ರೋಮ್ 6:7 - ಕೊಡವ ಬೈಬಲ್

⁷ ಎನ್ನನೆ ಎಣ್ಣ್‌ಚೇಂಗಿ, ನಂಗ ಕ್ರಿಸ್ತಂಡ ಕೂಡೆ ಚಾವಕ, ನಂಗ ಪಾಪತ್‍ರ ಶಕ್ತಿಯಿಂಜ ಬಚಾವಾಯಿತುಂಡ್.

ರೋಮ್ 6:7 ပူးပေါင်းရင်းမြစ်များ

ಮತ್ತಾಯ 11:19

ಮನುಷ್ಯಕುಮಾರ ತಿಂದಂಡ್ ಕುಡಿಚಂಡಿಂಜತ್, ಅದ್ಂಗ್ ಅಯಿಂಗ: ಅಂವೊ ತೀನಿಮಾರಿಯು, ಕುಡ್‌ಕನು, ಕಂದಾಯ ಎಡ್‌ಪಯಿಂಗಡ ಪಿಂಞ ಸಮಾಜ ಪಾಪಿಯಂಗಾಂದ್ ಎಣ್ಣುವ ಜನಡ ಸ್ನೇಹಿತಾಂದ್ ಎಣ್ಣ್‌ಚಿ. ಆಚೇಂಗಿ, ದೇವಡ ಜ್ಞಾನ, ಅಂವೊನ ನಂಬುವಯಿಂಗ ಮಾಡ್‌ವ ಕ್ರಿಯೆರ ಮೂಲಕ ಸತ್ಯವಾಪಾಂದ್ ಯೇಸು ಎಣ್ಣ್‌ಚಿ.

ರೋಮ್ 6:2

ಅನ್ನನೆ ಇಲ್ಲೆ! ಪಾಪಕ್ ಚತ್ತ್ ಪೋಯಿತುಳ್ಳ ನಂಗ, ಇಂಞು ಅದ್‍ಲ್ ಎನ್ನನೆ ಬದ್‍ಕ್‌ವಕಾಪ?

ರೋಮ್ 6:8

ಆನಗುಂಡ್, ನಂಗ ಕ್ರಿಸ್ತಂಡ ಕೂಡೆ ಚತ್ತತೇಂಗಿ, ಅಂವೊಂಡ ಕೂಡೆ ನಂಗ ಸಹ ಬದ್‍ಕಾವಾಂದ್ ನಂಬಿಯಂಡುಂಡ್.

ರೋಮ್ 7:2

ವಡಿಯ ಉಳ್ಳ ಒರ್ ಪೊಣ್ಣಾಳ್, ಅಂವೊ ಬದ್‍ಕಿಯಂಡಿಪ್ಪಕತ್ತನೆ, ನ್ಯಾಯಪ್ರಮಾಣತ್‍ರ ಪ್ರಕಾರ ಅಂವೊಂಡ ಪೊಣ್ಣಾಯಿತ್ ಮಾತ್ರ ಇಪ್ಪ. ಆಚೇಂಗಿ, ಅವಡ ವಡಿಯ ಚತ್ತ್‌ಪೋನ ಪಿಂಞ, ಅಂವೊಂಡ ಕೂಡೆ ಮಾಡ್‍ನ ಮಂಗಲತ್‍ರ ಪ್ರಮಾಣತ್ಂಜ ಬುಡುಗಡೆ ಆಯಿರುವ.

ರೋಮ್ 7:4

ಅನ್ನನೆ, ನಾಡ ಅಣ್ಣತಮ್ಮಣಂಗಳೇ, ನಿಂಗಳು ಸಹ, ಕ್ರಿಸ್ತಂಡ ತಡೀರ ಮೂಲಕ ನ್ಯಾಯಪ್ರಮಾಣಕ್ ಚತ್ತ್ ಪೋಯಿತುಳ್ಳಿರ. ಆನಗುಂಡ್, ದೇವಕಾಯಿತ್ ಫಲ ಕೊಡ್‍ಪನೆಕೆ, ಚಾವ್‍ಯಿಂಜ ಜೀವವಾಯಿತ್ ಬಂದ ಬೋರೆ ಒಬ್ಬಂಗ್ ಕೂಡ್‍ನಯಿಂಗಳಾಯಿತುಳ್ಳಿರ.

ರೋಮ್ 8:1

ಆನಗುಂಡ್, ದೇವ ಅಂವೊನ ನಂಬತಯಿಂಗಕ್ ತಪ್ಪ ಶಿಕ್ಷೆ, ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಉಳ್ಳಯಿಂಗಕ್ ತಪ್ಪುಲೆ.

1 ಪೇತ್ರ 4:1

ಇನ್ನನೆ ಇಪ್ಪಕ, ಕ್ರಿಸ್ತ ನಂಗಕಾಯಿತ್ ತಡೀಲ್ ಕಷ್ಟಪಟ್ಟಗುಂಡ್ ನಿಂಗಳು ಸಹ ಆ ತರ ಮನಸ್ಸ್‌ನ ನಿಂಗಡ ಆಯುದವಾಯಿತ್ ಇಟ್ಟೊಳಿ. ಎನ್ನಂಗೆಣ್ಣ್‌ಚೇಂಗಿ, ಅನ್ನನೆ ತಡೀಲ್ ಕಷ್ಟಪಡ್‌ವಂವೊ, ಪಾಪತ್‍ನ ಬುಟ್ಟಿತ್‌ಪ್ಪ.