇಲೆ ಬೆಚ್ಚ ಪ್ರೀತಿ ಅಲ್ಲ, ದೇವ ನಂಗಡ ಮೇಲೆ ಬೆಚ್ಚ ಪ್ರೀತಿಯೇ. ಅದ್, ನಂಗಡ ಪಾಪತ್‍ನ ಪರಿಹಾರ ಮಾಡ್‌ವಕ್ ದೇವ ತಾಂಡ ಒರೇ ಮೋಂವೊನ ಈ ಲೋಕಕ್ ಅಯಿಚದ್.

1 ಯೋಹಾನ 4:19

ನಂಗ ಪ್ರೀತಿ ಮಾಡ್‌ವಕ್ ಮಿಂಞ ದೇವ ನಂಗಳ ಪ್ರೀತಿ ಮಾಡ್‍ನಗುಂಡ್ ನಂಗ ಅಂವೊನ ಪ್ರೀತಿ ಮಾಡ್‌ವ.

1 ಯೋಹಾನ 4:4

ಆಚೇಂಗಿ ನಾಡ ಪ್ರೀತಿರ ಮಕ್ಕಳೇ, ನಿಂಗ ದೇವಡ ಪಕ್ಕ ಕೂಡ್‌ನಯಿಂಗಳಾಯಿತ್ ಉಳ್ಳಗುಂಡ್, ಅಯಿಂಗಳ ಗೆದ್ದಿತುಳ್ಳಿರ. ಎನ್ನಂಗೆಣ್ಣ್‌ಚೇಂಗಿ ನಿಂಗಡ ಒಳ್‍ಲ್ ಉಳ್ಳ ಆತ್ಮ ಈ ಲೋಕತ್‍ರ ಜನಡ ಆತ್ಮಕಿಂಜ ಶಕ್ತಿವಂತಂವೊನಾಯಿತುಂಡ್.

ಯೂದ ಒಳ್‍ದ್‍ನ ಕಾಗದ 1:24

ತಾಂಡ ಮಹಿಮೆಯುಳ್ಳ ಪ್ರಸನ್ನತ್‌ಲ್ ಬಲ್ಯ ಕುಶೀಲ್ ಒರ್ ತಪ್ಪು ಇಲ್ಲತಯಿಂಗಳಾಯಿತ್ ನಿಂಗಳ ಬೂವತನೆಕೆ ನಿಪ್ಪ್‌ಚಿಡ್‍ವಕ್ ಶಕ್ತಿಯುಳ್ಳಂವೊನು,

ಪ್ರಕಟನೆ 1:5

ನೇರಾನ ಸಾಕ್ಷಿ ಉಳ್ಳಂವೊನಾಯಿತು, ಚತ್ತಯಿಂಗಡ ಮದ್ಯತ್ಂಜ ಆದ್ಯವಾಯಿತ್ ಜೀವತ್‍ಲ್ ಎದ್ದಂವೊನಾಯಿತು, ಈ ಲೋಕತ್‍ರ ರಾಜಂಗಕೆಲ್ಲಾ ಅದಿಪತಿಯಾಯಿತು ಉಂಡ್. ಅಂವೊ ನಂಗಳ ಪ್ರೀತಿ ಮಾಡಿತ್, ತಾಂಡ ಸ್ವಂತ ಚೋರೆನಗುಂಡ್ ನಂಗಳ ಪಾಪತ್ಂಜ ಬುಡ್‍ಗಡೆ ಮಾಡಿತ್,

ಪ್ರಕಟನೆ 12:11

ಚಾವನೆಕೆ ಕಷ್ಟ ಬಾತೇಂಗಿಯು, ಅದ್‍ಯಿಂಜ ತಪ್ಪ್‌ಚಿಡುವಕಾಯಿತ್, ಅಯಿಂಗಡ ಜೀವತ್‍ನ ಸಹ ನೋಟತೆ, ಕೊರಿಕುಟ್ಟಿರ ಚೋರೆರ ಮೂಲಕ, ಪಿಂಞ ಅಯಿಂಗಡ ಸಾಕ್ಷಿರ ವಾಕ್ಯತ್‍ರ ಮೂಲಕ ಸೈತಾನನ ಗೆದ್ದತ್.

ಪ್ರಕಟನೆ 17:14

ಈಂಗ ಕೊರಿಕುಟ್ಟಿಯಾನವೊಂಡ ಕೂಡೆ ಯುದ್ದ ಮಾಡ್‌ವ. ಆಚೇಂಗಿ ಅಂವೊ ದೇವಾದಿ ದೇವನು ರಾಜಾದಿ ರಾಜನು ಆನಗುಂಡ್ ಅಯಿಂಗಳ ಗೆಲ್ಲುವ; ಅಂವೊಂಡ ಕೂಡೆ ಉಳ್ಳಯಿಂಗಳ, ಅಂವೊ ಕಾಕ್‌ನಯಿಂಗಾಂದು, ಗೊತ್ತ್ ಮಾಡ್‍ನಯಿಂಗಾಂದು, ನಂಬಿಕಸ್ತಂಗಾಂದು ಎಣ್ಣುವಾಂದು ಎಣ್ಣ್‌ಚಿ.

ಪ್ರಕಟನೆ 21:7

ದಾರೆಲ್ಲಾ ಗೆಲ್ಲುವ ಅಯಿಂಗ, ಎಲ್ಲಾಂಗು ಬಾದ್ಯಕಾರಂಗಳಾಯಿತ್ ಇಪ್ಪ. ನಾನ್ ಅಂವೊಂಡ ದೇವನಾಯಿತಿಪ್ಪಿ ಅಂವೊ ನಾಡ ಮೋಂವೊನಾಯಿತ್‌ಪ್ಪ.

ಪ್ರಕಟನೆ 3:9

ಇದಾ, ಯೆಹೂದ್ಯ ಅಲ್ಲತಯಿಂಗಳಾಯಿತ್ ಇಂಜತೇಂಗಿಯು ಯೆಹೂದ್ಯಂಗಾಂದ್ ಪೊಟ್ಟ್ ಪರ್ಂದಂಡುಳ್ಳ ಸೈತಾನಂಡ ಸಬಾಮಂದಿರಕ್ ಕೂಡ್‍ನ ಚೆನ್ನ ಜನಳ ನೀಕ್ ತಪ್ಪಿ; ಇದಾ, ಅಯಿಂಗ ನೀಡ ಕಾಲ್‌ಕ್ ಬೂವನೆಕೆ ನಾನ್ ಮಾಡ್‌ವಿ. ನಾನ್ ನಿನ್ನ ಪ್ರೀತಿ ಮಾಡಿಯಂಡುಳ್ಳ್‍ೕಂದ್ ಗೊತ್ತಾಪನೆಕೆ ಇನ್ನನೆ ಮಾಡ್‌ವಿ.