ರೋಮ್ 6:21 - ಕೊಡವ ಬೈಬಲ್

²¹ ಆ ಕಾಲತ್‍ಲ್ ನಿಂಗಕ್ ಎಂತ ಲಾಬ ಕ್‍ಟ್ಟ್‌ಚಿ? ಅದ್‍ನ ಗೇನ ಮಾಡ್‌ವಕ, ಇಕ್ಕ ಅವಮಾನವಾಯಿತುಂಡ್. ಅದ್ಂಡ ಪ್ರತಿಫಲ ಚಾವ್.

ರೋಮ್ 6:21 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:31

ಆನಗುಂಡ್, ಅಯಿಂಗ ಅಯಿಂಗಡ ನಡತೆರ ಫಲತ್‌ನ ಅನುಬವಿಚಿಡುವ; ಅಯಿಂಗಡ ಯೋಚನೇಲ್‌ ತೃಪ್ತಿಯಾಪ.

ಜ್ಞಾನತ್‌ರ ಪಡಿಮ 14:12

ಮನುಷ್ಯಂಗ್‌ ಸೆರೀಂದ್‌ ಕಾಂಬ ಒರ್‌ ಬಟ್ಟೆ ಉಂಡ್, ಆಚೇಂಗಿ ಕಡೇಕ್‌ ಅದ್‌ ಚಾವ್‌ಕ್‌ ಕೊಂಡ ಪೋಪ

ಜ್ಞಾನತ್‌ರ ಪಡಿಮ 16:25

ಮನುಷ್ಯಂಗ್‌ ಸೆರೀಂದ್‌ ಕಾಂಬ ಒರ್‌ ಬಟ್ಟೆ ಉಂಡ್, ಆಚೇಂಗಿ ಕಡೇಕ್‌ ಅದ್‌ ಚಾವ್‌ಕ್‌ ಕೊಂಡ ಪೋಪ.

ರೋಮ್ 1:32

ಇನ್ನನೆ ಮಾಡ್‌ವಯಿಂಗ ಮರಣಕ್ ಯೋಗ್ಯವಾನಯಿಂಗಾಂದ್ ದೇವಡ ನ್ಯಾಯತೀರ್ಪ್ ಅಯಿಂಗಕ್ ಗೊತ್ತುಂಡೇಂಗಿಯು, ಅಯಿಂಗ ಅದ್‍ನ ಮಾಡ್‍ವದಲ್ಲತೆ, ಇನ್ನನೆ ಕೆಟ್ಟ ಕೆಲಸ ಮಾಡ್‌ವಯಿಂಗಳ ಇಂಞು ಮಾಡ್‌ವಕ್ ಒತ್ತಾಸೆ ಕೊಡ್‍ಪಯಿಂಗಳಾಯಿತುಂಡ್.

ರೋಮ್ 5:12

ಅನ್ನನೆ, ಒರ್ ಮುನುಷ್ಯನಗುಂಡ್ ಪಾಪವು, ಪಾಪತ್‍ರಗುಂಡ್ ಚಾವು ಈ ಲೋಕತ್‍ಲ್ ಬಾತ್. ಇನ್ನನೆ ಎಲ್ಲಾರು ಪಾಪ ಮಾಡ್‍ನಗುಂಡ್, ಚಾವ್ ಎಲ್ಲಾರ್‌ಕು ಬಾತ್.

ರೋಮ್ 6:16

ಚಾವ್‍ಕ್ ಕಾರಣವಾಯಿತುಳ್ಳ ಪಾಪವಾಚೇಂಗಿಯು, ನೀತಿ ಕ್‍ಟ್ಟುವಕ್ ಕಾರಣವಾಯುತುಳ್ಳ ಬಗ್ಗಿತ್ ನಡ್‍ಪದಾಚೇಂಗಿಯು, ಎಂತದ್ಂಗ್ ಅಡಿಯಾಳಾಯಿತ್ ಬಗ್ಗಿತ್ ನಡ್‍ಪಕ್ ನಿಂಗಳ ಒಪ್ಪ್‌ಚಿಡುವಿರೋ, ಅದ್ಂಗೇ ಬಗ್ಗುವ ಅಡಿಯಾಳಾಯಿತಿಪ್ಪಿರಾಂದ್ ಗೊತ್ತ್‌ಲ್ಲೆಯ?

ರೋಮ್ 6:23

ಪಾಪತ್‍ರ ಸಂಬಳ ಚಾವ್; ದೇವಡ ಇನಾಮ್ ನಂಗಡ ಒಡೆಯನಾನ ಯೇಸು ಕ್ರಿಸ್ತನಗುಂಡ್ ಕ್‍ಟ್ಟ್‌ವ ನಿತ್ಯ ಜೀವ.

ರೋಮ್ 7:5

ನಂಗ ನಂಗಡ ಪಾಪತ್‍ರ ಗುಣಕ್ ಅಡಿಯಾಳಾಯಿತಿಪ್ಪಕ, ನ್ಯಾಯಪ್ರಮಾಣತ್‍ರಗುಂಡ್ ಎದ್ದಿತ್ ಬಂತ್ ಪಾಪತ್‍ರ ಇಚ್ಛೆ, ಚಾವ್‍ರ ಫಲ ತಪ್ಪನೆಕೆ, ನಂಗಡ ತಡೀರ ಬಾಗತ್‍ಲ್ ಕ್ರಿಯೆ ಮಾಡ್‍ಚಿ.

ರೋಮ್ 8:13

ಪಾಪತ್‍ರ ಗುಣತ್‍ಲ್ ನಿಂಗ ಬದ್‍ಕಿಯಂಡ್ ಇಂಜತೇಂಗಿ, ನಿಂಗ ಚತ್ತ್ ಪೋಪಿರ; ಪವಿತ್ರಾತ್ಮತ್‍ರಗುಂಡ್ ತಡೀರ ಕ್ರಿಯೇನ ನಿಂಗ ಪಾಳ್ ಮಾಡ್‍ಚೇಂಗಿ, ನಿಂಗ ಬದ್‍ಕ್‍ವಿರ.

ರೋಮ್ 8:6

ಪಾಪತ್‍ರ ಗುಣ ಕಾಟಿತಪ್ಪ ಬಟ್ಟೇಲ್ ನಡ್‍ಕಂಡೂಂದ್ ಉಳ್ಳ ಗೇನ, ನಂಗಳ ಆತ್ಮೀಯ ಚಾವ್‍ಕ್ ಬಲ್‍ಚಂಡ್ ಪೋಪ; ಆಚೇಂಗಿ, ದೇವಡ ಆತ್ಮ ಕಾಟಿತಪ್ಪ ಬಟ್ಟೇಲ್ ನಡ್‍ಕಂಡೂಂದ್ ಉಳ್ಳ ಗೇನ ನಂಗಳ ನೇರಾನ ಜೀವಕ್ ಪಿಂಞ ಸಮಾದಾನ ಉಳ್ಳ ಬದ್‍ಕ್‍ಕ್ ನಡ್‍ತಿಯಂಡ್ ಪೋಪ.

2 ಕೊರಿಂಥ 4:2

ಅದ್ಂಡ ಬದ್‍ಲ್, ಞಾಣ ಆಪಕುಳ್ಳ ಪಿಂಞ ಗುಟ್ಟಾಯಿತುಳ್ಳ ವಿಷಯತ್‍ನೆಲ್ಲಾ ನಂಗ ತ್‍ಕ್ಕಾರ ಮಾಡಿತ್, ಕಪಟಿಯರನೆಕೆ ನಡ್‍ಕತೆ, ದೇವಡ ವಾಕ್ಯತ್‍ನ ತಪ್ಪಾಯಿತ್ ಬೋದನೆ ಮಾಡಿಯಂಡಿಲ್ಲೆ. ಆಚೇಂಗಿ, ಸತ್ಯತ್‍ನ ಎಲ್ಲಾರ್‌ಕು ಗೊತ್ತಾಪನೆಕೆ ಅರಿಚಿಟ್ಟಿತ್, ದೇವಡ ಮಿಂಞತ್ ಎಲ್ಲಾ ಮನುಷ್ಯಂಗಡ ಮನಸಾಕ್ಷಿಕ್ ನಂಗ ಸತ್ಯವಂತಯಿಂಗಾಂದ್ ಕಾಂಬ್‍ಚಿಟ್ಟಂಡುಂಡ್.

2 ಕೊರಿಂಥ 7:11

ದೇವಡ ಚಿತ್ತತ್‍ರನೆಕೆ ಬಂದ ಈ ದುಃಖ ನಿಂಗಡಲ್ಲಿ ಎಚ್ಚಕ್ ಜಾಗ್ರತೆನ, ಎಚ್ಚಕ್ ನಿಂಗಳ ಗೊತ್ತಿಲ್ಲತಯಿಂಗಾಂದ್ ಕಾಂಬ್‍ಚಿಡುವಕ್, ಎಚ್ಚಕ್ ಪಗೇನ, ಎಚ್ಚಕ್ ಪೋಡಿನ, ಎಚ್ಚಕ್ ದುಂಬ ಆಸೇನ, ಎಚ್ಚಕ್ ಬಕ್ತಿನ, ಎಚ್ಚಕ್ ಕಂಡಿತತ್‍ನ ಉಂಟ್ ಮಾಡ್‍ಚಿ? ಈ ಎಲ್ಲಾ ವಿಷಯತ್‍ಲ್ ನಿಂಗ ನಿಂಗಳ ಶುದ್ದವಾನಯಿಂಗಾಂದ್ ಕಾಂಬ್‍ಚಿಟ್ಟಿತುಳ್ಳಿರ.

ಫಿಲಿಪ್ಪಿ 3:19

ಕೆಲತ್‍ರ ಇಚ್ಛೆಯೇ ಅಯಿಂಗಡ ದೇವ. ಅಯಿಂಗಕ್ ಞಾಣ ಆಪಕುಳ್ಳ ವಿಷಯತ್ ಅಯಿಂಗ ಬಡಾಯಿ ಮಾಡಿಯಂಡುಳ್ಳಗುಂಡ್ ಅಯಿಂಗಳೇ ಪಾಳಾಯಿ ಪೋಪ. ದೇವನ ಗೊತ್ತಿಲ್ಲತಯಿಂಗ ಗೇನ ಮಾಡಿಯಂಡುಳ್ಳನೆಕೆ ಈಂಗಳು ಗೇನ ಮಾಡಿಯಂಡುಂಡ್.

ಇಬ್ರಿಯ 10:29

ದೇವಡ ಮೋಂವೊನ ತಾಂಡ ಕಾಲ್‍ರ ಅಡಿಕ್ ಇಟ್ಟಿತ್ ಬೋಂಡಾಂದ್ ಎಣ್ಣಿತ್, ತನ್ನ ಪವಿತ್ರ ಮಾಡ್‍ನ ಒಪ್ಪಂದತ್‍ರ ಚೋರೆನ ಅಶುದ್ದಾಂದ್ ಗೇನ ಮಾಡಿತ್, ಕೃಪೇರ ಆತ್ಮತ್‌ನ ತ್‍ಕ್ಕಾರ ಮಾಡ್‌ವಂವೊ ಎಚ್ಚಕ್ ಬಲ್ಯ ದಂಡನೆಕ್ ಯೋಗ್ಯನಾಯಿತ್‌ಪ್ಪಾಂದ್ ಗೇನ ಮಾಡಿಯೊಳಿ.

ಇಬ್ರಿಯ 6:8

ಆಚೇಂಗಿ, ಮುಳ್ಳ್ ಗಿಡ ಪಿಂಞ ಕಚ್ಚಡತ್‌ನ ತಪ್ಪ ನೆಲ ದೇವಡ ಶಾಪಕ್ ತಕ್ಕಂತದಾಯಿತುಂಡ್. ತಿತ್ತ್‌ಕ್ ಇಡ್‌ವದೇ ಅದ್ಂಡ ಅಂತ್ಯ.

ಯಾಕೋಬ 1:15

ಪಿಂಞ ಇಚ್ಛೆ ಕುಳಿಮೆಯಾಯಿತ್ ಪಾಪ ಪುಟ್ಟ್‌ವ, ಪಾಪ ಪೂರ್ತಿಯಪಕ ಚಾವ್ ಬಪ್ಪ.

ಯಾಕೋಬ 5:20

ಪಾಳ್ ಬಟ್ಟೆಯಿಂಜ ಪಾಪಿನ ಪುನಃ ಕಾಕಿಯಂಡ್ ಬಪ್ಪಂವೊ ಒರ್ ಆತ್ಮತ್‌ನ ಮರಣತ್ಂಜ ಕಾಪಾಡಿತ್, ಆ ಪಾಪಿರ ದುಂಬ ಪಾಪತ್‍ನ ಮುಚ್ಚಿರ್‌ವಾಂದ್ ಗೊತ್ತಿರಡ್.

1 ಪೇತ್ರ 4:17

ದೇವಡ ನ್ಯಾಯತೀರ್ಪ್ ಅಂವೊಂಡ ಮಕ್ಕಡಲ್ಲಿಯೇ ಸುರು ಆಪಕುಳ್ಳ ಸಮಯವಾಯಿತುಂಡ್; ಅದ್ ನಂಗಡಲ್ಲಿಯೇ ಸುರು ಆಚೇಂಗಿ, ದೇವಡ ನಲ್ಲ ಸುದ್ದಿಕ್ ಕೆಮಿ ಕೊಡ್‌ಕತಯಿಂಗಡ ಸ್ತಿತಿ ಎನ್ನನೆ ಆಯಿತ್‌ಪ್ಪ?

1 ಯೋಹಾನ 2:28

ಇಕ್ಕ, ನಾಡ ಪ್ರೀತಿರ ಚೆರಿಯ ಮಕ್ಕಳೇ, ಅಂವೊ ಈ ಲೋಕಕ್ ಪ್ರತ್ಯಕ್ಷ ಆಪ ದಿವಸತ್‍ಲ್ ನಂಗ ಅಂವೊಂಡ ಮಿಂಞತ್‍ಲ್ ಒರ್ ಞಾಣ ಇಲ್ಲತೆ ದೈರ್ಯತ್‍ಲ್ ನಿಪ್ಪಕ್ ಅಂವೊಂಡ ಕೂಡೆ ಒಂದಾಯಿತ್ ಇರಂಡು.

ಪ್ರಕಟನೆ 16:6

ಅಯಿಂಗ ದೇವಡ ಮಕ್ಕಡ ಚೋರೆನ, ಪ್ರವಾದಿಯಡ ಚೋರೆನ ಚೆಲ್ಲ್‌ನಗುಂಡ್, ನೀನ್ ಅಯಿಂಗಕ್ ಕುಡಿಪಕಾಯಿತ್ ಚೋರೆನ ಕೊಡ್‍ತಿಯ; ಅದ್ಂಗ್ ಅಯಿಂಗ ಯೋಗ್ಯವಾಯಿತುಂಡ್‍ೕಂದ್ ಎಣ್ಣ್‌ನದ್ ನಾಕ್ ಕ್‍ೕಟತ್.

ಪ್ರಕಟನೆ 20:14

ಅಕ್ಕ, ಚಾವ್ ಪಿಂಞ ಪಾತಾಳತ್‍ನ ತಿತ್ತ್‌ರ ಕಡಲ್‍ಕ್ ಚಾಡಿರ್‌ತ್. ಇದ್ ದಂಡೆನೆ ಚಾವ್.