ರೋಮ್ 6:9 - ಕೊಡವ ಬೈಬಲ್

⁹ ಚತ್ತಯಿಂಗಡ ಮದ್ಯತ್ಂಜ ಎದ್ದಿತ್ ಬಂದ ಕ್ರಿಸ್ತ ಇಂಞು ಮಿಂಞಕ್ ಚಾವುಲೆ; ಚಾವ್ ಅಂವೊನ ಆಳುವಕ್ ಕಯ್ಯುಲೇಂದ್ ನಂಗಕ್ ಗೊತ್ತುಂಡ್.

ರೋಮ್ 6:9 ပူးပေါင်းရင်းမြစ်များ

ರೋಮ್ 5:14

ಅನ್ನನೆ ಇಂಜತೇಂಗಿಯು, ಆದಾಮಯಿಂಜ ಮೋಶೆಕತ್ತನೆ, ಪಾಪ ಮಾಡತಯಿಂಗಳ ಸಹ ಚಾವ್ ಆಳಿಯಂಡಿಂಜತಲ್ಲ! ಆದಾಮ ಮಾಡ್‍ನ ಅಪರಾದತ್‍ರಚ್ಚಕ್, ಅಯಿಂಗ ಪಾಪ ಮಾಡತೆ ಇಂಜತೇಂಗಿಯು ಅಯಿಂಗಳ ಆಳಿಯಂಡಿಂಜತ್. ಈ ಆದಾಮ ಬಯ್ಯ ಬಂದ ಕ್ರಿಸ್ತಂಗ್ ಗುರ್‌ತ್ ಆಯಿತ್ಂಜತ್.

ರೋಮ್ 6:10

ಅಂವೊ ಚತ್ತದ್, ಪಾಪಕಾಯಿತ್ ಒರೇ ಕುರಿ ಚತ್ತತ್; ಅಂವೊ ಇಕ್ಕ ಬದ್‍ಕಿಯಂಡುಳ್ಳದ್, ದೇವಕಾಯಿತ್ ಬದ್‍ಕಿಯಂಡುಂಡ್.

ರೋಮ್ 6:14

ನಿಂಗ ನ್ಯಾಯಪ್ರಮಾಣತ್‍ರ ಅಡಿಕ್ ಬರತೆ, ಕೃಪೇರ ಅಡಿಕ್ ಬಂದಿತುಳ್ಳಗುಂಡ್ ಪಾಪ ನಿಂಗಳ ಆಳುವಕ್ ಕಯ್ಯುಲೆ.

ರೋಮ್ 6:4

ಅನ್ನನೆ, ಅಪ್ಪನಾನ ದೇವಡ ಮಹಿಮೇರಗುಂಡ್, ಕ್ರಿಸ್ತನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟನೆಕೆ, ನಂಗಳು, ಪುದಿಯ ಜೀವ ಕ್‍ಟ್ಟ್‌ನಯಿಂಗಳಾಯಿತ್ ನಡ್‍ಕಂಡೂಂದ್, ಅಂವೊಂಡ ಚಾವ್‍ಲ್ ನಂಗ ಪಾಲದಾರಂಗಳಾಪನೆಕೆ, ದೀಕ್ಷಾಸ್ನಾನತ್‍ರ ಮೂಲಕ ಕ್ರಿಸ್ತಂಡ ಕೂಡೆ ನಂಗಳ ಪೂತ್ತತ್.

ಇಬ್ರಿಯ 7:16

ಯೇಸು ತಡೀರ ಮೂಲಕ ನ್ಯಾಯಪ್ರಮಾಣತ್‍ರಗುಂಡ್ ಯಾಜಕನಾಯಿತ್ ಆಯಿತ್‌ಲ್ಲೆ, ಆಚೇಂಗಿ, ನಾಶ ಆಕತ ಜೀವತ್‍ರ ಶಕ್ತಿರ ಪ್ರಕಾರ ಯಾಜಕನಾಚಿ.

ಇಬ್ರಿಯ 7:25

ಆನಗುಂಡ್, ತಾಂಡ ಮೂಲಕ ದೇವಡ ಪಕ್ಕ ಬಪ್ಪಯಿಂಗಕಾಯಿತ್ ಎಕ್ಕಾಲು ದೇವಡ ಮಿಂಞತ್ ಬೋಡ್‌ವನೆಕೆ ಬದ್‍ಕಿಯಂಡಿಪ್ಪಗುಂಡ್, ಅಯಿಂಗಳ ಪೂರ್ತಿಯಾಯಿತ್ ರಕ್ಷಣೆ ಮಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್.

ಪ್ರಕಟನೆ 1:18

ನಾನ್ ಚತ್ತ್‌ಪೋನ, ಆಚೇಂಗಿಯು ಇದಾ, ನಾನ್ ಎಕ್ಕಾಲು ಬದ್‍ಕಿಯಂಡುಳ್ಳ. ಚಾವ್ ಪಿಂಞ ಪಾತಾಳತ್‍ರ ಬೀತ್‍ಕೈ ನಾಡ ಪಕ್ಕ ಉಂಡ್.