ರೋಮ್ 7:11 - ಕೊಡವ ಬೈಬಲ್

¹¹ ಅದ್ ಎನ್ನನೆ ಎಣ್ಣ್‌ಚೇಂಗಿ, ಪಾಪಕ್ ಕಾನೂನ್‍ರಗುಂಡ್ ಬಟ್ಟೆ ಕ್‍ಟ್ಟಿತ್, ನನ್ನ ವಂಚನೆ ಮಾಡಿತ್, ನನ್ನ ಚತ್ತನೆಕೆ ಮಾಡಿರ್‌ತ್.

ರೋಮ್ 7:11 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 3:13

ಯೆಹೋವನಾನ ದೇವ ಆ ಪೊಣ್ಣಾಳ್‌ಕ್: ನೀನ್‌ ಎಂತ ಮಾಡಿಯಾಂದ್‌ ಕ್‍ೕಟತ್. ಅದಂಗ್‌ ಆ ಪೊಣ್ಣಾಳ್: ಆ ಪಾಂಬ್ ನಾಕ್‍ ವಂಚನೆ ಮಾಡ್‌ಚಿ, ಅದಂಗೇ ನಾನ್‌ ತಿಂದಂದ್‌ ಎಣ್ಣ್‌ಚಿ.

ರೋಮ್ 3:20

ಆನಗುಂಡ್, ನ್ಯಾಯಪ್ರಮಾಣತ್‍ರಗುಂಡ್ ಒರ್ ಮನುಷ್ಯನು ದೇವಡ ಮಿಂಞತ್ ನೀತಿವಂತವೊನಾಯಿತ್ ಆಪಕ್ ಕಯ್ಯುಲೆ. ಆಚೇಂಗಿ ನ್ಯಾಯಪ್ರಮಾಣತ್‍ರ ಮೂಲಕ ಪಾಪ ಎಂತ್‍ೕಂದ್ ಗೊತ್ತಾಪ.

ರೋಮ್ 7:13

ಅನ್ನನೆ ಆಚೇಂಗಿ, ನಲ್ಲದಾಯಿತುಳ್ಳ ನ್ಯಾಯಪ್ರಮಾಣ, ನಾಡ ಚಾವ್‍ಕ್ ಕಾರಣ ಆಚೀಂದ್ ಎಣ್ಣುವಕ್ ಕಯ್ಯುವ? ಅನ್ನನೆ ಅಲ್ಲ, ಪಾಪವೇ ನಾಡ ಚಾವ್‍ಕ್ ಕಾರಣ ಆಚಿ; ಪಾಪ ನ್ಯಾಯಪ್ರಮಾಣತ್‍ರಗುಂಡ್ ಇಂಞು ದುಂಬ ಪಾಪವಾಯಿತ್ ಪಿಂಞ ನಲ್ಲದ್‍ನಗುಂಡ್ ನಾಕ್ ಚಾವ್ ಕೊಂಡ್ ಬಾತ್. ಆನಗುಂಡ್, ನ್ಯಾಯಪ್ರಮಾಣತ್‍ರ ಮೂಲಕ ಪಾಪ ಎಚ್ಚಕ್ ಕ್ರೂರವಾನ ಪಾಪಾಂದ್ ನಂಗ ಕಾಂಬಕ್ ಆಚಿ.

ರೋಮ್ 7:8

ಆಚೇಂಗಿ ಪಾಪ ನ್ಯಾಯಪ್ರಮಾಣತ್‍ಲ್ ಬಟ್ಟೆ ಕಂಡ್‍ಪುಡ್‌ಚಿತ್, ಎಲ್ಲಾ ತರತ್‍ರ ಬೋಂಡತ ಆಸೇನ ನಾಡಲ್ಲಿ ಮಾಡಿರ್‌ತ್. ನ್ಯಾಯಪ್ರಮಾಣ ಇಲ್ಲತೆಪೋಚೇಂಗಿ ಪಾಪಕ್ ಜೀವ ಇಲ್ಲತ ಇಂಜಿತಿಪ್ಪ.

ಎಫೆಸ 4:22

ಆನಗುಂಡ್, ಪಂಡತ ಬದ್‍ಕ್‍ರ, ಇಚ್ಛೆಯಿಂಜ ನಿಂಗಳ ಪಾಳ್ ಮಾಡ್‌ವ ಪಳೆಯ ಮನುಷ್ಯನ ಉತ್ತಿತ್ ಕಳೆಯುವಿರ.

ಇಬ್ರಿಯ 3:13

ನಿಂಗಡಲ್ಲಿ ಒಬ್ಬಂಡ ಹೃದಯ ಸಹ, ಪಾಪತ್‍ರ ವಂಚನೆರಗುಂಡ್ ಕಲ್ಲ್‌ರನೆಕೆ ಆಪಕ್ಕಾಗ. ಆಚೇಂಗಿ, ಅದ್ಂಡ ಬದ್‍ಲ್, ಇಂದ್ ಎಣ್ಣುವ ತಕ್ಕ್ ಇಪ್ಪಕತ್ತನೆ, ನಿಂಗ ಒಬ್ಬಂಗ್ ಒಬ್ಬ ಎಕ್ಕಾಲು ಪುರ್‌ಡ್ ಕೊಡ್‍ತಂಡಿರಂಡು.

ಯಾಕೋಬ 1:22

ಅದಲ್ಲತೆ ನಿಂಗ ನಿಂಗಳ ಮೋಸ ಮಾಡತನೆಕೆ ದೇವಡ ವಾಕ್ಯತ್‍ನ ಕ್‍ೕಪಯಿಂಗಳಾಯಿತ್ ಮಾತ್ರ ಅಲ್ಲತೆ ಅದ್ಂಡ ಪ್ರಕಾರ ನಡ್‌ಪಯಿಂಗಳಾಯಿತು ಇಕ್ಕಂಡು.

ಯಾಕೋಬ 1:26

ನಿಂಗಡಲ್ಲಿ ಒಬ್ಬ ತಾಂಡ ನಾವ್‌ಕ್ ಕಡಿವಾಣ ಇಡತೆ ನಾನ್ ದೇವಡ ಮೇಲೆ ಬಕ್ತಿ ಉಳ್ಳಂವೋಂದ್ ಗೇನ ಮಾಡ್‍ಚೇಂಗಿ ಅಂವೊ ತಾಂಗ್ ತಾನೆ ಮೋಸ ಮಾಡ್‌ವ, ಅಂವೊಂಡ ಬಕ್ತಿ ಪ್ರಯೋಜನ ಇಲ್ಲತ ಬಕ್ತಿಯಾಯಿತ್‌ಪ್ಪ.