ರೋಮ್ 6:12 - ಕೊಡವ ಬೈಬಲ್

¹² ಆನಗುಂಡ್, ನಿಂಗಡ ತಡೀರ ಇಚ್ಛೆರನೆಕೆ, ಪಾಪಕ್ ಬಗ್ಗಿತ್ ನಡ್‍ಕತೆ, ಪಿಂಞ ನಾಶ ಆಯಿಪೋಪ ನಿಂಗಡ ತಡೀಲ್ ಪಾಪ ಆಳುವಕ್ ಬುಡತಿ.

ರೋಮ್ 6:12 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 4:7

ನೀನ್‌ ಸರಿಯಾನದ್‌ನ ಮಾಡಿತ್‌ಂಜಕ, ನಿನ್ನ ಸ್ವೀಕಾರ ಮಾಡ್‌ವಕಿಂಜಿತ್‌ಲ್ಲೆಯ? ಆಚೇಂಗಿ ನೀನ್‌ ನಲ್ಲದ್‌ ಮಾಡ್‌ವಕ್‌ ತ್‌ಕ್ಕಾರ ಮಾಡಿಚೇಂಗಿ, ಪಾಪ ನಿನ್ನ ಆಳ್‌ವಿಕೆ ಮಾಡ್‌ವಕ್‌ ಪಿಂಞ ನಾಶ ಮಾಡ್‌ವಕ್‌ ಪಡಿರ ಪಕ್ಕ ಪಾರಕಾತಂಡಿಪ್ಪ, ಆಚೇಂಗಿ ನೀನ್‌ ಅದನ ಆಳಂಡು.

ರೋಮ್ 13:14

ಆಚೇಂಗಿ, ತಡೀರ ಮೋಹಕಾಯಿತ್ ತಡೀನ ನೋಟತೆ, ಒಡೆಯನಾನ ಯೇಸು ಕ್ರಿಸ್ತನ ಇಟ್ಟೊಳಿ.

ರೋಮ್ 2:8

ಆಚೇಂಗಿ, ಅಯಿಂಗಕಾಯಿತೇ ಬದ್‍ಕಿಯಂಡ್, ಸತ್ಯತ್‍ರನೆಕೆ ಮಾಡತೆ, ಅನ್ಯಾಯ ಮಾಡಿಯಂಡುಳ್ಳಯಿಂಗಡ ಮೇಲೆ ದೇವಡ ಚೆಡಿಯು, ಬಲ್ಯ ಚೆಡಿಯು ಬಪ್ಪ.

ರೋಮ್ 5:21

ಆನಗುಂಡ್, ಪಾಪತ್‍ರ ಮೇಲೆ ಚಾವ್‍ಕ್ ಜಯ ಕ್‍ಟ್ಟ್‌ನನೆಕೆ, ದೇವಡ ಕೃಪೆಯು ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ನಿತ್ಯ ಜೀವತ್‍ನ ತಂದಿತ್, ನೀತಿರಗುಂಡ್ ಜಯ ಕ್‍ಟ್ಟ್‌ವನೆಕೆ ಮಾಡ್‍ಚಿ.

ರೋಮ್ 6:14

ನಿಂಗ ನ್ಯಾಯಪ್ರಮಾಣತ್‍ರ ಅಡಿಕ್ ಬರತೆ, ಕೃಪೇರ ಅಡಿಕ್ ಬಂದಿತುಳ್ಳಗುಂಡ್ ಪಾಪ ನಿಂಗಳ ಆಳುವಕ್ ಕಯ್ಯುಲೆ.

ರೋಮ್ 6:16

ಚಾವ್‍ಕ್ ಕಾರಣವಾಯಿತುಳ್ಳ ಪಾಪವಾಚೇಂಗಿಯು, ನೀತಿ ಕ್‍ಟ್ಟುವಕ್ ಕಾರಣವಾಯುತುಳ್ಳ ಬಗ್ಗಿತ್ ನಡ್‍ಪದಾಚೇಂಗಿಯು, ಎಂತದ್ಂಗ್ ಅಡಿಯಾಳಾಯಿತ್ ಬಗ್ಗಿತ್ ನಡ್‍ಪಕ್ ನಿಂಗಳ ಒಪ್ಪ್‌ಚಿಡುವಿರೋ, ಅದ್ಂಗೇ ಬಗ್ಗುವ ಅಡಿಯಾಳಾಯಿತಿಪ್ಪಿರಾಂದ್ ಗೊತ್ತ್‌ಲ್ಲೆಯ?

ರೋಮ್ 8:11

ಅದಲ್ಲತೆ, ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟಂವೊಂಡ ಆತ್ಮ ನಿಂಗಡ ಒಳ್‍ಲ್ ವಾಸಮಾಡಿಯಂಡಿಂಜತೇಂಗಿ, ಕ್ರಿಸ್ತ ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟಂವೊ, ನಿಂಗಡಲ್ಲಿ ವಾಸ ಮಾಡಿಯಂಡುಳ್ಳ ತಾಂಡ ಆತ್ಮತ್‍ರಗುಂಡ್ ಚತ್ತ್ ಪೋಪಕುಳ್ಳ ನಿಂಗಡ ತಡೀನ ಸಹ ಎಪ್ಪ್‌ಚಿಡುವ.

ರೋಮ್ 8:13

ಪಾಪತ್‍ರ ಗುಣತ್‍ಲ್ ನಿಂಗ ಬದ್‍ಕಿಯಂಡ್ ಇಂಜತೇಂಗಿ, ನಿಂಗ ಚತ್ತ್ ಪೋಪಿರ; ಪವಿತ್ರಾತ್ಮತ್‍ರಗುಂಡ್ ತಡೀರ ಕ್ರಿಯೇನ ನಿಂಗ ಪಾಳ್ ಮಾಡ್‍ಚೇಂಗಿ, ನಿಂಗ ಬದ್‍ಕ್‍ವಿರ.

2 ಕೊರಿಂಥ 4:11

ಎನ್ನನೆ ಎಣ್ಣ್‌ಚೇಂಗಿ, ಚತ್ತ್ ಪೋಪಕುಳ್ಳ ನಂಗಡ ತಡೀಲ್, ಯೇಸುರ ಜೀವ ಗೊತ್ತಾಪಕಾಯಿತ್ ಬದ್‍ಕಿಯಂಡುಳ್ಳ ನಂಗ ಎಕ್ಕಾಲು ಯೇಸುರಗುಂಡ್ ಚಾವಕ್ ಒಪ್ಪ್‌ಚಿಟ್ಟಯಿಂಗಡನೆಕೆ ಉಂಡ್.

2 ಕೊರಿಂಥ 5:4

ಈ ಗುಡಾರತ್‍ಲ್ ವಾಸ ಮಾಡಿಯಂಡುಳ್ಳ ನಂಗ ನೆರ್ಂಗಿಯಂಡ್ ಬಾರತ್‍ನ ಪೊರ್‍ತಂಡುಂಡ್; ಚಾವ್ ಜೀವತ್‍ರಗುಂಡ್ ಬದ್‍ಲಾಪಕಾಯಿತ್, ಈ ಬಟ್ಟೇನ ಕಳೆಯುವಕ್ ನಂಗ ಕುಶಿ ಪಡತೆ, ಪರಲೋಕತ್‍ರ ಬಟ್ಟೇನ ಇಡ್‌ವಕ್ ಕುಶಿಪಟ್ಟಂಡುಂಡ್.

ಗಲಾತ್ಯ 5:16

ಆನಗುಂಡ್, ನಾನ್ ನಿಂಗಕ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ, ಪವಿತ್ರಾತ್ಮ ಕಾಟುವ ಬಟ್ಟೇಲ್ ನಿಂಗ ನಡ್ಂದೋಳಿ, ಅಕ್ಕ ನಿಂಗಡ ಶರೀರತ್‍ಲ್ ಉಳ್ಳ ಪಾಪತ್‍ರ ಗುಣ ನಿಂಗಳ ನಡ್‍ತುವಕ್ ಬುಡುಲೆ.

ಗಲಾತ್ಯ 5:24

ಯೇಸು ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಉಂಡ್‍ೕಂದ್ ಎಣ್ಣ್‌ವಯಿಂಗೆಲ್ಲಾ, ಅಯಿಂಗಡ ಪಾಪತ್‍ರ ಗುಣತ್‍ನ, ಅದ್ಂಡ ಆಸೆ ಪಿಂಞ ಇಚ್ಛೆನೆಲ್ಲಾ ಶಿಲುಬೇಲ್ ಇಟ್ಟಿತ್‌ಪ್ಪ.

ಎಫೆಸ 2:3

ನಂಗಳು ಸಹ ಅನ್ನನೆ ನಂಗಡ ತಡೀರ ಇಚ್ಛೆರ ಪ್ರಕಾರ ನಡ್ಂದಂಡ್, ನಂಗಡ ತಡಿ ಪಿಂಞ ಮನಸ್ಸ್ ಇಷ್ಟ ಪಟ್ಟಾನ ಮಾಡಿಯಂಡ್ ಇಂಜತ್. ಅನ್ನನೆ ನಂಗಡ ಪಾಪ ಗುಣತ್‍ರ ಪ್ರಕಾರ ಬೋರೆಯಿಂಗಡನೆಕೆ ದೇವಡ ಬಲ್ಯ ಚೆಡಿರ ಮಕ್ಕಳಾಯಿತ್ ಶಿಕ್ಷೆಕ್ ಒಳಪಟ್ಟಿತ್ಂಜತ್.

ಎಫೆಸ 4:22

ಆನಗುಂಡ್, ಪಂಡತ ಬದ್‍ಕ್‍ರ, ಇಚ್ಛೆಯಿಂಜ ನಿಂಗಳ ಪಾಳ್ ಮಾಡ್‌ವ ಪಳೆಯ ಮನುಷ್ಯನ ಉತ್ತಿತ್ ಕಳೆಯುವಿರ.

1 ಥೆಸಲೊನೀಕ 4:5

ದೇವನ ನಂಬತಯಿಂಗ ಪಿಂಞ ಗೊತ್ತಿಲ್ಲತಯಿಂಗ ಬದ್‍ಕ್‍ವನೆಕೆ, ಮೋಹತ್‍ಲ್ ಬದ್‍ಕವಕ್ಕಾಗ.

2 ತಿಮೊಥೆಯ 2:22

ಬಾಲ್ಯ ವಯಸ್ಸ್‌ಲ್ ಬಪ್ಪ ಇಚ್ಛೆಯಿಂಜ ನೀ ಓಡಿ ಪೋ. ನೀತಿ, ನಂಬಿಕೆ, ಪ್ರೀತಿ, ಸಮಾದಾನತ್‍ನ ಪಡೆಯುವಕ್ ಶುದ್ದ ಹೃದಯತ್ಂಜ ಒಡೆಯನ ಆರಾದನೆ ಮಾಡ್‌ವಯಿಂಗಡ ಕೂಡೆ ಅದ್‍ನ ಪಡೆಯುವಕ್ ಪೇಚಾಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:12

ಆನಗುಂಡ್ ಈ ಕೃಪೆ ದೇವಡ ಮೇಲೆ ಬಕ್ತಿಲ್ ಬದ್‍ಕ್‍ವಕ್ ಪಿಂಞ ಈ ಲೋಕತ್‍ರ ಮೇಲೆ ಉಳ್ಳ ಆಸೇನ ಬುಟ್ಟಿತ್ ಬದ್‍ಕ್‍ವಕ್ ನಂಗಕ್ ಎಣ್ಣಿ ಕೊಡ್‍ಪ. ಪಾಪ ದುಂಬ್‍ನ ಈ ಲೋಕತ್‍ಲ್, ನಂಗ ಜ್ಞಾನ ಉಳ್ಳಯಿಂಗಳಾಯಿತ್, ನೀತಿ ಉಳ್ಳಯಿಂಗಳಾಯಿತ್ ದೇವಡ ಮೇಲೆ ಬಕ್ತಿ ಉಳ್ಳಯಿಂಗಳಾಯಿತ್ ಬದ್‍ಕ್‍ವಕ್ ಸಹಾಯ ಮಾಡ್‌ವ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:3

ಎನ್ನಂಗೆಣ್ಣ್‌ಚೇಂಗಿ, ಒರ್ ಸಮಯತ್‍ಲ್ ನಂಗ ಸಹ ಮುಠಾಳಂಗಳಾಯಿತ್, ದಾಡ ತಕ್ಕ್‌ನ ಕೇಕತಯಿಂಗಳಾಯಿತ್, ವಂಚನೆ ಮಾಡ್‌ವಯಿಂಗಳಾಯಿತ್, ಎಲ್ಲಾ ತರ ಆಸೆ ಪಿಂಞ ಇಚ್ಛೆಕ್ ಅಡಿಯಾಳಾಯಿತ್, ಜನ ಕಷ್ಟಪಡ್‌ವಕ್ ಕುಶಿಪಡ್‌ವಯಿಂಗಳಾಯಿತ್, ಹೊಟ್ಟೆಕಿಚ್ಚ್‌ಲ್ ಬದ್‍ಕಿಯಂಡ್, ಬೋರೆಯಿಂಗ ನಂಗಳ ವಿರೋದಿಚಿಡ್‍ವನೆಕೆ ಪಿಂಞ ಒಬ್ಬನ ಒಬ್ಬ ವಿರೋದಿಚಿಟ್ಟಂಡ್ ಇಂಜತ್.

1 ಪೇತ್ರ 1:14

ನಿಂಗ ಯೇಸುನ ನಂಬ್‍ನಯಿಂಗಳಾಯಿತ್ ಉಳ್ಳಾಂಗ್, ಅಂವೊ ಎಣ್ಣುವಾನ ಮಾಡಿಯಂಡ್ ಇರಿ. ನಿಂಗಡ ಪಳೆಯ ಬದ್‍ಕ್‍ಲ್ ಗೊತ್ತ್‌ಲ್ಲತೆ ಮಾಡಿಯಂಡಿಂಜ ಇಚ್ಛೆರನೆಕೆ ಮಡ್‌ವಕ್ಕಾಗ.

1 ಪೇತ್ರ 2:11

ನಾಡ ಪ್ರೀತಿರ ಜನಳೇ, ಈ ಲೋಕತ್‍ಲ್ ಚೆನ್ನ ಕಾಲ ಮಾತ್ರ ಬದ್‍ಕ್‍ವಯಿಂಗಳಾಯಿತ್, ಮನೆ ಇಲ್ಲತಯಿಂಗಡನೆಕೆ ಇಪ್ಪ ನಿಂಗಳ ನಾನ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ: ನಿಂಗಡ ಆತ್ಮಕ್ ವಿರೋದವಾಯಿತ್ ಯುದ್ದ ಮಾಡ್‌ವ ಪಾಪತ್‍ರ ಗುಣತ್‍ನ ಕಳೆಯಂಡು.

ಯೂದ ಒಳ್‍ದ್‍ನ ಕಾಗದ 1:16

ಈಂಗ ಗೊಣಗುವಯಿಂಗಳು, ಕುತ್ತಪರಿಯುವಯಿಂಗಳು, ತಂಗಡ ತಂಗಡ ಕೆಟ್ಟ ಆಸೆನೆ ಪೂರ್ತಿ ಮಾಡ್‌ವಯಿಂಗಳಾಯಿತುಂಡ್. ಅಯಿಂಗ ಅಯಿಂಗಳ ಹೊಗಳ್‍ಚಿಟ್ಟಂಡ್, ಅಯಿಂಗಕ್ ಬೋಂಡಿಯಾನದ್ ಕ್‍ಟ್ಟ್‌ವಕಾಯಿತ್ ಬೋರೆಯಿಂಗಳ ಕೊಂಡಾಡುವ.

ಯೂದ ಒಳ್‍ದ್‍ನ ಕಾಗದ 1:18

ಕಡೆ ಕಾಲತ್‍ಲ್ ಬಕ್ತಿಯಿಲ್ಲತ ತಂಗಡ ಸ್ವಂತ ಆಸೇನ ಪೂರೈಚಿಡುವ ಏಜುವಯಿಂಗ ಬಪ್ಪಾಂದ್ ಅಯಿಂಗ ನಿಂಗಕ್ ಎಣ್ಣಿತ್ಂಜತಲ್ಲ.