ರೋಮ್ 7:14 - ಕೊಡವ ಬೈಬಲ್

¹⁴ ಅದಲ್ಲತೆ, ನ್ಯಾಯಪ್ರಮಾಣ ಆತ್ಮೀಯವಾಯಿತುಂಡ್‍ೕಂದ್ ನಂಗಕ್ ಗೊತ್ತುಂಡ್, ಆಚೇಂಗಿ ನಾನ್ ಪಾಪಕ್ ಅಡಿಯಾಳಾಯಿತ್ ಮಾರಿತ್, ಆತ್ಮೀಯ ಜೀವ ಇಲ್ಲತಂವೊನಾನ.

ರೋಮ್ 7:14 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 37:27

ಅಂವೊನ ಈ ಇಷ್ಮಾಯೇಲರಯಿಂಗಕ್‌ ಮಾರನ ಬಾರಿ. ನಂಗ ಅಂವೊಂಡ ಮೇಲೆ ಕೈ ಬೆಕ್ಕತೆ ಇಕ್ಕನ. ಎಚ್ಚಕಾಚೇಂಗಿಯು ಅಂವೊ ನಂಗಡ ತಮ್ಮಣನು ನಂಗಡ ಸ್ವಂತ ಚೋರೆಯು ಯರ್ಚಿಯು ಆಯಿತುಂಡಲ್ಲಾಂದ್‌ ಎಣ್ಣ್‌ಚಿ. ಈ ತಕ್ಕ್‌ಕ್‌ ಅಯಿಂಗ ಒತ್ತಂಡತ್.

ಆದ್ಯತ್‌ರ ಪುಸ್ತಕ 37:36

ಮಿದ್ಯಾನ್ಯರಯಿಂಗ ಯೋಸೇಫನ ಐಗುಪ್ತ ದೇಶಕ್‌ ಕೊಂಡಪೋಯಿತ್‌ ಫರೋಹನಂಡ ಒರ್‌ ಅದಿಕಾರಿಯು, ಅರಮನೆರ ನಾಯಕನು ಅಯಿತ್‌ಂಜ ಪೋಟೀಫರಂಗ್‌ ಮಾರ್ಚಿ.

ಆದ್ಯತ್‌ರ ಪುಸ್ತಕ 40:15

ಎನ್ನಂಗೆಣ್ಣ್‌ಚೇಂಗಿ ನಾನ್‌ ಇಬ್ರಿಯ ದೇಶಕ್‌ ಕೂಡ್‌ನಂವೊ. ಚೆನ್ನ ಜನ ನನ್ನ ಅಲ್ಲಿಂಜ ಕಟ್ಟಂಡ್‌ ಬಂದಿಯೆ. ಇಲ್ಲಿ ಸೆಹ ಜೈಲ್‌ಲ್‌ ಇಪ್ಪಂತ ತಪ್ಪ್‌ನ ನಾನ್‌ ಮಾಡಿತ್‌ಲ್ಲೆ. ಆಚೇಂಗಿಯು ಇಕ್ಕ ನಾನ್‌ ಜೈಲ್‌ಲ್‌ ಉಳ್ಳ್ಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 30:2

ಮನುಷ್ಯಂಗಡಡೆಲ್‌ ನಾನ್‌ ದಡ್ಡ ಮನುಷ್ಯನಾಯಿತುಲ್ಳ. ಮನುಷ್ಯಂಗಕ್‌ ಬೋಂಡಿಯಾನ ಬುದ್ದಿ ನಾಕ್‍ ಇಲ್ಲೆ.

ಜ್ಞಾನತ್‌ರ ಪಡಿಮ 30:5

ದೇವ ಎಣ್ಣುವ ಪ್ರತಿಯೋರ್‌ ತಕ್ಕು ನಂಬಿಕೆಕ್‌ ಯೋಗ್ಯವಾಯಿತ್ತುಂಡ್. ಅಂವೊನ ನಂಬಿತ್‌ ಅಂವೊಂಡ ಪಕ್ಕ ಬಪ್ಪಯಿಂಗಕ್‌ ಅಂವೊ ಪಡೆತಟ್ಟಾಯಿತುಂಡ್.

ಮತ್ತಾಯ 16:23

ಆಚೇಂಗಿ, ಯೇಸು ಅಂವೊಂಡ ಪಕ್ಕ ತಿರಿತ್, ನಾಡ ಬಯ್ಯಕ್ ಪೋ ಸೈತಾನೇ, ನಾನ್ ದೇವಡ ಚಿತ್ತತ್‍ನ ಮಾಡ್‌ವಕ್ ನೀನ್ ತಡೆ ಮಾಡ್‌ವಿಯ, ಇಕ್ಕ, ನೀನ್ ದೇವಡ ಚಿತ್ತತ್‍ರನೆಕೆ ಗೇನ ಮಾಡತೆ, ಮನುಷ್ಯಂಗಡ ಚಿತ್ತತ್‍ರನೆಕೆ ಗೇನ ಮಾಡ್‌ವಿಯಾಂದ್ ಎಣ್ಣ್‌ಚಿ.

ಮತ್ತಾಯ 18:25

ಆ ಮನುಷ್ಯಂಗ್ ಸಾಲ ತ್‍ೕಪಕ್ ಅಂವೊಂಡ ಪಕ್ಕ ಒಂದು ಇಲ್ಲೆ. ಅಕ್ಕ ಅಂವೊಂಡ ಎಜಮಾನ ನೀಡ ಪೊಣ್ಣ್ ಮಕ್ಕ ಪಿಂಞ ಸೊತ್ತ್‌ನೆಲ್ಲ ಮಾರಿತ್ ನಾಡ ಸಾಲ ತ್‍ೕಕಂಡೂಂದ್ ಹುಕುಮ್ ಕೊಡ್‍ತತ್.

ಮತ್ತಾಯ 5:22

ಆಚೇಂಗಿ ನಾನ್ ಎಣ್ಣ್‌ವಿ, ನಿಂಗ ನಿಂಗಡ ಅಣ್ಣತಮ್ಮಣನಂಗಡ ಕೂಡೆ ಚೆಡಿಲ್ ಉಂಡೇಂಗಿ ನ್ಯಾಯತೀರ್ಪ್‌ಕ್ ಒಳಪಡ್‍ವಿರ; ನಿಂಗಡ ಏದೋರ್ ಅಣ್ಣತಮ್ಮಣನಂಗಕ್: ನೀನ್ ಒಂದಾಂಗು ಲಾಯಕ್ ಇಲ್ಲೇಂದ್ ಎಣ್ಣ್‌ಚೇಂಗಿ ಯೆಹೂದ್ಯಂಗಡ ಆಲೋಚನೆ ಸಬೇಕ್ ಮಿಂಞತ್ ನಿಪ್ಪಿರ. ನಿಂಗಡ ಅಣ್ಣತಮ್ಮಣನಂಗಳ ನಿಂಗ ಮುಠಾಳಂಗಾಂದ್ ಎಣ್ಣ್‌ಚೇಂಗಿ, ನಿಂಗ ನರಕ ಲೋಕತ್‍ಲ್ ಉಳ್ಳ ತಿತ್ತ್‌ಕ್ ಪೋಪಕ್ ಬಟ್ಟೆ ಮಾಡ್‌ವಿರ.

ಮತ್ತಾಯ 5:28

ಆಚೇಂಗಿ ನಾನ್ ನಿಂಗಕ್ ಎಣ್ಣ್‌ವಿ: ಬೋರೆ ಪೊಣ್ಣಾಳ್‍ನ ಆಸೆಯಿಂಜ ನೋಟ್‍ಚೇಂಗಿ ಸಹ, ಅಂವೊ ತಾಂಡ ಹೃದಯತ್‍ಲ್ ಅವಡ ಕೂಡೆ ವ್ಯಬಿಚಾರ ಮಾಡ್‍ನನೆಕೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:8

ಸೀಮೋನ ಪೇತ್ರ ಇದ್‍ನೆಲ್ಲಾ ನೋಟಿತ್, ಸ್ವಾಮೀ! ನಾನ್ ಬಲ್ಯ ಪಾಪ ಮಾಡ್‍ನಂವೊ, ನೀನ್ ಇಲ್ಲಿಂಜ ಪೋಯಿರ್‍ೕಂದ್, ಯೇಸುರ ಕಾಲ್‌ಕ್ ಬುದ್ದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:6

ಅಕ್ಕ ಯೇಸು, ಅಯಿಂಗಡ ಕೂಡೆ ಪೋಚಿ. ಯೇಸು ಅಂವೊಂಡ ಮನೆರ ಪಕ್ಕ ಎತ್ತ್‌ವಕ, ನೂರ್ ಸಿಪಾಯಿಯರ ಅದಿಕಾರಿ ತಾಂಡ ಸ್ನೇಹಿತಯಂಗಳ ನೋಟಿತ್: ನಿಂಗ ಯೇಸುರ ಪಕ್ಕ ಪೋಯಿತ್, ಒಡೆಯನೇ, ನೀನ್ ಅಲ್ಲಿಕ್ ಬಪ್ಪಕ್ ತೊಂದರೆ ಎಡ್‍ಕತೆ, ನೀನ್ ನಾಡ ಮನೆಕ್ ಬಪ್ಪಕ್ ನಾನ್ ಯೋಗ್ಯನಲ್ಲ;

ರೋಮ್ 3:9

ಅನ್ನನಾಚೇಂಗಿ ಎಂತ? ನಂಗ ಅಯಿಂಗಕಿಂಜ ವಿಷೇಶವಾನಯಿಂಗಳ? ಅನ್ನನೆ ಒಂದು ಇಲ್ಲೆ! ಯೆಹೂದ್ಯಂಗಳಾಚೇಂಗಿಯು ಸರಿ, ಯೆಹೂದ್ಯಂಗಲ್ಲತಯಿಂಗಳಾಚೇಂಗಿಯು ಸರಿ, ಎಲ್ಲಾರು ಪಾಪತ್‍ರ ಶಕ್ತಿರ ಅಡಿಕ್ ಒಳಪಟ್ಟಿತುಂಡ್‍ೕಂದ್ ನಾನ್ ಮಿಂಞಲೇ ದೃಡ ಪಡ್‍ತ್‍ನ.

ರೋಮ್ 6:6

ನಂಗ ಇಂಞು ಮಿಂಞಕ್ ಪಾಪಕ್ ಆಳಾಯಿತ್ ಬದ್‍ಕತೆ, ಪಾಪತ್‍ರ ತಡಿ ಪಾಳಾಯಿ ಪೋಪಕ್, ನಂಗಡ ಪಳೆಯ ಮನುಷ್ಯನ ಅಂವೊಂಡ ಕೂಡೆ ಶಿಲುಬೇಲ್ ಇಟ್ಟಿತಾಚೀಂದ್ ನಂಗಕ್ ಗೊತ್ತುಂಡ್.

ರೋಮ್ 7:18

ಎನ್ನಂಗೆಣ್ಣ್‌ಚೇಂಗಿ, ನಾಡಲ್ಲಿ, ಎಣ್ಣ್‌ಚೇಂಗಿ, ನಾಡ ತಡೀಲ್ ನಲ್ಲದ್ ವಾಸಮಾಡಿಯಂಡಿಲ್ಲೇಂದ್ ನಾಕ್ ಗೊತ್ತುಂಡ್; ಅದ್ ಪಾಪತ್‍ರ ಗುಣವೇ. ನಲ್ಲದ್ ಮಾಡಂಡೂಂದ್ ನಾಕ್ ಕುಶಿ ಉಂಡ್, ಆಚೇಂಗಿ ನಲ್ಲದ್‍ನ ಮಾಡ್‌ವಕ್ ನಾಕ್ ಕಯಿಂಜಂಡಿಲ್ಲೆ.

ಗಲಾತ್ಯ 4:3

ನಂಗ ಸಹ ಕ್ರಿಸ್ತನ ಗೊತ್ತಾಪಕ್ ಮಿಂಞ ಅನ್ನನೆ ಇಂಜತ್. ನಂಗ ಚೆರಿಯ ಮಕ್ಕಳಾಯಿತ್‌ಪ್ಪಕ, ಈ ಲೋಕತ್‍ರ ಆತ್ಮೀಯ ಅದಿಕಾರಕ್ ಆಡಿಯಾಳಾಯಿತ್ಂಜತ್.

ಎಫೆಸ 3:8

ದೇವಡ ಮಕ್ಕಡಲ್ಲಿ ಎಲ್ಲಾಡಕಿಂಜ ಚೆರಿಯಂವೊನಾನ ನಾಕ್, ಕ್ರಿಸ್ತಂಡ ಲೆಕ್ಕ ಮಾಡ್‌ವಕ್ ಕಯ್ಯತಚ್ಚಕ್ ಉಳ್ಳ ಐಶ್ವರ್ಯತ್‍ನ ಯೆಹೂದ್ಯಂಗಲ್ಲತ ಜನಕ್ ಅರಿಚಿಡುವಕುಳ್ಳ ಈ ಕೃಪೆ ನಾಕ್ ಕ್‍ಟ್ಟ್‌ಚಿ.

ಇಬ್ರಿಯ 4:12

ದೇವಡ ವಾಕ್ಯ ಜೀವವು, ಶಕ್ತಿ ಉಳ್ಳದಾಯಿತು, ದಂಡ್ ಪಕ್ಕವು ಚೂಪಾಯಿತ್ ಉಳ್ಳ ಏದ್ ಬಾಳ್‌ಕತ್ತಿಕಿಂಜಲು ಚೂಪಾಯಿತ್ ಉಂಡ್. ಇದ್ ಆತ್ಮತ್‌ನ ಪಿಂಞ ಜೀವತ್‍ನ, ಮುಟ್ಟ್‌ನ ಪಿಂಞ ಅದ್ಂಡ ಒಳ್‍ಲ್ ಉಳ್ಳ ಮಜ್ಜೆನ ಬೋರೆ ಬೋರೆ ಮಾಡಿತ್ ನಂಗಡ ಒಳ್‍ಕ್ ಕುತ್ತುವನೆಕೆ ಉಂಡ್. ಇದ್ ಹೃದಯತ್‍ರ ಗೇನತ್‍ನ ಪಿಂಞ ಆಲೋಚನೆರ ರೀತಿನ ನಂಗಕ್ ಕಾಟಿತಪ್ಪದಾಯಿತುಂಡ್.