ರೋಮ್ 8:34 - ಕೊಡವ ಬೈಬಲ್

³⁴ ಅಕ್ಕ, ತೀರ್ಪ್ ಮಾಡ್‌ವಯಿಂಗ ದಾರ್? ಕ್ರಿಸ್ತನೇ ನಂಗಕಾಯಿತ್ ಚತ್ತಂವೊ. ಅಲ್ಲತೆ, ಅಂವೊನೇ ನಂಗಕಾಯಿತ್ ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಂದಂವೊ. ಅಂವೊನೇ ದೇವಡ ಬಲ್‌ತೆ ಬರಿಲ್ ಅಳ್‌ತಂಡಿಪ್ಪಂವೊ, ನಂಗಕಾಯಿತ್ ದೇವಡ ಪಕ್ಕ ಬೋಡುವಂವೊನು ಅಂವೊನೇ.

ರೋಮ್ 8:34 ပူးပေါင်းရင်းမြစ်များ

ಮತ್ತಾಯ 20:28

ಅನ್ನನೆ, ಮನುಷ್ಯಕುಮಾರ ಸಹ ಬೋರೆಯಿಂಗಡಿಂಜ ಸೇವೆ ಮಾಡ್‌ಚಿಟ್ಟ್‌ವಕಾಯಿತ್ ಬಂದಿತ್ತ್‌ಲ್ಲೆ. ಆಚೇಂಗಿ ಸೇವೆ ಮಾಡ್‌ವಕಾಯಿತು, ದುಂಬ ಜನಳ ಬುಡ್‍ಗಡೆ ಮಾಡ್‌ವಕ್ ತಾಂಡ ಜೀವತ್‍ನ ಕೊಡ್‍ಪಕಾಯಿತು ಬಂದಿಯೇಂದ್ ಎಣ್ಣ್‌ಚಿ.

ಮಾರ್ಕ 16:19

ಇದ್‍ನೆಲ್ಲಾ ಒಡೆಯನಾನ ಯೇಸು ತಕ್ಕ್ ಪರ್ಂದಿತ್ ಆನ ಪಿಂಞ ಅಂವೊನ ಪರಲೋಕಕ್ ಎಡ್‍ತಂಡ್ ಪೋಚಿ, ಅಂವೊ ದೇವಡ ಬಲ್‌ತೆ ಬರಿಲ್ ಅಳ್‌ತತ್.

ಯೋಹಾನ 14:19

ಇಂಞು ಚೆನ್ನ ಸಮಯ ಆನ ಪಿಂಞ ಈ ಲೋಕತ್‍ರ ಜನ ನನ್ನ ಕಾಂಬುಲೆ. ಆಚೇಂಗಿ ನಿಂಗ ಕಾಂಬಿರ. ನಾನ್ ಬದ್‍ಕಿಯಂಡುಳ್ಳಗುಂಡ್, ನಿಂಗಳು ಬದ್‍ಕ್‍ವಿರ.

ಯೋಹಾನ 16:23

ಆ ದಿವಸ ಬಪ್ಪಕ, ನನ್ನ ನಿಂಗ ಒಂದು ಕ್‍ೕಪುಲೆ. ನಾಡ ಪೆದತ್‍ಲ್ ನಿಂಗ ಅಪ್ಪಂಡ ಪಕ್ಕ ಎಂತ ಕ್‍ೕಪಿರೋ ಅದ್‍ನೆಲ್ಲಾ ನಿಂಗಕ್ ಅಪ್ಪ ತಪ್ಪಾಂದ್ ನೇರಾಯಿತು ನೇರಾಯಿತು ನಾನ್ ನಿಂಗಕ್ ಎಣ್ಣ್‌ವಿ.

ಅಪೊಸ್ತಲ 2:24

ಆಚೇಂಗಿ ದೇವ ಅಂವೊನ ಮರಣತ್‌ರ ಅದಿಕಾರತ್ಂಜ ಬಲಿಪಂಜಿ, ಚಾವ್‍ಯಿಂಜ ಎಪ್ಪ್‌ಚಿ. ಎನ್ನಂಗೆಣ್ಣ್‌ಚೇಂಗಿ ಚಾವ್‍ಕ್ ಅಂವೊನ ಪುಡ್‌ಚಿತ್ ಬೆಪ್ಪಕ್ ಕಯಿಂಜಿತ್ತ್‌ಲ್ಲೆ.

ರೋಮ್ 14:13

ಆನಗುಂಡ್ ಇಂಞು ಮಿಂಞಕ್ ನಂಗ ದಾರ್‌ನು ತಪ್ಪ್ ಮಾಡ್‍ನಂವೋಂದ್ ತೀರ್ಪ್ ಮಾಡ್‌ವಕ್ಕಾಗ. ಒಬ್ಬನು ತಾಂಡ ಅಣ್ಣತಮ್ಮಣಂಗ ಬುದ್ದ್‌ಪೋಪನೆಕೆಯು, ಬೊಳಿಯುವದ್‍ನ ತಡ್‍ಪನೆಕೆ ಮಾಡ್‌ವಕ್ಕಾಗ.

ರೋಮ್ 14:9

ಚತ್ತಯಿಂಗಕು, ಬದ್‍ಕಿಯಂಡುಳ್ಳಯಿಂಗಕು ಒಡೆಯನಾಯಿತ್‌ಪ್ಪಕಾಯಿತ್ ಕ್ರಿಸ್ತ ಚತ್ತ್ ಎದ್ದಿತ್ ಬದ್‍ಕಿಯಂಡ್ ಉಂಡ್.

ರೋಮ್ 4:25

ನಂಗ ನೀತಿವಂತಯಿಂಗಳಾಯಿತ್ ಆಂಡೂಂದ್, ನಂಗಡ ಪಾಪಕಾಯಿತ್ ಅಂವೊನ ಚಾವ್‍ಕ್ ಒಪ್ಪ್‌ಚಿಟ್ಟಿತ್, ಅಂವೊನ ಚಾವ್‍ಯಿಂಜ ಎಪ್ಪ್‌ಚಿಟ್ಟತ್.

ರೋಮ್ 8:1

ಆನಗುಂಡ್, ದೇವ ಅಂವೊನ ನಂಬತಯಿಂಗಕ್ ತಪ್ಪ ಶಿಕ್ಷೆ, ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಉಳ್ಳಯಿಂಗಕ್ ತಪ್ಪುಲೆ.

ರೋಮ್ 8:27

ದೇವಡ ಚಿತ್ತತ್‍ರನೆಕೆ ಪವಿತ್ರಾತ್ಮ ದೇವಡ ಮಕ್ಕಕಾಯಿತ್ ಬೋಡಿಯಂಡುಳ್ಳಾಂಗ್, ಹೃದಯತ್‍ನ ನೋಟಿಯಂಡುಳ್ಳ ದೇವಕ್, ಪವಿತ್ರಾತ್ಮತ್‍ರ ಗೇನ ಎಂತ್‍ೕಂದ್ ಗೊತ್ತುಂಡ್.

ಕೊಲೊಸ್ಸೆ 3:1

ಆನಗುಂಡ್, ಕ್ರಿಸ್ತಂಡ ಕೂಡೆ ಆತ್ಮೀಯವಾಯಿತ್ ಜೀವತ್‍ಲ್ ಎದ್ದಿತ್ ಉಂಡೇಂಗಿ, ಕ್ರಿಸ್ತ, ದೇವಡ ಬಲ್‌ತೆ ಬರಿಲ್ ಅಳ್‌ತಂಡುಳ್ಳ ಜಾಗತ್‍ಲ್ ಉಳ್ಳ ಪರಲೋಕತ್‍ರ ವಿಷಯತ್‍ನ ತ್‍ೕಡಂಡು.

ಇಬ್ರಿಯ 1:3

ಇಂವೊ ದೇವಡ ಮಹಿಮೇರ ಬೊಳಿಯು, ಅಂವೊಂಡ ರೂಪತ್‍ರ ಪ್ರತಿಮೆಯುವಾಯಿತುಂಡ್. ಅದಲ್ಲತೆ, ಎಲ್ಲಾನ ಅಂವೊಂಡ ಶಕ್ತಿ ದುಂಬ್‍ನ ವಾಕ್ಯತ್‍ರಗುಂಡ್ ಪೊರ್‍ತಂಡ್ ಅಂವೊನಗುಂಡ್ ನಂಗಡ ಪಾಪತ್‍ನ ಕಳೆಯುವಕಾಯಿತ್ ಶುದ್ದ ಮಾಡ್‌ವ ಕ್ರಿಯೇನ ಮಾಡ್‍ಚಿ. ಪಿಂಞ ಪರಲೋಕತ್‍ಲ್ ಉಳ್ಳ ಮಹಿಮೆ ದುಂಬ್‍ನಂವೊಂಡ ಬಲ್‌ತೆ ಬರಿಲ್ ಅಳ್‌ತತ್.

ಇಬ್ರಿಯ 7:25

ಆನಗುಂಡ್, ತಾಂಡ ಮೂಲಕ ದೇವಡ ಪಕ್ಕ ಬಪ್ಪಯಿಂಗಕಾಯಿತ್ ಎಕ್ಕಾಲು ದೇವಡ ಮಿಂಞತ್ ಬೋಡ್‌ವನೆಕೆ ಬದ್‍ಕಿಯಂಡಿಪ್ಪಗುಂಡ್, ಅಯಿಂಗಳ ಪೂರ್ತಿಯಾಯಿತ್ ರಕ್ಷಣೆ ಮಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್.

ಇಬ್ರಿಯ 9:24

ಅನ್ನನೆ ಕ್ರಿಸ್ತ, ನೇರಾನ ಪವಿತ್ರವಾಯಿತುಳ್ಳ ಜಾಗಕ್ ಗುರ್‌ತಾಯಿತುಳ್ಳ ಮನುಷ್ಯ ಮಾಡ್‍ನ ಗುಡಾರತ್‍ರ ಮೂಲಕ ಬಂದಿತ್‌ಲ್ಲೆ. ಆಚೇಂಗಿ, ಪರಲೋಕತ್‍ಲ್ ಇಕ್ಕ ನಂಗಕಾಯಿತ್ ದೇವಡ ಸನ್ನಿದಾನತ್‍ಲ್ ಪ್ರತ್ಯಕ್ಷ ಆಪನೆಕೆ ಅಂವೊ ಪೋಯಿತುಂಡ್.

1 ಪೇತ್ರ 3:18

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಸಹ ನಂಗಳ ದೇವಡ ಪಕ್ಕ ಕೊಂಡ್ ಬಪ್ಪಕಾಯಿತ್, ಅನೀತಿ ಉಳ್ಳಯಿಂಗಕ್ ಬದ್‍ಲಾಯಿತ್ ನೀತಿಯುಳ್ಳಂವೊನಾಯಿತ್ ಒರೇ ಕುರಿ ಪಾಪತ್‍ರಗುಂಡ್ ಕಷ್ಟಪಟ್ಟತ್; ಅಂವೊ ತಡೀಲ್ ಚತ್ತತ್, ಆತ್ಮತ್‍ಲ್ ಜೀವವಾಯಿತ್ ಬಾತ್.

1 ಪೇತ್ರ 3:22

ಅಂವೊ ಪರಲೋಕಕ್ ಪೋಯಿತ್, ದೇವಡ ಬಲ್‌ತೆ ಬರಿಲ್ ಅಳ್‌ತಿತ್ ಉಂಡ್; ದೇವದೂತಂಗ, ಅದಿಕಾರ, ಶಕ್ತಿ ಅಂವೊಂಡ ಅಡಿಲ್ ಅಡಕತ್‍ಲ್ ಉಂಡ್.

ಪ್ರಕಟನೆ 1:18

ನಾನ್ ಚತ್ತ್‌ಪೋನ, ಆಚೇಂಗಿಯು ಇದಾ, ನಾನ್ ಎಕ್ಕಾಲು ಬದ್‍ಕಿಯಂಡುಳ್ಳ. ಚಾವ್ ಪಿಂಞ ಪಾತಾಳತ್‍ರ ಬೀತ್‍ಕೈ ನಾಡ ಪಕ್ಕ ಉಂಡ್.