ರೋಮ್ 7:1 - ಕೊಡವ ಬೈಬಲ್

¹ ನಾಡ ಅಣ್ಣತಮ್ಮಣಂಗಳೇ, ನ್ಯಾಯಪ್ರಮಾಣ ಗೊತ್ತುಳ್ಳಯಿಂಗಡ ಪಕ್ಕ ನಾನ್ ತಕ್ಕ್ ಪರ್ಂದಂಡುಳ್ಳ. ಒಬ್ಬ ಬದ್‍ಕಿಯಂಡ್ ಇಪ್ಪಕತ್ತನೆ ನ್ಯಾಯಪ್ರಮಾಣ ಅಂವೊನ ಆಳಿಯಂಡುಂಡ್‍ೕಂದ್ ನಿಂಗಕ್ ಗೊತ್ತ್‌ಲ್ಲೆಯ?

ರೋಮ್ 7:1 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 6:23

ಎನ್ನಂಗೆಣ್ಣ್‌ಚೇಂಗಿ ಈ ಆಜ್ಞೆವೇ ನೀಕ್‌ ಬೊಳ್‌ಚವಾಯಿತು, ಈ ಬೋದನೆಯೇ ನೀಕ್‌ ಬೊಳಿಯಾಯಿತು, ಈ ಉಪದೇಶತ್‌ಂಜ ಬಪ್ಪ ತಿದ್ದುವಿಕೆಯೇ, ಬದ್‌ಕ್‌ ತಪ್ಪ ಬಟ್ಟೆಯಾಯಿತು ಇಪ್ಪ.

ರೋಮ್ 1:13

ನಾಡ ಅಣ್ಣತಮ್ಮಣಂಗಳೇ, ಬೋರೆ ಜಾಗತ್‍ಲ್ ಉಳ್ಳ ಯೆಹೂದ್ಯ ಅಲ್ಲತಯಿಂಗಡ ಪಕ್ಕ ನಾಕ್ ಫಲ ಕ್‍ಟ್ಟ್‌ನನೆಕೆ, ನಿಂಗಡಲ್ಲಿಯು ನಾಕ್ ಫಲ ಕ್‍ಟ್ಟಂಡೂಂದ್ ನಿಂಗಡ ಪಕ್ಕ ಬಪ್ಪಕ್ ದುಂಬ ಕುರಿ ಗೇನ ಮಾಡ್‍ನ, ಆಚೇಂಗಿ ಇಲ್ಲಿಕತ್ತನೆ ಅದ್ಂಗ್ ತಡೆ ಆಯಂಡಿಂಜತ್‍ೕಂದ್ ನಿಂಗಕ್ ಗೊತ್ತಿಲ್ಲತೆ ಇಪ್ಪದ್ ನಾಕ್ ಕುಶಿಯಿಲ್ಲೆ.

ರೋಮ್ 10:1

ನಾಡ ಅಣ್ಣತಮ್ಮಣಂಗಳೇ, ನಾಡ ಜನಕ್ ರಕ್ಷಣೆ ಕ್‍ಟ್ಟಂಡೂಂದ್ ಉಳ್ಳದೇ ನಾಡ ಹೃದಯತ್‍ರ ಆಸೆಯು, ನಾನ್ ದೇವಡ ಪಕ್ಕ ಮಾಡ್‌ವ ಪ್ರಾರ್ಥನೆಯುವಾಯಿತ್ ಉಂಡ್.

ರೋಮ್ 10:4

ನಂಬುವ ಏದ್ ಮನುಷ್ಯಂಗು, ನೀತಿ ಉಳ್ಳಯಿಂಗಳಾಪಕ್, ಕ್ರಿಸ್ತ ನ್ಯಾಯಪ್ರಮಾಣತ್‍ರ ಅಂತ್ಯವಾಯಿತುಂಡ್.

ರೋಮ್ 6:14

ನಿಂಗ ನ್ಯಾಯಪ್ರಮಾಣತ್‍ರ ಅಡಿಕ್ ಬರತೆ, ಕೃಪೇರ ಅಡಿಕ್ ಬಂದಿತುಳ್ಳಗುಂಡ್ ಪಾಪ ನಿಂಗಳ ಆಳುವಕ್ ಕಯ್ಯುಲೆ.

ರೋಮ್ 6:3

ಕ್ರಿಸ್ತ ಯೇಸುಂಡಲ್ಲಿ ದೀಕ್ಷಾಸ್ನಾನ ಎಡ್‍ತಿತುಳ್ಳ ನಂಗ ಎಲ್ಲಾರು, ಅಂವೊಂಡ ಚಾವ್‍ಲ್ ಸಹ ಒಂದಾಪನೆಕೆ, ದೀಕ್ಷಾಸ್ನಾನ ಎಡ್‍ತಂಡದ್ ನಿಂಗಕ್ ಗೊತ್ತ್‌ಲ್ಲೆಯ?

ರೋಮ್ 7:6

ಆಚೇಂಗಿ, ಇಕ್ಕ, ಒಳ್‍ದಿತುಳ್ಳ ಪಳೆಯ ರೀತಿಲ್ ಅಲ್ಲ, ಆಚೇಂಗಿ ಪವಿತ್ರಾತ್ಮತ್‍ರ ಪುದಿಯ ರೀತಿರ ಪ್ರಕಾರ ನಂಗ ಸೇವೆ ಮಾಡ್‌ವನೆಕೆ, ನಂಗಳ ಪುಡ್‍ಚಿ ಬೆಚ್ಚಿತ್ಂಜ ನ್ಯಾಯಪ್ರಮಾಣಕ್ ನಂಗ ಚತ್ತಿತ್ ಬುಡ್‍ಗಡೆ ಆಯಿತುಂಡ್.

ರೋಮ್ 9:3

ತಡೀರ ಪ್ರಕಾರ ನಾಡ ಜನವಾಯಿತ್ ಉಳ್ಳ ನಾಡ ಅಣ್ಣತಮ್ಮಣಂಗಕ್ ಬದ್‍ಲ್, ನಾನೇ ಕ್ರಿಸ್ತನ ಬುಟ್ಟಿತ್ ಶಾಪ ಕ್‍ಟ್ಟ್‌ನಂವೊನಾಯಿತ್ ಇಪ್ಪಕ್ ನಾನ್ ಆಸೆ ಪಡುವಿ.

1 ಕೊರಿಂಥ 9:8

ನಾನ್ ಇನ್ನನೆ, ಮನುಷ್ಯಂಡ ದೃಷ್ಟಿಲ್ ಎಣ್ಣಿಯಂಡುಳ್ಳದಾ? ನಂಗಡ ನ್ಯಾಯಪ್ರಮಾಣ ಸಹ ಇದ್‍ನ ಎಣ್ಣಿಯಂಡುಂಡಲ್ಲ?

ಗಲಾತ್ಯ 4:21

ನ್ಯಾಯಪ್ರಮಾಣ ಎಣ್ಣ್‌ವನಕೆ ನಡ್‍ಪಕ್ ಕುಶೀಲುಳ್ಳ ನಿಂಗ, ಅದ್ ಎಂತ ಎಣ್ಣಿಯಂಡ್ ಉಂಡ್‍ೕಂದ್ ಕ್‍ೕಪ್‌ಲೆಯಾ? ಇದ್‍ನ ನಿಂಗ ನಾಕ್ ಎಣ್ಣಿ.