ರೋಮ್ 7:8 - ಕೊಡವ ಬೈಬಲ್

⁸ ಆಚೇಂಗಿ ಪಾಪ ನ್ಯಾಯಪ್ರಮಾಣತ್‍ಲ್ ಬಟ್ಟೆ ಕಂಡ್‍ಪುಡ್‌ಚಿತ್, ಎಲ್ಲಾ ತರತ್‍ರ ಬೋಂಡತ ಆಸೇನ ನಾಡಲ್ಲಿ ಮಾಡಿರ್‌ತ್. ನ್ಯಾಯಪ್ರಮಾಣ ಇಲ್ಲತೆಪೋಚೇಂಗಿ ಪಾಪಕ್ ಜೀವ ಇಲ್ಲತ ಇಂಜಿತಿಪ್ಪ.

ರೋಮ್ 7:8 ပူးပေါင်းရင်းမြစ်များ

ಮಾರ್ಕ 7:22

ಬೋಂಡತಾಸೆ, ಎಲ್ಲಾ ಕೆಟ್ಟ ಕೆಲಸ, ಮೋಸ, ಅಯೋಗ್ಯತನ, ಒಟ್ಟೆಕಿಚ್ಚ್, ಬೈಗಳ, ಹಮ್ಮ್, ಬುದ್ದಿ ಕೆಟ್ಟ ಗುಣ ಎಲ್ಲಾ ಮನುಷ್ಯಂಗಡ ಹೃದಯತ್ಂಜೆ ಬಪ್ಪ.

ಯೋಹಾನ 15:22

ನಾನ್ ಬಂದಿತ್ ಅಯಿಂಗಡ ಕೂಡೆ ತಕ್ಕ್ ಪರಿಯತೆ ಪೋಯಿತ್ಂಜತೇಂಗಿ, ಅಯಿಂಗಕ್ ಪಾಪ ಇಪ್ಪಕಿಂಜಿಲೆ. ಆಚೇಂಗಿ ಇಕ್ಕ ಅಯಿಂಗಕ್ ಅಯಿಂಗಡ ಪಾಪತ್ಂಜ ತಪ್ಪಿಚಿಡ್‌ವಕ್ ಬಟ್ಟೆ ಇಲ್ಲೆ.

ಯೋಹಾನ 15:24

ದಾರೂ ಮಾಡತ ಕ್ರಿಯೇನ ನಾನ್ ಅಯಿಂಗಡ ಮದ್ಯತ್‍ಲ್ ಮಾಡತೆ ಪೋಯಿತ್ಂಜತೇಂಗಿ, ಅಯಿಂಗಕ್ ಪಾಪ ಇಪ್ಪಕಿಂಜಿಲೆ; ಇಕ್ಕ ಅಯಿಂಗ ನಾಡ ಕ್ರಿಯೇನ ನೋಟಿತ್‌ಂಜತೇಂಗಿಯು ಸಹ, ನನ್ನ ಪಿಂಞ ನಾಡ ಅಪ್ಪನ ವಿರೋದಿಚಿಟ್ಟಂಡುಂಡ್.

ರೋಮ್ 3:20

ಆನಗುಂಡ್, ನ್ಯಾಯಪ್ರಮಾಣತ್‍ರಗುಂಡ್ ಒರ್ ಮನುಷ್ಯನು ದೇವಡ ಮಿಂಞತ್ ನೀತಿವಂತವೊನಾಯಿತ್ ಆಪಕ್ ಕಯ್ಯುಲೆ. ಆಚೇಂಗಿ ನ್ಯಾಯಪ್ರಮಾಣತ್‍ರ ಮೂಲಕ ಪಾಪ ಎಂತ್‍ೕಂದ್ ಗೊತ್ತಾಪ.

ರೋಮ್ 4:15

ನ್ಯಾಯಪ್ರಮಾಣ ದೇವಡ ಬಲ್ಯ ಚೆಡಿನ ಕೊಂಡ್ ಬಪ್ಪ, ನ್ಯಾಯಪ್ರಮಾಣ ಇಲ್ಲೇಂಗಿ ಅಪರಾದವು ಇಲ್ಲೆ.

ರೋಮ್ 5:20

ಅದಲ್ಲತೆ, ಅಪರಾದ ಜಾಸ್ತಿ ಆಂಡೂಂದ್ ನ್ಯಾಯಪ್ರಮಾಣತ್‍ನ ಕೊಡ್‍ತತ್; ಆಚೇಂಗಿ, ಎಲ್ಲಿ ಪಾಪ ಜಾಸ್ತಿ ಆಚೋ, ಅಲ್ಲಿ ಕೃಪೆಯು ಇಂಞು ಜಾಸ್ತಿಯಾಚಿ.

ರೋಮ್ 7:11

ಅದ್ ಎನ್ನನೆ ಎಣ್ಣ್‌ಚೇಂಗಿ, ಪಾಪಕ್ ಕಾನೂನ್‍ರಗುಂಡ್ ಬಟ್ಟೆ ಕ್‍ಟ್ಟಿತ್, ನನ್ನ ವಂಚನೆ ಮಾಡಿತ್, ನನ್ನ ಚತ್ತನೆಕೆ ಮಾಡಿರ್‌ತ್.

ರೋಮ್ 7:13

ಅನ್ನನೆ ಆಚೇಂಗಿ, ನಲ್ಲದಾಯಿತುಳ್ಳ ನ್ಯಾಯಪ್ರಮಾಣ, ನಾಡ ಚಾವ್‍ಕ್ ಕಾರಣ ಆಚೀಂದ್ ಎಣ್ಣುವಕ್ ಕಯ್ಯುವ? ಅನ್ನನೆ ಅಲ್ಲ, ಪಾಪವೇ ನಾಡ ಚಾವ್‍ಕ್ ಕಾರಣ ಆಚಿ; ಪಾಪ ನ್ಯಾಯಪ್ರಮಾಣತ್‍ರಗುಂಡ್ ಇಂಞು ದುಂಬ ಪಾಪವಾಯಿತ್ ಪಿಂಞ ನಲ್ಲದ್‍ನಗುಂಡ್ ನಾಕ್ ಚಾವ್ ಕೊಂಡ್ ಬಾತ್. ಆನಗುಂಡ್, ನ್ಯಾಯಪ್ರಮಾಣತ್‍ರ ಮೂಲಕ ಪಾಪ ಎಚ್ಚಕ್ ಕ್ರೂರವಾನ ಪಾಪಾಂದ್ ನಂಗ ಕಾಂಬಕ್ ಆಚಿ.

ರೋಮ್ 7:17

ಆನಗುಂಡ್, ನಾನ್ ಅಲ್ಲ, ನಾಡ ಒಳ್‍ಲ್ ವಾಸ ಮಾಡಿಯಂಡುಳ್ಳ ಪಾಪತ್‍ರ ಗುಣವೇ ಅನ್ನನೆ ಮಾಡಿಯಂಡುಂಡ್.

ರೋಮ್ 7:9

ನ್ಯಾಯಪ್ರಮಾಣ ಇಲ್ಲತೆ ಇಪ್ಪಕ ಮಿಂಞ ನಾನ್ ಜೀವತ್‍ಲ್ ಇಂಜಿಯೆ, ನ್ಯಾಯಪ್ರಮಾಣ ಬಪ್ಪಕ, ಪಾಪಕ್ ಜೀವ ಕ್‌ಟ್ಟಿಪೋಚಿ, ನಾನ್ ಚತ್ತಂವೊಂಡನೆಕೆ ಆನ.

1 ಕೊರಿಂಥ 15:56

ಪಾಪತ್‍ರಗುಂಡ್ ಮಾತ್ರ ಚಾವ್‍ಕ್ ನಂಗಡ ಮೇಲೆ ಅದಿಕಾರ ಉಂಡ್. ನ್ಯಾಯಪ್ರಮಾಣತ್‍ರಗುಂಡ್ ಮಾತ್ರ ಪಾಪಕ್ ನಂಗಡ ಮೇಲೆ ಅದಿಕಾರ ಉಂಡ್.