ರೋಮ್ 6:22 - ಕೊಡವ ಬೈಬಲ್

²² ಇಕ್ಕ ನಿಂಗ ಪಾಪತ್ಂಜ ಬುಡುಗಡೆ ಆಯಿತ್ ದೇವಡ ಅಡಿಯಾಳಾಯಿತ್ ಉಳ್ಳಾಂಗ್, ಪವಿತ್ರವಾಯಿತ್‌ಪ್ಪದ್ ನಿಂಗಕ್ ಕ್‍ಟ್ಟ್‌ವ ಇನಾಮ್, ಅದ್ಂಡ ಪ್ರತಿಫಲ ನಿತ್ಯ ಜೀವ.

ರೋಮ್ 6:22 ပူးပေါင်းရင်းမြစ်များ

ಮತ್ತಾಯ 13:40

ಕಚಡತ್‍ನ ಕೂಟಿತ್ ಚುಡ್‍ವನೆಕೆ, ಈ ಲೋಕತ್‍ರ ಅಂತ್ಯ ಇಪ್ಪ.

ಮತ್ತಾಯ 13:43

ನೀತಿವಂತಯಿಂಗ ಅಯಿಂಗಡ ಅಪ್ಪಂಡ ರಾಜ್ಯತ್‍ಲ್ ಸೂರ್ಯಂಡನೆಕೆ ಮಿನ್ನುವ. ಕ್‍ೕಪಕ್ ಕೆಮಿ ಉಳ್ಳಯಿಂಗ ಕ್‍ೕಳಿ.

ಮತ್ತಾಯ 19:29

ಇದ್‍ಲ್ಲತೆ, ನಾಕಾಯಿತ್ ನಿಂಗಡ ಅಪ್ಪವ್ವನ, ನಿಂಗಡ ಅಣ್ಣತಮ್ಮಣಂಗಳ ಅಕ್ಕತಂಗೆಯಳ, ನಿಂಗಡ ಮನೆನ, ನಿಂಗಡ ತೋಟ ಬೇಲ್‍ನ ಬುಟ್ಟಿತ್ ಬಂದಯಿಂಗಕ್ ನೂರ್ ಪಾಲ್ ಜಾಸ್ತಿ ಕ್‍ಟ್ಟ್‌ವ ಪಿಂಞ ನಿತ್ಯ ಜೀವತ್‍ಲ್ ಪೋಪಕ್ ಹಕ್ಕ್‌ದಾರಂಗಳಾಯಿತ್ ಇಪ್ಪಿರ.

ಮತ್ತಾಯ 25:46

ಅಕ್ಕ ಈಂಗ ನಿತ್ಯ ಶಿಕ್ಷೆಕು, ನೀತಿವಂತಯಿಂಗ ನಿತ್ಯ ಜೀವಕು ಪೋಪ.

ಯೋಹಾನ 15:16

ನಿಂಗ ನನ್ನ ಗೊತ್ತ್ ಮಾಡಿತ್‌ಲ್ಲೆ. ನಾನ್ ನಿಂಗಳ ಗೊತ್ತ್ ಮಾಡಿಯೆ; ನಿಂಗ ಪೋಯಿತ್ ಫಲ ತಪ್ಪನೆಕೆಯು, ನಿಂಗಡ ಫಲ ಸದಾ ನಿಕ್ಕಂಡೂಂದು ನಿಂಗಳ ನೇಮಿಚಿಟ್ಟಿಯೆ. ಆನಗುಂಡ್, ನಾಡ ಪೆದತ್‍ಲ್ ಅಪ್ಪನ ನಿಂಗ ಎಂತ ಕ್‍ೕಪಿರೋ, ಅದ್‍ನ ಅಂವೊ ನಿಂಗಕ್ ತಪ್ಪ.

ಯೋಹಾನ 15:2

ನಾಡಲ್ಲಿ ಇಂಜಂಡ್ ಫಲ ಕೊಡ್‍ಕತ ಕೊಂಬ್‌ನೆಲ್ಲ ಅಂವೊ ಮುರಿಚಿತ್ ಇಡ್‌ವ; ಫಲ ತಪ್ಪ ಕೊಂಬ್‍ನ ಇಂಞು ದುಂಬ ಫಲ ತಪ್ಪನೆಕೆ ಕಪಾತ್ ಮಾಡ್‌ವ.

ಯೋಹಾನ 4:36

ಕೊಯ್ಯುವಂವೊ ಇಕ್ಕಲೆ ಅಂವೊಂಡ ಕೂಲಿನ ಎಡ್‍ತಂಡ್ ನಿತ್ಯ ಜೀವಕಾಯಿತ್ ಬೊಳೆನ ಇಕ್ಕಲೆ ಕೂಟ್‌ವ; ಅನ್ನನೆ ಕುರು ಬಿತ್ತ್‌ವಂವೊನು ಬೊಳೆನ ಕೊಯ್ಯುವಂವೊನು ಒಂದಾಯಿತ್ ಕುಶಿ ಪಡುವ.

ಯೋಹಾನ 8:32

ಅಕ್ಕ, ನಿಂಗಕ್ ಸತ್ಯ ಎಂತ್‍ೕಂದ್ ಗೊತ್ತಾಪ, ಆ ಸತ್ಯ ನಿಂಗಳ ಬುಡ್‍ಗಡೆ ಮಾಡ್‌ವಾಂದ್ ಎಣ್ಣ್‌ಚಿ.

ರೋಮ್ 6:14

ನಿಂಗ ನ್ಯಾಯಪ್ರಮಾಣತ್‍ರ ಅಡಿಕ್ ಬರತೆ, ಕೃಪೇರ ಅಡಿಕ್ ಬಂದಿತುಳ್ಳಗುಂಡ್ ಪಾಪ ನಿಂಗಳ ಆಳುವಕ್ ಕಯ್ಯುಲೆ.

ರೋಮ್ 6:18

ಇಕ್ಕ ನಿಂಗ ಪಾಪತ್ಂಜ ಬುಡುಗಡೆ ಆಯಿತ್ ನೀತಿರ ಅಡಿಯಾಳಾಯಿತುಳ್ಳಿರ.

ರೋಮ್ 6:21

ಆ ಕಾಲತ್‍ಲ್ ನಿಂಗಕ್ ಎಂತ ಲಾಬ ಕ್‍ಟ್ಟ್‌ಚಿ? ಅದ್‍ನ ಗೇನ ಮಾಡ್‌ವಕ, ಇಕ್ಕ ಅವಮಾನವಾಯಿತುಂಡ್. ಅದ್ಂಡ ಪ್ರತಿಫಲ ಚಾವ್.

ರೋಮ್ 7:25

ಇಕ್ಕ, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ದೇವಕ್ ವಂದನೆ ಮಾಡ್‌ವಿ. ಆನಗುಂಡ್, ನಾನ್ ನಾಡ ಮನಸ್ಸ್‌ರಗುಂಡ್ ದೇವಡ ನ್ಯಾಯಪ್ರಮಾಣಕು, ಆಚೇಂಗಿ, ನಾಡ ಪಾಪತ್‍ರ ಗುಣತ್‍ರಗುಂಡ್, ಪಾಪತ್‍ರ ಕಾನೂನ್‍ಕು ಸೇವೆ ಮಾಡಿಯಂಡುಳ್ಳ.

ರೋಮ್ 7:4

ಅನ್ನನೆ, ನಾಡ ಅಣ್ಣತಮ್ಮಣಂಗಳೇ, ನಿಂಗಳು ಸಹ, ಕ್ರಿಸ್ತಂಡ ತಡೀರ ಮೂಲಕ ನ್ಯಾಯಪ್ರಮಾಣಕ್ ಚತ್ತ್ ಪೋಯಿತುಳ್ಳಿರ. ಆನಗುಂಡ್, ದೇವಕಾಯಿತ್ ಫಲ ಕೊಡ್‍ಪನೆಕೆ, ಚಾವ್‍ಯಿಂಜ ಜೀವವಾಯಿತ್ ಬಂದ ಬೋರೆ ಒಬ್ಬಂಗ್ ಕೂಡ್‍ನಯಿಂಗಳಾಯಿತುಳ್ಳಿರ.

ರೋಮ್ 8:2

ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತ ಯೇಸುರಲ್ಲಿ ಉಳ್ಳ ಐಕ್ಯತ್‍ಲ್ ನಂಗಕ್ ಜೀವ ತಪ್ಪ ಪವಿತ್ರಾತ್ಮತ್‍ರ ಕಾನೂನ್, ನನ್ನ ಪಾಪ ಪಿಂಞ ಚಾವ್‍ರ ಕಾನೂನಿಂಜ ಬುಡುಗಡೆ ಮಾಡ್‍ಚಿ.

1 ಕೊರಿಂಥ 7:22

ದೇವ ನಿಂಗಳ ಕಾಕ್‍ವಕ ನಿಂಗ ಒರ್ ಅಡಿಯಾಳಾಯಿತ್ ಇಂಜತೇಂಗಿಯು, ಒಡೆಯಂಡಲ್ಲಿ ನಿಂಗ ಇಕ್ಕ ಸ್ವಾತಂತ್ರವಾಯಿತುಳ್ಳಿರ. ಅನ್ನನೆ ದೇವ ನಿಂಗಳ ಕಾಕ್‍ವಕ ನಿಂಗ ಸ್ವಾತಂತ್ರ ಮನುಷ್ಯನಾಯಿತ್ ಇಂಜತೇಂಗಿಯು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಅಂವೊ ಎಣ್ಣ್‌ವಾನ ಮಾಡ್‌ವಗುಂಡ್ ನಿಂಗ ಇಕ್ಕ ಅಂವೊಂಗ್ ಅಡಿಯಾಳಾಯಿತುಳ್ಳಿರ.

2 ಕೊರಿಂಥ 3:17

ಇಕ್ಕ ಒಡೆಯನೇ ಆತ್ಮವಾಯಿತುಂಡ್; ಒಡೆಯಂಡ ಆತ್ಮ ಎಲ್ಲಿ ಉಂಡೋ ಅಲ್ಲಿ ಬುಡುಗಡೆ ಉಂಡ್.

ಗಲಾತ್ಯ 1:10

ಇಕ್ಕ ನಾನ್ ಮನುಷ್ಯಂಡ ಅಂಗಿಕಾರಕಾಯಿತಾ ಅಥವ ದೇವಡ ಅಂಗಿಕಾರಕಾಯಿತಾ, ಎಂತಂಗಾಯಿತ್ ಪೇಚಾಡಿಯಂಡುಂಡ್? ಅಲ್ಲತೆ ಮನುಷ್ಯನ ಕುಶಿಪಡ್‌ತ್‌ವಕಾಯಿತ್ ನಾನ್ ಮಾಡಿಯಂಡುಂಡಾ? ನಾನ್ ಇಂಞು ಮನುಷ್ಯನ ಕುಶಿಪಡ್‍ತ್‌ಂವೊನಾಯಿತ್ ಉಂಡೇಂಗಿ ನಾನ್ ಕಂಡಿತವಾಯಿತ್ ದೇವಡ ಸೇವಕನಲ್ಲ.

ಗಲಾತ್ಯ 5:13

ನಾಡ ಅಣ್ಣತಮ್ಮಣಂಗಳೇ, ನಿಂಗ ಇಕ್ಕ ಸ್ವಾತಂತ್ರವಾಯಿತ್ ಬದ್‍ಕ್‍ವಕ್ ದೇವ ನಿಂಗಳ ಕಾಕ್‍ಚಿ, ನಿಂಗಕ್ ಕ್‍ಟ್ಟ್‌ನ ಈ ಸ್ವಾತಂತ್ರತ್‍ನ ನಿಂಗಡ ಇಚ್ಛೆರನೆಕೆ ಪಾಪತ್‍ರ ಗುಣತ್‍ಲ್ ನಡ್‍ಪಕ್ ಉಪಯೋಗಿಚಿಡತಿ. ಆಂಡ ಬದ್‍ಲ್ ನಿಂಗ ಪ್ರೀತಿಲ್ ಒಬ್ಬಂಗ್ ಒಬ್ಬ ಸೇವೆ ಮಾಡಿ.

ಗಲಾತ್ಯ 5:22

ಪವಿತ್ರಾತ್ಮತ್‍ರ ಫಲ ಎಂತ ಎಣ್ಣ್‌ಚೇಂಗಿ, ಪ್ರೀತಿ, ಸಂತೋಷ, ಸಮಾದಾನ, ಸಹಿಸುವ ಶಕ್ತಿ, ಕರುಣೆ, ನಲ್ಲರಿಕೆ, ನಂಬಿಕೆ,

ಎಫೆಸ 5:9

ಬೊಳಿರ ಫಲ, ಎಲ್ಲಾ ನಲ್ಲ ಗುಣತ್‍ಲ್, ನೀತಿಲ್ ಪಿಂಞ ಸತ್ಯತ್‍ಲ್ ಇಪ್ಪ.

ಫಿಲಿಪ್ಪಿ 1:11

ಅದಲ್ಲತೆ ಇಲ್ಲಿಯತ್‍ರ ನಿಂಗಡ ಬದ್‍ಕ್ ಯೇಸು ಕ್ರಿಸ್ತನಗುಂಡ್ ಮಾತ್ರ ಕ್‍ಟ್ಟ್‌ವ ನೀತಿರ ಗುಣತ್‍ಲ್ ದುಂಬ್‍ನದಾಯಿತ್ ಇಪ್ಪ. ಅನ್ನನೆ ದೇವಕ್ ಮಾತ್ರ ಮಹಿಮೆ ಪಿಂಞ ತುದಿ ಆಡ್.

ಫಿಲಿಪ್ಪಿ 4:17

ನಾನ್ ನಿಂಗಡಗುಂಡ್ ಸಹಾಯ ಮಾತ್ರ ನೋಟಿಯಂಡ್ ಇರತೆ, ನಿಂಗ ಮಾಡ್‍ನ ಸಹಾಯಕ್ ದೇವ ನಿಂಗಕ್ ದುಂಬ ಫಲ ತರಂಡೂಂಡ್ ಬೋಡುವಿ.

ಕೊಲೊಸ್ಸೆ 1:10

ಅಕ್ಕ, ನಿಂಗ ಒಡೆಯಂಗ್ ಯೋಗ್ಯವಾನ ಬದ್‍ಕ್ ಬದ್‌ಕಿತ್, ಎಲ್ಲಾ ರೀತಿಲ್ ಅಂವೊನ ಕುಶಿ ಪಡ್‍ತಿತ್, ಎಲ್ಲಾ ತರತ್‍ರ ನಲ್ಲ ಕೆಲಸತ್‌ರ ಫಲತ್‍ನ ಕೊಡ್‌ತಿತ್, ದೇವನ ಗೊತ್ತಾಪಕುಳ್ಳ ಅಂವೊಂಡ ಬುದ್ದಿಲ್ ಬೊಳಿವಿರ.

ಕೊಲೊಸ್ಸೆ 4:12

ಕ್ರಿಸ್ತ ಯೇಸುರ ಸೇವಕನು, ನಿಂಗಡ ಪಟ್ಟಣಕ್ ಕೂಡ್‍ನಂವೊನಾನ ಎಪಫ್ರ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್. ಅಂವೊ ನಿಂಗಕಾಯಿತ್ ಎಕ್ಕಾಲು ದೇವಡ ಪಕ್ಕ ನೇರಾಯಿತು ಪ್ರಾರ್ಥನೆ ಮಾಡಿಯಂಡುಂಡ್. ದೇವ ನಿಂಗಳ ಬಲ ಉಳ್ಳಯಿಂಗಳಾಯಿತ್ ಮಾಡಂಡೂಂದು, ನಿಂಗ ಏದ್ ತಪ್ಪಿಲ್ಲತಯಿಂಗಳಾಯಿತು, ನಿಂಗಕ್ ದೇವಡ ಚಿತ್ತ ಪೂರ್ತಿ ಗೊತ್ತಾಂಡೂಂದೂ ಅಂವೊ ಪ್ರಾರ್ಥನೆ ಮಾಡಿಯಂಡುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:1

ದೇವಡ ಸೇವಕನಾಯಿತು, ಯೇಸು ಕ್ರಿಸ್ತಂಡ ಅಪೊಸ್ತಲನಾಯಿತು ಉಳ್ಳ ಪೌಲನಾನ ನಾನ್, ನಂಗಕುಳ್ಳ ಒರೇ ತರ ನಂಬಿಕೇರೆ ಮೂಲಕ ಕ್ರಿಸ್ತನಗುಂಡ್ ನಾಕ್ ನೇರಾನ ಮೋಂವೊನಾಯಿತ್ ಉಳ್ಳ ತೀತಂಗ್ ಒಳ್‍ದ್‍ವ ಕಾಗದ ಇದ್.

ಇಬ್ರಿಯ 12:14

ಎಕ್ಕಾಲು ಎಲ್ಲಾ ಜನಡ ಕೂಡೆಯು ಸಮಾದಾನತ್‍ಲ್ ಬದ್‌ಕಿತ್ ಪವಿತ್ರವಾಯಿತ್ ಇಪ್ಪಕ್ ಪ್ರಯತ್ನ ಪಡಿ; ಪವಿತ್ರವಾಯಿತ್ ಇಲ್ಲತ ಒಬ್ಬನು ಒಡೆಯನ ಕಾಂಬಕ್ ಕಯ್ಯುಲೆ.

ಯಾಕೋಬ 1:1

ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಸೇವಕನಾನ ಯಾಕೋಬ, ಬೋರೆ ಬೋರೆ ನಾಡ್‍ಲ್ ಚದ್‌ರಿ ಪೋಯಿತುಳ್ಳ ಪನ್ನೆರಂಡ್ ಕುಲತ್‍ರ ಜನಕ್ ವಂದನೆ ಮಾಡಿತ್ ಒಳ್‍ದ್‍ವ ಕಾಗದ ಇದ್.

1 ಪೇತ್ರ 1:9

ನಿಂಗ ಅಂವೊನ ನಂಬ್‍ನಾಂಗ್ ನಿಂಗಕ್ ಕ್‍ಟ್ಟುವ ಫಲ ನಿಂಗಡ ಆತ್ಮಕ್ ಕ್‍ಟ್ಟುವ ರಕ್ಷಣೆಯಾಯಿತ್‌ಪ್ಪ.

1 ಪೇತ್ರ 2:16

ಬುಡ್‍ಗಡೆ ಆನಯಿಂಗಳಾಯಿತ್ ಬದ್‍ಕಿ, ಆಚೇಂಗಿ, ನಿಂಗಕ್ ಕ್‍ಟ್ಟ್‌ನ ಈ ಸ್ವಾತಂತ್ರತ್‍ನ ನಿಂಗಡ ಇಚ್ಛೆರನೆಕೆ ಪಾಪ ಮಾಡಿತ್ ಮುಚ್ಚ್‌ವಕ್ ಉಪಯೋಗಿಚಿಡತಿ; ದೇವಡ ಸೇವಕಂಗಡನೆಕೆ ಬದ್‍ಕಂಡು.

ಪ್ರಕಟನೆ 7:13

ಪೆರಿಯಯಿಂಗಡ ಕೂಟ್‌ಲ್ ಇಂಜ ಒಬ್ಬ ನನ್ನ ನೋಟಿತ್: ಬೊಳ್‍ತ ಬಟ್ಟೆ ಇಟ್ಟಂಡ್ ಉಳ್ಳ ಈಂಗ ದಾರ್? ಈಂಗೆಲ್ಲಾ ಎಲ್ಲಿಂಜ ಬಾತ್‍ೕಂದ್ ನನ್ನ ಕ್‍ೕಟತ್.