ರೋಮ್ 8:2 - ಕೊಡವ ಬೈಬಲ್

² ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಯೇಸುರಲ್ಲಿ ಉಳ್ಳ ಐಕ್ಯತ್‍ಲ್ ನಂಗಕ್ ಜೀವ ತಪ್ಪ ಪವಿತ್ರಾತ್ಮತ್‍ರ ಕಾನೂನ್, ನನ್ನ ಪಾಪ ಪಿಂಞ ಚಾವ್‍ರ ಕಾನೂನಿಂಜ ಬುಡುಗಡೆ ಮಾಡ್‍ಚಿ.

ರೋಮ್ 8:2 ပူးပေါင်းရင်းမြစ်များ

ಯೋಹಾನ 4:10

ಅಕ್ಕ ಯೇಸು ಅವಕ್: ದೇವಡ ದಾನ ನೀಕ್ ಗೊತ್ತಾಯಿತ್, ನಾಕ್ ಕುಡಿಪಕ್ ನೀರ್ ತಾಂದ್ ಕ್‍ೕಟಂವೊ ದಾರ್‍ೕಂದ್ ನೀಕ್ ಗೊತ್ತ್‌ಂಜತೇಂಗಿ, ನೀನೇ ಅಂವೊಂಡ ಪಕ್ಕ ಕ್‍ೕಟಿತ್‌ಪ್ಪಿಯ, ಅಂವೊ ನೀಕ್ ಜೀವತ್‍ರ ನೀರ್‌ನ ಕೊಡ್‍ತಿತ್‌ಪ್ಪಾಂದ್ ಎಣ್ಣ್‌ಚಿ.

ಯೋಹಾನ 4:14

ಆಚೇಂಗಿ, ನಾನ್ ತಪ್ಪ ನೀರ್‌ನ ಕುಡಿಪಯಿಂಗಕ್ ಒರ್‌ಕಾಲು ಬಾಯಾರಿಕೆ ಆಪುಲೆ; ನಾನ್ ಅಯಿಂಗಕ್ ಕೊಡ್‍ಪ ನೀರ್ ಅಯಿಂಗಡ ಹೃದಯತ್‍ಲ್ ನಿತ್ಯ ಜೀವಕಾಯಿತ್ ಉಕ್ಕಿ ಬಂದಂಡಿಪ್ಪ ಜಲವಾಯಿತ್‌ಪ್ಪಾಂದ್ ಎಣ್ಣ್‌ಚಿ.

ಯೋಹಾನ 6:63

ಪವಿತ್ರಾತ್ಮ ಒಬ್ಬನೇ ಜೀವ ತಪ್ಪಂವೊ, ಮನುಷ್ಯಂಗಕ್ ಜೀವ ತಪ್ಪಕ್ ಕಯ್ಯುಲೆ. ನಾನ್ ನಿಂಗಕ್ ಎಣ್ಣ್‌ನ ಬೋದನೆ, ಪವಿತ್ರಾತ್ಮತ್‍ರ ಪಿಂಞ ಜೀವ ತಪ್ಪ ವಾಕ್ಯತ್‍ರದಾಯಿತುಂಡ್.

ಯೋಹಾನ 8:32

ಅಕ್ಕ, ನಿಂಗಕ್ ಸತ್ಯ ಎಂತ್‍ೕಂದ್ ಗೊತ್ತಾಪ, ಆ ಸತ್ಯ ನಿಂಗಳ ಬುಡ್‍ಗಡೆ ಮಾಡ್‌ವಾಂದ್ ಎಣ್ಣ್‌ಚಿ.

ಯೋಹಾನ 8:36

ಆನಗುಂಡ್ ಮೋಂವೊ ನಿಂಗಳ ಬುಡ್‍ಗಡೆ ಮಾಡ್‍ನಕ ನಿಂಗ ನೇರಾಯಿತು ಬುಡ್‍ಗಡೆ ಆಪಿರ.

ರೋಮ್ 16:3

ಕ್ರಿಸ್ತ ಯೇಸುರಲ್ಲಿ ಕೂಡೆ ಉಳ್ಳ ಐಕ್ಯತ್‍ಲ್ ನಾಡ ಕೂಡೆ ಸೇವ ಮಾಡ್‍ನ ಪ್ರಿಸ್ಕಿಲ್ಲ ಪಿಂಞ ಅಕ್ವಿಲಂಗು ನಾಡ ವಂದನೆ ಎಣ್ಣಿ.

ರೋಮ್ 3:27

ಅಕ್ಕ, ಎನ್ನಂಗ್ ಹೊಗಳಿಚಿಡಂಡು? ಅನ್ನನೆ ಮಾಡ್‌ವಕ್ ಜಾಗ ಇಲ್ಲತೆ ಪೋಚಿ. ನಂಗಕ್ ಪಾಪತ್‍ರ ಶಿಕ್ಷೆ ಕ್‍ಟ್ಟತನೆಕೆ ಮಾಡ್‍ನದ್ ಏದ್ ಪ್ರಮಾಣತ್‍ರಗುಂಡ್? ಕ್ರಿಯೆರ ಪ್ರಮಾಣತ್‍ರಗುಂಡಾ? ಅಲ್ಲ, ನಂಬಿಕೇರ ಪ್ರಮಾಣತ್‍ರ ಮೂಲಕವೇ.

ರೋಮ್ 5:21

ಆನಗುಂಡ್, ಪಾಪತ್‍ರ ಮೇಲೆ ಚಾವ್‍ಕ್ ಜಯ ಕ್‍ಟ್ಟ್‌ನನೆಕೆ, ದೇವಡ ಕೃಪೆಯು ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ನಿತ್ಯ ಜೀವತ್‍ನ ತಂದಿತ್, ನೀತಿರಗುಂಡ್ ಜಯ ಕ್‍ಟ್ಟ್‌ವನೆಕೆ ಮಾಡ್‍ಚಿ.

ರೋಮ್ 6:14

ನಿಂಗ ನ್ಯಾಯಪ್ರಮಾಣತ್‍ರ ಅಡಿಕ್ ಬರತೆ, ಕೃಪೇರ ಅಡಿಕ್ ಬಂದಿತುಳ್ಳಗುಂಡ್ ಪಾಪ ನಿಂಗಳ ಆಳುವಕ್ ಕಯ್ಯುಲೆ.

ರೋಮ್ 6:18

ಇಕ್ಕ ನಿಂಗ ಪಾಪತ್ಂಜ ಬುಡುಗಡೆ ಆಯಿತ್ ನೀತಿರ ಅಡಿಯಾಳಾಯಿತುಳ್ಳಿರ.

ರೋಮ್ 6:22

ಇಕ್ಕ ನಿಂಗ ಪಾಪತ್ಂಜ ಬುಡುಗಡೆ ಆಯಿತ್ ದೇವಡ ಅಡಿಯಾಳಾಯಿತ್ ಉಳ್ಳಾಂಗ್, ಪವಿತ್ರವಾಯಿತ್‌ಪ್ಪದ್ ನಿಂಗಕ್ ಕ್‍ಟ್ಟ್‌ವ ಇನಾಮ್, ಅದ್ಂಡ ಪ್ರತಿಫಲ ನಿತ್ಯ ಜೀವ.

ರೋಮ್ 7:21

ಆನಗುಂಡ್, ನಲ್ಲದ್ ಮಾಡಂಡೂಂದ್ ಕುಶೀಲ್ ಇಪ್ಪ ನಾಡಲ್ಲಿ, ಕ್‍ೕಡ್ ಮಾಡ್‌ವ ಒರ್ ಕಾನೂನ್ ಉಳ್ಳಾನ ನಾನ್ ಕಂಡಂಡುಳ್ಳ.

ರೋಮ್ 7:23

ಆಚೇಂಗಿಯು, ನಾಡ ಬುದ್ದಿರ ಕಾನೂನ್‍ಕ್ ವಿರೋದವಾಯಿತ್ ಪೋರಾಡಿಯಂಡಿಪ್ಪ ಬೋರೆ ಒರ್ ಕಾನೂನ್‌ನ ನಾಡ ತಡೀರ ಬಾಗತ್‍ಲ್ ಉಳ್ಳದ್ ನಾಕ್ ಗೊತ್ತಾಯಂಡುಂಡ್; ಅದ್ ನಾಡ ತಡೀರ ಬಾಗತ್‍ಲ್ ವಾಸ ಮಾಡಿಯಂಡುಳ್ಳ ಪಾಪತ್‍ರ ಕಾನೂನ್‍ಕ್ ನನ್ನ ಕೈದಿಯಾಯಿತ್ ಮಾಡಿರ್‌ತ್.

ರೋಮ್ 7:4

ಅನ್ನನೆ, ನಾಡ ಅಣ್ಣತಮ್ಮಣಂಗಳೇ, ನಿಂಗಳು ಸಹ, ಕ್ರಿಸ್ತಂಡ ತಡೀರ ಮೂಲಕ ನ್ಯಾಯಪ್ರಮಾಣಕ್ ಚತ್ತ್ ಪೋಯಿತುಳ್ಳಿರ. ಆನಗುಂಡ್, ದೇವಕಾಯಿತ್ ಫಲ ಕೊಡ್‍ಪನೆಕೆ, ಚಾವ್‍ಯಿಂಜ ಜೀವವಾಯಿತ್ ಬಂದ ಬೋರೆ ಒಬ್ಬಂಗ್ ಕೂಡ್‍ನಯಿಂಗಳಾಯಿತುಳ್ಳಿರ.

ರೋಮ್ 8:1

ಆನಗುಂಡ್, ದೇವ ಅಂವೊನ ನಂಬತಯಿಂಗಕ್ ತಪ್ಪ ಶಿಕ್ಷೆ, ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಉಳ್ಳಯಿಂಗಕ್ ತಪ್ಪುಲೆ.

1 ಕೊರಿಂಥ 15:45

ದೇವಡ ವಾಕ್ಯತ್‍ಲ್ ಉಳ್ಳನೆಕೆ, ಆದ್ಯ ಮನುಷ್ಯನಾನ ಆದಾಮನ ದೇವ ಸೃಷ್ಟಿ ಮಾಡ್‌ವಕ ಅಂವೊನ ಜೀವ ಉಳ್ಳ ಮನುಷ್ಯನಾಯಿತ್ ಮಾಡ್‍ಚಿ. ಆಚೇಂಗಿ ದಂಡನೆ ಆದಾಮನಾನ ಕ್ರಿಸ್ತ, ಚಾವ್‍ಯಿಂಜ ಎಪ್ಪ್‌ಚಿಡ್‍ವ ಆತ್ಮೀಯ ಜೀವ ತಪ್ಪಂವೊನಾಯಿತ್ ಆಚಿ.

2 ಕೊರಿಂಥ 3:17

ಇಕ್ಕ ಒಡೆಯನೇ ಆತ್ಮವಾಯಿತುಂಡ್; ಒಡೆಯಂಡ ಆತ್ಮ ಎಲ್ಲಿ ಉಂಡೋ ಅಲ್ಲಿ ಬುಡುಗಡೆ ಉಂಡ್.

2 ಕೊರಿಂಥ 3:6

ಪುದಿಯ ಒಪ್ಪಂದತ್‍ರ ಸೇವಕಂಗಳಾಯಿತ್ ಇಪ್ಪಕ್, ಅಂವೊನೇ ನಂಗಳ ಯೋಗ್ಯವಂತಯಿಂಗಳಾಯಿತ್ ಮಾಡಿತುಂಡ್; ಈ ಒಪ್ಪಂದ ಒಳ್‍ತ್‍ರ ಪ್ರಕಾರ ಅಲ್ಲ ಆಚೇಂಗಿ ಪವಿತ್ರಾತ್ಮತ್‍ರ ಪ್ರಕಾರ ಆನದ್. ಎನ್ನಂಗೆಣ್ಣ್‌ಚೇಂಗಿ, ಒಳ್‍ತ್ ನಂಗಳ ಕೊಲ್ಲುವ; ದೇವಡ ಆತ್ಮವೋ ನಂಗಕ್ ಜೀವ ತಪ್ಪ.

ಗಲಾತ್ಯ 2:19

ನಾನ್ ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರ ಮೂಲಕ ಆ ನ್ಯಾಯಪ್ರಮಾಣಕ್ ಚತ್ತ್‌ಪೋನ. ಆ ನ್ಯಾಯಪ್ರಮಾಣತ್ಂಜ ಬುಡ್‍ಗಡೆ ಆಯಿತ್ ದೇವಕ್‍ೕಂದ್ ಬದ್‍ಕ್‍ವಕಾಚಿ.

ಗಲಾತ್ಯ 5:1

ಆನಗುಂಡ್, ನಂಗ ಪುನಃ ನ್ಯಾಯಪ್ರಮಾಣಕ್ ಅಡಿಯಾಳಾಕತೆ, ಕ್ರಿಸ್ತ ನಂಗಕ್ ಸ್ವಾತಂತ್ರವಾಯಿತ್ ಇರಂಡೂಂದ್ ಕೊಡ್‍ತ ಬದ್‍ಕ್‍ಲ್ ದೃಡವಾಯಿತ್ ನಿಕ್ಕಂಡು.

ಗಲಾತ್ಯ 6:2

ಒಬ್ಬೊಬ್ಬನು ಬೋರೆಯಿಂಗಡ ಕಷ್ಟತ್‍ನ ಎಡ್‍ತಂಡ್ ಸಹಾಯ ಮಾಡಂಡು. ಇನ್ನನೆ ಮಾಡ್‍ಚೇಂಗಿ ಯೇಸು ಕ್ರಿಸ್ತಂಡ ಪ್ರಮಾಣತ್‍ನ ಪೂರ್ತಿ ಮಾಡ್‌ವಿರ.

ಯಾಕೋಬ 1:25

ಆಚೇಂಗಿ ಒರ್ ಮನುಷ್ಯ ಅಂವೊನ ಬುಡುಗಡೆ ಮಾಡ್‌ವ ದೇವಡ ಪೂರ್ತಿ ಪ್ರಮಾಣತ್‍ನ ಜಾಗ್ರತೆಲ್ ನೋಟಿತ್, ಕ್‍ೕಟದ್‍ನ ಮರ್ಂದ್ ಪೋಕತೆ, ಅದ್ಂಡ ಪ್ರಕಾರ ನಡ್ಂದತೇಂಗಿ, ತಾಂಡ ಬದ್‍ಕ್‍ಲ್ ಆಶೀರ್ವಾದ ಉಳ್ಳಂವೊನಾಯಿತ್‌ಪ್ಪ.

ಪ್ರಕಟನೆ 11:11

ಮೂಂದರೆ ದಿವಸ ಆನ ಪಿಂಞ, ದೇವಡ ಕಡೇಯಿಂಜ ಜೀವತ್‍ರ ಆತ್ಮ ಬಂದಿತ್ ಅಯಿಂಗಡ ಒಳ್‍ಕ್ ಪೋಪ. ಅಕ್ಕ ಅಯಿಂಗ ಕಾಲೂರಿತ್ ಎದ್ದಿತ್ ನಿಂದತ್; ಅಯಿಂಗಳ ನೋಟ್‌ನಯಿಂಗಕ್ ದುಂಬ ಪೋಡಿ ಆಚಿ.

ಪ್ರಕಟನೆ 22:1

ಪಿಂಞ, ಶುದ್ದವಾನ ತೆಳ್ಂಗ್‍ನ ಜೀವತ್‍ರ ನೀರ್ ಕ್‍ಟ್ಟ್‌ವ ಪೊಳೆನ ನಾಕ್ ಕಾಟ್‍ಚಿ. ಆ ಪೊಳೆ ದೇವಡ ಪಿಂಞ ಕೊರಿಕುಟ್ಟಿಯಾನವೊಂಡ ಸಿಂಹಾಸನತ್ಂಜ ಪೊರಟಿತ್ ಬಾತ್.