ರೋಮ್ 8:15 - ಕೊಡವ ಬೈಬಲ್

¹⁵ ಅನ್ನನೆ, ಪುನಃ ಬೊತ್ತಿಯಂಡ್ ಇಪ್ಪಕ್ ಅಡಿಯಾಳುವಡ ಪವಿತ್ರಾತ್ಮತ್‍ನ ಪಡಯತೆ, ಅಪ್ಪಾ ಪಪ್ಪಾಂದ್ ಕಾಕ್‌ವಕುಳ್ಳ ಮಕ್ಕಡ ಹಕ್ಕ್‌ರ ಆತ್ಮತ್‌ನ ನಿಂಗ ಪಡ್ಂದಿರ.

ರೋಮ್ 8:15 ပူးပေါင်းရင်းမြစ်များ

ಮತ್ತಾಯ 25:25

ಆನಗುಂಡ್ ನಾನ್ ನೀಕ್ ಬೊತ್ತಿತ್, ನೀಡ ಪಣತ್‍ನ ನಾನ್ ಕುಂಡ್‍ರ ಒಳ್‍ಲ್ ಒಳ್‍ಪ್‍ಚಿಟ್ಟಿಯೆ. ಇದಾ, ನೀಡದ್‍ನ ಎಡ್‍ತಾಂದ್ ಎಣ್ಣ್‌ಚಿ.

ಮಾರ್ಕ 14:36

ನಾಡ ಅಪ್ಪ, ನೀಕ್ ಎಲ್ಲಾ ಮಾಡ್‌ವಕ್ ಕಯ್ಯು. ಈ ಪಾತ್ರತ್‍ನ ನಾಡ ಪಕ್ಕತ್ಂಜ ನೀಕಿರ್, ಆಚೇಂಗಿಯು ನಾಡ ಚಿತ್ತ ಅಲ್ಲ ನೀಡ ಚಿತ್ತವೇ ಆಡ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:2

ಅದ್ಂಗ್ ಅಂವೊ: ನಿಂಗ ಪ್ರಾರ್ಥನೆ ಮಾಡ್‌ವಕ: ಪರಲೋಕತ್‍ಲ್ ಉಳ್ಳ ನಂಗಡ ಅಪ್ಪನೇ, ನೀಡ ಪೆದ ಎಕ್ಕಾಲು ಪವಿತ್ರವಾಯಿತಿರಡ್; ನೀಡ ರಾಜ್ಯ ಬೂಲೋಕಕ್ ಬರಡ್;

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:42

ಅಪ್ಪ, ನೀಕ್ ಚಿತ್ತ ಉಂಡೇಂಗಿ ಈ ಕಷ್ಟತ್‍ರ ಪಾತ್ರ ನನ್ನ ಬುಟ್ಟಿತ್ ಪೋಪಕ್ ಮಾಡ್; ಆಚೇಂಗಿಯು ನಾಡ ಚಿತ್ತ ಅಲ್ಲ ನೀಡ ಚಿತ್ತವೇ ಆಡ್‍ೕಂದ್ ಪ್ರಾರ್ಥನೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:28

ಆ ಕೂಳಿ ಪುಡ್‌ಚ ಮನುಷ್ಯ ಯೇಸುನ ಕಂಡದು ಜೋರಾಯಿತ್ ಕೂತ್ ಕೊಡ್‌ತಿತ್, ಯೇಸುರ ಕಾಲ್‌ಕ್ ಬೂವಂಜಿ: ದೇವಾದಿ ದೇವಡ ಮೋಂವೊನಾನ ಯೇಸುವೇ, ನನ್ನಗುಂಡ್ ನೀಕ್ ಎಂತಾಂಡು? ನಾಕ್ ದಯಬೆಚ್ಚಿತ್ ಶಿಕ್ಷೆ ತರತೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:37

ಅಕ್ಕ ಆ ಪ್ರಾಂತ್ಯತ್‍ರ ಜನ ನೀನ್ ಇಲ್ಲಿಂಜ ಪೋಯಿರ್, ನಂಗಕ್ ದುಂಬ ಪೋಡಿ ಆಯಂಡುಂಡ್‍ೕಂದ್ ಯೇಸುಕ್ ಎಣ್ಣ್‌ಚಿ.

ಯೋಹಾನ 16:8

ಅಂವೊ ಬಂತ್, ಜನಕ್ ಅಯಿಂಗ ಪಾಪ ಮಾಡ್‍ನಯಿಂಗಾಂದು, ನೀತಿ ಪಿಂಞ ದೇವಡ ನ್ಯಾಯತೀರ್ಪ್ ಕಂಡಿತವಾಯಿತ್ ಬಪ್ಪಾಂದು ಅರ್ಥ ಮಾಡಿತ್ ತಪ್ಪ.

ಯೋಹಾನ 20:17

ಯೇಸು ಅವಳ ನೋಟಿತ್: ನೀನ್ ನನ್ನ ಮುಟ್ಟತೆ, ಎನ್ನಂಗೆಣ್ಣ್‌ಚೇಂಗಿ, ನಾನ್ ನಾಡ ಅಪ್ಪಂಡ ಪಕ್ಕ ಇಂಞು ಪೋಯಿತ್‌ಲ್ಲೆ; ನೀನ್ ನಾಡ ತಮ್ಮಣಂಗಡ ಪಕ್ಕ ಪೋಯಿತ್, ನಾನ್ ನಾಡ ಅಪ್ಪಂಡ ಪಕ್ಕವು ನಿಂಗಡ ಅಪ್ಪಂಡ ಪಕ್ಕವು, ನಾಡ ದೇವಡ ಪಕ್ಕವು, ನಿಂಗಡ ದೇವಡ ಪಕ್ಕವು ಪೋಯಂಡುಳ್ಳ್‌ಂದ್ ಎಣ್ಣ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 16:29

ಅಕ್ಕ ಅಂವೊ ಬೊಳ್‌ಚತ್‍ನ ಎಡ್‌ತ ಬಪ್ಪಕ್ ಎಣ್ಣಿತ್, ಒಳ್‍ಕ್ ಓಡಿ ಬಂದಿತ್ ನಡ್‍ಗಿಯಂಡ್ ಪೌಲ ಪಿಂಞ ಸೀಲಂಡ ಮಿಂಞತ್ ಅಡ್ಡ ಬುದ್ದತ್.

ಅಪೊಸ್ತಲ 2:37

ಇದ್‍ನೆಲ್ಲ ಕ್‍ೕಟಂಡಿಪ್ಪಕ, ಅಲ್ಲಿ ಇಂಜ ಜನಕ್, ಅಯಿಂಗಡ ಹೃದಯತ್‍ಲ್ ಕುತ್ತ್‌ವನೆಕೆ ಆಚಿ. ಅಕ್ಕ ಅಯಿಂಗ ಪೇತ್ರನ ಪಿಂಞ ಬಾಕಿಯುಳ್ಳ ಅಪೊಸ್ತಲಂಗಕ್, ಅಣ್ಣತಮ್ಮಣಂಗಳೇ, ನಂಗ ಎಂತ ಮಾಡಂಡೂಂದ್ ಕ್‍ೕಟತ್.

ರೋಮ್ 8:16

ನಂಗ ದೇವಡ ಮಕ್ಕಾಂದ್ ಪವಿತ್ರಾತ್ಮವೇ ನಂಗಡ ಆತ್ಮತ್‍ರ ಕೂಡೆ ಸಾಕ್ಷಿ ಎಣ್ಣಿಯಂಡುಂಡ್.

ರೋಮ್ 8:23

ಅದ್ ಮಾತ್ರ ಅಲ್ಲತೆ, ಪವಿತ್ರಾತ್ಮತ್‍ರ ಆದ್ಯ ಫಲ ಕ್‍ಟ್ಟ್‌ನ ನಂಗ ಸಹ, ನಂಗಡ ತಡೀರ ವಿಮೋಚನವಾನ ಮಕ್ಕಡ ಹಕ್ಕ್ ಬಪ್ಪಕಾಯಿತ್ ನಂಗಡ ಒಳ್‍ಲ್ ನೆರೆಂಗಿಯಂಡುಂಡ್.

ರೋಮ್ 8:26

ಅನ್ನನೆ, ನಂಗ ತಳ್ಂದ್ ಪೋಯಿತಿಪ್ಪಕ, ಪವಿತ್ರಾತ್ಮ ನಂಗಕ್ ಸಹಾಯ ಮಾಡ್‌ವ. ನಂಗಕ್ ಏದ್ ರೀತಿಲ್ ಪ್ರಾರ್ಥನೆ ಮಾಡಂಡೂಂದ್ ಗೊತ್ತಿಲ್ಲತಗುಂಡ್, ಪವಿತ್ರಾತ್ಮ ನಂಗಕಾಯಿತ್ ಬಾಕ್‍ಲ್ ಎಣ್ಣುವಕ್ ಕಯ್ಯತನೆಕೆ ನೆರ್ಂಗಿಯಂಡ್ ಬೋಡಿಯಂಡುಂಡ್.

ರೋಮ್ 9:4

ಅಯಿಂಗ ಇಸ್ರಾಯೇಲ್ ಜನ; ಮಕ್ಕಕುಳ್ಳ ಹಕ್ಕ್ ಅಯಿಂಗಡದೇ, ದೇವಡ ಮಹಿಮೇನೆ ಅಯಿಂಗಕೇ ಕಾಂಬ್‍ಚಿಟ್ಟತ್; ಅಯಿಂಗಕೇ ಒಪ್ಪಂದ ಮಾಡ್‍ಚಿ, ಅಯಿಂಗಕೇ ನ್ಯಾಯಪ್ರಮಾಣತ್‍ನ ಕೊಡ್‍ತತ್; ಅಯಿಂಗಕೇ ಆರಾದನೆ ಮಾಡ್‌ವ ಬಾಗ್ಯತ್‍ನ ಕೊಡ್‍ತತ್ ಪಿಂಞ ಅಯಿಂಗಕೇ ದೇವಡ ವಾಗ್ದಾನವು ಕ್‍ಟ್ಟ್‌ಚಿ.

1 ಕೊರಿಂಥ 2:12

ನಂಗ ಈ ಲೋಕತ್‍ರ ಆತ್ಮತ್‌ನ ಅಲ್ಲ, ಆಂಡ ಬದ್‍ಲ್, ದೇವ ನಂಗಕ್ ಇನಾಮಾಯಿತ್ ಕೊಡ್‍ತಿತುಳ್ಳದ್‍ನ ಗೊತ್ತಾಪಕಾಯಿತ್ ದೇವ ನಂಗಕ್ ಅಯಿಚ ಪವಿತ್ರಾತ್ಮತ್‍ನ ಕ್‍ಟ್ಟ್‌ನಯಿಂಗಳಾಯಿತುಂಡ್.

2 ಕೊರಿಂಥ 11:4

ಎನ್ನನೆ ಎಣ್ಣ್‌ಚೇಂಗಿ, ನಿಂಗಡ ಪಕ್ಕ ಬಪ್ಪಂವೊ, ನಂಗ ಬೋದನೆ ಮಾಡತ ಬೋರೆ ಒರು ಯೇಸುನ ಬೋದನೆ ಮಾಡ್‍ಚೇಂಗಿಯು, ಅಲ್ಲತಪೋಚೇಂಗಿ, ನಿಂಗ ಪಡೆಯತ ಬೋರೆ ಒರ್ ಪವಿತ್ರಾತ್ಮತ್‍ನ ಪಡೆಯುವಕಲು, ನಿಂಗ ಸ್ವೀಕಾರ ಮಾಡತ ಬೋರೆ ಒರ್ ದೇವಡ ನಲ್ಲ ಸುದ್ದಿನ ಸ್ವೀಕಾರ ಮಾಡ್‌ವಕಲು, ನಿಂಗ ಅದ್‍ನ ಕುಶೀಲ್ ಸಹಿಸಿಯಂಡ್ ಉಳ್ಳಿರಲ್ಲ.

ಗಲಾತ್ಯ 2:4

ಆಚೇಂಗಿ, ಈ ವಿಷಯತ್‍ಲ್ ಯೇಸುನ ನಂಬ್‍ನಯಿಂಗಾಂದ್ ಎಣ್ಣುವ ಚೆನ್ನ ಕಳ್ಳಂಗ ತರ್ಕ ಮಾಡ್‍ಚಿ. ಅಯಿಂಗ ದಾರ್ ಎಣ್ಣ್‌ಚೇಂಗಿ; ದಾರ್‌ಕು ಗೊತ್ತಿಲ್ಲತೆ ನಂಗಡ ಒಳ್‍ಕ್ ಕೂಡ್‍ನ ಅಣ್ಣತಮ್ಮಣಂಗಳೇ. ಯೇಸು ಕ್ರಿಸ್ತನಗುಂಡ್ ನಂಗಕುಳ್ಳ ಸ್ವಾತಂತ್ರತ್‍ನ, ನಂಗಡಿಂಜ ಎಡ್‍ಪಕ್ ನೋಟಿತ್, ಯೆಹೂದ್ಯಂಗಡ ನ್ಯಾಯಪ್ರಮಾಣಕ್ ಅಡಿಯಾಳ್‌ರನೆಕೆ ನಂಗ ಇರಂಡೂಂದ್ ಅಯಿಂಗ ಒತ್ತಾಯ ಮಾಡ್‍ಚಿ.

ಗಲಾತ್ಯ 5:1

ಆನಗುಂಡ್, ನಂಗ ಪುನಃ ನ್ಯಾಯಪ್ರಮಾಣಕ್ ಅಡಿಯಾಳಾಕತೆ, ಕ್ರಿಸ್ತ ನಂಗಕ್ ಸ್ವಾತಂತ್ರವಾಯಿತ್ ಇರಂಡೂಂದ್ ಕೊಡ್‍ತ ಬದ್‍ಕ್‍ಲ್ ದೃಡವಾಯಿತ್ ನಿಕ್ಕಂಡು.

ಎಫೆಸ 1:5

ಅಂವೊ ನಂಗಳ ಪ್ರೀತಿ ಮಾಡ್‍ನಗುಂಡ್, ಯೇಸು ಕ್ರಿಸ್ತಂಡ ಮೂಲಕ, ನಂಗಳ ಅಂವೊಂಡ ಹಕ್ಕ್‌ದಾರಂಗಳಾನ ಮಕ್ಕಳಾಯಿತ್, ಅಂವೊಂಡ ಕುಶಿಕಾಯಿತ್, ಅಂವೊಂಡ ಚಿತ್ತತ್‍ರನೆಕೆ ಮಿಂಞಲೇ ಗೊತ್ತ್ ಮಾಡ್‍ಚಿ.

2 ತಿಮೊಥೆಯ 1:7

ದೇವ ನಂಗಕ್ ಪೋಡಿರ ಆತ್ಮತ್‌ನ ತಂದಿತ್‍ಲ್ಲೆ, ಆಚೇಂಗಿ ಬಲ, ಪ್ರೀತಿ ಪಿಂಞ ತೆಳ್ಂಗ್‍ನ ಬುದ್ದಿಯುಳ್ಳ ಆತ್ಮತ್‍ನೇ ತಂದಿತುಂಡ್.

ಇಬ್ರಿಯ 2:15

ಇನ್ನನೆ, ಬದ್‍ಕಿಯಂಡಿಪ್ಪಕತ್ತನೆ ಚಾವ್‍ರ ಪೋಡಿಲ್ ಅಡಿಮೆಯಾಯಿತ್ ಇಂಜ ಎಲ್ಲಾರ್‌ನ ಬುಡುಗಡೆ ಮಾಡ್‍ಚಿ.

ಯಾಕೋಬ 2:19

ನಿಂಗ ಒರೇ ದೇವ ಉಂಡ್‍ೕಂದ್ ನಂಬುವಿರ. ಅದ್ ನಲ್ಲದ್. ಆಚೇಂಗಿ, ಕೂಳಿಯಳು ಸಹ ಅನ್ನನೆ ನಂಬುವ, ಅಯಿಂಗ ಬೊತ್ತಿತ್ ನಡ್‌ಗುವ.

1 ಯೋಹಾನ 4:18

ಪ್ರೀತಿ ಉಳ್ಳ ಜಾಗತ್‍ಲ್ ಪೋಡಿ ಇಲ್ಲೆ. ಪೂರ್ತಿಯಾನ ಪ್ರೀತಿ ಎಲ್ಲಾ ಪೋಡಿನ ದೌತ್‍ವ. ಪೋಡಿಯುಳ್ಳಂವೊ ದಂಡನೆ ಕ್‍ಟ್ಟ್‌ವಾಂದ್ ಎಕ್ಕಾಲು ಗೇನ ಮಾಡಿಯಂಡುಂಡ್. ದಾರ್‌ಕೇಂಗಿಯು ಪೋಡಿಯಿಂಜತೇಂಗಿ ಅಯಿಂಗಡ ಒಳ್‍ಲ್ ದೇವಡ ಪ್ರೀತಿ ಪೂರ್ತಿ ಆಯಿತ್‌ಲ್ಲೆ.