ರೋಮ್ 8:33 - ಕೊಡವ ಬೈಬಲ್

³³ ದೇವ ಗೊತ್ತ್ ಮಾಡ್‍ನಯಿಂಗಡ ಮೇಲೆ ಕುತ್ತ ಪರಿಯುವಯಿಂಗ ದಾರ್? ದೇವನೇ ಅಯಿಂಗಳ ನೀತಿವಂತಯಿಂಗಳಾಯಿತ್ ಮಾಡ್‍ಚಿ.

ರೋಮ್ 8:33 ပူးပေါင်းရင်းမြစ်များ

ಮತ್ತಾಯ 24:24

ಎನ್ನಂಗೆಣ್ಣ್‌ಚೇಂಗಿ, ಕಳ್ಳ ಕ್ರಿಸ್ತಂಗ ಪಿಂಞ ಕಳ್ಳ ಪ್ರವಾದಿಯಂಗ ಬಂದಿತ್, ಕಯ್ಯುವೇಂಗಿ ದೇವ ಗೊತ್ತ್ ಮಾಡಿತುಳ್ಳಯಿಂಗಡ ನಂಬಿಕೇನ ಕೆಡ್‍ತ್‌ವಕ್ ವಂಚನೆ ಮಾಡ್‌ವನೆಕೆ ಗುರ್‌ತ್ ಕಾಟಿತ್ ಆಶ್ಚರ್ಯ ಕಾರ್ಯತ್‍ನ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:7

ಅನ್ನನೆ, ದೇವ ಗೊತ್ತ್ ಮಾಡ್‍ನಯಿಂಗಡಲ್ಲಿ ಪೋಲ್ ಬಯಿಟ್ ಮೊರೆ ಇಟ್ಟಂಡುಳ್ಳಯಿಂಗಡ ನ್ಯಾಯತ್‍ನ ಕ್‍ೕಟಿತ್ ಅದ್‍ನ ಎಡ್‍ಕತೆ ಇಪ್ಪ?

ರೋಮ್ 3:26

ಆಚೇಂಗಿ, ಇಕ್ಕ, ಅನ್ನನೆ ಮಾಡಿತ್, ಅಂವೊಂಡ ನೀತಿನ ಕಾಂಬ್‍ಚಿಟ್ಟಂಡುಂಡ್. ಇನ್ನನೆ ಮಾಡ್‍ನಗುಂಡ್, ದೇವ ಒಬ್ಬನೇ ನೀತಿವಂತಂವೋಂದು, ಯೇಸುನ ನಂಬುವಯಿಂಗಳ ದೇವಡ ಮಿಂಞತ್ ನೀತಿವಂತಯಿಂಗಳಾಯಿತ್ ಮಾಡಿಯಂಡ್ ಉಂಡ್‍ೕಂದು ಗೊತ್ತಾಚಿ.

ರೋಮ್ 8:1

ಆನಗುಂಡ್, ದೇವ ಅಂವೊನ ನಂಬತಯಿಂಗಕ್ ತಪ್ಪ ಶಿಕ್ಷೆ, ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಉಳ್ಳಯಿಂಗಕ್ ತಪ್ಪುಲೆ.

ಗಲಾತ್ಯ 3:8

ಇದ್‍ಲ್ಲತೆ, ದೇವ ನಂಬಿಕೇರಗುಂಡ್ ಯೆಹೂದ್ಯ ಅಲ್ಲತೆ ಬೋರೆ ಜನಳ ನೀತಿವಂತಯಿಂಗಳಾಯಿತ್ ಮಾಡ್‌ವಾಂದ್ ದೇವಡ ವಾಕ್ಯ ಮಿಂಞಲೇ ಗೊತ್ತ್ ಮಾಡ್‍ಚಿ. ಆನಗುಂಡ್ ದೇವ ಅಬ್ರಹಾಮಂಗ್ ನೀಡಗುಂಡ್ ಲೋಕತ್‍ರ ಎಲ್ಲಾ ಜಾತಿಯಕ್ ಆಶೀರ್ವಾದ ಕ್‍ಟ್ಟ್‌ವಾಂದ್ ಮಿಂಞಲೇ ಈ ನಲ್ಲ ಸುದ್ದಿನ ಎಣ್ಣ್‌ಚಿ.

1 ಥೆಸಲೊನೀಕ 1:4

ನಂಗಡ ಅಣ್ಣತಮ್ಮಣಂಗಳೇ, ನಿಂಗಳ ದೇವ ಎಚ್ಚಕ್ ಪ್ರೀತಿ ಮಾಡಿಯಂಡ್ ಉಂಡ್‍ೕಂದ್ ಪಿಂಞ ಅಂವೊ ನಿಂಗಳ ಅಂವೊಂಡ ಸ್ವಂತ ಜನವಾಯಿತ್ ಆಯ್ಕೆ ಮಾಡಿತುಂಡ್‍ೕಂದ್ ನಂಗಕ್ ಗೊತ್ತುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:1

ದೇವಡ ಸೇವಕನಾಯಿತು, ಯೇಸು ಕ್ರಿಸ್ತಂಡ ಅಪೊಸ್ತಲನಾಯಿತು ಉಳ್ಳ ಪೌಲನಾನ ನಾನ್, ನಂಗಕುಳ್ಳ ಒರೇ ತರ ನಂಬಿಕೇರೆ ಮೂಲಕ ಕ್ರಿಸ್ತನಗುಂಡ್ ನಾಕ್ ನೇರಾನ ಮೋಂವೊನಾಯಿತ್ ಉಳ್ಳ ತೀತಂಗ್ ಒಳ್‍ದ್‍ವ ಕಾಗದ ಇದ್.

1 ಪೇತ್ರ 1:2

ಅಪ್ಪನಾನ ದೇವ ಎಲ್ಲಾಕಿಂಜ ಮಿಂಞ ಎಂತ ತೀರ್ಮಾನ ಮಾಡಿತ್ಂಜತೋ, ಅನ್ನನೆ ನಿಂಗಳ ಅಂವೊ ಗೊತ್ತ್ ಮಾಡಿತ್, ನಿಂಗ ಯೇಸು ಕ್ರಿಸ್ತಂಗ್ ಬಗ್ಗಿತ್ ನಡ್‍ಪನೆಕೆ, ಅಂವೊಂಡ ಚೋರೆರ ಮೂಲಕ ನಿಂಗ, ನಿಂಗಡ ಪಾಪತ್ಂಜ ಶುದ್ದ ಆಪನೆಕೆ, ಅಂವೊಂಡ ಆತ್ಮತ್‍ರ ಮೂಲಕ ನಿಂಗಳ ಬೋರೆ ಮಾಡಿತ್ ಶುದ್ದಮಾಡ್‍ಚಿ. ದುಂಬ್‍ನ ಕೃಪೆಯು ಸಮಾದಾನವು ನಿಂಗಕ್ ಇಂಞು ಕ್‍ಟ್ಟಡ್.