ರೋಮ್ 7:9 - ಕೊಡವ ಬೈಬಲ್

⁹ ನ್ಯಾಯಪ್ರಮಾಣ ಇಲ್ಲತೆ ಇಪ್ಪಕ ಮಿಂಞ ನಾನ್ ಜೀವತ್‍ಲ್ ಇಂಜಿಯೆ, ನ್ಯಾಯಪ್ರಮಾಣ ಬಪ್ಪಕ, ಪಾಪಕ್ ಜೀವ ಕ್‌ಟ್ಟಿಪೋಚಿ, ನಾನ್ ಚತ್ತಂವೊಂಡನೆಕೆ ಆನ.

ರೋಮ್ 7:9 ပူးပေါင်းရင်းမြစ်များ

ಮತ್ತಾಯ 19:20

ಅಕ್ಕ ಆ ಮನುಷ್ಯ: ನಾನ್ ಇದ್ಂಡ ಪ್ರಕಾರ ಇಲ್ಲಿಕತ್ತನೆ ನಡ್‌ದಂಡ್ ಬಂದಿಯೆ, ಇಂಞು ಎಂತ ನಾನ್ ಮಾಡಂಡೂಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:29

ಆಚೇಂಗಿ ಅಂವೊ ಅಪ್ಪಂಗ್: ನೋಟಿ! ನಾನ್ ಇಚ್ಚಕ್ ಕಾಲ ನೀಕ್ ಒರ್ ಆಳ್‍ರನೆಕೆ ಸೇವೆ ಮಾಡಿಯೆ, ನಾನ್ ನೀಡ ಒರ್ ಆಜ್ಞೆನ ಸಹ ಮೀರತೆ ನಡ್ಂದಂಡಿಲ್ಲೆಯಾ? ಆಚೇಂಗಿ, ನಾಡ ಸ್ನೇಹಿತಂಗಡ ಕೂಡೆ ಕೂಡಿತ್ ಕುಶಿ ಪಡುವಕ್ ನೀನ್ ಒರ್ ದಿವಸ ಕೂಡೆ ನಾಕ್ ಒರ್ ಚೆರಿಯ ಆಡ್ ಕುಟ್ಟಿನ ಸಹ ತಂದಿತ್ತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:21

ಅದ್ಂಗ್ ಅಂವೊ: ನಾನ್ ಚೆರಿಯ ವಯಸ್ಸಿಂಜಲೆ ಇದ್‍ನೆಲ್ಲ ಮಾಡಿಯಂಡ್ ಬಂದಿಯೇಂದ್ ಎಣ್ಣ್‌ಚಿ.

ರೋಮ್ 10:5

ನ್ಯಾಯಪ್ರಮಾಣತ್‍ರಗುಂಡ್ ಕ್‍ಟ್ಟುವ ನೀತಿರ ವಿಷಯತ್: ನ್ಯಾಯಪ್ರಮಾಣತ್‍ಲ್ ಎಣ್ಣಿತುಳ್ಳನೆಕೆ ನಡ್‍ಪಯಿಂಗ ಅದ್ಂಡ ಮೂಲಕ ಬದ್‌ಕ್‌ವಾಂದ್ ಮೋಶೆ ಒಳ್‍ದಿ ಬೆಚ್ಚಿತುಂಡ್.

ರೋಮ್ 7:10

ಇನ್ನನೆ, ಜೀವ ಕ್‍ಟ್ಟುವಕ್ ತಂದಿತುಳ್ಳ ಕಾನೂನ್ ನಾಡ ಚಾವ್‍ಕ್ ಕಾರಣವಾಯಿತ್‌ಪ್ಪದ್ ನಾಕ್ ಗೊತ್ತಾಚಿ.

ರೋಮ್ 7:11

ಅದ್ ಎನ್ನನೆ ಎಣ್ಣ್‌ಚೇಂಗಿ, ಪಾಪಕ್ ಕಾನೂನ್‍ರಗುಂಡ್ ಬಟ್ಟೆ ಕ್‍ಟ್ಟಿತ್, ನನ್ನ ವಂಚನೆ ಮಾಡಿತ್, ನನ್ನ ಚತ್ತನೆಕೆ ಮಾಡಿರ್‌ತ್.

ರೋಮ್ 7:4

ಅನ್ನನೆ, ನಾಡ ಅಣ್ಣತಮ್ಮಣಂಗಳೇ, ನಿಂಗಳು ಸಹ, ಕ್ರಿಸ್ತಂಡ ತಡೀರ ಮೂಲಕ ನ್ಯಾಯಪ್ರಮಾಣಕ್ ಚತ್ತ್ ಪೋಯಿತುಳ್ಳಿರ. ಆನಗುಂಡ್, ದೇವಕಾಯಿತ್ ಫಲ ಕೊಡ್‍ಪನೆಕೆ, ಚಾವ್‍ಯಿಂಜ ಜೀವವಾಯಿತ್ ಬಂದ ಬೋರೆ ಒಬ್ಬಂಗ್ ಕೂಡ್‍ನಯಿಂಗಳಾಯಿತುಳ್ಳಿರ.

ರೋಮ್ 7:6

ಆಚೇಂಗಿ, ಇಕ್ಕ, ಒಳ್‍ದಿತುಳ್ಳ ಪಳೆಯ ರೀತಿಲ್ ಅಲ್ಲ, ಆಚೇಂಗಿ ಪವಿತ್ರಾತ್ಮತ್‍ರ ಪುದಿಯ ರೀತಿರ ಪ್ರಕಾರ ನಂಗ ಸೇವೆ ಮಾಡ್‌ವನೆಕೆ, ನಂಗಳ ಪುಡ್‍ಚಿ ಬೆಚ್ಚಿತ್ಂಜ ನ್ಯಾಯಪ್ರಮಾಣಕ್ ನಂಗ ಚತ್ತಿತ್ ಬುಡ್‍ಗಡೆ ಆಯಿತುಂಡ್.

ರೋಮ್ 7:8

ಆಚೇಂಗಿ ಪಾಪ ನ್ಯಾಯಪ್ರಮಾಣತ್‍ಲ್ ಬಟ್ಟೆ ಕಂಡ್‍ಪುಡ್‌ಚಿತ್, ಎಲ್ಲಾ ತರತ್‍ರ ಬೋಂಡತ ಆಸೇನ ನಾಡಲ್ಲಿ ಮಾಡಿರ್‌ತ್. ನ್ಯಾಯಪ್ರಮಾಣ ಇಲ್ಲತೆಪೋಚೇಂಗಿ ಪಾಪಕ್ ಜೀವ ಇಲ್ಲತ ಇಂಜಿತಿಪ್ಪ.

ರೋಮ್ 8:7

ಅದ್ ಎನ್ನನೆ ಎಣ್ಣ್‌ಚೇಂಗಿ, ನಂಗಡ ಪಾಪ ಗುಣತ್‍ರ ಗೇನ, ದೇವಕ್ ವಿರೋದವಾಯಿತ್ ಕ್ರಿಯೆ ಮಾಡ್‌ವ; ಆ ಪಾಪತ್‍ರ ಗುಣ ನ್ಯಾಯಪ್ರಮಾಣಕ್ ಬಗ್ಗ್‌ಚಿಡುಲೆ, ಬಗ್ಗಿಚಿಡ್‌ವಕ್ ಕಯ್ಯುವುದು ಇಲ್ಲೆ.

ಗಲಾತ್ಯ 2:19

ನಾನ್ ಯೆಹೂದ್ಯಂಗಡ ನ್ಯಾಯಪ್ರಮಾಣತ್‍ರ ಮೂಲಕ ಆ ನ್ಯಾಯಪ್ರಮಾಣಕ್ ಚತ್ತ್‌ಪೋನ. ಆ ನ್ಯಾಯಪ್ರಮಾಣತ್ಂಜ ಬುಡ್‍ಗಡೆ ಆಯಿತ್ ದೇವಕ್‍ೕಂದ್ ಬದ್‍ಕ್‍ವಕಾಚಿ.

ಗಲಾತ್ಯ 3:10

ಆಚೇಂಗಿ, ನ್ಯಾಯಪ್ರಮಾಣತ್‍ರ ಮೂಲಕ ದೇವಡ ಮಿಂಞತ್‍ಲ್ ನೀತಿವಂತಂವೊಂಡನೆಕೆ ನಿಪ್ಪಕ್ ಕಯ್ಯೂಂದ್ ನಂಬುವಯಿಂಗೆಲ್ಲ ಶಾಪತ್‍ಲ್ ಉಂಡ್; ಎನ್ನಂಗೆಣ್ಣ್‌ಚೇಂಗಿ, ನ್ಯಾಯಪ್ರಮಾಣಕ್ ತಗ್ಗಿತ್ ನಡ್‍ಕತೆ, ಅದ್ ಎಣ್ಣ್‌ನನೆಕೆ ಮಾಡತಯಿಂಗೆಲ್ಲಾ ಶಾಪತ್‍ಲ್ ಉಳ್ಳಯಿಂಗಾಂದ್ ಒಳ್‍ದಿತುಂಡಲ್ಲ.